雲南啊老表黑山羊湯鍋米綫 (上海街)

營業中

休息中

放工去了佐敦食米線，這間以羊為主的米線店，除了羊之外，其實還有很多的小食。蒜泥白肉用了半肥瘦的豬腩，一層肥一層瘦，蒜泥另上，自己可因應個人喜好點適量的蒜泥，入口唔會太肥膩，肉質爽口帶蒜香。水餃要了白菜拼韮菜，餡料十分新鮮，豬肉餡多汁且鮮。我要了豬頸肉酸辣米線，細碗已經好夠食，米線份量十足，豬頸肉爽口，還有些炸至金黃香脆的豬油渣，酸菜唔算太酸，辣味就完全唔覺。牛腩拼豬大腸湯鍋清湯米線就用了豬骨清湯，牛腩炆得很腍，豬大腸乾淨有咬口。

上次跟朋友食完，感覺不錯，打完波再來食。雲南羊肉米線好大碗，女仔未必一人食得曬。湯香噴噴，加了蒜香菜。羊肉幾塊，唔腥，這個價錢甚吸引。米線滑而帶質感，看其他客人來都點它.雙拼餃子跟湯🥟🥟$33自家，所以等待需時，等左8分鐘到就上的菜。哇，都好大碗，有10隻餃子🥟，雙拼韭菜拼豬肉。韭菜味不算濃，菜餡飽滿，菜鮮。🐷肉餃子更滋味，皮薄但有面粉香味。豬肉夠新鮮和瘦。如果你重口味，可加添辣醬.這小店的食物性價比高，可以在香港地道的雲南羊🐏肉米線好滿足。

平時去得多觀塘啲工廠大廈食飯，但係覺得上樓上舖好麻煩，所以今日就特登行過有邊間地舖可以試吓！你就見到呢一間專食雲南米線嘅餐廳，晏晝一兩點入去都仲係好多人食！餐廳嘅格局都好有雲南嘅感覺，好似去咗雲南咁！啲侍應嘅態度都好好，好有禮貌。我同朋友就嗌咗一人一個主食再加兩份小食，包括蒜泥白肉同埋口水雞，兩款口味都比較清淡，但係味道依然。蒜泥白肉比較偏甜、偏酸，個人比較喜歡，因為太鹹嘅話就冇咗嗰種味道。而口水雞亦都唔會好辣，甚至俾咗雞脾位！而朋友就嗌咗個牛腩湯飯，牛腩嘅份量都有八九舊咁多，仲有佢嘅湯底都唔會好鹹，而飯嘅份量都好多一定食得飽！我就嗌咗個豬頸肉米線，豬頸肉肉質中上，最重要係我淨係嗌左個細碗，份量都好多！而且個米線口感好彈牙！

🤔係好耐無食米線既情況下，又翻達呢間雲南啊老表黑山羊米線。 原來佢已經裝修過🦔由於太肚餓 叫左好多野食🍲 🥕羊肉酸辣米線 （細）$50其實細碗都好大碗🧚🏻‍♂️ 份量充足黑羊山肉既份量都好多食落有少少羊羶味 唔好羊肉既我～都食得落😆 羊肉偏瘦 少肥 食落幾有口感 🥕口水雞酸辣米線（細） $40口水雞既辣好貼地氣😚 幾正宗如果雞既部位可以靚啲就好😂 可能係我黑仔～ 比較多骨🥕四川麻辣雞翼 $22其實唔辣😂但雞翼都保留到佢既肉汁🐣🥕涼拌土豆絲 $18土豆絲煮得幾爽口🤪 如果再切得幼啲應該更入味🤩 我自己撈埋口水雞既辣醬黎食😂 勁正🥕上湯時蔬 $12

