青悅·越泰料理

營業中

休息中

今早放工，到青悅食早餐，剛剛坐低已經見到比平時多人，不以為意，侍應非常忙碌，差不多我們坐下六七分鐘才來，原來電腦壞了，下單後我與同事傾談，看到二三枱客人都説趕飛機，相信等了一段時間，有的更等不到要離開，我們亦等了差不多四十五分鐘，什麼都沒有，此時我看到侍應送出食物到一枱剛到十分鐘不到的客人枱上，我即時感到非常不滿，我中間時間曾經向侍應追問過下單進度，現在看到她將食物放在這枱上，真的想反枱，沒有電腦不至於混亂到這樣吧，我們即時離開，避免不知等到什麼時候，本身覺得食物都不錯，所以早餐都不時會來，現在算吧，根本沒有管理，不想下次再這樣白等了

When you order l food here, it never comes; when it comes, it’s always the wrong order; when the right order finally comes, it tastes like crap. I have ordered a stir fried seafood noodle, and had to chase it three times before it came. The noodle was salty, the seafood cold. My friend ordered a beef noodle soup and the soup was cold. For Christ’s sake, avoid this place and try something else at the airport.

12/12/2019 @ 機場 青悅越南料理今日有工作在身黎到機場，放lunch見周圍都比較多人，就上左一層，本身同事打算飲茶，但得翠園可以揀，美心…不了，於是試下翠園隔離呢間餐廳，見門口都幾好，餐廳又大又多人，似ok咁就試一試首先原來冇lunch menu, 全散叫…ok..我叫左個蛋包海鮮炒金邊粉…，係大碟的，但賣相不吸引… 先是蛋包金邊粉，蛋是煎成網紋狀的，但十分乾和十分硬，好像吃紙般…裏面的金邊粉略帶茄紅色，食落冇乜味，又濕又太腍…煮得太耐…旁邊一大堆生芽菜唔知想點…十分雜亂…泰式蝦餠？蝦球？非常失望！ 一望想去賣相已經唔得，而且應該是蝦餅但來了的好像蝦球一樣，好油，食落淋batbat，一啲都唔彈牙，亦都食唔出有蝦的味道！ 非常差！一嚿麵粉似的， 完全唔推薦！78蚊的這個小食，一啲都唔好食！而且非常之唔抵食！越式蒜蓉牛油雞翼………蒜蓉超多亦都炸得算香但係冇牛油味仍然是非常之油，貴，唔好食， 唔推薦

青悅 Lime Garden 之前在青衣試過一次，後來知道機場開了分店，經過機場時便去試試。餐廳位於離境大堂非禁區，在翠華對面，地方也不少，座位也很闊落。一行兩人去到，看餐牌上的賣相也不錯，我們要了菠蘿豬頸肉炒飯和青咖喱荔枝豬頸肉飯，上菜也很快。味道中上，雖則在機場吃東西是不會便宜到哪裡去，但這裡的食物質素也對得起這個價錢。

遇意黎到機場附近工作難得係機場食 lunch 唔使趕頭趕命上飛機要對自己好D 就揀咗呢間越泰料理望一望過餐牌，食物款式種類都唔少。價錢方面都屬於中高價位.午餐時段就有午市套餐優惠有炒粉麵類// 湯麵類 // 泰式咖哩類等都好齊全，會包一杯餐飲。另外，都可以加$18有嘛其中一款小食。.⭐️另加既越式春卷 $18⭐️泰式海鮮炒河粉 $8x.加嘛一之後埋單$1xx食物都夠大份，一定夠飽。可惜炒河味道一般，唔算有獲氣，唔算特出既味道。而且河粉係幼身圓形，唔係一般既寬身河粉。炒起上黎反而唔係好夾。.

