韓味屋 (已結業)

朋友BB出世了，成班朋友一齊去佢屋企探BB，其實BB禮物都唔知買乜嘢好，買衫又怕款式唔啱，都係實際啲買尿片，不過原來啲尿片都好貴下，家陣做父母真係唔簡單。探完BB我就約咗人去食晚飯，本來係諗住食美國菜，不過朋友突然話想食韓國菜，但都唔緊要，香港有好多地方食韓國菜。今次去左北角丹拿街韓味屋，前菜嘅款式有幾款，仲要係可以任食，我哋都叫咗兩轉😋另外就叫左個炸雞，不過就乾身左少少；反而炒粉絲有好清新的感覺。

Lunch 成日見到好多人排隊，除咗鋪頭細之外，我諗質素應該都有咁上下嘅，就同朋友仔黎試咗啦。前菜都幾好食，尤其係佢個豆卜，之前冇喺其他餐廳試過咁嘅做法，亦都唔知佢點整覺得幾特別。不過佢就冇理我地幾多人，六格前菜每格一款都係小小咁，所以就未必個個都食到全部前菜啦。不過唔好誤會，第一張相係我哋已經開始食緊㗎啦，豆卜有三件嘅。正餐啲朋友仔覺得幾好食，不過可能就唔係咁啱我胃口啦..下圖一款係肉片泡菜一款係腩肉泡菜，但係我哋睇落去其實都係同一款肉，兩碟都係肥肉。而且睇上去好大碟，其實得4塊肉..加上肥膏太多，我唔食肥膏唔係好食到啲咩😂泡菜都係一般泡菜嘅味道唔識分好食唔好食，正常lo~如果我冇記錯下圖應該係個石窩海鮮湯，朋友仔表示多料好味，上菜嗰時都依然係滾緊嘅，到食完都仲係出緊煙，俾我下次都會試呢個。試咗少少呢個牛肉，都幾好食，不過稍為油左少少，不過比起我個肥肉泡菜呢個好好多了！總結而言應該係我揀錯咗食物😂，其他都好似唔錯咁..

至愛收工在上班一帶吃個便飯才回家，遙指那間午餐時候多吃的韓味屋，去吃個晚餐。環境韓式地道小店風，住家感覺。點了三個餸，2人分。前菜泡菜薯仔開開胃口。第一道的特級牛仔骨，一碟10多塊，連骨厚肉，肉汁香甜，少許油，但可接受。海鮮蔥餅，一塊8片，薄餅邊過了火地燶，也太過脆。中間海鮮尤魚彈牙，香口惹味。至於我最愛的海鮮豆腐湯，辣度搶喉，沒有半點辣椒油，蝦、青口大大隻，豆腐嫩滑，湯底材料多，一碗兩人分享就是剛好。

貪午餐cp高，但係次次refill小菜某d店員一定黑面，同埋好容易漏單，后來就經常外賣返公司食，但呢排幾次外賣打電話來都要等40几分鐘，算了，几好食都唔會再幫襯

今日嚟咗好耐冇去嘅韓味屋，本身諗住味道幾好，所以再幫襯。我地嗌咗個牛肉蓋飯定食，一嚟到見到佢紅紅地色，以為幾辣，但其實又唔係。仲有一舊好似泡菜嘅嘢，點知唔係!!!係膠袋!!!! 我地即刻叫經理過嚟，點知個操流利大陸口音嘅女經理行過嚟話，呢個膠袋嚟姐，用嚟裝泡菜咋嘛，又唔係啲咩，唔污糟架。仲要幾次想拎走碟嘢，想毀滅證據!!! 嘩我肯定知你個膠袋唔污糟啦，仲要我爸爸而家個胃唔好食緊藥，我點知你個膠袋有冇拖過落地然後再煮架!!! 你碟嘢有膠袋仲講到好似好冇問題咁喎!!! 呢下真係辣著我地 !!!! 於是我地報咗食環 !!!!好嬲!! 個d店員仲成日話成日free俾我地，我地根本唔係冇錢食!! 而家我地針對嘅係你地嘅衞生問題!!!!好嬲!!唔再幫襯 !!

