韓舍 (已結業)

今日工作好順利，要慶祝一下，要食餐勁既，當然都要為荷包著想，走咗去食一個韓舍，呵呵。入到去感覺裝潢好新淨，座位好舒服，仲有卡位坐，全程自助，出面有好多食物可以拎，有冷盤，小食，壽司刺身，熟食，鮮肉，蔬菜，甜品，飲料吧，好似酒店自助餐咁呀。店員會幫你換燒烤紙，等你燒出黎既野食都靚靚仔仔，爐邊仲有泡菜蛋，泡菜湯，清湯，芝士。鮮肉有好多選擇，豬牛羊雞齊曬，仲有生菜俾我包黎食，好韓feel呀，我鐘意。到我出手燒野啦，牛肉牛仔骨醃的好入味，燒完出黎辣辣，好好味。豬扒必食，燒完出黎個肉質好嫩。雞亦整得好細心，分開左2條骨，易熟又方便我食。燒羊燒豬燒菇，樣樣都好好好味，我燒完又燒，食到勁飽。甜品勁多選擇，賣相好又好味,食到停唔到口。

生日真好食唔停.呢間好過旺角果間.冇咁多人..食物樣樣精..如果通風大少少就100分喇..熟食唔算多..但樣樣好食..燒類..辣味雞翼最正..佢有得打邊爐又有海鮮鍋架..下次試埋

同朋友入元朗食放題，初時以為咁平，都應該無咩野食，但因為我地想食放題，照入去試下。星期日下午1點左右，唔算多人，但晏少少人開始多人。室內設計師朋友話呢度既室內設計係有精心咁設計過，而且重好落本我一向都會先食沙律，呢度有沙律重有烏冬可以撈麻醬呢度有唔少熟食供應，有咕嚕肉，雜菌菜，豆角炒肉，蟲草花雞，茄子粉絲，甚至有皮蛋瘦肉粥，重有排骨鳳爪蒸飯，而我想講既係，我食左佢既藥膳雞腳，估唔到咁入味，好食韓燒放題，當然要食燒肉。選擇都算多，基本既豬，牛，雞都有。豚肉，牛柳同雞賢都好好食，肉質同味道都好好，讚但如果有埋菜可以包肉食就更正。加上呢度個爐，我幾鍾意，有張焗爐紙墊住，唔會痴底，而且個爐吸味既設計幾好，食完個身都唔會有好大陣韓燒味。食到尾段，係食甜品既時候，有蛋糕仔，班蘭味，朋友話好味，呢度甜品都幾多選擇，有成個凍櫃，有啫哩，有粒好似綿花糖咁，幾得意。我覺得Tiramisu 味既 mousse cake 最好食。最有趣係我食食下，見到好多小朋友拎住綿花糖原來門口附近有部機整綿花糖，唔止。。重有爆谷機，阿華田爆谷，我好鍾意食爆谷，加上呢個味，真心正，好驚喜重有waffle 機同炒雪糕機，炒雪糕

韓舍有幾間分店，剛好想食烤肉就跟朋友來吃一餐不貴又能吃個夠的晚餐。烤爐挺有特色，左邊是蛋泡菜，右邊是忌廉芝士栗米，上方是泡菜湯下邊是豬骨湯任君選擇。除了有自選烤肉，也有些少冷熱自助餐給大家選擇。泡椒魚肉挺好吃，很入味。冷盤有沙律吧也有拍青瓜跟水果吃。吃了很多橙跟哈密瓜哈豬腳薑味道挺濃，滲透蛋裡。能烤的選擇也不少，很快便會有職員幫忙換律五油紙很方便。醃了的肉跟內臟等都很惹味。這裡的腐皮壽司很不錯，吃完又吃甜品吃了焦糖燉蛋，正常水準。外邊還有爆谷機、棉花糖機及章魚燒機給大家用。挺適合一家大小吃。

