雲桂香米線專門店

營業中

休息中

約左友人係牛頭角食飯 剛好行經久仰大名既雲貴香 身為一個喜好食酸辣米線的一份子 怎會錯過機會 一於入內試佢一客 我點了一個酸辣肥牛雞翼春卷米線 我朋友就點了一個蟲草豬軟骨米線 一放低兩碗米線我已經發覺佢落錯單 嚟錯一個冇肥牛變咗菜心嘅雞亦米線 算 我等咗10分鐘免得再等照食 點知一食鹵水雞翼又乾又嚡 求其一間車仔麵都好食過佢 最大獲係魚肉春卷有好大魚腥味腥到連酸辣湯都蓋唔住 米線分量出奇地少 以一個五十幾蚊嘅價錢食到一餐不重質不重量嘅米線簡直中伏 不會再幫襯

成日間唔中就會好掛住雲桂香既湯底，今日都係咁😅 所以今日收工之後一條友係公司樓下搭shuttle去牛頭角食😂呢間雲桂香又裝修得幾靚架喎！😯見到咁多餸揀我既選擇困難又發作。。。結果叫左竹笙，豬肚，豬潤，魚肉春卷，芥蘭酸辣少辣紅薯粉扣底🙈個湯底酸酸地加埋微微既辣，真係好惹味開胃👍紅薯粉煮得好好唔會淋，十級煙韌，感覺紅薯粉會比起米線更加索湯底更入味～竹笙又係索湯底既首選，所以我好中意加呢個餸✌️豬肚全部都係深色好爽口既靚部位😁不過略嫌豬潤太薄容易煮過龍變左有少少粉魚肉春卷足料彈牙，有四五舊我都食晒😋芥蘭煮得剛剛好，嫰綠爽脆👍不得不提仲有杯柑桔蜜，一黎到見到好深色已經覺得應該好夠味，飲落去好有媽媽以前浸果啲鹹柑桔既味道😱😱啲回憶返晒黎，好飲！👍👍下次癮起果陣收工過黎食都好方便👏👏

雲桂香係讀書時代基本係一星期2~3日必食的午餐。。畢業之後就好少再去食了人生第一次食酸菜都係在雲桂香多年後再來回味下😋雖然多左好多新款米線/薯粉同唔同種類的湯底，而且小食都多左好多但我鐘情的小鍋米線湯底係多年冇變😆真係十年如一日😋識食必定叫腩肉😁仲要走芫茜蔥多酸中辣😛😚係我每次去必點的🙃今次加左新野墨魚頭🥰墨丸頭好彈牛，但多酸唔夠酸不過超大碗食完超飽同埋小食夫妻肺片~不過略嫌酸左d唔夠麻辣

今日行九龍灣突然想食米線又唔想食連鎖果間x仔，想換換口味， 找到雲桂香，呢個名經常係唔同地方出現近似，當然唔知係唔係同一間。坐地叫左兩碗米線同一個小食，一碗係酸辣小鍋米線配豬軟骨和腩肉，較幼身的米線口感硬度岩岩好，是我喜歡的硬度，豬軟骨炆得好入味又夠軟身，腩肉冇肥膏全瘦再加上簿切，呢種腩肉我先會食，湯底亦好濃郁，飲完唔口渴，另一碗係麻酸辣豬頸肉豬大腸小鍋紅薯粉，豬頸肉正常好難煮得唔好味，豬大腸都好入味，但略嫌太細塊可以厚切增加口感，小食叫了千層豬耳，非常推介，好好味，並不麻辣油浸豬耳，面是簡單黑醋蒜茸百耳，要心機疊去多層豬耳讓佢凝結再薄切一片片，不過小食都偏貴。

天氣涼涼哋，最啱就係食碗熱辣辣嘅米線啦！牛頭角呢間雲桂香🍜有驚喜，湯底夠正，店內環境乾淨企理，裝修有心思👍🏼.🥢豬頸肉小鍋米線湯底集酸味辣味於一身，而且加上肉碎，味道同口感都好豐富，湯底濃郁，忍唔住要飲多幾啖湯，正呀！豬頸肉都好好食，事先煎香嘅豬頸肉食落爽口，啱晒我口味！.🥢日本鱈魚豆腐星星🌟造型賣相勁靚！食落有豆香，同時又有魚肉嘅彈牙口感，值得推介👍🏼.🥢炸鮮竹龍蝦卷香口嘅小食，口感彈牙，係一個中規中矩嘅小食啦！

