雲桂香米線專門店 (已結業)

d嘢唔好食都無所謂，兩個女人阿姐服務差到飛起，飛餐牌飛碗大大力！黎嘅時間全場得兩枱客，落單都仲要嗌佢幾次先過黎，好似阻住佢地吹水咁！問兩句答半句！一定無下次！！

營業時間12-12點，我就11:15pm去到，員工態度超級差，行到入去諗住坐底，個員工丫姐就超大聲喝我，話呢到唔俾坐！然後收銀個丫姐又話食咩？快D叫，趕住收工！吓！咩料丫，趕客唔做生意請講！好似我入黎食野就受曬佢地氣咁！都係食個麵姐！

午飯時間，忽然想吃雲桂香，於是走到厚福街分店，該店位於地牢，門口很小，毫不起眼。今次吃的是凉伴米線，餸菜點了腩肉、豬軟骨和魚肉春卷。畢竟每間雲桂香的水平不是太一致，今次的腩肉偏肥；豬軟骨夠淋；魚肉春卷太薄，缺咬口。雖然餸菜不是很出色，米線味道還能保持雲桂一貫水平。

收工坐巴士係尖沙咀轉車，順便食個夜餐避開個繁忙時間，最近做左雲桂香fans，反正繁忙時間尖沙咀呢間雲桂香長期都好空，點知原來咁空係有原因既！！呢間雲桂香真係麻麻地，個湯底叫左中辣，但完全無辣度，又唔香。啲配料又少左好多，食到好無癮，唔係話難食，但真係幾失望，下次寧願去遠少少食第二間仲好！！

很久無吃雲桂香，今次因爲在尖沙咀宵夜不知吃什麼好，又太肚餓，近近地就行入雲桂香。雲貴香的選擇夠多，有湯的，有冷拌有熱拌，有米線有薯粉。我叫了熱拌紅薯粉，小小小辣，因為不太吃肉，所以點了生菜，豆卜，金菇。另外原本的配菜有花生，榨菜和葱。醬汁方面，我覺得特別之處是有加麻油，酸辣得來帶點麻香。我選的素食類配菜也很難不好吃。。😹紅薯粉夠q彈，不過就不太掛汁☹️不知為什麼開頭吃都幾夠味，之後反而味道淡了。尖沙咀地段算是平食之選

我永遠係會叫小鍋米線嘅BB辣但次次都有驚喜，次次都唔同色澤😂🤣但辣既程度都差唔多嘅雞絲好抵食。又切得好幼，啲湯浸完之後入晒味好好味🤤🤤份量，一個大男人食完都感覺飽到撐😂

第一次黎食 全場好多空位 一入去就叫我坐去一張好污糟既枱過黎抺左兩野同冇抺冇乜分別之後嗌野食狂招手舉手都冇人理（招左不下十次）點完餐個啊姐成張單連塊板一野飛埋黎 眼尾都sou你一下到上餐啦 我一條友黎食 個啊姐將碗野放係我對面位（冇人的）然後走了 要我自己移返過黎 講緊係連野飲都係咁（前後兩個啊姐黎）好似個客係我對面嗰個空位而唔係我咁

進入左呢間先嘩一聲， 佢裝修真係一d 都唔似一間米線麵食！ 歐式風格，仲以爲去左cafe tim,,,因為想平平地吃飯個lunch, 米線算係不二之選。今次點左辣牛肉小窩米線加腩肉，小辣，而家午餐滿40 會送豆漿一杯個餐等左約5 分鐘到，辣牛肉都幾大塊、 足足4 塊！ 反而腩肉就好細片、得2/3 片禁。個湯配料都算係多，芽菜，腐竹，肉碎等等、但我覺得停次個湯底都幾咸， 吃到最尾已經好鬼死口渴 終於吃開濃味湯嘅朋友仔應該好鐘意！

呢間尖沙咀嘅雲桂香同其他分店好唔同環境好歐洲公主feel又大又有free wifi,好似cafe,可以舒舒服服咁慢慢食員工方面,雖然呀姐們間中落錯單,但好有熱誠😂都可以嘅😂而食物就係一般米線,不過不失

这条街上有很多吃的这间是不小心留意到的因为要走楼梯下一层可能看不到店面就不多人吃可是真的出乎预料的好吃点了清汤和是酸辣的都好吃清汤酸酸的很开胃两种米线各有特色猪颈肉和猪扒都不错另外加了春卷觉得好像鱼饼价格不贵 分量很大 还想再去吃吃吃可是只待五天还有好多东西还没试 (T_T)说回正题觉得不够吃的 可以另外加料周末晚上来吃 可能人不多所以觉得环境不吵闹也很干净坐着都觉得很舒服饮料点了奶茶 不甜 还不错对了 下午茶有些优惠大家可以来试试

岩岩lunch去左食，湯底較酸，米線硬身，不過腩肉出奇地令我意外，都幾好食。米線份量唔算多、但對OL黎講已紅算足夠。收銀態度極差，在吃的途中，不時見佢大聲話D客，好彩唔係話我，如果係實$&@"返佢！ 環境好舒服，估計前身是西餐廳頂手黎做。枱夠大，搭枱都唔會迫

我darling今日又帶我試新野，兩個人都幾like食米線，但多數食酸辣。佢上次自己一個食過，話味道可以，就帶我黎食下。餐牌封面有種古代歷史的感覺，quite special design! 😎原本我叫左雞翼，但竟然賣晒，有點失望，因為每次食酸辣米線必定叫雞中翼😭所以換左雲吞，但皮有d厚，麻麻地不過個酸辣湯底味道都唔錯，不過不失！今次我同darling都叫左少辣，下次可以試下中辣，可能會再好味d😋😋

今次去好似唔夠人手，以前去等五分鐘就有得食啦，今次等食物時間已超過三十分鐘，最後要拿走外賣，同埋伙計用既抹布消潔檯時有散發出異味，退步左！經過今次，趕時間真係要早點催或去其他茶餐廳。

做完gel甲，一個人晚飯，諗住求其食碗米缐。落到樓下明明係西餐廳，點知店員話食米線入黎坐la點了麻辣小鍋豬軟骨米缐，落單快手，食物亦好快到，大大碗，配料分量十足，有芽菜，九菜，肉碎，帶麻辣香，豬軟骨夠淋又夠味環境舒適，以這價位超值

每當想起酸酸辣辣的桂林米線，心中就好像有蟻咬一樣好想食，這間位於厚福街新開業的雲桂香米線專門店一於試一試😋已解我心中的痕癢😆小鍋米線加墨魚丸 - 配料豐富有芽菜、韮菜、酸菜、䓤、芫茜和豬肉碎先飲一口湯，酸辣適中十分醒胃，米線麵質有彈性和滑身。墨丸好有墨魚味而且內裏還食到有一粒粒的墨魚肉真的幾出色。腩肉煮的時間剛好不會太腍小小爽而且非常入味值得一試。另外跟麵加十元可以叫咸寧七整體來說都算幾抵👌🏻