韓食媽媽韓國料理

營業中

休息中

昨天一家四口（包括兩個細路）到韓食媽媽韓國料理，吃了四人餐，再加一碗湯，買單$850 ，份量很少，味道一般甚至可以話差，中伏了！人均消費有乜可能寫或是＄1至$100呢！我們花費$200一位，應該吃得很滿意才對， 兩個細路食完呢間嗌肚餓，要去其他餐廳再食過，真老襯！見到人哋叫單人餐又好似食得幾開心，真唔明白，點解四人餐是如此刻薄，嗰碗湯都好貴㗎，又係冇乜料到，希望店主看到，好好改善一下四人餐的質素和服務，收得咁嘅價錢就應該提供合理的質量。

住係哩頭好幾年，成日想試哩間。今晚終於黎試下。哩間冇預訂的，5:30pm開門就walkin , 唔洗等位。店鋪大約有十張枱左右唔算好大，但店員好貼身，我地食左一個小時多，佢已經幫我地換鐵板三次同埋黎幫我地清潔個爐，包你唔會燒焦。讚👍🏻😋烤雜錦牛肉 400g $418套餐分別有：LA牛排骨 ，特級雪花牛肉，牛脷，去骨牛排骨肉通常唔想諗就叫套餐，咩都有可以試下唔同種類。哩個有四款，基本上四款都係好新鮮的，我就最愛牛排骨同特級雪花牛，但份量就比較少。牛脷就唔夠淋身。😋烤媽媽牛排骨 $218食完個套餐唔夠喉試下食哩個牛排骨，諗住佢得四件應該好少。嘩，點知超大件，仲要超好味。哩個成條好長仲要厚肉。佢燒幾耐都好淋唔會乾身。食落好juicy 同口感一流，牛味重。讚👍🏻下次黎一定再食。同埋哩個價錢好抵食。😋Soju x 1 + Korean Beer x 2 $93平時都飲開純味Soju 酒精濃度較高，但比溝了果味的更好飲。韓國人都喜歡溝啤酒，但咁樣溝真係好快醉。但哩個套餐都唔錯，我朋友飲啤酒，我飲Soju😂哩隻韓國啤都易入口，成件事就會越飲越多，出事。仲好掛住個媽媽牛排骨，真係好好味。同埋真係未試過

家常韓風之首嘗醬油蝦🦐醬油蝦相對比起醬油蟹係無咁鹹鮮多膏，但係就多肉啲，同埋肉質更加爽口彈牙～拌埋紫菜飯好香口～炸醬麵調味係對辦既，有蔬菜既甜美同濃郁既口感，不過麵條既質地就比較淋所以有啲失色泡菜豆腐湯好啱依家既天氣飲，好舒服，食完個人暖笠笠。泡菜豆腐湯當然唔係啲咩高難度食物，但係簡簡單單先係最好～真露 + 梨汁新嘗試，好飲！好易入口！又純又甜仲有果肉韓食媽媽價錢相宜，唔係啲咩fancy 嘢，但都食得好開心又滿足

幾乎去親筲箕灣做嘢都食今次食返個泡菜炒飯好夠味，啖啖都食到鹹味可能因為落得幾多油所以好香上面隻蛋煎得又香又脆不過唔係好食到泡菜味？多返啲辣味同幾塊菜會好啲碗紫菜湯嘅鹹度同個飯差唔多但又未至於到吸乾口水嘅程度如果有加錢買啲甜甜哋嘅飲品送飯會好啲ps. 堂食對筷子好扁好難揸，定只係我唔識揸？😂

東大街個樣似好多嘢食，但望真啲又好似冇乜選擇咁😅呢間韓國餐廳個樣好似幾地道咁就試吓佢炸醬麵正路煎餅一定要點個辣辣哋嘅魚露，成件事昇華晒，同去油膩感個炸雞嘅炸粉我媽媽哋，有啲嚡口同唔新鮮個薯角比啲炸粉包住都幾有趣嘅，但個炸粉 downgrade 咗佢呢個價錢我覺得唔值韓食媽媽炸醬麵 $78海鮮蔥煎餅 $78原味＆甜辣味無骨炸雞 $168📍筲箕灣

