韓國味家

今日完成團契找找大同食早飯，太耐無上西九龍中心，發現八樓美食廣場既餐廳選擇真係俾以前多元化。豆腐鍋，豆腐加麵豉湯,配白飯一配紫菜卷現場係即叫即整嘅，可能因為佢嘅時候啱啱開店所以都食乜都熱騰騰，良心小店…查看更多

之前諗住食浪漫滿屋，同埋韓國拌飯，點知兩間今日冇開，走咗去食呢間韓國嘢。上次食過飯卷都OK，又唔貴，點知今日叫咗個拌飯出晒事！等咗五分鐘，賣相唔差㗎，點知拎到返埋位撈完，嘩！啲汁多過啲飯，啲瓜超超超級鹹，輕輕打側隻碗，成個碗底都係油！張相已經係倒咗啲出嚟之後先影，都仲有勁多囉！唔明佢啲料有邊樣需要用咁多油！？加上個醬又鹹、又辣，食到一半，我已經胃痛頂唔順！呢間係韓國人開，我都去過韓國，但啲食物唔係咁嘅囉！…查看更多

這個韓國食店由韓國人開，感覺好似正宗d，叫左炸醬炒麵，哩個冇乜特別，好似在便利店買既撈麵差唔多，另外紫菜包飯就好食好多，面頭曬上芝麻，而且應該加左麻油在入面，食落好香，我覺得食兩份紫菜包飯都冇問題。…查看更多

紫菜包飯幾好食，有芝麻香，25蚊一份黎講唔算貴，佢之前仲有賣過部隊鍋，唔知依家仲有冇賣，我覺得一樣都唔錯，2至3人食用，一定夠飽，公仔麵我覺得最好味，吸晒湯汁。…查看更多

西九food court好多間都試過今次第一次試呢間本身唔係特別鍾意食韓國野，但唔知食乜好就揀呢間店主好似係韓國夫婦，唔太識廣東話？叫左個雞蛋薩拉雞蓋飯 $38冇包野飲價錢係呢度唔算平入面有炸雞，荷包蛋，菜絲，青瓜絲，蛋黃醬，飯，同埋超多油d菜絲同青瓜絲撈埋蛋黃醬幾好食其他果d就麻麻地啦因為真係好油！！！我從未見過一隻紙碟可以咁油！仲要多到個紙碟都吸唔晒d油囉呢間我從此會black list佢！！真係食唔到咁油…查看更多

这一家韩餐是那种离开香港会想念的味道。最近一次吃了部队锅，搭配炒粉丝和紫菜卷饭，三个人吃。从味道上来说，钟爱吃韩餐的几人都一致认为这是香港数一数二的韩国料理。部队锅里面有拉面，火腿，火腿肠，年糕片，芝士，和味道最正宗的泡菜。煮到香喷喷热辣辣，装入锡纸盒送上。拉面和年糕都非常弹牙，泡菜煮到浸满汤汁，咬下去非常幸福啦。炒粉丝很甜，而且粉丝之间也不会粘在一起，牛肉和蔬菜比例刚刚好。最基本也是最难的就是紫菜卷饭，淋上芝麻油配上清新的卷料真的非常好吃！厨师是说中文磕磕绊绊的一对夫妇，很温柔也很认真。一眼看进去，厨房非常干净整洁。之前吃过的泡菜煎饼也非常推荐！只是照片找不到了...上面撒了芝士非常香喔。总之这是一家没有雷区的餐厅！大家放心点吧！…查看更多

通常不想等都會買呢間紫菜包飯食，佢既材料都相當多，有蟹柳，火腿，黃瓜，牛蒡，青瓜，紅蘿蔔等等，因為有瓜類，食落好爽脆不過，近日有時去買，佢冇整定份份係度，有人買先整，可能西九少咗人掛另外有試過泡菜炒飯，同泡菜湯飯泡菜飯就好多泡菜，肉類較少上面有一個煎蛋，好有韓國家庭既味道泡菜湯飯，好好味個辣味剛好，因為真係食過唔好食既泡菜湯佢果d 係除咗有韓辣醬之外，個湯應該有加其他湯頭，會比較濃厚P.S 有幾次老闆娘唔係鋪就冇很食，好似係病咗，希望佢保重身體…查看更多

係西九龍8樓云云小小食店之中都有幾間韓式食店，炸雞呀呢啲最常見，見到喜愛既紫菜包飯緊係要買黎試下啦，呢間小鋪似係由韓國人主理既，order既時候我係要指手劃腳架😂？紫菜包飯呢啲做定既，所以即叫即有，快捷又方便！$25 一盒 睇圖以為好大 其實就細細盒既姐切開有十多舊左右啦，餡料都算豐富，有蘿蔔，蟹柳，火腿，青瓜等等，如果午餐一盒就唔係咁夠飽，味道就一般般啦，餡料味道比較清淡，口感亦無咩特別....回頭率十分低😂下次再試下其他啦..…查看更多

