韓雅林 (已易手) 新餐廳

冷鋒襲港，出門圍上了一圈毛頸巾，還是不夠暖，問友今晚不如吃些熱食吧？不吃打邊爐，改為燒一燒吧！出發！選擇<韓雅林>的原因是:首先，本人長期光顧這間，吃慣了它的味道，食材新鮮，份量不欺人（不是很大份但不少）。第二，抽風系統效能不錯，不會令人吃至汗流浹背，而且沒有討厭的油煙味。第三，時常保持燒爐的清潔，如果有燒焦了，侍應很自覺會為客人更換，同時這樣燒比較健康！燒焦物容易致有害物質。最後，因為有甜品送，令人心花怒放！泡菜啊泡菜，每款都好好吃啊！友人最愛大白菜泡菜，因為辛辣味十足！我最喜歡脆口的大豆芽及菠菜，充滿麻油香味！泡菜多吃都不怕胖！工慾善其事，必先利其器。經典的韓國餐具！友人每次來都必吃的牛肋肉($150)，可口美味，可是一煎完必須即吃！提示：不要把全部一次煎好，否則只消數分鐘，牛肉質已差之千里！煎兩片，吃完，再煎！個人認為有骨的牛肋肉比較好味些，下次還是要有骨的比較好！配有一大碟沙拉，最後吃不完，有生洋蔥及生菜，微辣！作用是開胃吧！最喜歡燒海鮮了，因此點了帶子，共８粒，＄１７０！是急凍的，不過勝在大大粒！上面已有油及少量黑椒調味！出來多汁，沒有腥味，最重要是容易控制，

韓燒太熱氣，但太好味，所以我不常吃韓燒，不過久不久也會來一次，因為好味；而韓雅林，也是我間中選擇韓燒的選擇之一。地點就腳，就在銅鑼灣廣場樓上，兩個人有卡位坐，坐得很舒服又可以傾計，只是價錢略貴；但看餐牌吃也可以控制在 HKD250 一位以內。兩個人叫不了很多東西，兩味燒的東西再加一個飯就夠，這天我們選了海鮮石頭煱飯，真材實料，很新鮮，有魷魚，冬菇，撈著辣汁來吃，很滋味：韓燒我很喜歡前菜，吃韓國烤，前菜是免費，而且有八大碟，他們很大方。如吃日本東西前菜多會收費。光是這個前菜，已經是一幅美麗的圖畫。而前菜之中，我最喜歡吃泡菜，因為很開胃，而且我很喜歡吃辣。另外的魚餅，大豆芽菜也做得很好。主燒方面，我叫了牛肋骨肉，這是少有的讓我「吃了有愉悅」的感覺，吃東西本來就應該如此。除了填飽肚子之外，味道也很重要。一吃之下，就知道用料非常昂貴及新鮮，絕對不是自助火煱任食肥牛那種質素，老土講句，牛有牛味。而且用來腌製的醬汁用得極好，很入味。燒好之後，是這樣子的：不會太瘦，也不會太肥，就像做人的藝術一樣，恰到好處；咬下去很柔軟，肉汁極為豐富，我建議這是來韓雅林必叫的項目。環境佈置舒適：另外一個是蝦，感覺就沒

韓風勁，雖然我不愛看韓劇，但對韓食我並不抗拒。是日 Sogo 周年特價，中午特地到了 shopping 並食午餐。這裡的裝潢不太帶韓味：一般韓式食具，不過有碟子還是比較方便 share。先上有氣勢的八小碟，光看陣容已覺震撼！八小碟包括蘿蔔，海帶，瓜類，當然少不了泡菜啦。這兒的泡菜比其他韓食店辣，且嘗味後覺得並不是淹了很久，有點出水感覺，差了。韓食的湯往往是非常咸的，但這裡的湯造得非常好，首先沒有一味死咸，且牛骨味超重，總括來說是我喝過最好喝的韓湯。老婆叫的牛仔骨，她說牛仔骨很入味，又軟又林，鐵板上又保持著熱辣辣的，很好吃。我點的蠔仔韓式雜錦飯，蠔仔鮮甜，量又非常多，而雜錦飯醬的味道又剛好，帶辣但又不會搶去蠔味。飯在石鍋中完全能保持熱度，食粒細粗，粒粒分明，伴以各種蔬菜好健康！最後還有甜品 - 雪米磁。

