靠得住粥麵小館 (MOSTown新港城中心) (已結業)

慕名一試，味道不錯。起碼吃了兩碗像樣的粥也無口乾之象。遺憾是出品多好、再多星星也好，最重要的是員工，因為他們代表了品牌！坐下點餐，舉極手無人應！員工多的是，但有三數人長時期逗留後台等出餐兼吹水！終於有人望到，舉手回應，但無其他動作，只是用對講機通知有客要落單。附近有員工眼望望唔知做乜，過咗接近二分鐘先有個員工走埋嚟落單。問佢間舖頭行乜制度？是分區制定必要該條走廊的負責員工才可落單？佢話係因為早前手勢回應的員工冇 iPad！一部 iPad mini 要幾錢？點解要成個舖面得嗰兩三個人可以落單？點解咁多人留喺後台吹水等出餐？仲要早前舉手回應但大腳傳中嗰個員工口噏噏發脾四，真過份！

昨晚去食靠得住，9點幾都仲有點人龍一坐底，即刻有壺蘋果紅茶，味道的確唔錯，蘋果味都好出但又唔會蓋過晒無左茶味！清新又開胃!我地點左幾樣送：豬潤配帶子粥（正確名忘了），粥底咸味適中又入味，唔稀又唔杰個粥底質感,豬潤剛熟又唔難口！帶子係半生熟好滑口，但我個人喜歡全熟帶子個種味道同口感!芽菜雞：無得頂，好好食！粥配雞是套餐！所以雞得4年細碟！雞又滑雞皮又唔會厚到一舊舊肥膏！芽菜係全熟，而且吸左雞味好鮮！木桶牛腩：唔好食，牛腩鞋口又痴牙而且汁好濃，但唔係腩汁味濃個隻味！豉汁蒸鱔球：唔推介，本人本身好鐘意食豉汁蒸鱔！但依間既豉汁蒸鱔唔係好得，豆豉的確鋪係鱔面好多，但豆豉味過咸但無豆豉香味同豆豉質感杰口！鱔配豆卜做底，但成碟鱔都唔太好食！精華在於豆豉調配失敗！

早上嚟呢到食早餐，見咁多人排隊就即管試下。叫咗三次寫嘢，清一色答案: 等等搵人幫你。終於叫到嘢，叫咗兩碗粥，好普通。問樓面攞杯水，話要客自己斟。永遠無人收碟，侍應態度極差，好似唔旨在你幫襯咁。問佢攞兩張餐巾，好似問佢攞錢咁，面口差到無朋友。以後一定唔會再嚟！

難得閒日放假，訓到自然醒之後特登去左新港城閒逛食早餐，雖然新港城好多地方都圍左板仲裝修緊，唔係太多選擇，但呢間餐廳我見都有好多人幫襯，一於試下佢，睇下係咪真係集團式就一定無好野🤔成間餐廳好多都係卡位，坐得幾舒服又唔太嘈，落左單好快就有野食👏🏻👏🏻皮蛋瘦肉粥+糯米糭👍🏻👍🏻👍🏻啲粥夠熱唔會好多味精，特別值得一讚既係糯米糉😋好好味，男士必食👍🏻碎牛粥+混醬腸粉+熱柑橘蜜👍🏻👍🏻碎牛粥就一般般，但都唔難食，腸粉都ok，但如果熱啲就更好😅 最欣賞既係杯熱柑橘蜜☕️出奇地好飲，原來餐廳好有誠意咁搞碎左啲柑橘，啲柑橘全部都可以飲晒，正👍🏻啲野食果然靠得住😎

星期日無啦啦打八號風，原本諗住出去旺角既生日飯迫住改期，唯一落街睇下有咩好食。食開嗰兩間小店又無開，行過見呢間米芝連無咩人排隊，就俾個機會佢啦。晚市套餐選擇唔算多，最後㨂左個咕嚕肉同招牌菜芽菜水晶雞。咕嚕肉分量適中，甜酸度剛好，食落啖啖肉，唔錯喎。食落都幾開胃，可以再食！再黎就係芽菜水晶雞（半隻），雞好滑，有啲海南雞既風味，配菜係泰國食開個種芽菜，爽口肥美！跟餐可加錢要例湯—豬肺湯，本人唔太啱，就無嗌了！下次應該重會再黎，再試其他！

新港城中心翻新後新引進的粥麵店，得過米芝連二星。週五中午一點到，要在门口排隊等位，大約20分鐘後有位。菜單以粥麵和菜飯為主，也有一些凉菜，选择不算多。我點了個牛腩飯，牛腩焖得很透，还有牛筋，菜飯不同“老爹餐廳”的，飯比較干身些，我更喜歡😋咖啡更是出色，易入口，且豆的烘焙味很浓郁，不會太苦，所以也不用加糖。其他是家人點的餐，沒试過，所以這次不评，下次再续评😆

