雲海滙

營業中

休息中

朋友購置港鐵南昌站附近的樓盤，探訪新居後，到附近的酒樓一同晚膳。雲海匯在海達邨商場，裝潢頗為新淨整潔，感覺不錯。環境闊落，座位間隔寛敞。推介的燒味價格實惠，朋友作為該區新街坊，看來將會成為常客。三餸一湯，二人晚飯尚算不錯吧。鹵水豬仔腳（ $48），鹵水味道不太鹹，豬仔腳肉質爽脆，是度我倆都喜歡的小食。部長極力推介靚湯 - 原隻火瞳燉花膠 $188，價錢可謂極度吸引，所以兩人開餐，都忍不住點了這盅巨型燉湯。這度燉湯可謂真材實料，湯味濃郁。而且份量十足，有足八大碗以上。湯料可見原隻火瞳，還有花膠雞腳，骨膠原豐富，確實美顏保養佳品。火瞳已煮得十分軟稔，外皮嫰滑，鹹味亦消除得八八九九，直接食都不鹹，甚至可配點豉油吊味。芝士焗澳洲龍蝦伊麵 $168，港式酒樓經典菜式，半邊澳洲龍蝦新鮮彈牙，口感味道俱佳。芝士味濃淡適宜，不太膩，質感軟硬適中，加上濕潤易入口，又一秒清的菜式。每頓晚飯要有菜是常識，這道蒜茸豆苗 $108，豆苗鮮嫩，雖不是豆肧，亦嫩滑無渣，蒜蓉爆得香口，價錢也算合理。跟朋友言談甚歡間，不覺就把三餸一湯都吃個精光，感覺甚為滿足。

今日黎南昌站探朋友，佢帶左我去附近嘅酒樓飲茶～價錢相當抵食，選擇亦非常多～蟹粉小籠包 6件 $58好多人都有叫，我地都試下～新鮮熱辣辣，皮薄餡靚，淡淡嘅蟹粉味～六星報喜 $39.8點心拼盤好抵食～六款唔同嘅點心，我自己最鍾意食燒賣同蝦餃，水準唔錯～蟹籽燒賣皇 $26.8燒賣好正，大大粒啖啖肉，再encore～爽滑牛肉腸 大點腸粉皮滑，多牛肉，正～其他點心都好食～上湯焗龍蝦半隻 送伊麵 $88午市優惠！！勁抵食！！半隻龍蝦啖啖肉，絕不欺場～燒鵝飯 $50一個燒鵝飯，有成一例咁多燒鵝，真心抵食～

今日係南昌約左屋企人食飯，屋企人擇左間酒樓話平時黎飲茶抵食😅坐低叫野食又幾驚喜地抵食同好食👍🏼👍🏼難怪平日夜晚都坐爆場啦。酸菜 $15/碟、茶芥 $13/位。。晚市有啲特價小菜五選一幾抵食，今晚我地擇左「脆皮燒腩仔 $58」，脆皮燒腩仔肥瘦相間、咸香滋味，鬆化香脆，幾唔錯。。之後order左個湯「原隻火曈燉花膠湯 $188」個湯真心好正👍🏼👍🏼用上原隻火瞳（即金華火腿）、花膠、老雞餚製、用文火燉足6 小時以上。超入味！超濃！仲要好大煲，其實8-10人都夠飲，極度推薦👍🏼。小菜方面就點左「鹵水豬仔腳 $48」相當入味、滷水味濃。「蒜蓉蒸大元貝 $38/隻」墊係扇貝下面粉絲吸收晒扇貝既鮮、蒜蓉的香，指天椒的辣，加上彈牙鮮甜的扇貝，真係啖啖鮮味。「白灼海生蝦 半斤 $68」鮮味爽甜，抵食。。剩係個湯飲完都飽到上心口，小菜質素都唔錯，重點係好抵食👍🏼下次屋企人都話要再黎食。

這間位於南昌站的酒樓《雲海𣿬》，晚市主打中式小菜，而且很多特價小菜，款式甚多，還有多款套餐供應。蟹粉小籠包小籠包湯汁豐富，有少許蟹粉鮮味，一籠六隻，十分抵食。原隻火瞳燉花膠湯每枱必叫的燉湯，一盅足4-6人用，燉湯用了原隻火瞳，花膠、魚唇、紅棗及及龍眼肉等，用料十足，味道鮮甜濃郁。燒腩仔雖然是特價小菜，但絕無欺場，燒腩仔皮脆肉嫩，而且用了腩位，半肥瘦肉。芝士焗海蝦伊麵超大碟的海蝦伊麵，表面舖滿了芝士汁，麵質爽口，海蝦新鮮彈牙。鮑魚滑雞煲雞煲煮得入味，雞件份量十不少，而且很嫩滑，鮑魚有五隻，新鮮彈牙，超值之選。

