靠得住粥麵小館 (已結業)

我同老婆係香港仔行行下街肚仔餓，好想搵啲嘢食，找下找下看見了一間主要賣粥麵嘅食店竟然少有地有海鮮食，唔知係咪我們一直都想食海鮮，現在好像發現了新大陸，看見個餐牌之後我們的口水同胃液已經再人忍不住的不斷湧出來，所以便立即入去囉位，坐低咗之後，我們就叫咗一碟鮮味陳皮蒸泥猛，蒜蓉蒸開邊蝦，肉碎炒四季豆，兩碗白飯，每人再加個燉湯看相👀，仲有一壺果茶任添（當然要比茶錢），唔駛多講，這間店絕對會再番試，下次定必會試一下我的最愛-魚腩粥。

同樣在香港仔中心四期商場，阰鄰兩家食店都有下午茶餐，各有各捧場客。聽到門前駐足的街坊說，旁邊的店下午茶不收茶錢、不收加一，這邊人流略遜，不無道理。今天我就想靜靜的吃下午茶，這裏環境靜局，正合我意。點了餐，下午茶，吃牛河、飲蔗水。看這蔗水顏色黑得像濃茶，反而那蘋果紅茶索然無味，委實相映成趣。說來，乾炒牛河，任誰都知道，對廚子的技巧要求甚高，老實說，我決不會隨便點來吃，除非對店子有相當的信心。事實上，這個品牌一直為我留下不錯個印象，炒河早些日子在奧海城店吃過覺得不錯，而在連城廣場店則久不久就去吃個湯麵，更一直是自己在沙田市中心範圍內吃茶餐的三甲之選。雖然也在灣仔店試過吃了走鹼不夠功夫的雲吞麵，但幫襯靠得住，十居其九也得到良好的體驗。好了，因為我有了這些幫襯的經驗在先，這一來，是抱有期望的，自然也是比較嚴謹一點。得到這一碟，有Hits也有Misses的。首先，上桌時河粉米香不會很顯著，湊近去即有少許。可是，不論是熱度還是味道也有欠均勻，不得不下點辣醬來吃。以著夾來，上色不均頗為明顯，就連牛肉也有同樣的情況。可幸是河粉沒有出現斷裂的情況，而且也炒得不油。河粉面頭鋪了炒過的芝麻，吃的時候香、也增

「靠得住」係一間米之蓮的食肆，喺香港仔開咗分店。前日同朋友出去香港仔就去咗呢間食肆開餐，睇下係咪真係靠得住。午餐種類選擇多，有菜飯、炒河、炒米、泡飯和炒飯等，還有粥麵糭等套餐。由於覺得粥麵套餐比較貴，要成80幾蚊，所以選擇左菜飯，比較經濟。菠蘿咕嚕肉菜飯+熱薏米水（$60）咕嚕肉大大嚿，而且啖啖肉冇骨，件數頗多。我和朋友都叫了相同的菠蘿咕嚕肉菜飯，我那碟咕嚕肉熱辣辣似剛剛炸起，外脆內熱，但我朋友的那碟只是微暖，可能是之前炸定的那批，沒有我那碟的好味。菜飯大大碗，蔬菜粒沒有焗到黃，仍然保持翠綠。熱薏米水材料一點也不馬虎，薏米多之餘，還有果皮絲和薑絲，飲落有淡淡的果皮及薑味，而薏米亦有嚼口。唯一稍嫌的是杯薏米水比較細杯。埋單先知原來呢度要比每人$3茶錢及加一。

已很久沒在openrice寫食評，應該有五年了，文筆有些生疏請見諒，大约一個月前在住所附近商場看到有米芝蓮一星食店進驻香港仔，識食既我當然要去試一試是否真的靠得住，因本人不太喜歡大熱天吃粥的感覺，故此一試撈麵及一些前菜及小吃，看見有套餐可配麵食加前菜或飲品，於是便叫了一客豬手撈麵加口水雞，再另加一客炸雲吞豬手煮得入味有南乳香，但略謙肉不多，麵質彈牙沒硯水味，口水雞味道尚可但份量足只是不夠麻辣，炸雲吞炸得鬆脆只是包得細粒一點不過十九蚊有四粒可以啦整體出品水準不錯，服務相當好，環境算坐得舒適因有很多卡位，價錢同正常比較會貴一些，但值得再幫襯

香港仔中心開左間米芝蓮食店，竟然係粥店，當然要試下係咪咁掂啦！今次下午黎食，除左粥仲有飯同麵揀，佢有得單點或者配小食或飲品，有啲粥可以賣到成6,70蚊碗，我就試下個普通嘅皮蛋瘦肉粥，個粥係幾棉同埋足料嘅，但係係咪去到米之蓮嘅級數就有待斟酌喇！飲品其實佢入座嘅時候會俾一壺蘋果紅茶，逐個人計收茶錢，飲落有淡淡嘅蘋果味，又唔甜幾好飲，唔洗另外加野飲都得！最後揀左跟混醬腸粉，腸粉又幾滑喎，唔會蒸到溶溶爛爛咁，麻醬甜醬分量自己控制，我覺得多醬最好食！另外加左個紅油水餃，餡多又夠辣，都唔錯！失誤嘅係間餐廳係中午時段倒垃圾，傳出陣陣臭味，有損食慾啊！

本想着吃個快飯，便來了這間舖。可惜，事與願違。點了炸醬撈麵及混醬腸粉，等了四個字都無野食，但旁邊比我遲點菜的已在吃，追問下才知原來無落單，但連一聲抱歉也沒有。本身肚餓加上等了很久，人已變得不耐煩。再過了一會，混醬腸粉先上桌。這碟混醬腸粉幾好吃，是加了油的感覺，不好油者可能吃不慣，沾點辣醬和甜醬一起吃，還不錯。炸醬撈麵的麵都幾爽，但炸醬本身則麻麻，不好吃。最後埋單，又收多了茶位錢，這間舖的服務真的靠不住。

香港仔食晏又一好去處，未到一點門口已大排長龍，等了一陣就有位，店員態度友善，menu都算多選擇，今日就試吓佢地啲粥，粥底夠味同好綿, 黃沙豬膶好香冇腥味, 白鱔球啖啖肉, 好味, 一定會再去唯一美中不足是口水雞太乾身, 有待改善⋯⋯不過吃後要多喝水，明啦