好耐之前食過記憶中佢唔差所以今次又嚟食午餐人參雞湯價錢唔過百我都覺得係抵雞胸嗰位好乾柴湯底 雞其他都正常拌飯好難做得唔好食不過料有啲少午餐都會再二訪嘅晚餐就試過一次 不了

今次來到筲箕灣，想吃一吃韓國既味道，一入座完全冇人招呼，自行掃安心掃針卡，自己簡位，一直都想落單都冇乜員工理會，看到全店好像只有一人在工作，真是辛苦了她最終點了一份辣牛肉湯跟飯同醬油蝦。前菜有4小碟：泡菜- 正常，不錯的。薯仔- 甜甜地，幾好食。菠菜， 芽菜- 完全冇味主食方面：醬油蝦，第一次食呢種野，平時食開醬油蟹蝦拆完殼，難以撈飯，6頭蝦都收得比較貴一點辣牛肉湯，真係世界級鹹，呢鋪鹹到阿媽都唔認得，加左大量飯都係咁鹹，要不停飲水，但職員又忙，添水都很困難咁真的想問問韓媽媽是否來至大海，重鹽人生嗎？個人感覺評分：食物味道 - 食物賣相 - 餐廳環境 - 店員服務 - 性價比 -

之前食過呢間既醬油蟹之後就一直心心念念一直想食多次終於開翻晚市堂食當日即刻去左！好彩都唔洗等好耐😙-🥢炸醬麵$80份量偏小 不過炸醬份量足！肉同蔬菜粒都好多另外仲有半隻蛋不過食落去味道普通有啲似我平時買一包包即食都煮到既味同時價錢偏貴-🥢辣炒魷魚$100唔算好辣 魷魚份量都算多另外有大量紅蘿蔔，洋蔥同翠肉瓜個汁係同辣炒年糕個汁一模一樣-🥢醬蟹+蝦set $270一set有一隻蟹三隻蝦另外有配紫菜食蟹肉鮮甜😋 加埋少少汁撈飯超級正比較失望既係今次隻蟹冇乜膏🙁🙁-蝦就得一隻明顯見到頭部好多膏其餘兩隻都冇乜不過蝦肉都算厚實👍🏻-整體上呢間算貴但由韓國人打理都算係咁有機會會再試其他😋

嗌左個牛肉石鍋拌飯同牛排骨湯跟飯，埋單$150，唔算係超貴但一定唔抵食⋯牛肉石鍋拌飯：得個幾片牛肉碎，加埋都唔知有冇一片完整嘅牛肉片🤷‍♂️個飯又乾又唔好食，真係幾肚餓都食唔落牛排骨湯跟飯：老實講個湯真係完全冇牛肉味，正確來講係得咸味而且仲要唔係好夠咸。入面有幾件排骨，有一件有肉但咬唔爛，牛肉乾咁🤣 個湯仲有好多塊蘿蔔片嘅，不過見到個湯我真係唔知點食好。兩個set都有跟小菜，小菜幾好食，不過唔知有冇得添

我1345透過外賣app落單，揀左1400取，我大概1403到，問訂單有未，當時職員話未準備好，咁我諗住15分鐘未ready其實都正常，於是係出面等，結果等到大概1426都未有得拎，apps亦都顯示餐點仍在準備中，今日既氣溫係9度再加落雨，終於頂唔順入去問夠竟ready未，點解要等成9個字（由1345落單起計），結果職員立即係收銀處拎出我既外賣，我當然即刻問點解無人出黎講訂單ready，佢竟然反問我有無入過黎問，完全唔專業！非常差既體驗，以後都唔會幫襯！