嘿嘿，終於可以一嘗媽媽又食韓雅林嘅為食願望，因為8月佢生日我訂唔到枱，唯有自己生日訂俾佢食喇~~XDXD，我係咪好孝順呢~~不過今次就冇上次咁好彩喇，訂咗枱都要成半個鐘後先有枱，重要佢有枱都俾咗Walk in先，嗰吓嬲不過算，有好嘢食補返數~~牛筋骨，超級好味牛筋骨，呢個真係一絕，必食海鮮煎餅，呢個就麻麻地，不過其實口感唔錯豆醬，呢個要自己額外Order，但係食韓燒點可以無豆醬呀，佢入面應該係有兩款豆醬溝埋，另外再加蔥，上枱前會整熱先俾你豬肉拼盤，呢個可以叫不過不失，因為其實味道係唔錯，不過我地燒得太耐，XDXD超級海鮮鍋，正到呢，以前食過香辣海鮮鍋，但係我覺得呢個都好得，同新羅寶一樣喇，麵係自己打嘅，湯底係清湯，再慢慢幫你加調味，調味料其實都同新羅寶一樣，係嗰幾樣，無分別，當然同我一齊食既嗰幾位又係叫佢加多啲蒜蓉喇~~但係個湯因為有海鮮關係，去到尾聲真係好甜，好好味~~

這餐廳最初開業時好多韓國人去，上兩年再光顧，已經少左韓國人去。 今次再去幫襯，極之失望，因為已經唔正宗。食物價錢同其他正宗韓國料理一樣貴，但是食材就唔多掂;因為唔食蟹， 本想叫個海鮮面鍋（$420）， 點知個伙計話唔係鍋上， 只是整完要熄火食，佢地寫錯，叫我叫個有蟹的另外一個（490）， 最後算（其實之前食過只是海鮮有分別），都是叫個貴的，點知蝦同蟹都是唔新鮮，又冇肉。 最唔正宗是另外叫泡菜要十元一碟，本人見識少，只知去些比較平的韓國料理例如明洞至另計， 未試過"韓國料理"例如宮要俾錢。下次都唔會幫襯

Han Ha Rum has always been my favourite Korean restaurant in Causeway Bay. Always find their dishes authentic and traditional. The usual Korean appetisers are served: kimchi, radish, bean sprout, spinach etc. Really appetising side dishes to start off the meal.The yellow croaker is nicely grilled, retaining the juices and tenderness on the inside and the crispiness on the outside. Also had the marinated barbecue beef ribs. Marinated with sweet and tangy barbeue sauce, the meat is grilled crusty

朋友想食韓燒, 選了韓雅林, 是日星期六, 幸好有BOOK位, 都要等15分鐘才安排入座, 被安排雙人卡位, 算舒適。我地點左呢度招牌牛肋肉, 另加生菜拼盤, 泡菜湯, 點完菜先上八小碟,  有泡菜、甜薯仔、辣泡菜、香魚乾、牛肉菜、爽蓮藕、酸辣青瓜、辣豆腐, 泡菜辣得過"引", 薯仔很淋, 甜得黎又很綿, 很好味,  小魚乾，香口得黎帶點辣，也不錯, 八小碟份量剛好夠兩個人, 食完都飽左一半!!!  招牌牛肋骨店員會幫手剪好, 然後等我地自己燒, 牛肉醃得頗入味, 甜甜的, 但食得出不是貴價肉, 生菜是另加的, 配上類似麵豉醬蒜肉來包肉食, 十足韓國人, 不錯, 是另一番風味, 一咬下去先感覺生菜爽脆, 然後有一些綿綿的肉, 個醬又惹味, 層次感很重, 又可以無咁熱氣, 個人很推介這食法, 講真我去過韓國, 生菜根本不用加錢, 但唔知點解呢度就要加錢, 很奇怪。不過服務就認真好唔得, 侍應叫極無人理, 想點菜都要等, 好唔緊要, 當你睇唔到, 但我地叫左個泡菜湯, 個跟飯, 黎左個湯勁耐, 仲唔黎飯, 唔係唔記得呀? 好, 咁我地唯有主動問, 又係舉左手好耐都無人理, D侍應就咁係