起香港有羊食嘅舖頭好似唔太多，鋪面簡潔，落地玻璃趟門，加個橙色雨篷，配個小字體嘅發光招牌，就咩都無啦，樓面以深色撞橙色，配簡單科幻感吊燈，幾舒服嘅🈴🈴餐牌item幾多下，但組合幾簡單，除左配粉面🍜🍜，都可以配飯🍚🍚，今次就嗌咗<牛羊雙拼酸辣雲南河粉>🐂🐐有大有細揀，已經嗌細，但都係會嚇襯嘅大碗，望上去已經好足料，成個碗面好豐富，香菜舖滿成個面，撈底發現原來雲南河粉係指豬腸粉，哈哈 幾特別，牛腩羊肉雖然唔係大舊，但好淋好有味道，配埋大大兜任落嘅菜圃，同埋無限大兜嘅惹味四川辣醬油🔥🔥，夾埋好有羊味嘅清場♨️♨️，對羊喜好嘅一定鍾意<雜錦水餃>🥟🥟水餃一上檯就舖滿成隻碟，白菜韭菜好易分到，因為個皮好通透，餡肉好味又飽滿<四川麻辣雞翼>🐔🐔幾特別嘅雞翼，唔似係炸，但又唔係滷，脆皮中有軟，我估係紅燒，雖然四川排頭，但辣度唔重，幾香幾惹味，唔錯唔錯食下食下發現有唔少街坊幫襯外埋口水雞等等，睇來都幾受歡迎，臨走仲見到有壯漢入來，睇來真係大件夾抵食唔少粉絲

好耐冇食過雲南菜，相約朋友試吓呢間「雲南啊老表黑山羊湯鍋米綫」，我見米線好特別，小食選擇亦多，急不及待，食咗先講～牛腩湯鍋酸辣米線 $50(大)湯底是用羊餚的，有陣微香的羊味，牛腩很有牛肉味，米線軟硬適中，酸酸辣辣很好味，不過沒想過太大碗，兩個女生吃剩了。下次點一碗細兩份食都夠了。蒜泥白肉 $30比起坊間的佢切得比較厚，所以食落好有𡁻口，好爽口，加埋蒜蓉冇得頂。美味口水雞 $32雞件冷盤黎，食落有點凍，不就好滑，麻辣的味道也剛好，推介👍🏻麻辣豬耳朵 $25豬耳也是切得有點厚，也大件少少，不過食落就好爽脆。吃得很爽～韮菜餃/水餃 $33有10隻，店員好好比我地各五隻試吓，喜歡吃餃子既你必食，有咩咁特別？裡面好多汁架，一啖食晒一隻，很滿足。四川麻辣雞翼 $22雞翼個皮係脆架，好驚喜，唔係好辣，好好味😋👍🏻涼拌鳳爪 $22可能因為麻辣只淋上面，所以鳳爪本身無咩辣味，但就很爽脆。

今日想食米線，見到這間店名好得意。啊老表！雲南米線，就試下啦。.叫了口水雞米線，細的$40。嘩，超大碗（這是 “細碗！”)有正常米線的兩倍！好難想飲叫”大碗”的是有幾大份。米線難多，一個人一定食不完......湯底有淡淡的羊肉香，食到有細細粒的肉（我估是羊肉），好飲又有小數民眾的那種風味。正如傳單所講：“羊吃百樣天然草，飲碗羊湯樣樣好”，飲完覺得好滋補又暖身。口水雞份量多，辣辣地又麻麻地，好有風味。雞好肥美，啖啖啖，食完好滿足！.如果不食粉麵，可以食餃子，都是平靚正之選！$33有10隻，而且大大隻，內餡有肉汁。而且是即叫即煮，熱辣辣簡單沾下醋，就已經好好食。餃子有白菜豬肉及韭菜豬肉。.涼拌木耳 $20 爽身，醬汁酸酸地涼涼地好食開胃，而且份量都好多，抵食。

同媽咪出去行下😘😘😘佢提議話食羊肉🐏🐏我都幾鍾意食羊肉💖但係專食羊肉湯麵嘅舖頭唔多💥我就搵搵....找到一間可以試下第一次黎到食羊肉小鍋米線😛😛佢有分細碗同大碗(2人份量)其實我叫咗細碗份量非常多～好抵食🤭🤭🤭🤭湯底亦帶有清淡的羊味👍👍👍👍很意外...羊肉不單止沒羶味...而且羊肉很嫩滑軟身切到薄薄一片...份量都唔少最正係加入了數塊豬油渣..十分惹味😋店舖內有樽辣菜甫放落湯好好食点了酸辣不用加費對於喜愛羊的可以不防一試另外仲叫咗一個👉口水雞 👉蒜泥白肉 👉麻辣豬耳 每碟份量很足味道亦都惹味的 呢間嘢都好好生意不停都有人入嚟