🍽：韓食媽媽韓國餐廳⋯《🖤開胃小菜》(Free) ⭐️7.5/10有芽菜、泡菜、甜薯仔🥔，泡菜開胃，甜薯仔係其他韓國餐廳比較少見，幾特別😙⋯《🍙紫菜卷飯》($40) ⭐️6/10有十大舊紫菜卷飯，入面有波菜、紅蘿蔔、火腿、蛋絲、醃蘿蔔，正正常常啦😙，略嫌芝麻油唔夠多🤣⋯《🥓泡菜豬肉煲》($60) ⭐️7/10配有白飯，有大量泡菜，所以味道好濃🤣，湯汁餸飯一流😙，但得好少豬肉片🥲，得3-4小塊，有啲唔夠喉🤭⋯《🐙軟滑豆腐海鮮煲》($60) ⭐️8/10配有白飯，好多豆腐😝，熱辣辣好餸飯😚，海鮮有章魚、蜆、同蝦，味道比起泡菜豬肉煲鮮甜啲，泡菜豬肉煲就偏鹹啲濃味啲😛

做冬晚上我們一行5人六時許到達，沒有訂座，可即時入座。由於是B類食市，中間要間板，仲要是白色實色板，大殺風景。座位非常逼，一張8人長枱兩枱客，與陌生人全沒有距離。前菜四人是(1)薯仔(2)泡菜(3)芽菜(4)波菜，間板隔離的一位前菜是(1)泡菜(2)芽菜(3)波菜，沒有薯仔，也不設免費refill。有倆款四人套餐，我們選了$618那款，另一款平小小有羊肉的。店員先放下這個3層架，初時中層有兩件很像羊架的肉，經詢問，原來給錯了較平的4人套餐。店員為我們換了中間那碟肉，但其實換完後我覺得不太像我們叫的套餐。不過我們實在有點難溝通，所以我沒有再追問了!我們的四人套餐有4款牛肉，2款豬肉，烤魷魚(忘記影相)，烤雜菜。有配一籃生菜，可refill。套餐的炒雜菜粉絲，味道不錯，不多油。套餐可選海鮮蔥煎餅或泡菜豬肉煎餅，我們選了泡菜豬肉煎餅，煎得不夠香，味道普通。散叫韓式豬手(小)，豬手肉沒什麼味道，豬手皮好肥膩。白飯$10一碗。有一件食韓燒我第一次遇見的事，當鐡板燶了時，不是換鐡板，而是用紙巾抺，真要看個人接不接受到。整體一般，座位逼，店員有禮，食物可以，清潔......

今天天氣凍，點了石窩豬肉飯及烤肉飯午餐。食物熱騰騰上枱，份量算大，好味，吃完暖入心，好滿足。一定會再來。還有很多東西想試…..服務員足夠，上菜速度快，價錢合理，是不錯的小店。

好地道既韓國味道雖然沒有點韓燒食品,點了一些大眾喜愛嘅石頭鍋飯.芝士辣味海鮮炒年糕同燒餅!每樣都跟去首爾出差吃的味道很像！上主菜前少不了前菜😝最喜歡甜蕃薯和泡菜.感覺上不是很多地方可以吃道甜蕃薯呢～份量不少.二人吃得肚子脹脹!加埋啤酒～大滿足呀❤️

東大街出名多野食 今日黎左韓食媽媽食lunch店員都係韓國人 多左一份地道既感覺而且溝通都絕對無問題👍🏻除左Lunch set之後 都可以散叫牛肉石頭鍋飯石頭鍋燒到慶合合 攪拌既時候要快手 唔係d飯焦好易燶😝辣炒年糕年糕係屬於比較幼身同細條 似係平時係超級市場買到一包包個D所以唔算特別煙un 但味道搭夠 亦都有好多魚糕做配襯海鮮煎餅🦐足料既海鮮配上脆卜卜既煎餅好食 亦都唔會蔥多過麵粉 岩曬我呢d唔係太好蔥做煎餅底既人原味甜辣無骨炸雞叫左半半既味道 但相比起黎 甜辣就比較惹味d炸雞既肉亦十分juicy 外脆內軟而且無骨炸雞啖啖肉 正🤤