同一般韓燒餐廳都差唔多,坐底無耐 D staff就先上八小碟俾我地食下先,呢間餐廳既八小碟新鮮味十足,正如多數食評家所說一樣我見到唔少人去到都係食牛肉,我同果FD特登就唔食牛肉,反而去試食佢D小菜,小菜都上得幾快下,落單送到都係差唔多10mins,認真快手,小菜既味道亦都唔差,上圖既湯都幾spicy 但又唔同平日香踡港食開果種,係有多D層次既下圖既肉外面既汁甜甜的,肉質滑滑的,幾易入口架

一年都會來四五次， 每次都是中午， 因為平靚正! 個午餐價好似幾年無變過， 係近年樣樣加下， 佢相對便宜。今次一個人來， 叫左至愛燒豬肉午餐，鍾意佢少少spicy 又唔乾 。午餐包前菜， 飯，湯。 前菜從來少， 一個人都有四碟， 相對好多韓國菜佢都算多， 二人好似有6-8碟。今次無令我失望，豬肉軟硬適中，少少辣仲juicy, 送飯一流。 最後仲有雪米磁甜品， 埋單$75 加一，滿足地返去開工!!

假日飯局，晴天星期六的晚上街上都是行人，當然飯店更多人。大部分都要等位。這韓店夠大，應該可以坐很多人，所以不用等。但只有一個半小時用餐。太差了，韓燒一個半小時真不夠用。 第一轉前菜亦很多，味道也不錯。如果要加就每碟十元，加錢的份量亦是十分少。 牛肋骨湯，湯味很一般。但湯的牛肉味就足夠味道。炒粉絲，這普遍的韓國熱門菜，很一般。燒肉，很一般，燒出來不太好味。本來肉質不好。價值七十元的生菜及醬。很差的醬。要另收費真特別。

看食評評估這店烤肉應不錯·趁外子明天放假便試這裡的烤肉·晚上八時這店很多人等候·大約等了三十分鐘才有位子·被安排坐雙人卡位·算舒適·點了名物牛肋骨·再加一碟牛肉·伴以白飯·先上八小碟·新鮮味佳·有泡菜·甜薯·魚仔····牛肋骨可以·醃得頗入味, 甜甜的, 但無食評講到驚為天物·牛肉也可以·味道同牛肋骨差不多.招呼一般·評分·七十分·

連續吃了好幾天西餐，不是牛扒就是意粉，好想吃點米飯。一行五人，有人不想飲茶，有人不吃生冷食物，韓國菜應該是最佳選擇。但中環和金鐘只有2-3間的韓國餐廳，選擇不多而且價錢貴。我們5個人，一輛的士剛剛好，決定去銅鑼灣碰碰運氣。記得之前在等候茶木時，同層有間韓國餐廳，我們沒有打電話訂座，直接沖到餐廳，幸好時間尚早，只有5成入滿座。店員送上午市餐牌和主餐牌，我們考慮了一會，最終只點了一個午市套餐，再在主餐牌上點了一個烤肉拼盤和湯窩。點餐後，店員快速送上9小碟前菜。有泡菜、薯仔丶芽菜、魚仔等，味道不錯，辣的也不會過辣，而且小碟份量其實不小，五人分享也吃不完，所以不知道有否免費添加。炆牛肋骨 $90 牛肉肉質軟稔入味，牛味香濃，白蘿蔔一樣是入味爽軟，醬汁是咸中帶有少少甜味，份量充實。正！烤肉拼盤 $360拚盤包括了牛、雞、豬和牛，肉質新鮮，但經醃製後入口很難辨別其味道，只有豬肉加了辣醬，比較容易識認。八爪魚牛肉鍋 (小辣) $380 除了2款主菜外，還配有金菇、娃娃菜、大蔥、粉絲等一大堆新鮮蔬菜配料。肥牛新鮮嫩滑，八爪魚爽口彈牙，煮過牛肉的湯底辣味減少，但變得鮮甜美味，喝了整整2大碗😂。甜品店員收

