雲南桂林過橋米線 (已結業)

裝修後第一次幫襯，叫了一個雲吞酸辣小鍋米線 (小辣)。米線不錯，湯底有點過甜，只有兩隻豬肉雲吞，很大隻但皮實在太厚，建議選擇其他餸菜。味精頗重，吃後兩小時仍覺很口渴。不是差，但相信不會再光顧。

重新裝修之後第一次入去食野, 成間店好似新左好多!!!!雖然感覺上好似少左好多小食, 不過好明顯統一左成間店既食品入到去叫左碗小鍋配芝心丸加豬紅~!!!!! 湯底方面OK ~!!!!! D 芝心丸入面 D 芝士一咬流哂出黎, 正!!!!!

有時返工諗食咩都幾煩。係銅鑼灣雖然有好多食店，但想搵間$50以下、5好太多人、食物又ok嘅店舖，真係5多。果日落好大雨，本來想去食譚仔米線，但5想係街邊淋雨。同事話雲南xx米線其實都5錯。我地去到5駛等，可以直接入去坐。我叫左紅薯粉。大大碗，湯的味道酸酸甜甜，很多料(莞茜、芽菜…)，而薯粉也很滑。$26，價錢算好ok。近鏡影薯粉，好靚=]雖然算大碗，但因為味道酸甜很開胃，食完5覺飽肚。過左15mins 就飽返。

以前來吃過小窩米線，覺得湯底及配料都很一般，今次試試較少見的熱拌，希望會好些吧。熱拌紅薯寬粉($21)：熱拌，就是將粉灼熱，再配上配料。紅薯粉熱熱的，煙靭得來帶點軟滑，口感很好。配料有花生、炸菜和酸菜，份量頗多，鋪滿碗面。將配料與粉撈來吃，不會太鹹，而且炸菜和酸菜令人很醒神，又沒有什麼油份，很好味。夏天吃這個是很不錯呢！今次的食物不錯，但座位安排混亂。原本安排了座位，又說要調我去另一張枱，然後又調回原先的那個位的對面；落單又叫了多次才有人回應。希望下次他們會安排得好一點。

我食嘢都係一陣一陣嘅，有一排上咗“米線”癮，隔三差五就跑去“雲南米線”大食一餐，後來食到見到米線就怕怕，而家隔咗好耐一排了，今日，無拉拉又想起雲南米線，於是中午便跑去食。正是午餐時間，用餐嘅人多，惟有同人搭檯，等餐嘅同時，見對面嘅食客已食得“雪雪聲”，可見佢都享受。好多人都講雲南米線彈牙好食，我卻是“醉翁之意不在酒”，我沖嘅唔係佢嘅米線，而係佢嘅酸菜，每次食“雲南米線”，點餐時，我都不忘加多一句“多酸菜，唔該！”我喜歡的正是嗰股酸咩咩嘅味道，酸酸的，好酸胃，每次都將D湯飲光曬。唔好嘅係之後會感覺好口渴，可能是酸菜嘅附作用。

今日老婆想食米綫諗起銅鑼灣呢間米綫N年無幫襯過所以收工就去食下入面生意同我印象差唔多都幾爆場下坐低就同老婆各點一個小窩米綫同埋一個小食啦 酸辣鳳爪筋 - 十分麻麻...我覺得酸位唔夠酸辣位又唔夠辣... HK$28 咁既分量同味道好似貴左D炸雞中翼 - 還算OK. 起碼皮脆脆地 但又無乜特別味道...只能算及格米線好明顯比小食有水準得多. 酸辣湯底幾入味而酸味偏濃. 兩碗加埋四個餸入面應該係d東菇最好食了總結係又算好食又唔算難食, 有時想食米線可一試無妨.

朋友帶路，來此店吃晩飯。朋友推介小窩米線，於是叫了一碗，加一款餸。小窩米線+豬軟骨 ($21+5)：要了不辣。配料有韮菜、酸菜、芽菜、芫茜、葱，頗豐富。湯底不太鹹，味道OK。但豬軟骨只有三小塊，沒有什麼肉，很失望。選錯了豬軟骨作為餸料，所以整體感覺只是一般。下次可以試朋友推介的腩肉，或試試熱撈／冷撈，希望會好吃一點。