係韓國食過一次部隊鍋之後一直念念不忘 奈何係香港食實在太貴:(:(係facebook 見到有人推介呢間平價部隊鍋就黎左試鍋到有芝士 公仔面 火腿 腸仔 年糕 蟹柳 同魚板（？）味道係唔錯 98蚊仲要送飯送可樂 兩個人食都食唔哂個湯用黎撈飯超正 我男朋友就覺得偏甜 呢個價錢黎講算係咁啦 98蚊有白飯有可樂 不過呢間野好少人食 星期六望均全場得幾個人食 可能係無宣傳啦店主好似係韓國人唔係太識廣東話 我男朋友去拎野食個陣聽到有人想食泡茶唔知乜 個店主諗左陣用唔禍唔淡既廣東話話泡菜唔夠酸 唔好食 XD…查看更多

來到西九龍中心美食廣場,好多唔同國家的美食,近來炸雞大行其道。見到間韓式鋪頭,是一對韓國夫婦處理的。Bond bond 選了可樂,炸雞胸。炸雞是即炸的,所以,需要等一會。老闆有些心思,裝雞件的杯子很特別,用了個膠𠒇於在汽水杯內。一手可拿到。拿開了雞件，發覺原來這樣的設計,汽水會少了3分1 。雞件大約10件,拿了雞件吃,一件剛好一啖，粉漿不是太厚,也頗鬆脆。配上可口可樂,一餐很可口的下午茶…查看更多

行行下深水埗，去了西九龍吃下午餐。除了點了同在food court的kebab，還點了個韓式小食紫菜包飯。原本我是想食"皇帝雞"的炸雞及"full house"的紫菜包飯及泡菜餅，但發覺兩家都沒有開。:(為了止"韓食癮"，決定試這間在角落的小舖。店舖內的有一男一女韓國人(不知為何開這些小食店的都是韓國人)，他們應該不太懂廣東話，我說要一個紫菜包飯，他好像聽不明白，直到我說"C(餐)"，他才一副了然的樣子。這家的紫菜包飯並不是即場包的，我一交錢他馬上拿預先包裝好的紫菜包飯給我。紫菜包飯與家裏自己做的味道一樣，用的材料亦十分普通，有青瓜，醃黃瓜，蟹柳，蛋皮等，很有家的感覺。但美中不足的是，由於紫菜包飯是預先包裝的，紫菜已經變軟，麻油味亦不算香。但對於一個懶下廚的城市人來說， ＄25的紫菜包飯還是可以的。<img class="-webkit-dictation-result-placeholder" style="width: 22px; height: 20px; max-width: 22px; max-height: 20px; display: inline-block; border: none; outline: none; opacity: 0; vertical-align: bottom;">…查看更多

其實我就好少寫食評嘅，但係今次堅係唔寫唔得  原本開開心心同女朋友大老遠走到黎食皇帝雞，點知冇開，咁為左服侍女朋友，就去左隔黎間韓國味家。見佢又唔係貴，咪買左個可樂加炸雞同紫菜包飯囉。見到佢拎住左支淨番一半嘅可樂岀黎都feel到唔對路，番到黎同飲糖水冇分別。啲雞同包飯一早整好，包飯凍凍地都ok ge，但係炸雞可唔可以唔好係涼嫁？同埋啲炸雞七成都係粉，女朋友食左兩㗳就耍手擰頭，唉，又要我食。除左食到㗳㗳油之外仲食到一肚氣，真係想講粗口。  …查看更多

同好多韓式小店一樣，都係由韓國人主理，今次試左個紫菜包飯，入面有醃菜、小黃瓜、蘿蔔絲、蟹柳、青瓜、火腿同煎蛋皮，都算多料！感覺係典型韓國媽媽親手做的味道，最欣賞係壽司臨上碟前韓國媽媽細心輕輕點上麻油，再灑上白芝麻，香左好多，簡簡單單的美味。（＄25）…查看更多

 位於西九龍中心Food Court開咗一間主要售賣韓式食品的新食店, 店名為korea c&hr sweeken, 由一對韓國夫婦經營. 食物款式好多, 包括有雞蛋包飯, 辣白菜炒飯, 雞蛋薩拉蓋飯, 年糕海帶湯......等韓式美食.另外紫菜包飯及可樂加炸雞胸,這兩款速食,特別受年輕人歡迎.叫了可樂加炸雞胸, 個杯分上下層, 上層炸雞, 下層係可樂,  d炸雞胸啖啖肉, 但不會有油膩感, 加埋d醬汁,  味道不錯.…查看更多

今日Lunch去到西九龍中心 Food Court, 試了間新韓國食店叫韩国味家, 叫咗個可樂+炸雞胸肉$25, 雞肉一兩啖一粒,炸得外面很脆,但不會好厚粉,嫩醬汁是甜甜地, 但不夠辣,有點似鹽酥雞,其實此食品幾得意,下面放汽水,上面是炸雞胸肉,值得一試. 老闆係韓國人, 但識講普通話, 點餐都好易.…查看更多