老闆係雲南大理苗族人同澳洲丈夫來港定居後將苗族傳統米線帶黎香港。上次去呢間舖係一年前，生意難做，大舖要搬細舖但品質不變🥰。大碗麵 ($5x-6x)同細碗麵($4x-5x)只差約$10但係份量多1倍，份量夠2個女仔share 食! 男仔自己食一碗都好飽。酸辣湯底岩港人口味，5會超辣，如果食得辣可再加秘製麻辣汁，正😋 如果完全食5到辣，清湯都清甜，5會好味精。羊肉大有來頭，用青海黑山羊，比一般羊肉肉質嫩滑，而且佢一啲都5 ‘so’ 👍🏻 如果真係5鐘意食羊，我覺得佢個牛腩都幾好。小食性價比都好高，平均$1x-$30有一大碟。叫左蒜泥白肉，麻辣豬耳，涼拌土豆🥔絲。所有都大大碟。我會建議第一次黎同朋友可以叫大碗米線再加小食share 就可以咩都試啲。

經過九龍公園附近，被一間個名好長好特別嘅店舖吸引，喺香港比較少有食店標榜食黑山羊，好有吸引力入嚟當然係食羊，但又想試多一款肉，咁就揀咗牛羊雙拼酸辣米線，細碗$43，價錢唔貴。捧上枱嘅米線超大碗（好彩揀左細碗，否則食唔晒就浪費）除咗基本牛、羊肉及酸菜之外，還有一款香脆配料令整碗米線生色不少⋯⋯豬油渣。值得一提，枱面放咗菜脯，香脆爽口，記得要加美味口水雞$32,又係大大碟雞肉唔嚡，個汁好香唔太辣飲埋冰凍檸茶，好飽

佐敦其實都唔係有好多米線舖，今次就黎試下依間專食羊肉米線嘅。入到去個環境都幾乾淨嘅，疫情關係都有幫每枱加板去隔開嘅。我地兩個男人因為肚餓，都叫左好多野食，一碗大碗嘅羊肉米線清湯，一碗牛羊米線清湯細碗，一碟韮菜水餃，一碟麻辣豬耳。兩碗米線同時黎，大碗真係好誇張！直頭成個頭咁大！肚餓嘅人岩哂！咁羊肉佢係好淋，一啲都唔’蘇’，反而羊味好濃！仲要係羊肉係半肥瘦，仲要唔會切得太厚或太薄，所以好好食！牛肉都係，係牛腩，但唔會太肥，又係好淋得黎又有咬口，正呀！之後個韮菜水餃有10隻，仲要隻隻都好大隻！咬一啖之後會見到入面係好足料！最好係唔會太硬！好食到下次可以叫兩碟！個麻辣豬耳又係一絕，好醒胃，麻辣得黎好刺激！夠薄又好爽，唔會好硬，所以食完一塊會想再食！正呀！因為太熱，最尾都係各自叫左杯凍齋啡同凍咖啡，咁熱咁辣嘅情況下，依兩杯野飲真係救左我地一命

今日同朋友去左佐敦行街，我地搵左一間米線店食晚餐，呢間既米線好特別，有黑山羊米線，出面好少見到有得食羊既米線！呢度除左米線之外，仲有好正既涼菜啊！我地一人點左一碗米線，我點左羊肉細碗米線，雖然係細碗米線，不過份量都好多！米線入面有好多黑山羊肉，好足料，湯底亦都好正！朋友點左口水雞酸辣米線，口水雞好嫩滑，有四川風味既辣，好惹味。湯底酸酸辣辣，好開胃！大大碟既口水雞！我地仲點左拍青瓜同涼拌土豆絲，都好好味！

