靠得住粥麵小館 (康怡廣場北座)

營業中

休息中

之前都有食過靠得住的粥，係幾唔錯，但原來康怡廣場同其他分店的餐牌係有分別😅。這間靠得住比較大間，而且坐位都寬闊舒服。先來蘋果紅茶，幾香又清甜🤓，來個小食麻辣小黃瓜及陳醋春耳，小小辣加開胃開胃小食🤙🏻。馳名東江鹽焗雞半隻，幾入味，雞件入口嫩滑。惠州梅菜炆扣肉，這個家常小菜賣相算唔錯，扣肉半肥瘦，梅菜醃得入味但不鹹，撈白飯最正👏🏻，再來個金銀蒜粉絲蒸開邊蝦，師父開邊開得靚，蒸完之後蝦自動排成兩邊👍🏻，這個又係要配白飯，因生熟蒜+蝦甜豉油汁再撈粉絲，真係正😋😋。點了魚湯海味雜菜粉絲煲，有蝦乾淆魚湯，攪到好出味，幾好👍🏻。最後點都要叫個心肝寶貝粥（豬膶、帶子），軟綿綿既粥加厚切豬潤，無得輸😋。

新年拜完年諗住喺附近食個午餐見到康怡難得有新餐廳就試一試啦點之中大伏叫咗四個套餐 但野食等咗好耐都上唔齊 食晒碗粥都未上小食油炸鬼員工態度亦都很差 追單後亦都冇加快 食物質素亦都非常非常差 完全唔係米芝蓮質素腸粉係凍冰冰嘅 似係剛剛攞出嚟解凍另外腸粉亦都好厚粉 油炸鬼食到滿口都係油 似係翻炸再翻炸及第粥非常之稀 完全冇綿滑嘅感覺 雲吞麵亦都一般 總括而言係非常失望嘅一餐 絕對唔會再試第二次第一次寫食差評 希望各位朋友唔好中伏

阿媽見新開無幾耐話想去試下 我心諗都唔方好食😅不過都照陪佢去 最後竟然食到好嘢 後來先知原來有米芝蓮推介～ 叫左個古法羊腩煲 好特別 外皮係炸過既 肉質軟淋煙靭 無膻味岩唔敢食太膻既人 配料同埋腐乳醬都出色 整體都係高質素👍🏻另外仲叫左個鹹酸菜炒豬大腸 酸菜夠酸 豬大腸唔會咬唔落 都好好食 只係份量比較少 員工服務態度都幾好 會自動加水唔洗舉手 座位都舒適唔知係唔係好彩兩個人都坐到一張類似四人位嘅嘢 整體都唔錯 下次可以再去🤓

康怡廣場有好多野食好揀 今日嚟咗呢間粥店食晚餐🥣 原來呢度有好多小菜食添㗎 而且店員服務好周到😝麻辣小黃瓜及陳醋春耳我哋嗌咗呢兩款前菜 兩個都係開胃嘅小食 尤其係個陳醋春耳 細細朵好嫩 甜甜酸酸😮 另外麻辣小黃瓜少少辣 好惹味🥒白灼豬肚粉腸豬粉腸好難整得好食 呢度嘅豬粉腸一啲都唔苦🤤 而且冇豬內臟嘅腥臭味 大家可以放心食用 只係輕輕點辣椒豉油已經好夠味道🐷心肝寶貝粥鍾意食內臟嘅我 都有食到呢個粥 因為粥嘅材料有豬膶同帶子😉 豬潤好大件又厚身 豬膶同帶子都唔會煮得太韌 加上粥底好綿 每一啖都係幸福嘅味道馳名東江鹽焗雞半隻雞肉嫩滑 仲好有雞汁🐥 鹽焗雞調味適中 雞皮好爽口 隔離仲有沙薑可以點雞惠州梅菜炆扣肉梅菜扣肉半肥瘦 又好餸飯🍚 豬肉炆得好入味 肥膏入口即溶 雖然有啲邪惡 但係我都食晒落肚🐷重慶酸菜魚呢個酸菜魚有啲特別 因為佢係原條䱽魚喺酸菜湯入面 為咗方便食用 店員仲幫我哋拎咗條魚出嚟🐠 鍋入面仲有大量芽菜酸菜 材料都好豐富魚湯海味粉絲雜菜煲呢個粉絲煲味道清甜 入面有蝦乾 魷魚蟹柳等等 魚湯味道唔會好咸🤤 入面仲有好多款蔬菜 真係夠晒營養均勻啊🥬白飯份量好多 配埋上面嘅餸菜 真係好滿