臨上飛機之前打個底，睇過餐牌覺得唔錯，所以二話不說入去試吓，味道果然唔錯，我會推介菠蘿炒飯，如果鍾意食菠蘿嘅話，佢燒左一片菠蘿，好抵食，炒得來好香甜，有腰果，份量都夠大碟，反而好有泰國風味，好啱食！

泰國/越南菜🇹🇭X 機場✈️系列▫️餐廳：青悅·越泰料理▫️地點：赤鱲角香港國際機場機場一號客運大樓 (非禁區) 8樓離港層8T011-012號舖▫️營業時間：Mon-sun 6:00am - 11:45pm▫️價錢：～$80+—美味：🇹🇭🇹🇭🇹🇭🇹🇭環境：🇹🇭🇹🇭🇹🇭🇹🇭價錢：💰💰💰💰—去到機場等幾個鐘✈️🤨食咩好？！👦🏻👧🏻鐘意泰國🇹🇭菜🤤去咗青悅食蛋包海鮮金邊粉🤤泰國既金邊粉（Pad Thai)係好好好食🤭🤭有咬口，而且配花生碎🥜同芽菜🍴依間仲加埋蛋🍳🥚落去炒👅好好食🤭賣相同味道都一流🤪而海南雞飯都同樣高質🤪雞肉鮮嫩，加埋個汁💕同飯好好吃—#好西 #打卡 #甜品 #泰國 #青悅越南料理 #機場 #pad_thai #椰汁 #mango #正餐 #夏天美食 #HongKong #HK #foodie #goodwest #food #meal #lunch

近排舊pokka個位開左間青悅·越泰料理, lunch一個飯/麵加飲品人均消費70-80幾蚊, 機場staff優惠免加一, 新裝修走簡潔路線, 枱同枱之間勁多空間坐得舒服好多, lunch menu好多款選擇: 炒飯, 泰式海南雞, 炭燒, 咖哩, 湯粉, 喇沙, 撈檬... 正.>L42. 炭燒豬頸肉配扎肉撈檬 (HKD72)撈檬同魚露一齊黎, 樽魚露有大量辣椒🌶️但味道只係微辣, 怕辣嘅人都啱食. 豬頸肉有陣陣炭烤香, 打斜厚切肉質易咬, 唔覺好肥膩; 一碗有兩片扎肉, 細心位係塊扎肉有燒過, 食落香口得多. 大多數越式餐廳都易外一碟九層塔有啲直頭唔主動提供, li碗有一大枝, 夾埋所有魚露配料菜一齊食好有越南風味. 撈檬份量好足, 喺機場黎講真心足料飽肚.> L43. 香茅雞全翼配扎肉撈檬 (HKD68)雞全翼已經剪好兩件, 脆炸蒜同花生🥜粒又多種口感, 第一次喺機場食li間, 食物整得有心思, 可以encore！> Lunch-熱檸水 唔使加錢嘅餐飲有大路嘅汽水, 檸🍋茶, 水, 咖啡☕️, 仲有菜蜜. 另外加HKD12就可以轉特飲. > 對自己好啲

近來在機場工作, 要食勻全機場既餐廳, 整返個機場飲食指南先得 今次來到人最多的 T1 departure hall 的青悅。喺機場既餐廳都有咁上下貴，呢間比起其他餐廳呢間算坐得舒服，空間闊落，唔似入左 gate 入面嗰啲，又貴又難搵位坐，或者好似太記咁係自助形式。食物方面，今日叫了個 BBQ 餐，隻雞翼燒得好香好靚，好似真係用炭火燒咁，另外跟餐配一隻老水蛋 / 蒸水蛋，老蛋蛋心半生熟，幾好味，除了雞亦另外有豬頸肉揀，都燒得好唔錯。

去旅行前，食個下午茶先，第一次試呢一間青悅，見呢一間多座位，坐得舒服，就入嚟試吓！ 冇午市套餐，加一服務費！我們點了生牛肉河粉、豬扒湯檬粉 （豬扒另外用碟上）、西柚冰茶 （味道一般）及熱鮮奶咖啡！ 份量算適中，味道不過不失！服務態度就一般啦！

每次去機場上機前，吾係食大記就食翠華，價錢又貴，又吾太好食，所以今次特別D, 揀左尼間-青悅越南料理。由於去到已經是晚上9點，客人不多。機場食野，價錢貴就一定|叫了火車頭$82,扎肉海南雞絲河$64, 另外叫了2杯飲品。火車頭份量比較少，但材料都多都足，味道都係高水準好味道。扎肉海南雞絲河，料都算多，味道都是高水準之作。2杯飲品就不過不失，如果收三十幾蚊就不太值了。環境非常超濶落，座位都舒服，環境乾淨。