今日星期六，去北角做嘢，鬼咁熱又落大雨，其實都冇乜胃口中午又醒起丹拿花園果邊有間嘢有韓式生牛肉食即刻心郁郁過去揾呢間韓味屋，唔知道心水菜喺中午有冇得食呢！！？（之前係夜晚食）一坐低，揾極成張餐牌都冇生牛肉，唔通冇得食.....當我十分失望之際，問一問店員，哦，原來都有！只不過冇show出嚟不過要成138蚊！唔緊要，一場嚟到冇理由空手而回，一於去相！前菜是薯仔、瓜菜同腐卜主前是生牛肉餐牌我都post埋喺呢度

個人認為佢Lunch set既CP值高過Dinner, 因為Lunch set平好多 xp我同朋友點左Lunch set A19石鍋牛肉粉絲湯定食  同 A10 石鍋拌飯定食.Lunch time 前菜可refill 一次, 其實完都飽左1/3 lol 有薯仔, 泡菜, 波菜, 魚仔, 大概有六七個選擇. 每人都有胡椒海帶湯, 但有啲咸...我鍾意個牛肉粉絲, 少少辣,有泡菜, 粉絲湯加飯 好有口感~反而石鍋拌飯定食好一般. i will try other next time.

夜晚放工搵朋友食飯，佢極力推介這家韓國菜。我就黎試試佢有咩咁好食。呢度既前菜係有六七款比你揀，每次可以要三款，食完一轉，可以叫多轉，我朋友超愛吃薯仔薯仔甜甜地，個口感都幾好食其他菜同泡菜都唔錯我地叫左呢個牛肋骨，甜甜地，d 牛肋骨好林好入味，送飯一流，呢度白飯任裝好好呢個海鮮煎餅係呀豬媽推介，但我同朋友都覺得好一般。。。唔係咁好食。。個味不是海鮮香味。。感覺海鮮不太新鮮，而且有好多殼。。。埋單都唔平，整體感覺呢度環境就無其他餐廳咁靚，但食既野都幾住家feel。我自己覺得唔多似韓國菜，除左佢既菜都係甜甜地但朋友就好鍾意，佢食到好滿足

三個人去晚飯，以前來個，知道有前菜. 落order, 叫前菜,等左15分鐘都左未有得食，要我哋行去前菜檯叫先開始裝.(重要西臉) 前菜選擇唔多, 只可以加一次. 叫左kimchi, 小魚，波菜. 唔係講笑，鹹到 chi sin...問左一個上左年紀既男人(好似係老闆)佢話，"係咁加啦"... 我心諗...跟住等多40分鐘，我見重未有野食，開始措措地，問下係唔係落流左，佢話唔係呀！有加啦... 但個態度勁...當時望下附近，好似唔係只有我哋無野食，有一檯重要已經大大聲話唔食要賣單等足50分鐘終於有一碟粉絲上到，水到我想打人...等50分鐘你比d咁gei野我食!? 我啦啦林cancel未上既食物賣單.我上次來真係好正常...可能老闆見之前生意好，hea do... d咁劣質既老細仲有食物非常...我一定唔會再食!

如題, 上星期午餐時間亂派食物比同枱食客令大家誤會食錯隔離食客order. 結果要重煮令我地午餐時間差不多緊餘20分鐘先有得食. 我地決定唔會再去新舖嗰邊! 而且價錢一啲都唔平唔抵食味道好普普通通. 黑衫負責人及職員態度A字膊, 成件事完全唔急唔追.

Waited for 45 mins and none of my dishes arrived. The waitress gave me an attitude when I ask where my food is. The appetizer was nothing special at all... they shouldn’t have operated if they aren’t ready... extremely disappointed! Definitely not coming back again!