正門在馬路旁，以落地玻璃高透明度裝潢，自然光打入餐廳內，後門則在商場內。店內分別卡位及方型桌，同樣空鄺舒適，燒烤盤有別於旺角，燒烤板不算大，但旁邊有四個小格，分別是 玉米芝士忌廉、泡菜滑蛋、豬骨湯底及泡菜湯底。刺身每次每人可取四件。燒肉自助凍櫃：牛豬雞等質素不錯，腌料味道基本上差不多，入味而味濃。蔬菜自助凍櫃：種類很多，食材也新鮮乾淨。冷盤：水果質素不錯，橙屬酸甜類型，青瓜辣而惹味，蕃茄爽甜。熱盤：有楊州炒飯、黑椒肥牛烏冬、魚、菜等。甜品種類也不少。韓舍坐位舒服，選擇種類多，服務迅速，適合一家大小或朋友聚餐。

同朋友約咗十世想去食韓燒，終於比我約到佢 咁啱出元朗就係元朗搵食。見到元朗得韓舍一間韓燒，但係我印象中，旺角個間韓舍服務定味道都唔多好。友人說服自己：唔同地區可能好啲呢。咁好啦，我比次機會佢啦 食物款式好多，熱食有炸物、焗芝士南瓜、水煮魚，仲有壽司、凍海鮮、沙律，燒嘅肉有厚五花腩、單骨雞翼、一口豚肉等等，真係有太多不能盡錄。最緊要有得自製格仔餅、章魚小丸子同辣炒年糕！！食物唔可以話好好食，只可以話正正常常，仲有刺身任食，但個八爪魚刺身太鹹可以唔叫。仲有大大個甜品櫃。佢啲甜品好食過主食，尤其是個Tiramisu，加上仲有自製雪條同綿花糖機有得食仲有得玩。唔好唔記得門口格離有阿華田爆谷同埋最入面有雪櫃任食雪糕，我唔記得食雪糕呀呀呀呀！！而且佢哋個服務態度比我想像中好喎，換爐個張吸油紙，叫咗幾次都唔覺麻煩加無西面，好過旺角個間。我地5點入座7點前離座就$128一個人，但佢話三人同行，只計二人價錢，圍翻一個人加埋一$100都唔洗，咁抵？以後食元朗依間唔會去旺角個間架啦

兩年前未轉型，食完覺得麻麻地一直冇再試，跟著兩年都離不開校長燒肉。突然有日openrice心血來潮想再試試，book枱七點前離座仲買二送一，仔仔唔洗計錢，真係抵到呢，有爐邊蛋，雞翼最難燒，但好好，係開邊架，超易熟，仲有三文魚骨可以燒，平時自己買急凍既都幾十蚊，今次可以放任咁食，好好味。甜品永遠都係我入門第一樣食既野，甜品款式多到 仲有cake可以自己切大細，會再黎過。

環境幾舒服，食物種類多選擇。燒三文魚幾好食，烏冬幾彈牙，甜品都唔錯。d炸雞就麻麻地，椒鹽蝦唔係幾ok。自己整章魚小丸子部機有好多油，見到唔係好想玩。棉花糖機好乾淨，又好好玩。總體來講都唔錯，值得一去

好耐冇寫食評，食完依間韓舍之後真係要蒲一蒲頭寫返篇~訂左四位海鮮鍋三位燒烤，一到就入得唔使喺出面吹風坐低之前已經set好哂位，一路坐已經有侍應姐姐招待，介紹返左邊兩個爐for海鮮鍋右邊燒烤，令到揀位困難嘅老爸老媽好快就揀好位坐低(平時要搞半個鐘) 😂好快就車左個海鮮鍋黎，氣勢磅礡影相影左一輪，店員都好有耐性同笑容訂位時話返唔切麵包蟹要改哂做龍蝦，最後都俾到我地龍蝦同麵包蟹都稍稍郁動，d蝦生猛到彈左出台面幾次😂龍蝦同麵包蟹有店員幫忙夾起斬件，非常貼心因為hotpot都係夾一樣食一樣夾遲左嘅海鮮會有少少過熟海鮮說不上是超鮮甜，不過都好新鮮冇令人失望~海鮮份量剛好，底淨好多菜食唔哂個海鮮鍋已經夠哂令人開心但開心未完，出面仲有冷熱葷同甜品buffet燒肉都是任夾的，應該有廿幾種仲有爆谷，自制炒雪糕，小丸子，窩夫，雪糕cone，真係好食好睇又好玩地方都坐得舒服，油煙唔算西利我係中意pat坐半張凳嘅人黎嘅所以凳通常會比常人突出路少少，有人行過我先坐返前d, 今日完全唔使郁，坐後左後面條路仲好闊落唯一不夠精彩應該係飲品，一部熱一部凍hotpot同食烤肉梗係想飲汽水啦斟左7up返黎啖如水，唯有當飲少d