見3點幾機所以約埋響機場做既frd食lunch，我早去搵位先因爲lunch hour岩岩開始所以唔洗等好耐。坐低即刻影份menu比frd睇幫佢叫定，點知野食落左單5分鐘都唔洗已經黎左🤣唔知係咪機場要趕機所以黎得特別快🤣🤣🤣Frd叫左生牛河我就叫左泰式船河，即係咩都有d既雜錦河。味道唔算有驚喜但都唔差，係預期既味道。年中都無幾可響機場食，成日營住營住機場餐廳貴夾唔好食，但呢間味道唔差價錢make sense，出面商場食都差唔多價錢。唔想食快餐m記果類，呢間都係一個好既選擇。另外成間鋪好闊落，每張枱之間都有一定空間唔會坐到迫迫夾夾。我拖住個28寸喼好驚阻到人，入去之前都問reception係咪可以就咁拎入去，定鋪頭會有另一個位擺，店員表示拎入去就ok。埋到位發現原來係拍埋牆既尾位，我張櫈後面仲有位岩岩好放得落喼又唔會阻到人超正！唔知係咪見我拖喼特登安排呢個位比我🥰因爲睇得出其他客大多數都係機場做野既人整體黎講間鋪既食物唔錯，整體安排都好舒服，有機會都會再黎食。

越南泰國菜一直喺機場比較少見，今次開咗嘅青悅鍾意食越南泰國菜嘅我點可以唔試吓。首先上菜嘅係小食越式春卷，同埋泰式奶茶。個春卷皮炸得好好食， 同埋入邊嘅餡都唔錯。但係呢一個春卷竟然就剩係得一條咁大把同朋友都冇得分享一齊食。另外的泰式奶茶亦都好好飲同喺泰國飲嘅差唔多好濃好好似。之後係朋友叫嘅撈檬粉，朋友好鍾意佢一齊上嘅葉。佢話撈埋一齊食好好食喎，咁我試咗兩啖都覺得呢個檬粉好好食嘅。夏天唔想食咁油膩嘅呢個一流呀。而呢一個留心炒蛋打拋豬肉飯就等於比較耐先上菜啦。而且同樣地分量都係好細，個蛋煎得好食好香。但係個豬肉就整得比較鹹。但係覺得個撈檬好食啲呀😄

又到左要係機場食lunch既日子。有間新餐廳，當然要一試🤗仲有一版無影，係撈檬系列。見到大部分都係BBQ 肉，應該係主打，友人叫左BBQ 炭燒飯類，豬頸肉配豬扒配鹵水蛋。我呢啲唔嗅米氣既梗係食粉，嗌左燒雞全翼撈檬。撈檬黎到，賣相不錯喎 （澄清：我落左個汁先記得影相）。隻雞翼唔係hea野，堅係燒既，幾香👍🏻雖然本人唔多好扎肉，不過都幾好食。不過友人個飯就黎左兩次都係錯，可能啲兩餸系列比較容易出錯🤷🏻‍♀️不過味道搭救，好食，又juicy👍🏻

今日在機場活動，順便到新食肆聚餐。越南春卷 $62  春卷份量少及細條，炸得香口，但餡料只有胡椒的味道。熟牛肉河粉 $64 牛肉大大塊，可惜很難咀嚼，河粉薄，湯頭鮮甜。扎肉海南雞絲米粉 $64  整體味道適中，湯頭同樣鮮甜。蛋包海鮮金邊粉 $86  半圓蛋包是賣相重點，海鮮是兩隻炸蝦。金邊粉炒得不錯，金邊粉內有豆腐乾粒，旁邊有花生、青檸及伴菜，將花生與金邊粉拌勻可令口感豐富。除了已有的甜味及鹹味之外，酸味青檸要自行調較，辣味欠奉。海鮮喇沙米粉 $74  材料有魷魚、青口、蝦、豆腐卜、蛋及扎肉。湯味適中，帶點微辣，若喇沙味再香濃會更好。香茅豬扒河粉 $68  豬扒大塊，是厚切的，表面微焦，令賣相加分，外脆內軟一點也不油膩。以這價格，香茅豬扒無論在烹調及調味方面都有不錯的評價。河粉內有白蘿蔔及洋蔥，湯頭清甜餐廳地方大，在門口等待入座時需要一點耐性，尤其在繁忙時段店員須要多一點時間溝通及安排。如能在食物整體質素及味道方面着力，必會讓食客的味蕾有更大享受!