韓日燒 (已結業)

黎過幾次，每次都好飽。咁點解食左幾次先介紹，因為我估韓烤大把，而日韓夾雜嘅都不少，佢其實好普通，價錢又唔算平喎 不過近我所以先幫襯。但今次....佢居然多左魚生，咁就覺得抵左了。店內本身話明日韓，所以2款食物都有，而佢仲要有火煱仔，可以比你打個迷你邊爐，而食物選擇都唔少。其實橈烤我地一般，主要食打邊，日式同熟食先係我地主菜。炒飯正，不過一定要多肉鬆個part先攞可放入煱嘅配料真的不少。燒烤反而食得不多，燒幾舊魚，腸仔同餃子。一提，餃子真心好食，似日式pack裝餃子 但好食囉，燒定火煱都得。今次個炸雞膇好出色，脆到不得了，仲要拆左半骨，再易食左，回味。個葡撻真係唔錯，仲有豆腐花呢個焦糖燉蛋，佢無乜燒 但已經好好味。蛋糕，奶凍，沙律等，仲有糖水嫁，有D掛住食都無影，總之$200樓下，咁嘅質量，我會keep住黎。限時2個鐘，夠晒了。

窮遊香港-全港最平韓燒.前排成日講燒肉今次講一間全港最平既韓燒加任食壽司😱最平$57 最貴假期（連加一）埋單都係$95（餐牌可以睇圖先）呢間有任飲任食 燒肉 壽司 湯 前菜 沙律 甜品 粉麵.⭐️第一個雪櫃主要燒肉 雞排 雞翼 肥牛 豬五花腩鯖魚 多春魚 魷魚 墨魚仔等等種類大概就好似燒烤腌肉（可睇圖）⭐️第二個雪櫃就主要 菜 丸 等等.⭐️小食就有 春卷 咖哩魚蛋 燒賣 泡菜等等粉麵是日得冷麵。烏冬（呢個好食）（好多餐廳呢個質素賣$50碗 冷麵）.⭐️湯 熱糖水有麵豉湯 西米露 木瓜雪耳 粟米羹雪糕有 芒果 士多啤梨甜品 雪櫃仲有 水果沙律 芒果布甸嗰啲仲仲仲有 水果.⭐️野飲量算係好多奶茶 檸茶 咖啡 汽水 豆漿 蜜桃紅茶近十款.⭐️壽司 質素同種類就還好啦（可睇片）大概排名係爭鮮以下 都係用機械整壽司飯基本上保持水準 同佢前身名將任食一樣（種類可以睇下影片）（但冇左紅豆壽司 好想挑戰）仲有燒三文魚 鰻魚壽司（但一有就比人拎哂）.仲有出面有近廿款醬料（火鍋醬油 麻醬 日式韓式燒肉汁 鰻魚汁 等等）👍🏻而且唔洗加額外醬料費呢點我表示好評.呢到開始打食物評價呢個價錢 同質素成正比 都係正常質素係

小朋友話要食韓燒便上網看看哪里有平靓正，性價比高的食肆，答案是没有的，哈哈！揀了呢間韓日燒的，好似89蚊全包，除了燒烤外，還有壽司任食，真的可以做到劣食到一個點了，有什么食物都不想多講了，睇相吧！有小小要求的都很難會翻食。

今日去開西九龍中心行街 順便周圍搵野食見到呢間放題價錢不算太貴 但又有韓燒 又有壽司十分吸引 就決定入去 入面都好多顧客呢！枱面上有一個韓燒爐  當然跑去拎左好多肉返黎肉類種類繁多 例如有雞肉 牛肉 豬肉等等全部都醃好左 有唔同口味燒完之後仲好入味添當然唔少得日式啦！仲叫左個火銅 配料都好新鮮！每個位附迎都有迴轉壽司可以隨便拎你想食既壽司最愛既芥辣八爪魚壽司 仲有好多醬料提供可以自行配搭 好多甜品選擇 小食都有 我就夾左好多餃子 好香脆 豆腐花都有 非常多種類 水盡也不錯價錢吸引 可以試試

韓日燒午餐放題😎$87好耐無嚟劣食😂明將壽司味道依舊🍣確實令人懷念以前瘋摩全球的劣食🤣燒肉款式都多👍豬頸肉全部厚砌🤩仲有雪糕糖水做甜品🍨埋單加一先$95😉喱個價錢😏唔會強求太多🤣

行完黃金，行黎刻左隻銀戒指，見到平平地有烤肉食就試下，入面好大好多位，都好多野食，七十幾蚊，有烤肉有壽司，有蔬菜食都唔錯，個烤爐吸油煙功能幾好，唔大油味。保留左明將既迴轉壽司，無乜要求，平平地烤下烤下都幾有趣，食物味道都唔差。同層仲有另一間平價自助放題，不過覺得烤烤下有趣啲，就簡左呢間。

暑假嘅時候行西九龍見到呢間餐廳，見到價錢幾平，仲有學生優惠價，就試咗佢嘅迴轉壽司放題！🤣🌟員工會講得好清楚收費同埋要加一，服務態度唔錯。🌟一坐低就係咁攞壽司食😋唔洗就住就住，計幾錢碟係幾正嘅😄款式唔算多仲會重複，但都食到我想食嘅款😋🌟除咗壽司之外，仲有一啲熟食，飲品，甜品，雪糕🍦🌟熟食主要係小食，例如魚蛋，薯角，泡菜等，冇肉。不過都食到好飽😂🌟主要係想食壽司嘅會係一個唔錯嘅選擇，款式雖然較少，但食得開心🤣