叫左一個豬軟骨麵, 湯底同麵好普通, 至於豬軟骨就難食有陣"hon"味既......友人點左個水餃做底, + 龍蝦丸......點知一碗八隻水餃, 其中七隻皮係爛既, 最後一隻就差不多穿...食落去d皮未熟透(重見到粉), 而餡料就好削, 又無味道, 真係唔識形容而+個龍蝦丸只得2粒, 重要難食, 又削又無味, 似係果d大6丸...走時候同個侍應講, 佢"哦"左一聲就算, 跟住繼續執枱

第一次光顧, 入到店內, 完全無人理, 之後自己搵個位座. 地方很不清潔...打開餐牌睇, 好辛苦先睇得明. 等左幾分鐘, 好不容易地叫到個呀姐落單.我叫個唔記得咩QQ面 (唔辣), 再叫左幾樣送. 我問佢e 度係咪咁樣叫野, 佢唔答. 都算喇, 我再問可唔可以加小辣? 點知佢用支筆大力督個餐排. 我問佢咩意思, 跟住佢再督三下, 再很不滿地說"寫明唔辣啦!"呀姐, 我問下姐, 個餐排又無寫明唔辣唔比加辣.. 我起身, 佢仲話我痴線. 我回左佢兩句, 之後走人.

吃飯有時就是這樣，明明說過不想再光顧，明明說不好吃，但有時就是這樣神推鬼拉的走進去。雲南桂林過橋米線就是這樣。一直都覺得這店水準一般，湯料一般，味道一般，米線也一般；而且地上往往一堆前手食客留下的遺物(如廁紙，牙簽，或其他垃圾)但想不到吃什麼，店子就在前面，最後還是走進去。點了雲南米線(唔辣)，熱拌QQ薯仔粉配豬軟骨(中辣)，雲南米線內有很多酸菜，所以湯底也是酸酸的，最好吃應該是那2隻冬菇，起碼夠大有菇味；其他配料都是一般的火腿蟹柳及腐皮花枝，而熱拌QQ薯仔粉，有炸花生酸菜，薯仔粉外表像河粉，但Q度十足，不會吸太多辣，但夾起來的困難程度，直迫瀨粉，而豬軟骨，我給十個差，$5有5小塊，約台灣麻將大小，但某2~3塊吃起來還是脆骨，而剩下的也只是不太脆，和我一向吃的完全不同；非常失望，另外再點了一個菜心，忘了吩咐全走，還好店員願意幫我過水，店內要求再加辣湯要加$5，但連加芫茜也要$2，是生意太難做了﹖埋單$78還是一樣，不想再有下次，即便我也不肯定什麼時候又被神推鬼拉。

這間店光顧好幾年了~~由學生時代一班同學一起光顧到現在，可算是熟客了。真的非常非常的好吃，可謂百吃不厭!而且米線份量足，很飽低食...個人最喜愛腩肉小鍋米線(小辣)腩肉本來就有小小辣，味道加上小鍋米線其他的配料真的好吃得不得了~而且下午茶更低食配餐飲!值得一試哦！

$20。豬軟骨上湯QQ麵：配生菜、腐皮、莞茜。豬軟骨淋，像牛筋的感覺，不是爽脆那類型…QQ麵是白色像米線的麵條，但質地是較淋的個湯都幾咸

今朝一開門就入左去其實都知0岩0岩開門d料好大可能係昨夜用剩 但唔想0係街度企就入左去叫左 豬大腸小鍋米線食物黎到 果然 豬大腸黑黑地 肉眼都睇得出食落去就唔使講 好似發臭左咁=_=個米線湯太salty喇 我見下面有食家都咁講 唔該改善下喇環境: 有一,兩隻蚊茲仔來來去去服務: 個男waiter都幾有禮貌最後我食左一半就走左 真折墮唉 都係太子分店好好多=_=

今日去左食米線叫左小鍋米線+豬軟骨同通菜米線黎到, 點知d菜少得可憐得果一執仔叫左個著黑衫既職員黎同佢講番但佢態度勁差仲反鬧我同問我想點之後同佢理論最後佢死死氣比多一"住"仔菜我但係因為驚佢d菜"加左料", 最後都冇食到咁既服務態度就算唔使錢請我食我以後都唔會再去食!

一個月前吃了一次... 蟲草花雞湯粉..心中經常想再吃...今次真係好失望..湯..好喊.... 沒左雞湯的鮮味...只是一個鹽水湯....雞就更過份了...幾件雞全是骨... 仲要有點似煮湯用的... 一點味道都沒有.....點解一個月內...有咁大既變化????