夏天想食米線，下雨天都一樣想食米線，其實任何時間都想食米線呢！雲桂香米線有好幾間分店，牛頭角店對我黎講夠晒就腳。呢度米線選擇夠多，簡直令我選擇困難。店內人氣王非小鍋米線莫屬，湯底我揀左酸辣小辣，配紅薯粉、雞翼、腩肉、金菇、肥牛。我呢碗食肉獸最愛的米線，首先香氣撲鼻，食落去味道濃香，入口酸辣惹味，越食越開胃；由米線改做紅薯粉，入味彈牙又索湯，呢d咁潮濕的天氣，雨水又多，食一碗熱騰騰米線真係令人胃口大開！

來到牛頭角附近買嘢一定要食呢間雲貴香店面比我想像中靚仔入面仲有零舍隔開嘅間隔獨立空間（感覺有少少日式）講返嘢食大胃王的我除咗食麵之外叫多個餸先安樂口水雞$42 呢度嘅口水雞Menu上面有隻手指公當然要試試佢口水雞件口感嫩滑，冇得選擇辣度但佢預設嘅辣到比小辣更少大家可參考熱拌 水晶粉 $34這裏的粉有三款選擇分別係米線、紅薯粉、水晶粉平時的米線吃得多，來到這裏今次吃特別的可以選擇涼拌或者熱拌的水晶粉今日適逢少少雨凍凍地，選擇咗熱拌水晶粉入面係有秘製微辣肉醬（會有辣）、花生、榨菜、鹹菜、醋，被仔撈汁賣相好吸引個人喜歡選擇小辣，唔會太辣搶走其他配料嘅味道好鍾意佢呢個配搭有咬口，卜卜脆，再加上煙銀嘅水晶粉酸酸地，好開胃另外最後要提一提唔好以為入得來雲貴香就一定要食辣野呢度所有嘅麵款都可以揀辣同埋唔辣唔辣嘅朋友都可以嚟試吓

今日經過觀塘想食米線，見到佢做緊下午茶優惠，所以就試吓啲平時唔會食嘅嘢。我哋兩個人叫咗一個雲貴紅薯，由於怕辣但又想食辣，所以叫咗三小辣，結果味道啱啱好，好開胃！碗粉有晒我哋所有鍾意嘅嘢食，食極都仲有，如果嗰日好肚餓真係強烈推介。另外叫咗個雲吞湯，啲雲吞大隻到可以一開二，肉餡多汁鮮甜，又係肚餓大食之選！性質比真係好高！跟餐跟咗個凍柑桔蜜、唔會太甜潤喉，又開胃又解渴。而我朋友就要咗杯熱菜蜜，味道都唔錯，係健康之選！

到了牛頭角拎野，順便搵個食，就到了雲桂香食米線，一點幾鐘好多人喎，幾乎滿座，只有門口第一張枱，炎熱的天氣又開住門，都真係有點熱，後來食客少咁啲又閂番門就好多了。哈哈，咁熱天梗係叫凍飲，見隔離枱點了菠蘿特飲幾正喎，不過是日有點熱氣都係點鹹檸七穩陣，鹹鹹地嘅青檸同七喜特別夾，加上一大杯冰底透心涼，天時暑熱真係好正。平時食拉麵會加碟餃子，今日食米線就試下呢個炸燕皮肉餃，肥嘟嘟嘅樣幾Q喎，雖然話炸又唔係話硬邦邦。入面啖啖肉好香口，個皮韌韌地好味噃，一碟有八隻抵食吖。主食就要左豬大腸海帶熱拌米線，嘩，上枱真係嚇親，大碗到離譜，啲米線滿哂，唔知係咪無湯嘅關係，米線係平時食開嘅雙倍！海帶軟身但仍有咬口，感覺上有啲綠色物體健康啲嘛，自己又鍾意食海帶，份量有半碗之多，呢個餸好抵。另一樣餸就係滷水大腸，煙煙韌韌嘅口感好正，大腸清理乾淨無異味，滷水汁入味好正。熱拌米線本身有肉醬，鹹菜同花生，要了小辣口味，拌混之後啱啱好。米線彈牙不過淋，是喜歡的口感，小辣惹味得黎不嗆口，大大口食正呀。好對胃的口味，碗米線份量極多，平時成其他店成日都唔夠飽，今次呢碗最後都食淨一口，盡力了。

每次經開觀塘牛頭角唔知知咩就會黎呢間雲桂香食米線😛因為又平又好食🥰今日同朋友就一人叫左一碗食❤️我叫左小鍋米線（小辣）走莞茜加左生菜（$7）同雞翼（$9）小辣都唔係好辣，但佢係正宗嘅酸辣麵，酸味會比較多。米線都係好彈牙，份量超多，我食唔晒比男朋友幫我清埋🤣生菜乾淨新鮮，都算多，唔錯！雞翼$9得兩隻，但魯得好夠味，食上癮！男朋友食左紅薯粉（微辣）豬軟骨（$9）加腩肉（$9）微辣好啱唔食得辣嘅朋友，香得黎唔算辣❤️另外個腩肉係超推薦！真係必食！好香同小辣🥰豬軟骨就份量好多，超抵，啱晒食肉獸！下午茶時間+$3就有凍飲、好抵🥰