今天心血來潮，想食韓燒，於是想起韓日燒，既可食到韓燒，又可以食埋壽，而且價錢抵食，最好的是這裡的食lunch 時間，可至到5點十都得，咁一於起行啦我們揀左食壽司+韓燒兩食，如不喜歡食韓燒，可齋食壽司都得，價錢亦較平一點，而兩款均可以食埋出面的任飲任食櫃枱。由於一心來食韓燒，當然進軍韓燒櫃的食物，肉類種類繁多，有雞牛豬魚，全部都醃得很入味，燒烤的配菜亦多選擇，最適合大胃王來挑戰。飲品、湯、熱食及甜品也有不少選擇，味道亦不錯，好like 西米露及綠茶奶凍埋單每位$95 （連加一），確是平靚正之選

d食物水準低，無款式。無論，日定韓都差，得個平字。失望，，飲品都無咩款菜就老到爆，壽司就基本得三文魚， 蝦仔刺身。啲牛肉靭， 啲豬肉得個肥字， 嘢飲就得個甜字。 服務態度又差， 雪糕食曬又唔加。不知所謂跟住個涮涮鍋有冇品種， 基本上個涮涮鍋冇乜嘢可以淥， 得幾種瓜類豆腐同埋冬菇。

好久沒有行過深水涉的西九龍中心，同以前一樣都無咩點變，依然都好多平價野食，好多野玩，我地行過韓日燒見午時放題只需89! 於是我地想都唔洗想就入左餐廳，呢餐放題唔單只好平，而且仲有得坐2小時，食物種類十分豐富，有韓燒，邊爐，壽司等等。 食物選擇十分豐富， 蔬菜，肉類，腸類都放滿一個櫃，全部都已經醃好曬，令燒完之後好入味，多汁。除左燒的食物， 每張枱嘅側邊仲有迴轉壽司，咩種類的壽司都有，一次過滿足曬所有願望。燒的每一種肉肉汁豐富， 本來我以為89蚊 嘅韓燒質素應該不太好但竟然出乎意料地好。 燒爐下面放著一張牛油紙，唔怕黐底，如果牛油紙已經好多焦，可以自己好方便地更換油紙。 飲品方面，果汁汽水任斟，仲有咖啡奶茶。

以往經過荃灣見到韓日燒也想試一試， 上網搜查過後知道原來已經結束營業，見到另一間同名在西九龍廣場， 便走來看看， 6時30分還未滿座，若果想坐壽司bar就要提早訂位，但在這個環境壽司並不是我們的首選。講真若果當韓燒的話，就是有點失望，因為全場肉類比較吸引，就已經是圖中的牛仔骨， 其他食完都冇乜印象。 未試過一間韓燒食得最多嘅就係魚蛋、牛肚，嗰度炆嘅牛肚好入味，好淋，實在係畀韓燒更加吸引，甜品櫃內的焦糖燉蛋亦比想像中好， 見到其他肉類冇太大意慾攞嚟燒，而壽司就更加不堪入口，最後豆腐花都食咗兩碗就走， 老公同阿仔話冇必要都唔使再嚟

無錯，係每樣都有DD嘅放題，連酒，醬油及湯底等都有很多選擇，對於一些三心兩意的人，又喜歡包羅萬有的的人如我，消費不到$200每位，有如此多選擇，確係幾ok. 另外又有打邊爐，燒烤，熟食，甜品...實在滿足了。我很喜歡他們的原條魚，原來已熟，只要再翻燒，熱一熱就好好食。他們的木瓜雪耳糖水都很好，加上有無糖豆漿作湯底，這些都是十分加分的。只可惜所有肉料的味道都太咸了，包括已熟的烤肉。已經包著蔬菜一起食，但味道都十分，十分，十分咸，我認為食物味道是最重要的，所以如果能夠提供多元化選擇，但味道不好的話，又有何意義呢？

一間冇野食既放題 ， 如果比百幾蚊 ， 不如去旺角食， 另外員工態度都十分不好和不專業 ， 8點左右就洗工具凖備收工 ， 另外一些熟食也沒有補充 ， 仲有餐廳音樂完全趕人走咁 ， 我強烈建議唔好去試！

呢間韓燒既抵食程度 應該都可以爭第一第二有韓燒 有壽c先講壽c既質素 一定唔高咖啦咁平 又多野食差距係舊飯果到最明顯都有d好食既 火燒壽司 都係好好食韓燒就正常水平 但下午茶100蚊都唔洗就食到呢個cp值 點都要likelike肉果邊啦 牛豬雞魚 都有既但豬既五花肉就好似太肥 減肥人仕要小心啦牛肉feel到調味重左d 但都夠滑既我就鐘意食呢到既多春魚既野飲就蘋果茶 豆漿 汽水果d仲要有甜品啫喱 大菜糕 芒果布甸果d仲有韓燒常見既雪糕2款當中仲有十多種醬比你點肉食因為價錢 所以我都要比likelike

門口banner 已清楚列出餐廳於不同時段的收費裡面有卡位座，坐得幾舒服，我地4個人坐啱啱好！醬料多到數唔曬！有好多種熟食鹽焗秋刀魚菠蘿炒飯有員工會負責即炒區，不定期會炒下菜、肉等飲品方面，同樣都有好多選擇，仲有啲好激烈嘅酒最欣賞呢度嘅地方係餐廳夠貼心，韓燒盤上面有張紙，可以就咁放d肉上去燒，如果爛咗或者想換，可以叫職員幫吓手燒嘅野食夠曬我地食，因為唔單止係淨燒嘅，唔想燒又可以打邊爐邊爐嘅話有兩種湯底揀甜品不定期供應葡撻