雞仔去骨海南雞專門店 (青山道)

營業中

休息中

光顧多年的餐廳 食物質素有保證 海南雞 用幼雞肉 嫩滑多汁新鮮咸魚肉餅 用新鮮豬肉 咸魚夠香 口感一流 豬頸肉 肥瘦適中 只嫌燒得太過燶肉骨茶則比較足料 而一般海南雞店都不太足料但最大問題就係服務 肥仔大哥老闆太忙 幾間店舖難以兼顧以樓面侍應計 3個資深侍應工作能力出衆 其餘的侍應 不會做收銀 同時也不會做出餐工作 工作了長時間仍沒有改善 廢到一個點 究竟問題出在那裡 老闆是否有親自見工附近新開大型連鎖餐廳有做38元雜扒餐 好的餐廳不止你這一間 餐飲業 不進則退

一D 都吾雞哩間鋪頭屋企人個個食過都話好，今日有機會行過，就買一隻外賣。6點去到，裝修好一般，環境好暗得幾個客，所以落單5分鐘就有，都算快。外賣盒都系而家大部分鋪頭用的密封膠盒，一定吾會漏，加三盒邊準醬料，味道一般般，尤其是蔥油，無乜香味，辣醬亦吾辣。打開個盒，黃皮雞喔，吾算大隻，但睇落都估計幾好，幾吸引咖，食落雞肶，背等都真系好鬼滑，雞皮就吾使講，滑不留口，雞胸就真系差小小，好似都系柏檔好d.價錢已咁位置，咁裝修，咁質量，中間啦。

今次叫咗兩個雞飯同埋一個燒豬頸肉飯，雞飯就唔多介紹啦，點解呢？因為佢實在太好味啦，呢度嘅招牌菜就係去骨海南雞飯。佢有四種醬汁俾你點，同埋有一碗雞湯俾你飲，碗雞湯係用真材實料煲嘅，裏面有青紅蘿蔔😱煲雞，而且係熱辣辣咁上枱俾你飲，好啦講返個豬頸肉飯先，佢比你嘅份量係多到你食唔晒，佢燒得非常之出色，唔太油之餘又唔會太窿，基本上你叫完餐之後。佢2分鐘內上齊所有嘢食俾你，今時今日咁嘅服務態度同速度已經好難得。

鍾意食雞嘅我，再一次去雞仔叫…………….雞飯。佢個去骨海南雞飯份量又多又好食，送嗰個湯都非常之好飲，每次經過都一定要去食一次。雖然服務態度係一般茶餐廳嘅感覺，但係我哋係食品質嘅唔係食服務，職員上菜嘅時間係飛一般咁快，你食客嘅速度亦都係好似職員咁一樣咁快

😉 小編較早前睇過米紙介紹長沙灣一間海南雞飯，依晚見會經過附近，就決定去食埋晚飯。［ 亂闖試飲試食 ］🍽 招牌海南雞 😋😋😋😋😋香油飯好香，飯量都幾多下，而海南雞色澤好靚，已經去晒骨，肉質好嫩滑。😚 佢哋提供三款醬汁，有海南雞辣醬、蔥油同鼓油，可以試勻晒三種味道，仲有醃青瓜 🥒 清爽一下，配搭幾唔錯！🥣 無味精老母雞住家靚湯 😋😋😋😋😋佢哋嘅例湯亦相當有水準同足料，感覺似老火湯，一啲味精都冇！👏🏻晚餐 💵 約港幣$50/人💁🏻‍♀️ 依個餐嘅份量好足夠一個人食，價錢亦幾公道，作為平常晚餐，都好值得考慮下！😉🙆🏻‍♀️ 最後，喜歡嘅話，歡迎follow @foodirectory.hk！

呢間雞仔喺長沙灣幾出名，今日就嚟咗青山道呢間分店試試佢😋呢度可以話係俾茶餐廳闊落少少嘅格局，有唔同套餐任君選擇～我就叫咗個招牌海南雞飯一人餐 ($65)🤗如果唔要油菜唔飲嘢都可以平$10叫另一個餐架😆首先梗係講吓佢個海南雞飯先，先讚讚佢哋個碟，好方便擺晒三款醬汁同前菜青瓜～啲雞都算份量幾多，而且幾嫩滑，不過油飯我就略嫌淡味咗少少，如果可以再濃味啲就完美喇～另外佢嗰碗湯亦都好好味，應該係用咗南瓜同埋雞骨熬製而成，相當濃郁～另外仲有一碟菜心同熱飲😉呢個餐可以話係相當飽，相比之前介紹過同樣喺長沙灣嘅蘇山雞飯，兩間都各有特色～

琴晚收7點，約左個同事去呢間我耐唔耐都會去食嘅雞仔，梗係ok我先叫佢去長沙灣MTR，行5分鐘左右就到，去到唔洗等位，但朋友個位下面濕左，隔離枱話上手倒瀉水啫，咁ok啦睇睇餐牌，叫左個二人餐$168，有半隻雞、兩碗細肉骨茶、油菜，兩碗油飯，我自己叫左杯凍檸茶朋友係唔鍾意點醬嘅，所以啲蔥茸、辣醬我獨攬，青瓜佢又唔食，我食埋佢啲雞不嬲有水準，皮係脆而彈，雞滑又有適當脂肪，好正油飯用好多香料煲，粒粒分明，好香最後，要讚肉骨茶，佢係調到啱香港人口味，有陣藥材味，好順喉，即刻覺得好補咁，碗野都幾多料，好飲