近期都有股熱潮~就係用個勁長勁大既鍋裝滿海鮮既海鮮鍋信義家梗係唔會錯過呢個熱潮就走去韓舍訂枱試下啦~ 而家試食價係$298一位大小同價 係上鍋前大家可以去裝飲品有熱飲凍飲仲有湯品前仲可以食啲熱食鍋上啦~嘩~~~~~一上龍蝦同麵包蟹一隻出鉗，一隻彈跳極新鮮嚇到小卷哇哇大叫 係推廣期間會送肥牛，五花腩，餃子，薯粉，年糕 肥牛同五花腩唔知係我地煮既時間過長定係本身係咁韌呢...............咬到信義妹咀都軟埋~哈哈哈熱食最推介就係水煮魚魚用魚塊，唔駛怕有骨可以大大啖咁食而辣汁雖唔係極辣但香、辣、麻味做足絶對要再添食之選 甜品亦都有聖誕系列蛋糕亦有水信玄餅仲有馬卡龍、雪糕、棉花糖機可以自己一試等等愛甜的仲有一款啱你想食既大家記得唔好WALK IN 入去呀因為要預番每個人既份量所以要訂架!!

韓舍點解可以咁好食同埋咁好玩㗎? 簡直大人同細路都非常開心同滿足，大家聖誕真係要嚟呢到食一食、玩一玩、仲可以涮一涮!一埋位見佢個爐好得意，四邊有一條坑，分別可放四樣味道嘅嘢喺度，店員好細心咁介紹……一邊係豬骨湯，一邊係泡菜湯，一邊係粟米芝士醬，再另一邊係水蛋! 你可當佢哋係湯或醬咁點食物，好特別。 其中，韓式泡菜湯係好百搭，點所有肉類都好好味，而芝士醬呢就用嚟點牛肉, 可以增加美味程度😋！爐中間位置就係一個平板用黎烤肉，店員們都非常細心，經常換嗰張燒烤紙，等食物唔會咁易燒濃!呢到食物種類真係好多，無論生、熟、燒、輕怡嘅同甜品，樣樣有齊，肉有雞、羊、牛，每款都用唔同醃料，味道亦唔會濃到食唔出啲肉味 。食肉多，餐廳亦都有好多蔬菜可選擇，有菇類、青椒生菜、南瓜、茄子等等……熟食方面，竟然有豬腳薑同水煮魚😍，真係不得不讚，我好相信一大班人黎個個都可以揀到自己心愛既食物。甜品方面，有十幾款畀你揀，每一樣都係mouth size, 所以大家可以試好多口味而又唔會話令到你好飽，更加唔會浪費食物。另外，沙律都有唔同嘅選擇，你可以自己去配，佢又有整定嘅薯仔沙律，我食咗呢個薯仔沙律，味道整得好好!如果你同