近期靠得住好heat, 在馬鞍山開左店，今日中秋節，晚上做節，中午就簡單D，試吓佢靠唔靠得住。 收到風要排隊，果然，不過5~6個人，但佢有張4人枱，死都唔賣，因為全部1~2位，结果等咗10分鐘開始感覺到D服務可能有D問题。  坐下，原來要搭枱，更唔明白嚸解佢唔賣張4人枱叫咗艇仔粥，水餃麺。上餐時間OK，先來艇仔粥，賣相可以，但一食入口，花生有“益”味，再試一粒，都系一様米芝蓮喔，咁都得？？？ 唯有唔食花生。  魚片重惨，片片都有细骨，重要三叉果種，小朋友就更加危險，忍唔住要影低佢，有圖為証。 水餃麺就中规中矩，OK啦。上面講到搭檯，搭檯無所謂，我坐低時對面人客差不多吃飽，我未落單佢己走，但一直到我走時都冇人埶檯，成堆雞骨對足我成餐，真的米芝蓮服務水平嗎？但價銭就百份百芝蓮發誓以後唔會去

星期五九時多到達，仍要等上十多分鐘才有位，坐下後點菜，冇粥、冇水餃、冇鯪魚球，最後點了淨雲吞、雲吞面及陳醋春耳。雲吞先到，明顯是煮定放了很久，湯不夠熱，食完等了十五分鐘才來雲吞麵，仍不夠熱，再等十五分鐘才來春耳，這個不用煮的都禁耐，唔明！結論是，以後不再來！好失望。

商場未裝修之前都冇呢間餐廳 裝修完之後竟然有呢間米芝連嘅港式餐廳 見到門口都有幾多人排隊 羊群心理就覺得應該幾好食 所以就走左去排隊😂😂***叫左個$78原條鮮魚魚湯浸時蔬 可配白飯或者白粥 我地就揀左白飯 冇諗過條魚可以咁大 幾好食又嫩 有d白菜仔一齊浸住 湯都幾鮮甜 係一個set黎嘅 見到餐牌有銀芽炒麵都係19蚊 就緊係叫碟試下 普通貨色不過勝在夠平 之後仲叫左碗粥同個粽 聽聞個粥係鎮店之寶 湯底幾鮮甜又有帶子 有唔同set可以揀 可以跟據自己喜好去揀

星期六在馬鞍山找地方吃飯真的是有點難度，一來多人等位，二來沒有什麼驚喜，今晚終於有間新店可以試試，都已經預左要等位，但不到25分鐘就有位，一坐下來就有人奉上蘋果紅茶，雖然是茶包但都很香。因未齊人所以先點了一些小吃，蠔油冬菇、芽菜抄麵、紅油水餃及混醬腸粉。冬菇又大又厚肉好好味，腸粉同啲醬又好夾，跟著人齊再加了京都炸醬麵、星州炒米、甜梅菜蒸肉餅、咸蛋蒸肉餅及冰凍甘蔗水，成家人都食得很満足，大家重講緊下次再來要試其他食品。總結來說服務好食物又好好味。一定會再去！

昨晚點了四款食物，分別是腸粉、牛腩湯麵、鯪魚滑撈麵及水晶蓮蓉粽，但是沒有一款合格。這間是粥麵館，可是湯麵及撈麵既不可口，又味噌太重，吃後要不斷喝水，方可止喝。再者，四款食物均不夠熱。真的是連續七年米芝蓮推介嗎？似乎名過其實了！

琴日係八月最後一日 難得放假就約左幾個friend食dinner 自從新港城新裝修之後都冇去過 發現開左間新嘅粥粉麵 於是就排隊等食我地個個都算細食 所以叫左個$78韮菜蠔仔煎蛋 勁有屋企嘅味道 蠔仔新鮮有蛋香味 另外叫左個$83 心肝寶貝粥 入面有鮮帶子同黃沙豬膶 味道非常鮮甜美味 食落每啖都真係有魚香味 由於佢係一個set可以配埋精選得住鹹肉粽 但個粽反而麻麻地 好一般 total有5款野可以配 有口水雞 粽油菜 小食 飲品 都幾多選擇

開張已有一個星期，終於和太太到該店一試。已晚上八點多，店前頗多人排隊等候，等了約15分鐘安排入座。看餐牌粥粉麵飯，小食及小菜都有，夠多元化。最後點了：心肝寶貝(鎮店三寶之一“豬潤帶子粥) - 粥底夠綿，有4塊豬潤及3粒帶子，不錯。芽菜水晶雞 - 套餐$88半隻包白飯或粥，正價 $128半隻。賣相不俗，有芽菜 墊底，雞夠滑及入味。木桶秘製牛腩 - 應該事前已煮好，上菜時用木 桶盛載。牛腩夠味及稔。總結大致不錯，值得再去。

今日晚上去試下新開張的粥麵店:靠得住去解決晚餐問題。六時十五分已出現排隊人龍。這不一定代表佢好味，係因為MOS 出哂名無選擇，有米線之都的惡名，除了米線揀之外就係米線。我試過沙田靠得佢分店的出品。印象深刻。我一行三人點了數款東西，牛腩撈配混酱腸粉，大蝦球鼓油皇撈面，鲜牛粥，及店內其中一樣強項:咸肉糭。共二百多元埋單。鲜牛粥，粥底鲜甜，牛肉滑。腸粉無咩特別。蝦球撈，蝦很大隻，面很細弹牙不帶梘水味，但太咸。牛腩汁味不夠，畧硬而陳皮調味有點令面帶甘辛。。。有待改善。糭:很香。放心叫。最大問題，係味精重手。我说過，我對msg 很敏感。一吃便知，走不開我法眼。沙田那次沒這種中國人餐館症感覺，今次在MOS 分店卻有。