雪國拉麵 (已結業)

今日要去見工，見工前梗係要食飽飽。突然想食最鍾意既日本菜，見呢間仲有位就即刻試試先。我坐既範圍有十幾張枱，有3、4個待應行黎行去，但唔知佢地隻眼望咩，揮手係無用架，要大聲叫唔該先會發現到你。Lunch Set 都多選擇，有成二三十款，㨂左一段時間，最後我叫左天婦羅烏冬。呢個Set我等左半個鐘先有得食﹐waitress話要炸要等耐啲，都唔駛半個鐘咁耐掛好彩我唔趕時間，但我見有啲上班族，趕住返工，吹左幾次都未有得食。最後唯有狼吞虎嚥食完趕返工。等左咁耐，心諗應該好食掛。點知天婦羅熱係熱，但厚粉又炸得太硬，隻蝦仲係雪藏蝦。仲有茄子、青豆同蕃薯。蕃薯最好味，因為夠甜。壽司細得可憐，舊飯又散，刺身又唔新鮮。烏冬算正正常常，夠滑同彈牙。

係香港好少食拉麵的我, 今次黎到葵芳的雪國拉麵食番碗拉麵, 可惜令我十分失望, 同日本東京d 拉麵比實在差幾個levels !呢個豬頸肉拉麵ge 配料有豬頸肉, 日式魚蛋, 紫菜同粟米 ~先講d 豬頸肉, 真係好硬, 要用好多牙力先咬得開, 食野都要咁辛苦ge !個拉麵似油麵, 幾乎無分別咁滯, 一睇就已知唔係手拉ge !個湯底好肥膩, 又好咸, 同我去日本東京食d 拉麵湯底個種鮮味及入味完全無得比, 加埋d 紫菜咸上加咸! 最大敗筆係d 粟米, 食拉麵放葱, 可以更引到個拉麵同湯底ge 味道同鮮味出黎 放粟米ge 用處真係唔知係邊, 為左令個湯底甜d ? 咁當初個湯底唔好整咁咸咪得! 放粟米真係完全唔match!個餃子拎到黎只係暖暖地, 好明顯係一早煎定, 1d 都唔新鮮 ...餃子要熱先好食, 暖暖地近乎凍ge, d 皮就乾晒同開始硬, 所以呢個餃子又係唔掂!

其實間野好似都貴貴地… 不過周圍又無咩特別野好食, 就試下呢間…滑蛋豬扒飯餐包括: 滑蛋豬扒飯, 麵豉湯, 醃菜, 橙汁(自選)滑蛋豬扒飯: 還好, 洋蔥不會太大味, 豬扒上碟的時候還是脆的, 味道也夠; 說是很好吃也不是, 但正正常常過得去.麵豉湯: 像是喝水一樣橙汁: 超小杯的, 而且好像在喝水.賣相: 有蔥花伴碟, 算是ok, 但麵豉湯的碗洗得顏色都掉了… 收這個價錢就應該定期換一下碗碟吧…比目魚定食包括: 煎比目魚, 珍珠白飯, 麵豉湯, 醃菜, 熱檸檬茶(自選)煎比目魚: 還好, 一入口覺得很好吃, 魚肉好像稍微醃過. 但多吃兩口, 就覺得醃得太濃味, 吃不到魚的鮮味, 而且很鹹… 魚的質地很好, 一點都不老, 很嫩滑.賣相: 一整份上, 算像個便當的模樣.Overall: 九點幾人地都未食完野就拿走口西d調味品, 好無禮貌lo… 環境屬open area, ok啦… 約$100一位… 

本身係葵芳住開 之從上年7月食過一次之後都冇去過上年都係食下午茶 印象中都幾好但係呢...問題就黎啦今日再去食叫左叉燒拉麵 點知道呢個麵好硬 然後個湯又淡重點係叉燒就似一塊煲完湯既肉 又乾又hai之後仲有跟一份小食 有餃子或者壽司壽司就好一般啦不過幸好服務態度唔錯但咁恐怖既食物質素 以後都唔會再去