話說我係一個好鍾意食羊肉嘅女仔，要喺香港食羊肉仲要搵間好食嘅真係有啲難度。不嬲都食開呢間餐廳嘅羊肉，近排喺佐敦搬咗舖，一於再嚟試吓先❤️羊肉牛腩細碗米線加左豬肉，真係好大碗，鎮店之寶既羊肉依舊好食，羊羶味簡直係我嘅大愛，咬落去好淋身，肉質好鬆化，加上小小嘅羊脂，食落口好似溶化既感覺😋額外加咗份豬肉，係豬腩肉黎架，食得出係醃製過嘅，鹹鹹地好好食😘 至於牛腩食落去好重牛味，好濃味嗰種，好喜歡，重點係羊味濃濃既湯頭，配埋米線🍜好爽口🤩羊肉湯飯，第一次喺度食湯飯，原來水準都不錯喎，一啖羊肉一啖湯飯，再有大量嘅生菜，性價比好高呀😊自製豬手，好正宗嘅煮法，每一隻豬手都炆得好淋身，特別鍾意食個豬手皮，應該係燒完再拎去問特別好食，Yummy😄水餃10隻，白菜餡，韭菜餡😘我好鍾意食韭菜餃，味道好濃郁，餡料好多，每一隻都好飽滿😋食落去好鮮甜既肉汁☺️每一隻都係人手製造，好食😘上湯時蔬好新鮮呀，生菜🥬好新鮮，好有口感⭐️涼拌豆角，呢個涼拌幾特別，爽口嘅豆角，配上麻辣嘅口感，食落好有層次。

之前喺觀塘已經見過呢一間專食羊肉嘅米線店, 當時已經覺得好特別因為冇乜米線店會有羊肉食。 但由於嗰時經過係因為要去飲宴, 所以冇機會試。 今日出嚟佐敦居然見返佢, 立即走入去試下啦, 先旨聲明我唔係特別鍾意食羊嘅😂😂😂嚟到呢度當然要叫一個羊肉米線啦, 佢有分大碗同細碗, 大家千祈唔好誤會呢本只係細碗, 絕對係一個人食完都會飽嘅。 羊肉 方面就幾啱我啦,因為我好怕好羊騷味嘅, 呢個有啲羊呢但又唔太騷。另外一個做幾多牛腩米線, 牛腩唔會太肥 湯底味道濃沃叫咗四個小食, 食完真係好飽餃子一上枱就係鴛鴦味十分之好熱辣辣, 木耳同 土豆絲 點解又係 都唔算太辣小食都好多款我哋叫咗其中四樣嚟試 飽到不得了

可能係食肆開放晚市堂食後嘅一種報復心態，又或者係OT頻繁，最近放工都唔想買餸煮飯，直接喺工作地點附近簡簡單單解決晚餐就算。今晚放工亦係比較晏，先生喺附近物色到呢間新開嘅米線店，主打雲南黑草羊米線。餐廳食物選擇唔少，除咗主打嘅牛、羊米線之外，仲有豬大腸、豬手、豬頸肉同口水雞米線等嘅選擇，小食方面都係一啲比較常見嘅川味小食。麻辣豬耳份量唔少，豬耳口感爽脆，醬汁香味濃郁，辣度剛好。酸辣米線一上菜我同先生都有少少後悔，因為大碗同細碗嘅米線價錢相差唔遠，又擔心細碗份量唔多嘅話唔夠飽肚，所以我哋兩個都揀咗大碗，見到實物實在係俾佢嚇親，估唔到大碗係大成咁，簡直可以用大盤嚟形容！兩個人食都絕對冇問題！我揀咗牛羊雙拼酸辣米線，可以一次過試齊兩款主打，羊肉味道比較清淡，一啲都唔羶，口感柔軟但又唔會太腍，配埋清香微酸嘅豬骨湯底，非常之夾。牛肉燜得夠腍，連住少少筋膜增加口感，但又唔會太韌，非常出色。先生嘅羊肉米線同我嘅分別唔大，但羊肉嘅份量就比較多。不得不提餐廳有提供自家製嘅菜脯，味道亦唔錯，好適合撈埋米線一齊食。避風塘麻辣雞翼好有特色，雞翼醃過好入味，而且外皮超級香脆，非常香口惹味。香港人鍾意食米線，所以米