呢間連鎖店嘅粥品出色 以前食過都印象深刻🍲 今次同屋企人嚟 除咗想再食呢個粥之外 仲想試下其他小菜麻辣小黃瓜呢個前菜相當有驚喜🥒 可以有啲辣油帶嚟刺激感☺️ 陳醋春耳酸酸甜甜好開胃 一朵一朵少少兜住啲醋😌白灼豬肚粉腸呢度都有好多白灼小食可以選擇 鍾意食內臟嘅我哋就揀咗豬肚粉腸😉 白灼完口感仲好彈牙 加埋俾咗辣椒豉油我地 輕輕點一點已經好好食🤤馳名東江鹽焗雞半隻完全俾佢張餐紙吸引咗🐥 雞嘅份量都幾多 本身雞上嘅鹹味已經足夠餸飯 雞肉嫩滑 唔會過生 惠州梅菜炆扣肉本身都好擔心梅菜扣肉會好肥膩 但係呢度嘅扣肉半肥瘦 幾均勻 上層近豬皮部分嘅肥膏入口即溶🤪重慶酸菜魚呢個菜式同坊間嘅酸菜魚唔同 呢度嘅酸菜魚並唔係魚片 而係原條䱽魚上🐟 而且店員仲好識做 等我哋影完相打完卡之後 幫我哋將䱽魚拎上碟度😗 等我哋方便食用 啲酸菜魚底下仲有大量芽菜酸菜 味道都唔錯㗎魚湯海味粉絲雜菜煲入面有魷魚 蝦乾 底下仲有好多粉絲🫢 等我仲嗌咗四碗白飯 食完真係超級飽啊心肝寶貝粥呢個粥就係令我回味無窮嘅粥🙈 首先粥底好軟綿 而且入面嘅材料好新鮮 有豬膶同帶子🤤 豬膶同帶子都唔會煮得過分硬 真係好推介呢碗粥白飯冇諗到一個

今晚唔煑飯，去康怡廣場靠得住粥麵小館吃晚餐。此店是米芝蓮必比登推介，我最鐘意食這裏用魚湯煲的粥，有特色又美味。今晚想吃得清簡些，叫了兩個前菜，一個小菜，一份精選推介，一碗粥和一碗飯。麻辣小黄瓜清爽，麻辣開胃芝蔴香。陳醋春耳酸甜香脆，好味。推介心肝寶貝粥，真係好味。用魚湯煲的粥底綿滑香甜，四大片豬潤軟嫩無腥味，三粒帶子鮮甜厚身，物有所值。精選推介白灼豬肚粉腸真是好介紹，無異味，豬肚厚身淋滑，粉腸充滿粉，香而有咬口，美食當前暫時忘記膽固醇。芽菜爽脆，炸花生米香，加分。金銀蒜粉絲蒸開邊蝦鮮甜，一碟六隻，粉絲吸滿蝦精華，加埋蒜蓉好夾味，用蒸蝦的豉油汁撈飯開胃。食飽飽飲番杯蘋果紅茶，滿足!店座位舒適，服務佳，難怪多客人支持。

今日去康山花園探姨媽，本來打算請她和姨丈去康怡廣場玉桃軒吃晚飯，不料酒樓已結業，酒樓的舊址已改裝並進駐了三間不同的餐廳，包括米芝蓮必比登推介的靠得住粥麵小館。姨媽提議去靠得住粥麵小館。除了精選粥麵套餐，還有客家風味小菜，特色小食，古法枝竹羊腩煲等供應。姨媽姨丈想試客家風味小菜，我們叫了半隻馳名東江鹽焗雞。半隻雞分量大，大部份去了骨方便吃，雞肉咸香嫩滑好味道，不用點鹽焗雞醬都夠味。客家北菇紅炆豬肉都好合我們口味，豬肉炆得夠火喉，入口溶化好滋味，北菇吸了豬肉精華也好正，小棠菜苗好淋甜。金湯海味粉絲雜菜煲都有水準，菜淋甜，粉絲滑，魷魚蟹柳都不錯，湯清甜。金鳳絲苗米飯有飯味。蘋果紅茶味道清新，順喉。今餐吃得稱心滿意，下次再來試粥麵。店員服務態度好，年經的女經理有效率，樂意為客人介紹菜式，服務熱誠貼心，讚👍。