平日見佢排長龍，一定唔會去食，但琴日喺舊店隔離擴充多一間新鋪開張，即管去試吓，店內坐位都唔算好迫，服務員態度好，一大壺紅棗杞子水放喺枱，可以自己斟兼任飲，好窩心。一坐低就送上兩碟前菜，每碟都可以添一次，感覺良好。每位都送嘅胡椒海帶湯，好飲到唔停得口，好彩有得添多一碗。海鮮滑豆腐辣湯竟然冇胡椒海帶湯咁辣，都好濃味，海鮮都算多，物有所值。韓式伴冷麵，合格，沒驚喜。牛肉炒粉絲蓋飯定食，勁大碟，可以分兩餐食，味道好。

今日下午和他路經北角，於是乎四圍逛有咩好食。係轉角位見到哩間韓式小店，反正有啲想食石頭鍋飯，就試試吧。結果發現到好野喇!!入到去, 餐廳環境一個字「迫」，真係建議輕裝上陣，唔係好易撞到人發生意外。午餐選擇眾多，而且價錢唔貴，全日免加一，大部分韓國家常菜式都有供應，我們點了石頭鍋飯($60)及炆牛肋骨($98)。點餐後就上前菜三小碟，可以自選及添食，菠菜同甜薯好味到停不了，添食是無可避免的（埋單之後先發覺店家有供應前菜外賣的，實在太好了，下次可以買番去食..)主食來了，由廚房來到枱面都發生吱吱聲就知個石鍋飯唔講得笑。加埋D辣醬一齊撈呀撈。新鮮既蔬菜，牛肉和雞蛋不停在石鍋碰撞產生的香味叫人垂涎三尺。不得了，好熱會辣咀架，還是一啖一啖送入口。牛肉由生變成剛熟的囗感，加上微焦的飯粒，石鍋未轉涼已給我們爬個清光。另一主食炆牛肋骨，哩個牛肋骨炆得十分軟淋，入口牛味不俗。最好味還是籮白，牛肋骨既味道完全進入了籮白裏面，軟滑香甜。牛肉汁太過好味，他又要舉手添過白飯才收手...一陣狂風掃落葉，看見牛骨光滑無肉，石鍋不剩一粒米才罷休。除了環境「迫」，價錢和味道絕對值得我地再返黎一次，或者係兩次，三㳄。。。

今日黎到一間好多人排隊既食店由於之前見到佢門口咁多人等所以都會有種衝動想去試下佢一LUNCH就去啦都要等咗成二十分鐘先入去入面好細 位有啲迫等位期間已經點定野食一入到去就有得食啦有啲前菜食下個薯仔幾好味 其他都一般般之後黎個主菜啦係雞肉黎既佢碟野好濕咁 我覺得麻麻地 唔算入味都唔算好味 淡淡地有個優點既 份量多餸既份量比較多除咗呢樣 冇乜好喇我覺得同埋個到既坐位坐得比較迫鋪頭太細冇計但我個雞肉飯都要成六十蚊我覺得唔太抵同埋真係唔太好食整體都一般般只係環境麻麻應該都唔會再去

自從喺北角返工，久不久就會聽聞呢間野好食，不過次次門口都鬼死咁多人等位，lunch time 得一個小時，等得來都食唔到。今日我孤零零一個就去碰下運氣，唔係講笑，一位都要等20分鐘。一坐低就叫左個海鮮豆腐湯，送上一杯茶，一碗湯同三款前菜。咦！樣樣都有驚喜！杯茶甜甜地有點紅棗味，碗胡椒湯好醒胃，至於前菜，原來係可以揀既，應該有幾款係招牌菜，見隔離啲熟客一坐低就話要薯仔、泡菜同南瓜，我都唔執輸死跟，又真係正喎！仲可以添加一次架！五分鍾後滾到熱辣辣既海鮮湯就到喇，無想像中咁辣，但材料好豐富，蝦、魷魚、大蜆樣樣新鮮，豆腐夠滑，辣湯飲完都唔覺得好口渴。非常滿意。食食下，老板很有禮貌的請我調位，我係非常願意配合的，一個人無乜所謂，而且lunchtime 繁忙，出面大把人等位，將就一下都好正常，反而老闆好似非常唔好意思咁，又話要請我食多碟前菜，又幫我加茶。講真的，眼見佢人流控制得麻麻地，有少少混亂，但我覺得服務態度好好喎！係應該體諒一下既...