深水埗的朋友介紹一間頗有特色的中菜館，所以今晚來到深水埗，就過來試下這間雲海滙。餐廳位於海達邨二期1樓，裝修新潮雅緻。Menu菜式頗多，門口大大的張貼著晚飯優惠五選一。原隻火瞳燉花膠湯$188，面原隻的火腿、花膠、雞腳、瘦肉、冬菇……等等，非常足料，湯底很清甜，是平時比較少飲到的老火湯味道！椒鹽鮮鮑魚 6隻 $68優惠五選一中要了椒鹽鮮鮑魚，鮮鮑魚經炸過，面上炸粉頗薄，面上有一些炸蒜粒，比起蒸鮑魚是另一番的香口味道！鮑魚雞煲 $98 鮑魚有五隻，份量都不小，雞肉切得 頗為大件，肉質嫩滑，雞肉的份量多一些會更好。雞煲上還配有腍中帶點爽的西蘭花。酥炸龍王釀花膠$21.8 因為都叫咗都比較多餸，但見到這個非常抵食，所以要了一隻，外層少少脆中帶軟，酥炸龍王釀花膠裏面有滿滿的肉餡，好香口，抵食！蒜蓉炒白菜苗 $88 我覺得每餐的蔬菜不可少，蒜蓉炒白菜苗廚師就炒得清新爽口。爆珠芒果布甸 $28爆珠芒果布甸，甜度剛剛好，不太甜，爆珠口感好特別，芒果的味道頗濃，布甸口感幼滑，為今餐特別的中菜畫上圓滿句號。

位於海達邨酒樓已開一段時間,都係保持一貫水準,比起部份名牌酒樓出色,招牌燒鵝肉質鮮嫩,鵝皮油香濃郁,而且份量十足,價格實惠。蝦餃皮薄餡靚,隻隻都非常大隻蝦,又爽又甜。炒飯亦一流,鮮蝦腸粉~粉皮夠薄夠滑,仲有牛肉球,熱辣辣又香又大粒食到飽飽,埋單只係二百幾,咁高質簡直係超值

過年飯最差體驗 垃圾服務態度 早已經預訂還要等了一小時都沒有要上菜 叫了員工和經理跟進6 7次都沒有理會 比我們晚到的枱反而還比較快上菜 仲要呢個無戈個無 其實唔想做可以關鋪執咗佢無謂浪費大家時間，唔知以為餐飯唔洗比錢，永久罷去。

同朋友去深水埗電腦商場行吓，佢知我喜歡食中菜，話附近有間雲海滙 ，抵食又好味，一定要試吓！酒樓地方很大，座位寬敞舒適。京式片皮鴨，每隻片皮鴨有 超過20片，配以京式手工烤餅 、青瓜條、京蔥條，片皮鴨外皮酥脆鬆化，肉質嫩滑，餅皮厚薄適中，入口煙韌，再配以甜麵醬，絕對係最佳配搭。二食亦只加68元，可以選擇七彩炒鴨絲、醬爆鴨件或鴨絲炒飯，我哋揀咗鴨粒炒飯，份量十足，夠曬鑊氣，鴨粒和飯都好香口。清蒸游水沙巴龍躉約一斤，熟度啱啱好，魚質鮮甜嫩滑。脆皮雞，雞皮薄脆如紙，雞肉軟嫰多汁。

放假週未，今天同朋友去了一個少去區酒樓飲茶，位於在一個屋邨入面，原來環境燈光光亮，裝修不錯，坐位寬倘，坐下，看了一回餐牌，叫了優閒孖寶煎茄子新鮮鮮茄子香味，軟霖嫩滑咸水角炸得金黄，好香口脆卜卜，香咸味精選孖寶燒賣皇幾大粒，豬肉味濃香嫩滑，蝦子連蝦舖在燒賣上，入口特別鮮鮮蝦味，好彈牙鯪魚球大粒，重鮮鮮魚香味，爽滑紅燒乳鴿燒得乳鴿皮紅卜卜，咬一口已特別脆，鴿肉厚身，好香乳鴿味同嫩滑金絲蜜糖脆脆炸得脆脆，一夾有蜜糖拉絲，鬆化甜蛋香味，甜度剛剛好薑汁千層糕有厚度，軟軟硬硬，薑味好重，好有口感雪山叉燒餐包少有，餐包有甜甜味，好軟熟同嫩滑，濃香叉燒味爆珠香芒布甸大大粒，好晶瑩，入口好爆同彈牙，特別鮮鮮香芒果味，好滑身花膠灌湯餃大粒，入口好重花膠清甜湯味，夠滋潤藥膳浸雞腳上枱聞到陣陣香，一啖入口特重藥膳味，爽口軟霖

今天出外吃晚餐順便買年花。這家酒樓位於南昌站附近，經行人天穚前往，十分方便。酒樓的內部裝修新，環境寬濶，清潔衛生，座位舒適。前菜：花生香脆，青瓜爽脆，蘿蔔鮮甜，雲耳爽滑，醬汁少少辣，很開胃。脆皮燒腩仔：皮脆，脂肪部份甘香，瘦肉部份嫩，味道沒有過咸。玫瑰豉油雞：色澤均勻，雞肉嫩，雞味濃，帶甜豉油味。雲海匯小炒王：色彩繽紛，蝦乾軟身惹味，魷魚煙韌，腰果香口，韭菜鮮嫩且氣味清香，洋葱鮮甜，味菜酸甜，加入了XO醬和薑絲，味道層次豐富，值得推介。芝士焗海蝦伊麵：大大碟，海蝦肉厚彈牙，芝士份量多，芝士香氣撲鼻，面層芝士被熔化了，醬汁亦含有芝士，伊麵很滋味。白飯軟硬適中。總結：環境舒適，食物美味。