點了一個魚片碎牛粥，廚師不小心漏了魚片詢問侍應伯伯後表示立刻補上魚片侍應伯伯非常十分友善 幾次不好意思 搞得我都不好意思😂😂很久沒有遇上態度誠懇的服務 希望高層見到可以俾credit伯伯 本人怕醜唔敢當面讚伯伯其他侍應姐姐都非常溫柔 有禮✨✨店內很多中老年人 我可能是除了小孩以外唯一一個年輕人😂😂 環境恬靜舒適 乾淨靠窗卡位位置景色很好粥底濃稠鮮甜 份量適中 魚片熟度剛剛好 嫩滑有魚味炸雲吞不是酒樓的炸雲吞 是真的炸雲吞 超級酥脆

做完運動剛好下午茶時段, 朋友推介不如今日去食粥粉麵吖! 都好試吓囉! 心諗...都係一般茶餐廳feel嘅粥舖, 冷氣+出風口凍到你未食完都想埋單走人, 枱面一陣陣抹不清的食物味道, 玻璃枱糊糊的那種.....。噢! 錯了..... 完全不一樣的『靠得住』, 讓我鍾意返食粥嘅感覺, 先講環境, 裝修舒適開揚, 枱與枱分隔及通道寬敞, 枱面很乾淨, 冷氣温度合適, 環境已經好合格, 再講食物質素相當唔錯, 當日叫咗艇仔粥(料足粥底夠綿), 炒麵(不乾不油麵條不粗不幼, 還配備橙色辣椒醬), 油炸鬼(微温脆口煙韌的, 一小舊容易入口底部有放油紙吸油🫰🏻), 薏米水(微温濃香薏米味), 每樣食物都滿意, 最後不得不提服務態度, 跟環境, 食物同樣有水準的, 員工制服整潔, 態度殷勤友善帶微笑, 我下星期做完運動會再來品嚐的😋利申: 本人有潔癖👍🏻通過🐷pass

值得推薦的食店，食物質素高，價合理，服務態度非常好，第一次去唔知食咩，經理譚小姐好細心介紹比我地，好好味冇介紹錯，食飯除咗食物質素要講究，服務都好緊要，好耐冇見過經理都咁好態度，今次同朋友去，下次帶家人再去食😋

和朋友晚上到康怡廣場試吓靠得住新開的分店。在入口位置旁邊另外仲有兩間食肆，而靠得住就最多人排隊，加上有米芝連的推薦，不禁令我十分期待，回想起第一次在灣仔老店的美味粥底。今晚睇吓變咗集團式經營後，是否能保持以前的水準。今次點了味醂和風豬手、清炒菜心、魚片粥同水餃。由於等了30分鐘先有位，魚片粥一到就馬上開動。要讚的是份量足，大大碗，又加了生菜，令味道很豐富。去粥麵店一向都係食開南乳豬手，今次用味醂豉油的豬手醬汁帶微辣，有新鮮感，如果用嚟撈麵會很不錯。清炒菜心味道正路，菜心亦夠嫩。相比之下水餃有D失準，餡料沒有鮮味，湯底亦不夠清澈，有改善空間。整體味道不錯，坐得舒服，價錢亦合理，會再嚟。

一朝早嚟到唔使排隊坐位都總算好坐晏點入來就開始要排隊食左雞粥好味 雞好嫩佢哋應該出名食粥面一般 仲話出名 有點失望個雲吞麵 真係好一般豬肚都好味 😋油炸鬼好鬆脆腸粉好味買單三百幾叫左三個餐

近排食得太多月餅，要清一清腸胃！這裡是好去處😋 一碗魚片粥，一條油條，加多一碟鱿魚炒麵！兩個人吃，夠喇啩！粥好綿，魚片比我預期的多！諗諗吓不如加多碟豬潤放落粥到，原來厚切上，每塊有3分厚，口感夠，爽呀！油條即炸，新鮮脆口，並唔係番炸脆到散晒嗰隻！炒麵最重要係唔油膩，又ok喎！係啲魷魚鬚细咗少少囉…有粥就應該有腸粉，又叫碟試吓！冇失望，腸粉夠滑，混醬得宜，仲要夠熱🔥 食食吓都食咗嗰幾兩個鐘，因為環境真係好舒服，有大玻璃窗望出街外。要輕食，呢到係個好地方！