今天下午友人來到葵芳，與在下用膳，可是在下下班後仍然要等友人過來，於是在下在一間咖啡店等他過來，一會兒友人到達，寒暄幾句後便到新都會廣場地面找食肆。原本在下打算在Ａ-１食飯，可是友人不想，於是找第二間，終於找到隔離的雪國拉麵。其實在下並不想食日本菜，因為在下很多時都會吃的東西，不過在下見友人不想吃西餐也罷，就陪他食日本菜。這間日本餐廳是在下第二次來吃，第一次吃的時候已經是兩三年前了。在下還記得當時只有日本料理但今天發現了有一道菜式，叫做「麻婆豆腐丼飯」，看到後這簡直是把四川菜匯入了日式料理，吓，真的是中日混合菜。在下來到日本料理，當然要吃一個日式料理，不會因為加入了中華料理的元素而選擇這新的產品，因此在下還是選擇了日式餐館最常有的產品便算。在下一向是三文魚刺身的支持者，因此每次吃日式料理時，必定是指定動作，選擇三文魚。這三文魚還算是新鮮，亦都很滑的，其脂肪分佈也可算是均勻，味道還不錯。而主菜方面，友人則選擇了燒汁吉列豬扒，在這間雪國是一個新的產品，而在下選擇了滑蛋吉列豬扒飯，兩者都是豬扒飯定食，有味噌湯和飲品。友人說燒汁吉列豬扒飯都好味，但是在下認為在滑蛋加在豬扒上，影響到吉列豬扒的脆

叫左下午茶餐，滿心歡喜以為妳抵食，$45一個海鮮鍋烏冬，送餃子，飲品，點知我叫左個熱奶茶，又唔熱，個烏冬裡面有隻炸虾，竟然可以放落湯到，焾哂，件炸雞又係焾哂不特止，仲要有陣味架，之後黎個餃子又係有陣味勁難食，依家諗返起都想嘔呀，十分之難食

我同男朋友都幾中飲雪國既咖啡的，所以都食過幾次呢到既拉麵！幾前都覺幾好味！呢來叫左叉燒拉麵同牛肉拉麵，兩杯冰咖啡，等一啖食d拉麵發覺淡而無味，加左辣油同七味粉仍然覺好淡，而就冰咖啡呢就無咩咖啡味！好差！服務員就集中係某d位置，舉好多次手都無人理！

和老公同bb去葵芳，約1點半左右，到到地方都要等位，同埋我地有bb，食飯時間想要人地張4人桌應該好難經過雪國人不多，應該唔駛等位，問門口服務生我地2大人一bb，可唔可以比張4人桌，服務生話冇問題，(可能見入面未滿晒人)即刻帶我地入去初時帶我地去一張梳化位置既4人桌，(即兩邊有其他客人既桌)問我地需唔需要卡位，我同服務生講如果有卡位會好d，因為左右有客人既位，自己抱住個b都驚佢腳仔會郁到人服務生再望，有卡位就帶我地去卡位，真係唔該晒佢食物款式都不少，價錢不算貴老公點了魚生飯，我點了咖哩漢堡排飯，老公說魚生不錯，都算新鮮，湯不太喊可惜係d飯一夾就散我的咖哩飯，咖哩味不錯，漢堡排吃時還有肉汁滴出，薯仔沙律不會雪到出晒水，好爽口清新，不過可惜的都是飯.....好"黏身"，不過因為有咖哩汁，所以都食晒d飯總括來說，失敗是在飯上~~~其他都不過不失~和三五知己在這裡吃個飯吹個水都不錯坐得舒服~

