面對面

營業中

休息中

餐廳：面對面地點：灣仔巴路士街菜式：台灣菜餐牌：湯麵類，煲類，飯類，撈麵類，小食，下午茶湯麵，飲品鮮蝦雲吞麵 $46鮮蝦雲吞麵有一客四隻雲吞，雲吞皮好薄又滑，真係見到有大大隻鮮蝦同肉餡，味道少少鹹，好味道。麵係白色幼身台灣麵，比上海麵更有口感，質素唔錯，唔會太淋或者一patpat，配有菜心兩條，肉碎，鹹菜同蔥花。而且湯底居然係藥膳湯，清得黎帶好香藥材味，餸麵一流。秘製花枝丸麵 $46秘製花枝丸一客五粒，同麵分開上，炸得皮金黃色，而入面好濃花枝丸味，口感都唔錯，唔會太油，墊有生菜一片，灑上少少胡椒粉。麵同鮮蝦雲吞麵既麵一樣。台灣肉鬆小茄子 $32台灣肉鬆小茄子大大碟，整得熱辣辣既外脆內滑茄子條，加上香口肉鬆，蔥花加甜辣醬汁，味道特別，好惹味，而有多重口感，正。凍菜蜜 跟餐加$4凍菜蜜味道清淡。凍冬瓜茶 跟餐加$4凍冬瓜茶就好清甜，兩杯都叫左少甜。今餐食物質素唔錯，我最鍾意係雲吞麵，而價錢超抵！座位都唔差，乾乾淨淨。

我今日去左灣仔辦事，順道約同好友去位於灣仔巴路士街5號地舖的面對面食麵餐。小店形式格局，卡位都坐得舒服。店主招呼親切！我點左個招牌鹽酥雞撈麵$56，好友點左特色牛腩湯麵；餐飲係（熱）香芋奶茶$10（跟餐）和（凍）洛神花茶$10（跟餐）。鹽酥雞炸得外酥內嫩，炸粉簿薄的，食起來好香口，雞肉肉質嫩滑，有咬口又好食，麵質爽滑彈牙；牛腩炆得好入味，肉質軟腍，好味又好食，麵質爽滑好味。香芋奶茶有好香的香芋味，好飲呀！洛神花茶好清香，好特別！

讀灣仔VTC的表弟向我推介這間新開的台灣麵店，他說味道好，價錢親民，他們一班同學常常幫襯。.餐廳小巧潔淨，有各款麵食、撈麵和飯類，連雞煲、羊腩煲都有。.太太點了🏅椒鹽雞翼台灣麵。台灣麵條似是烏冬和上海麵的合體，爽滑有口感。米線、河粉食得多，這個頗有新鮮感。椒鹽雞翼好大隻，肥美肉厚，炸得香脆，醃得夠味，好正。湯底有微微的藥材香味，配料是蘿蔔、酸菜和滷肉碎。我點了🏅特式牛腩飯。牛腩是高質素的坑腩，軟腍帶爽，炆得入味。白飯淋上滷肉碎，還有青菜和蘿蔔，甚有誠意。🏅凍香芋奶茶和🏅熱冬瓜茶都夠味好飲。表弟推介不錯。

灣仔區幾好食茶記 唔輸格嚟街華星 啲食物有水準 平時行過都仲有羊腩煲揀 人家大細可以試下食 非打手 只係睇到呢間鋪係橫街冇生意 留低既食評 vtc同學仔食都仲-5$ 小見良心店舖