雲桂香米線專門店 (已結業)

突然好想食米線見到呢間就嗌個外賣食啦，鐘意食酸辣米線尤其食d肉碎，次次都會忍唔住飲多小小湯，咁我就嗌左小鍋米線中辣魚腐豬軟骨，點知一打開，油到...我呆左，一啖湯都飲唔到，無可避免地每啖粉同肉碎都食到一大堆辣椒片同辣椒'杍'，餸又唔係俾得多，豬軟骨係散曬，無完整一舊，魚腐其實係魚蛋，唔係'索'湯果隻魚腐，極無奈，我未食過小鍋米線係會油到呢個地步......諗緊佢係咪俾錯湯底我，但2樣餸係俾岩嫁波，其實成個麵係油到唔好食，我諗我以後都唔會食呢間了，好可怕，45蚊食一大碗油，多謝曬！…查看更多

今日女神唔得閑，我自己周圍行，我一條友唔使食咁貴，平平哋食碗米線就搞掂。咁多間米線我就偏偏唔鍾意食三哥唔知點解，鍾意食呢間黃底藍色字嘅桂林米線。一般我都係食小鍋米線，而家有得揀好多款辣。豬腩肉原來都幾好味，不過份量就少咗啲，望落去有兩三片。切到好薄好薄，入口一陣風咁已經冇晒。幾鍾意佢有啲芽菜。味道都OK！不過啲湯就唔夠濃郁，酸菜唔夠多，下次記得要嗌多啲，似話可以加多d d 份量唔使加錢。米線就中規中矩彈牙嘅！雖然話唔係好辣，但應該好重味精，所以都要支豆漿中和下。…查看更多

米線係近呢十年最受歡迎嘅食店之一。我食過好多唔同舖頭既米線，最鍾意都係去呢間。唔係因為佢既食物特別出色，只係我覺得坐得最舒服。因為地點嘅關係，呢間雲桂香比起係大街既米線舖人流較少，似乎咩時候去都唔洗等位。我一個人想靜靜地hea吓，食吓嘢就會去呢間。呢度嘅阿姐招呼唔算熱情，不過唔會太差，都好有禮貌，而且上菜好快。有時都擔心佢地客太少好難維持到，希望佢地會KEEP住有客啦。今晚氣溫突然下降，食辣嘢就最啱。我平時一般食腩肉再加一款蔬菜嘅酸辣米線。今日就叫咗雞絲生菜。唔知係咪心理作用，我總係覺得呢間啲餸係多啲 (仲有配菜都多)。我食過其他米線舖，要辣又要加一蚊，啲餸又勁少。(不過可能係我先入為主) 或者大家可以睇相自己判斷吓。好多人都覺得食米線好油，呢個感覺一啲都無錯。因為米線本身既酸辣度係由調好既調味料份量決定，越辣的話辣油份量可能會好多，加再上好似我咁鍾意食腩肉就勁肥喇。咁既係減緊肥唔可以約朋友去米線舖？！咁又唔一定，大家可以叫清湯米線，配雞絲加一款蔬菜就最少卡路理，如果唔鍾意雞絲，丸類/魚腐都可以考慮。…查看更多

我之前都係叫"中辣 多酸"因為呢間野中辣大辣勁辣都冇乜分別但大辣就油啲 冇辣左 所以食中辣點知佢今次中辣都勁油 油成吋厚😑味道係好既 夠酸 但真係愈食愈油😂浪費quota 嬲😤…查看更多

今日中午order左外賣，店在繁忙時段可能太忙多左單，最後外賣發現漏左幾樣野食，打返電話返去反映，店員非常有耐性同禮貌佢地話可以補送返俾我地，已經同佢講左係九龍站，店員都無話怕遠，最終補送左返黎，真係一間信守承諾的店鋪…查看更多

第一次食雲桂香 叫個"大辣 多酸"唔辣 不過我覺得有啲油 所以今次叫"中辣 多酸"的確冇咁油 辣度好似差唔多😅豬軟骨依舊好食 骨同肥膏都入口即溶推介👍🏻前幾日先食完 今日食加左$1😮…查看更多

第一次食雲桂香 叫個"大辣 多酸"試下水溫先配料好多 芽菜酸菜肉碎韮菜都好多湯好夠酸 但唔夠辣 又係勁輕鬆個啲如果再辣啲應該會好油👀味道係好食既 拍得住我最愛既南記BB👶🏼------------------------------但貢丸就好麻麻 凍肉鋪都好食過佢 $7兩粒好貴蘿蔔好似用水烚即咁 完全冇味😐唯獨豬軟骨啲骨同肥膏都入口即溶 推介👍🏻…查看更多

20/5昨天晚上黃雨紅雨,不想周圍去,同老婆落街搵食。由於老婆最喜愛小鍋米線,所以決定幫襯雲桂香米線專門店。由於大雨關係所以大把位無需等,坐低後就叫了兩碗小鍋米線大辣。雲桂香的小鍋和其他米線店不一樣,他的酸辣不是加醋,而是用酸菜取味,所以這就是老婆愛吃的原因。…查看更多