記得幾年之前成日黎雪國食lunch, 因為覺得佢個壽司定食好好食前幾日同男友仔行街街再次走去雪國食lunch, 冇左個壽司定食, 咁為有點我愛食的 炸豬扒定食而男友就點左滑蛋豬扒飯, 等左10分鍾到就黎啦, 一食個豬扒 個炸面同個肉係分開, 汁又少 完全唔好食而男友果個滑蛋豬扒飯望落去都乾憎憎 雖然係幾大碗不過好在d野飲都ok 叫左奶茶同凍檸茶 佢會再奶同糖水都分開上 可以以個人喜好加落去我諗下次都唔會再去

食完個crepe後就趴趴走等食晚餐,本來想去吃風月堂,但見有間好似幾pro的拉麵店,男友又話佢幾出名,所以就入咗去食拉麵了,一直響度諗2人餐好定係食個只有一款的蕃茄芝士鳥唐揚拉麵好,因為見2人餐是招牌應該無死錯人,但男友只想食飯,只好選蕃茄芝士鳥唐揚拉麵,他就要刺身定食,本來想再加冷豆腐,想不到連這個都無,就只好吃完這個再出去找別的吃就好,好快我的拉麵先到,嚐一口湯底,為什麼湯底是咸的?儘管內裡有蕃茄做配料,但還是一點蕃茄味都沒有,是我把名字解法錯了嗎?那就算我解釋錯了,為什麼湯是紅色的,給我吃色素嗎?還有已經索滿湯汁的紫菜和炸雞,都吃不出香脆的口感,拉麵算不上好吃,但份量很多,炸雞食到少少芝士味,但都幾"鞋"口,過了4min,男友的刺身定食都到了收人88蚊,都係得咁少野,10件刺身(仲要唔係厚)再加碗細飯,味噌湯,兩口可以吃完的中華沙律和一塊醃蘿蔔,實在少到不敢拿來給我試味,唯一比較貴的帆立貝只是普通,其他的男友說和一般放題貨色無疑,最後我追單2次的連餐前菜餃子都到了,剛到的餃子,一點也不熱,還是軟軟的,不知道是煎完再蒸還是怎樣,味道還算可以.....................

結婚紀念日, 第一次以午餐形式來慶祝, 兩大一小懷住開開心心心情唸住揾D 高檔少少、加埋囝囝鐘意食日本餐為主的目標毫無考慮入去幫襯 。坐低好快就叫了一個雪國拉麵 (看來是招牌吧 !)、天婦羅烏冬、豬扒拉麵配以餃子、壽司, 加三杯特飲 。 等了10分鐘, 才來天婦羅烏冬及豬扒拉麵, 至於另一個餐雪國拉麵, 到差不多吃完兩個餐才一併送來, 環境幽靜、客人不多, WAITER不多理會下真係掃興極了,食到個個無晒聲, 還是匆匆離開吧... 至於賣相, 可以睇相,同相簿中的介紹甚有出入, 味道不過不失, 無乜特別, 但預左油炸物不是熱的, 一個午餐這樣質素算是貴, 下次都係上多一層食會開心好多 !

我地到達餐廳已經1:35pm,好在唔駛等位,勝在餐廳的面積較為大呢~我地坐近A1餐廳~發覺呢間餐廳同A1 好似係打通左似的 可能同1集團吧~我地坐近A1餐廳的那邊有點兒西式化的西餐廳~menu的選擇都幾多元化,達40款左右~我揀左一款蔥炒鐵板豚肉定食 $55當時比較久後才上菜,因為較少人order的關係吧~但估唔到油份又唔會好多~而豚肉口感絕不油膩~9成係偏瘦的豬肉呢,good,很大片!! 附有好多銀芽,木耳幼絲,蔥粒呢!!全是我最愛的配菜~肉味略為淡,但都好過咸吧! 前菜係桃紅色帶有酸味的酸梅粒?!仲有1款係綠色的,怪怪的~ 仲有另1前菜係紅蘿蔔絲,牛蒡絲~淡淡的,good 而白飯滿滿的~麵豉湯味道岩岩好,夠熱~但紫菜過軟~ 熱檸水選用西式的杯碟,我們的桌子很大張!!好似食放題果d桌子咁大~所以可以擺放好多好多食物也沒問題~闊落的卡位,而職員的服務態度也不錯~~寫完呢篇食評後再看見,原來喊臉是如此如此的多!!!