這間雲海滙位於深水埗海達邨，係一間中菜樓上店舖，店面環境地方帶有古式感，坐著寬鬆唔會覺得逼近感覺🤔!.*下午茶 大中小點 $21*.芝士焗蝦伊麵$98呢一款焗蝦伊麵十分之吸引🤔，夠哂份量😲金黄嘅賣相，散發香噴噴芝士香味😙，整碟伊麵沾滿芝士汁液令到味道香而滑口😋味道都好正，蝦肉食入口爽口之中帶點濃香惹味芝士香😋!.玫瑰豉油雞 $98呢碟豉油雞色香味望著都好想食🤤，食入口聞到玫瑰酒香味😙，雞肉肉質嫰滑口感啖啖肉，而味道帶點香而小甜味道😋，整款嚟講我覺得都幾好食🤔!.蜜汁叉燒包(中)呢一籠叉燒包望著冇乜特別🤔，食到入口好有小時候老豆帶我食嗰種味道，叉燒包外皮口感鬆軟，叉燒肉質腍嫰味道特別😋，尤其是汁液濃味味道都幾正唔錯!.奶香千層糕(中)呢一款千層糕奶黄色嘅賣相細細件🤔，散發奶香味😙食入口口感軟綿綿分別有四層，其中三層隔著口感煙韌都幾特別，整件帶點甜而香口鬆軟😋!.藥膳浸鳳爪(大)呢碗浸鳳爪散發濃濃藥膳香味😙，食入口鳳爪味道香腍而滑口😋，而每一口食到充滿藥膳香，湯液味食十足!.鮮蝦菜苗餃(大)呢籠菜苖餃賣相望著好似幾好🤔，皮薄通透口感軟綿綿😋，包裹爽口嘅鮮蝦同青綠菜苗，兩者配答味道都好夾!.

今晚和朋友到雲海滙吃晚飯🍚，在深水埗地點都幾方便，環境寬敞，衛生調件不錯，整體感覺挺舒服，服務員招呼殷勤。上湯澳洲龍蝦伊麵，賣相吸引，龍蝦🦞都幾大隻，肉質爽口彈牙，頗新鮮，啖啖肉，幾好味。伊麵🍜底混和上湯汁，很入味。秘製酸菜魚🐟，相當夠份量，有很多魚片，魚片肉質嫩滑，湯底微酸不辣，最適合不喜歡吃太辣🌶️的朋友。濶條紅薯粉，軟滑彈牙，吸收了酸菜魚湯，十分滋味😍。燒鵝皇🦢，雖然是例牌，但份量不少，外皮微脆，入口有熱度，最難得是沒有多餘的肥糕，肉質有口感，甘香可口😋。啫啫芥蘭煲🥬，服務員一端上枱，把蓋打開，即時熱氣騰騰，發出啫啫聲，香氣撲鼻，真是名符其實。芥辣軟骨適中，十分惹味🤩。

意想不到新裝修這次雖然打包但下次會再來堂食片皮鴨份量足餅皮 青包 和蔥絲都足加購鴨肉炒飯 有獲氣川味口水雞也好食會推薦朋友家人來下之也想試飲茶看起來有水準附近交通也方便！

有美食天堂美譽的香港，選擇多不勝數，中菜始終都是我第一選擇，今個晚飯在海達邨新店鋪「雲海滙」，鄰近南昌鐵路站，交通很方便。我們簡單地楝套餐好了！芸芸套餐中我偏愛自選百搭餐，F餐很合心意:上湯澳洲龍蝦伊麵、燒腩仔、鍋巴蝦仁。燒腩仔~脆皮燒腩仔看見也垂涎，腩仔肉入口暖烘烘的，肉質鮮嫩軟滑，是粤菜燒味特色，伴碟還有廚師醃製酸薑，醒胃又美味。鍋巴蝦仁~很像錦鹵雲吞啊！脆卜卜鍋巴蘸甜酸汁吃，甜酸汁既不過甜也不過酸，味道合適也中和鍋巴油膩口感，醬汁裏還有不少鮮蝦仁、菠蘿、三色椒和洋蔥。上湯澳洲龍蝦伊麵~整隻開邊澳洲龍蝦上碟，得體又吸引，打卡後，侍應很體貼地用剪刀幫助剪開，方便我們進食，龍蝦肉很爽脆鮮美，伊麵掛滿上湯吃，味道香濃幼滑。套餐外還添有至愛的黃金鮮魷~甘香可口的鹹蛋黃與薄脆漿，味力真的沒法擋，雖然很邪惡，但大家分甘同味却又大大地減低邪惡感😆免費糖水紅豆沙奉客，起沙又綿密的微甜紅豆沙，很完美的中式晚飯。