腩肉小鍋水晶粉 ($41)水晶粉爽脆又軟韌，彈滑有咬感，吸收湯汁後味道酸酸辣辣，惹味開胃。豬頸肉貢丸熱拌米線 ($54)炎炎夏日裏不想吃熱騰騰的湯米線，怕吃至大汗淋漓，吃拌米線就最好不過了！配有微辣肉醬、花生、榨菜、咸菜和特製撈汁。豬頸肉份量多，色澤金黃色，相當吸引。儘管豬頸肉沒有一點脂肪，但嘗起來感覺爽脆有彈性，入口既柔軟且帶有嚼勁。貢丸彈牙爽口，味道不錯。吃法像撈麵一樣，把配料、米線和醬汁拌勻，入口帶少許辣勁，十分惹味！

晚餐忽然想食米線，一搵就見到觀塘區都有雲桂香，以前我喺柴灣返工都經常食呢間，所以就決定黎回味下佢嘅招牌小鍋米線。我地兩個女仔叫左一碗中小辣嘅小鍋米線配雞絲豬耳，一碗小辣重慶酸辣粉配竹笙同日本鱈魚豆腐，再叫兩支解辣嘅凍豆漿。配菜當然有交換黎食，雞絲唔算太鞋，豬耳竹笙都爽口，竹笙吸埋D酸辣湯好好味，鱈魚豆腐本身偏淡只帶少少豆腐味，不過配埋湯汁都OK嘅。小鍋米線個湯比重慶酸辣粉咸，所以叫辣少少就啱嫁喇，小鍋米線配料芽菜酸菜非常多，多到食唔晒，重慶酸辣粉嘅湯因為有醋，所以酸酸地好開胃。鱈魚豆腐星星形好可愛，就咁食味道偏淡，建議浸下湯，等佢表皮吸下d湯汁會更好味。交通位置都好方便，行去巴士站同地鐵只係5至10分鐘。環境乾淨ok，但明明有張間左partition嘅枱，佢係都要我地坐張冇partition，同旁邊果張枱仲拍埋黎坐，係呢部分唔係咁好。

餐廳環境唔錯都幾乾淨，見都好多食客幫襯，價錢經濟美味好生意係正常的。雲桂米線 $60米線大大碗配料豐富，包羅萬有感覺抵食，配料包括腩肉、雞絲、魚肉春卷、鮮竹龍蝦卷、雲耳、腐竹和冬菇。酸辣湯底味道濃郁，揀咗小辣都好刺激，酸酸辣辣開胃惹味唔算好油膩，米線口感軟彈，加埋湯底的芽菜、酸菜、韭菜、蔥食落更加有口感。腩肉比較肥，雲耳多塊夾口，腐竹大片好索汁，湯底真係幾好味忍唔住要飲多兩啖。醬拌皮蛋 $20皮蛋淋身醬汁惹味好多蒜碎，但依然不及譚仔好味，欠了點麻香。咸檸檬七喜(凍) $10飲番杯咸檸七中和下味道解辣解渴最佳之選。

平時都有經開呢間野，不過今日食午餐又唔想太飽就走過來試試。小鍋米線走酸菜，要雞絲，熱奶茶。$28+$9+$6 咁就$43。湯底ok，雞絲柴左啲，勁乾身，唔會再叫雞絲，奶茶Ok。(好似連芫茜都走埋😢)本來想要雞肉，不過無呢項揀。小鍋米線，走酸菜，走芫茜，要肥牛，加汽水。$28+$15+$5 咁就$48。同外面食個午餐飯餐價錢差唔多。湯底ok，肥牛份量，軟熟，唔肥，幾好，米線彈牙，份量剛飽，距個蔥都幾多。

自從知道譚仔嘅鈉含量超標之後就少食左好多，朋友介紹呢間雲桂香。今日係牛頭角見到就決定試下佢！叫左個雙餸嘅港式米線，揀左雞翼同腩肉（$43），另外仲加左我最愛嘅醬拌皮蛋（$20）。推介指數：8/10個皮蛋好正煮到淋晒仲非常入味，雖然佢個秘製醬汁食唔出係咩但甜甜地又唔會「漏」，啱晒我口味！比起譚仔尖椒皮蛋更上一層樓！推介指數：7/10呢個港式米線嘅湯底香濃得黎冇譚仔咁鹹！仲少浸味精味！米線就冇咩特別，都算彈牙爽口，同其他米線專門店差唔多。腩肉同雞翼都整得非常入味，我個人鍾意雞翼，因為真係整得好軟熟好易咬！以後除左譚仔仲多左一個連鎖米線選擇啦！