今日屋企人生日， 一家大細都話想去食韓燒， 咁就不如去食韓舍。座位闊落，卡位坐到六個人 ！ 一來到，店員即刻放低籃生菜同幾個韓國小食 。可以另外加錢選購靚牛和海鮮。刺身款多，有蟹棒，玉子，素鮑魚，鯛魚，希靈魚同三文魚。每次每人可以拎4 片。壽司細細件幾得意， 仲有赤貝同甜蝦。烤肉類有好多款，有豬頸肉，雞腎，金沙骨等等，大力推介辣味雞翼！海鮮區有凍蝦同青口。另外仲有多款蔬菜同菇，亦有腸仔。熟食都唔錯，當中有好滑嘅水煮魚。有女士最愛補身的豬腳薑。又有焗生蠔。甜品款式多又精美。成人平日每位$188，小童$118。呢度唔止啱大人食，仲好啱小朋友。因為呢度有小丸子機，有夾餅機，有爆谷機，有雪糕機，有棉花糖機可以自製各款小食。

響元朗韓燒 都唔算太多選擇性價比都係韓舍較高所以今次約朋友都係揀番間 又坐得舒服 食物質素亦算好既平日夜晚連加一都係220 ~如果較岩時間晏d 都係170蚊左右黎既原因 其中都係佢既肉 好出色 由其豬頸肉同金沙骨 ~~夠哂入味而佢既蔬菜菇類都多選擇餐具 前菜預備好哂~店員服務值得讚 最鍾意佢個粒旁邊既芝士忌廉粟米 係最足料 仲有芝士泡菜蛋 唔算辣望下冷盤 有壽司 卷物同海鮮等選擇凍蝦係彈牙既 而泡菜大豆芽係最惹味試左呢個芝士通粉 幾特別wo熱盤都有成10款選擇 有魚柳 仲有個南瓜薯蓉 店員都會不停refill食物焗蠔有好足既芝士同煙肉 岩哂我唔少得既甜品 超過20樣 唔同既cake都俾我試哂最值得試係左面牛奶布甸 滑滑的 微甜~而木糠布甸係軟軟creamy的 右面既葡撻同焦糖布丁最吸引 食到呢度都已經飽哂又過左一個飽足既晚上~

其實讀書時期已經開了，但由於元朗不斷開放不同種類既食店，加上搬出了元朗區， 所以已經好耐冇去，在朋友口中得知現在旺角有分店，令我回想起以前也經常光顧，所以就找了姊妹一起到元朗找回那些年~一坐底已準備好了一些前菜和配菜給我們~蔬菜種類多，也有丸類，腸仔等等肉類一向已經知到非常多 ，有黑椒牛柳粒，牛仔骨，原味牛肉，辣味雞翼，金沙骨，豬頸肉豬柳條，龍脷柳，豬扒，黑豚肉，咖哩雞，豬腩肉等等~甜品也是精點甜品，個班戟不錯~壽司款式雖然不多，但補充也很快~炸物小食款式也多，另外還有細份的芒果糯米飯~熟食款色有8款~刺身方面也新鮮，我也不知行了多小轉了~甜品櫃内款式也很多~ 木糠布甸第一推介 ，非常之好食，我食了六個~肉類推介辣味雞翼 ，牛仔骨，牛肉~我地兩個食得非常開心，食物種類繁多，我也難以選擇， 另外甜品還有夾餅機 ，棉花糖機 ，炒雪糕機， 這些大人小朋友也合適~價格合理~一家大小來也非常合適~下次我也要揾多幾位姊妹來回味比當年更加進步和努力的食店~

家庭聚會必定揀一D適合一家大細的食市,今晚揀左元朗韓舍韓國燒烤,有壽司刺身,自助沙律,湯類,又有各種熟食,又可一邊烤肉,海鮮類,最重要也有小朋友最鍾意既棉花糖機,自制雪條機,又可玩又可食今晚實在太肚餓,第一時間食最愛既壽司,味道不錯,新鮮,個腐皮船好得意,望落好吸引,食落甜甜地,沙律都好新鮮,麻酱豆腐和蟹籽沙律,簡單又好味,再黎自助沙律任配搭—邊食一邊傾偈最好不過,小朋友們亦玩得自得其樂…烤肉配生菜,泡菜蒜片一齊食最好食百幾蚊就食到滿足