韓樂 (利東商場一期)

營業中

休息中

新開咗一排已經聽過好多劣評琴晚勇士上身真係聞名不如一試以後都唔會再一次咖哩雞唔香得個辣求其幾粒炸雞粒加埋三舊唔熟嘅薯仔😓真係相都唔想影價錢：貴(比附近餐廳貴20-30%雖然唔同類型，不過住宅你想做商業區價錢，好明顯都係錯晒！）味道：十分劣（得個辣，薯仔唔熟，求其一兜類似咖哩汁嘅啡色野，唔講以為🤮）分量：少得可憐（三至四粒炸雞‘粒’，六十幾蚊係商業區就可能正常，但住宅區就你諗你）綜合：咁嘅時候都唔比心機去做，唔好浪費租金啦！

天氣凍，諗住食石鍋飯暖下。係收銀到都等左陣，兩個阿姐見到我，寧願擰轉背擺靚d豬手都唔理個客。直到第三個姐姐見到，先叫個兩個其中一個收銀。 姐姐同我講外賣話唔會有飯焦，我預左，覺得可以接受無問題。嗌左「溫泉蛋·牛肉·石頭鍋飯」，張圖有豆芽，菠菜，2款泡菜，蘿蔔，肉同溫泉蛋，一共7樣野$64。返到屋企一打開，只係得蘿蔔，肉，溫泉蛋，仲有一堆蔥當一個餸。望住盒飯好無言，以為係咁都無法，直到一邊食一邊睇openrice韓樂其他分店，先發現差好遠，即使唔係俾齊晒7樣餸，都有5、6樣。究竟係今日特別d，定平時都係咁就唔知喇。之前食過下午茶野菌豚肉炒烏冬好油，早餐蕃茄濃湯好食嘅，但個湯底同意樂一樣。希望韓樂快d執，換同集團意樂或者其他食肆仲好

期待已久，剛進駐鴨脷洲利東商場的韓風餐廳终於農曆年前開張。雖然無韓燒，但餐牌選擇都不少。午餐點了炸雞豚骨湯粉絲及以優惠價追加芝士焗西蘭花。味道ok。下次試埋石頭鍋飯再評論韓味濃不濃。

見今日早放工就去左屋企附近新開的韓國 餐廳自己一個人嘆個下午茶～☕ 因為新開張所以店內的裝修好乾淨丶地方又闊落丶坐得好舒服下午茶都多選擇！我揀左一個 一口韓式炸雞配場粉絲又有杯餐飲～～食物一到！🐔🐔🐔韓式炸雞好新鮮丶熱辣辣丶咬落去脆卜卜加埋少少辣味醬好滋味湯粉絲係我最鍾意的正宗韓式粉絲🍜🍜！ 煙煙韌韌口感適中！粉絲還加上新鮮嘅菜苗🥬🥬🥬🥬🥬丶令到成碗湯添上色彩！仲好大碗添呀！呢個下午茶簡直豐富又好味！！一定會介紹比其他朋友仔！有機會會來試其他嘢