成班朋友都鍾意韓國野,當然都要一齊食下,今日黎左依到,一叫完野食,D前菜冷盤就即刻送到喇,大部分既味道都好好，唔會話好濃又或者咩味都無,佢又有泡菜,芽菜,菠菜,一般正常既都有,D份量都夠哂食,唔知有無得加呢,我地就無問過。一開始就叫左個牛肋骨,服務都好好,佢地會幫我地剪埋,一舊一舊咁見到就想食喇,食落味道真係一流。首先個牛肉真係好新鮮,真係食落會有種甜味咁,牛既脂肪又唔算話太多,食落好香,不過好有罪惡感,不過真係好好食,加埋D配菜都唔係普通野,夾埋一齊食仲正。另外就係一個豬肉包菜煎餅,依個就比到驚喜我地,有時係出面食既話總會覺得好粉,食少少就唔想食,不過依到既泡菜同豬肉味道做得好好好，兩樣配合得好好,雖然豬既份量唔算太多,但都食到佢既味,口感又做得好好,最緊要係個煎餅個邊脆,但裹面就軟,果然有驚喜。

人物：2女 偏細食人頭湧湧嘅一間韓燒店，即使訂咗位都要等等先入得，真係唔知冇訂位嘅要等幾耐  唔知係咪訂咗位，所以只得2個人都可以坐到卡位，非常舒服 點咗：肉之拼盤x1 ＋ 餃子x1 ＋ 炒米粉x1 ＋ 人參蜂蜜茶  先講「八小碟小食」，味道唔錯，而且份量充足，唔會得一兩啖。因為未食完已經上主菜，所以唔知有冇得免費添加呢～ 「炒米粉」最先上場，米粉濕度啱啱好，唔會太乾又唔會太濕，而且唔會「散修修」，廚師功力唔錯丫！  之後就到「肉之拼盤」出場喇！肉質一流！！燒完都仲係嫩滑，唔會變肉乾 最後出場嘅係「餃子」～ 餃子皮夠哂軟又唔太厚，熱呼呼食，口感一流！餡料份量十足，一咬落去就衝皮而去，真係忍唔住食多件 睇相都見到都幾大碟，2個女仔點會食得哂，結果太飽，要打包餃子&炒米粉 

每月一聚，由友人負責，離奇的是，友人訂了枱，通知了大家。聚會當日，竟離奇地忘記了赴會，最後，徒剩五人的飯局……甫出電梯，人山人海的，初頭以為韓雅林這麼旺場，嚇了一大跳。原來，是誤會了，排隊的是等位入鄰店茶木‧台式休閒餐廳用餐也。七點，韓雅林仍未滿座。翻開餐牌一看，食物分為兩大類，生肉用以韓烤，也有熟食如湯羹、炒粉絲、石窩飯等提供。一望價錢，恍然大悟了，人少，是因為好貴﹗   點菜後，先送上味道和口感各異的八小碟前菜冷盤，有甜薯仔、辣泡菜、香魚乾、牛肉菜、爽蓮藕、辣豆腐、芽菜菠菜和西芹蝦丸，大致以香辣為主。個人而言，蠻喜歡香中帶辣、富鹹味具嚼勁的小魚乾，爽口中帶微辣的蓮藕片，以及鮮爽十足且彈牙的西芹蝦丸。 一大兜的韓式年糕餃子湯 $120有三隻大餃子，其中一隻早已肚破餡露了；湯底下有大量的年糕，也有牛肉和蛋花。呷一口湯，清清的，似雞湯，然雞味又不突出。C和小妹一人一半餃子，餃皮淋淋的，餡料淡淡的，無甚特別。韓式年糕質感也欠缺了一份香糯和煙韌感。相比下，海鮮石頭飯$130就較為出色了。侍應請示了我們後，就用匙羹在炙熱的石鍋中不斷攪拌配料與飯粒，一縷縷白煙冒起，一陣陣香味撲鼻，「吱吱聲」此起