今天與兩位朋友路過這間日本食店，見到這間食店主打是拉麵，價錢未算昂貴，於是就進店就座。午飯時間，客人不算多，在稍大的店面映照下，更顯冷清。店面設計不錯，黑色的主調色配上幾盞燈籠形的白燈，氣氛本應不錯，不過由於其開放式設計，在商場逛街的行人們在你身邊來去匆匆，唯一值得稱讚的環境氣氛都沒有了。我點了一份叉燒拉麵餐,連飲品一杯以及兩件壽司。叉燒拉麵的湯底十分鹹，毫無香味可言，只是一碗味精湯。叉燒淡而無味，連最基本的豬肉鮮味都沒有，是十分粗製濫造的日式叉燒。拉麵的口感尚算過得去，只是稍微缺乏彈牙嚼勁。壽司終於送上，是一小件青瓜卷和熟蝦壽司，附送的壽司質素，期望當然不大。壽司飯十分鬆散，一夾就散開，那塊熟蝦感覺上應該放了很久，蝦應該擁有的水份早已揮發掉，果然是「附送」的壽司。那杯咖啡才是讓我倒胃口的主角，咖啡味道不濃郁之餘，更沒有咖啡的甘香，還苦澀難當，令我被迫不停加奶，加至整杯咖啡變成白色時才勉強喝了幾口，真的令人「永生難忘」啊！從店中走出來，口中那股又鹹又澀又「奶」的味道令我不禁作嘔，這間食店我應該不會再試了

Lunch Time同男友黎到葵芳，諗住試下雪國因為一直都諗住試佢，外面睇好似幾正咁~坐低後餐牌都好快遞上我叫左個鰻魚飯(跟麵豉湯&漬物) $56男友叫左牛肉拉麵跟壽司 $48野飲同時叫埋(C0T & C0W)鰻魚飯先上飯係用珍珠米，但係唔知點解勁硬= ="咁靚既米比你煮到咁硬身，真係浪費晒~好在鰻魚個汁夠多，可以令到d飯濕返少少鰻魚都尚算可以！如果鰻魚燒得再脆身一d我相信會更好男友個拉麵等好一陣子先上佢食第一野已經即係落七味粉，又落辣椒油、炸蒜........佢本身個人都唔係鐘意食好濃味既野，今日竟然一反常態,....................明顯地係湯唔夠濃！！！！壽司：一件卷物，一件魷魚壽司我地都食晒個飯同拉麵，兩杯野飲都未到/_\但係見到個女侍應捧住一杯凍檸茶&檸水行左一圈(但冇放落我地枱)又行返去水吧~~~我男友見狀，諗住叫住個女侍應，問下佢o個兩杯係唔係我地咖啦點知女侍應行得太快叫唔切後尾同個經理講(著西裝)：「差一杯凍檸水同檸茶喎，另外唔該埋埋單！」佢應完我地...........我地又再等等等等..................野飲又唔黎，單又

係食到唔知食咩既情況下就入左呢間野叫左個泡菜豆腐湯,+個炸野併盤,佢就叫左豬軟骨拉麵咁我個湯就OK既,幾多菜,又夠味,有小小前菜,有飯有湯咁啦個併盤就真係想死,呢幾粒野包1粒蠔,帶子(假),蟹X(假),蝦,豬排半塊,賣48蚊,呢份野相信整O個個人都唔會食,,想食-O-比D假野人,仲要隻蠔勁細佢個麵佢話OK無下次LU,埋單叫3次都無人理,BYE差只係個小食同埋服務!