影片
最近睇新聞，見好多香港人都上深圳食嘢。本來本着支持吓香港小店的精神，今日剛剛路過大圍，本身諗住去食一間位於積富街的Cafe，點知好多人排隊，唯有行過兩步，見到呢間嘢入邊有位就入咗去食啦。點知唔食由自可，一食把鬼火！連我呢個千年唔寫食評嘅用戶，都要上嚟呢度寫吓佢！首先入到去，舖仔本身都細細都坐得唔舒服㗎啦，見到我哋一家三口，好似就唔係太歡迎咁，個女店員啲態度仲係非常之一般般。講返食物質素方面，食佢一個拉麵價值港幣$116，諗住點都有返啲水準掛！？嚟到碗麵，首先就份量好少，麵底又唔得，然後兩片叉燒都係凍嘅！有兩舊叉燒又係凍冰冰嘅，豬骨湯底只可以話係微溫。最後隻溏心蛋都唔係好掂唔明咁樣嘅份量咁樣嘅水準，竟然可以收過咁樣嘅價錢！？難怪越來越多香港人上深圳搵食！香港咁樣嘅食物質素，收個咁樣嘅價錢，咁樣嘅服務態度，究竟係咪仲會有前途？仲會有得做？跟本有公錢都唔想俾佢賺！再係咁落去，遲早連Openrice都冇人用啦！嗰個上晒去大众点评啦！點解？因為香港啲餐廳都執晒啦！
繼續閱讀
誤打誤撞入咗嚟，因為食dinner周圍都爆曬人，見間鋪冇乜人就試吓，同埋呢個係我第一個留嘅食評，因為真係好想講，勁難食啊！！！！！！！！過唔過份！一個正正常常又咁貴嘅拉麵，首先，地獄湯拉麵係清湯加辣椒油組成，個湯同辣椒水其實冇咩分別。其次，啲豬肉係白烚，甚至連燒一燒嘅門面功夫都唔做，唔知食緊啲乜冇味嘅嘢。再者，根本就唔係用拉麵，油麵嚟㗎咋掛？或者好聽少少似係用出前一丁囉，又幼又唔知想點咁。最後，諗緊成碗麵都咁垃圾，應該粒糖心蛋會冇事啦，點知，出事啦！白烚雞蛋，一咬落去又熱又凍，甚至有啲啱啱烚完嘅水流出嚟，唔講以為隻雞蛋臭咗，勁想嘔。講真，唔好食嘅嘢大把，但又貴又難食嘅嘢，真係令我即刻要留呢一個食評，如果話佢主打$20碗，窮人恩物嘅話我應該唔會留呢一個食評！點知埋單$200我真係笑左再笑右不可一不可再，我唔會再試
繼續閱讀
試試大圍$58紅咖喱湯拉麵 鐘意食拉麵嘅我 平時平貴都會去試試 今次試試呢間平民拉麵店 最平只係$58 網上比較多人鐘意紅咖喱湯 吸引左我去試試.呢次晚市去到唔洗排隊 但店面細細都幾滿座網上比較多人鐘意紅咖喱湯 我都試試呢款⭐️ 豚肉紅咖喱湯拉麵$58先試試湯底 一上台已經好重椰香 好似喇沙湯底🔥湯底比較濃稠 小小辣偏甜 愈食愈辣果種👍🏻配料方面仲有吸湯豆卜 👍🏻豚肉有燒香 係偏肥肉軟口感 😈油脂香 邪惡高分底下拉麵幾多 而且吸汁 男仔食都好飽.⭐️ 橫濱雞白湯拉麵$58呢間湯底特別 唔似主流雞白湯起泡較cream嘅口感反而湯底比較清 味道突出番雞鮮味同鹽味🥰成碗鋪滿晒慢煮雞肉 切得好薄 但每一片都大塊‼️如果想影相打卡要小心 夾起時易碎配料本身已經有糖心蛋如果想豪華d可以選擇巨盛$98👌🏻慢煮豚肉 叉燒片份量都係好多 幾塊疊埋一齊.大圍物價愈黎愈貴 估唔到搵到$58拉麵 呢個價位 唔錯 可以話係平民抵食拉麵之選.#hkfunfoodrecord窮遊香港#hkfunfoodrecord_大圍.#麵の屋 (大圍)地址：大圍積信街25號吉慶樓地舖.⭐️評分：味道：3.8/5環境：3.5/5服務：3.8/5抵食：4.2/5..#飲食 #美食 #hk #food #hkfood #hkfoodie #hkfoodblogger #hkblogger #hkfoodies #香港美食 #沙田必食 #沙田美食 #新界美食 #大圍美食 #大圍必食 #火炭必食 #火炭美食 #車公廟美食 #顯徑美食 #日本餐廳 #雞白湯 #拉麵 #紅咖哩
繼續閱讀
最近去了一家位於大圍的平民日式拉麵店，平日晚上唔使等位。首先是黑蒜湯底拉麵，湯底濃郁而醇厚，核酸充斥着整個湯底，同平時嘅黑蒜油湯底有好大分別。拉麵本身的彈牙口感也非常出色。配料方面，有叉燒及繼續，但係熱度稍為不足。另外order了地獄湯雞肉拉麵，這款拉麵的湯底正常發揮。拉麵本身與湯底的搭配ok。除了拉麵，這家店還有其他小食。麻糬波波是我最喜歡的小食之一，外層酥脆，內裡Q彈。炸雞小食份量不錯。總的來說，這家大圍的平民日式拉麵店性價比可以，如果想起大圍食日式拉麵，不妨一試
繼續閱讀
大家成日跟風去食大牌 可能岩開始質數好好 但係當越做越大就會失去原本嘅獨特風味 有時真係要試下細舖 我超中意食蒜味所以經開見到黑蒜油拉麵 就即嗌嘢食 一食入口黑蒜豚骨湯底有加入炸蒜+黑蒜油 同一般拉麵湯頭唔同 食到加入咗炒到微焦嘅蒜粒湯豆落蒜香濃郁味 我點硬麵試下 有D咩呢軟嫩嘅豚肉同旁邊有溏心蛋 溏心蛋亦都係特色嚟 麵唔粗唔幼 極上熊本黑蒜湯拉麵雖然黑蒜油湯但係唔會超油膩黐喉感覺 另外我加錢叫小食 個蝦好好食 😋肉實嘅唔係軟笪笪嘅
繼續閱讀