影片
招牌菜
喺熊貓叫外賣 咖哩薯仔雞扒飯，間野喺熊叫靚太茶餐廳，食一啖咖哩已經覺得勁喊，雞扒又要拉油拉到乾晒，根本唔係果會事，話咖哩薯仔連咖哩都無!食多兩啖已經食唔落，即刻google邊間嘢喺邊，搵左勁耐都搵唔到有間嘢叫靚太茶餐廳，跟手打返俾送外賣個車手問佢喺邊到打外賣，先知原來係靚太煮意！呢間嘢真係永遠都唔會有下次
繼續閱讀
喺地皇廣場食咗幾次，食物夠大眾化，開心佢可以係地鋪重開😚😚相信店家都係動漫迷，有不少動漫Figure擺設🤖🤖星期一就叫咗佢嘅例牌菜😊😊～～～咕嚕肉飯～～～咕嚕肉非常多，都有成7-8塊，啖啖肉仲要冇骨，酸甜汁嘢味配白飯一流👍🏻👍🏻～～～粟米🌽肉粒飯～～～唔應該叫粟米🌽肉粒飯，應該叫粟米🌽肉片飯，都有6-7塊，份量亦唔細😝😝味道ok🤗🤗～～～紅豆冰～～～紅豆冰超級～～超級～～大杯，椰汁味香，紅豆處理得好好，係我鍾意嘅軟‘淋淋’質地😍😍有咁大杯嘢飲要連埋個飯都係$43 ，真係好抵🥰🥰
繼續閱讀
茶餐廳都有私房菜？！疫情下難得相聚，朋友約在荃灣食飯，打邊爐最大路。入到”靚太煮意”感覺似茶餐廳因朋友認識店主，知道可以自定餐單，所以時日訂了大魚大肉餐。他說如果有熟客想訂餐都可以，中菜為主，有大酒樓水準。很多熟客都在此慶祝及聚會。講返我哋大魚大肉餐，擺盤精美，已令我們食慾大增，加上食材新鮮，唔似大路火鍋店全部冰櫃食物。海鮮都係order才去街市買，所以係非常新鮮. 鮮鮑魚，略為滾一分鐘已熟，爽口唔癡牙。花蟹雖然細隻但係肉質鮮甜，蝦🦐爽口彈牙，鱔條厚肉彈牙，因為師傅切厚條不是薄片，冇得輸。肉類我首推係手切肥牛肉，是新鮮牛肉買回來師傅切，質感非常好，有鮮牛味，嫩滑。朋友不吃牛，訂了豬肉是西班牙及美國貨。五花腩，看似肥膏，但滾熟後，肉質紮實但不肥，反而感覺爽口，不用太咀嚼已吞落肚子去，一不小心食多肉了😅豬潤，一個字「鮮」，滾兩滾食得，無渣入口即溶。太多美食不能盡錄不過最後一定要提嘅係師傅拿手的炸響鈴，自家制，一放上槕已知有幾趣有幾鬆化。所以3秒，只係3秒，滾滾滾食得👍🏻空着肚去，捧住肚歸家，太幸福了😋下次一定要試師傅炒餸手藝。
繼續閱讀
叫外送唔好彩叫着呢間。（咕嚕雞球+燒春雞半隻）等左差唔多一個鐘，諗住等咁耐一定好用心製作架啦～送到黎，懷著飢餓同期待既心情打開個飯盒，得2個送既？？？飯同湯呢？我地即刻打返去餐廳講，個（疑似）老闆娘就話係外送公司問題未改返岩既menu，飯同湯要另外加錢，下次補返個飯比我（我心諗乜仲有下次？）就算係公司既問題，作為餐廳都有責任check check ，至小一句Sorry都要有呀。一味將個責任推比第三者，我係要煮飯都唔使叫你啦，貪你等得耐咩～食物質素不過不失，但冇下次了，態度真係衰到冇人有又諸多藉口。
繼續閱讀