位於長沙灣既呢間《雞仔去骨海南雞》以前已經有飲食界名人推廣過，今次就叫左個一人套餐 半份雞+一碟菜+一碗湯+一杯野飲，盛惠$65。見到menu上面話可以走胸，但結果份雞好似比以前食開細份左，下次都係捨得啲，加$10轉全脾🥲🥲一望落啲雞就知道好食，充滿油光，肉質嫩滑有肉汁，雞皮爽口有彈性，生熟度拿捏得啱啱好。油飯每粒飯都均勻黃，油份唔會太重。另外佢個湯每日都唔一樣，今次飲既係南瓜湯，真材實料味濃冇味精，飲到一絲絲南瓜。$65嚟講呢個質素真係好出色！

我一星期都幫襯幾次 買宵夜 買午餐 次次都二百幾 今日買個二人套餐 叫佢比多set醬 個樓主下下搬個老闆來話 比多set要加錢 我都表明我成日過來買雞 次次都一隻雞咁買 你駛唔駛下下講加錢 我唔係拎醬來食 但朋友喜醬所以想額外要多點醬 我平時來食都唔會要求多一點醬 講真 一個長期都買雞架熟客 佢一星期都起碼擺抵二三百 一個月都千幾 就係幫襯你 你為一Set 醬 就搞慶個客 我真心想問下雞仔老細 你員工係幫你慳錢定倒米 自己拎個計數機諗諗啦 我就肯定唔食

汁夠濃、元蹄入味、肉冧度剛好/唔鞋、皮唔算肥 幾好👍🏻例湯：南瓜紅蘿蔔雞湯-好香，真材實料，無味精。都大碗既價錢合格小胃的女生會食不完；中挺食量既女生分量剛好或食淨好少

【再三回味嘅嫩滑海南雞！大力推薦✨】推薦程度：●●●●●抵食程度：●●●●●——— 🐔 招牌海南雞飯｜$54叫咗走翼，變相每件啖啖肉！可以因應個人口味提出要胸/走胸/要翼/走翼，最緊要唔好浪費。每件雞都全熟冇血水/紅血塊而保持到肉質嫩滑，唔會鞋口，配以醬汁：蔥油、甜豉油、酸辣油任何一款都咁正！平時多數得1-2款醬，但呢到可以食到多種風味！黃薑飯都好香，飯粒微帶黏狀，加埋醬汁夠晒濕潤感，非常喜歡！價錢唔貴，CP值高，絕對會一再回頭！

今天是週日.又是家人聚餐日.在綱上見到雞仔無骨海南雞專門店.食評都話唔錯.就決定在這食晚飯.我哋一行三人在晚上六時到達目的地。我哋點選一個無骨海南雞四人套餐.套餐包括如下：1. 無骨海南雞一隻.2. 生煎瑤柱鹹魚肉餅一碟.3. 滷水元蹄一碟.4. 即日油菜一碟.5. 招牌香油飯四碗.6. 無味精老母雞住家靚湯四碗.7. 港式熱飲四杯.食評如下:1. 無骨海南雞.海南雞肉嫩滑.雞皮超爽.有雞味.配合兩碟海南雞三色醬料.世上絕配.把雞味提升。👍👍👍👍2. 生煎瑤柱鹹魚肉餅.鹹魚肉餅一碟有三大塊.鹹魚味突出.肉餅外皮香脆.入口鬆脆可口.👍👍👍👍👍3. 滷水元蹄.元蹄肥瘦適中.入口軟滑.醬汁香濃。👍👍👍👍👍4. 油菜.（即日油菜是菜心）菜心失色.超硬.難咀嚼.好難食。👎👎👎👎👎5. 招牌香油飯.香油飯可加大. 香油飯偏硬.比較乾身.唔覺有油.共四碗。👍👍👍👍6. 無味精老雞住家湯.湯底唔覺有味精.有粟米.清甜.共四碗。👍👍👍👍7. 港式熱飲.共四杯.凍飲每杯加$3. 凍檸茶及凍鴛鴦.飲品正常。👍👍👍總括：除咗即日油菜（菜心）不能接受之外.其他食品超讚.五個👍為滿分！

海南雞飯套餐~ $55香油飯口感比較乾身，飯粒略硬，口感味道有待改善。而雞肉嫩皮滑，港式白切雞的質素，正合我意。因為在外地食的正宗海南雞肉質較粗，還去了雞皮，名過於實。始港體內藏著一個香港胃，嫩滑的雞肉才是世上極品。而且精髓係醬汁,簡直有畫龍點晴嘅效果，這間餐廳的醬汁可以在食完整碟飯後，一滴不留炭燒豬頸肉飯套餐~ $56這間主打雞飯的餐廳，意想不到豬頸肉飯有驚喜，口感彈牙，豬有豬味，而且味道很好，烹調火候亦剛剛好,份量也不小，勁抵食。**套餐也包一大碗中式老火靚雞湯或餐飲一杯**選了例湯，湯料多，味道也不錯

食過幾次，都保持到水準，加上之前網上阿蘇推介又抵食又好食，等我又介紹下先。雞肉好嫩滑，有雞味，個皮都爽爽地，再配合埋啲醬汁一流，送飯岩晒，但油飯個味就淡左啲，不過就唔會煮到爛，都算粒粒分明，食左幾次都係無變，次次去長沙灣必定食雞仔，整體黎講有8分（10分滿分），下次去要試埋佢既肉骨茶，聽朋友講佢既肉骨茶都唔錯😋

✨招牌海南雞油飯海南雞 雞皮略鹹 偏厚 唔夠爽 肉質嫩滑 口感軟腍 有淡淡雞味雞肉嘅部分係唔錯油飯 混左啲炸蒜 炸蒜味好突出但冇乜雞油同香料味 飯粒乾硬 麻麻酸青瓜 酸酸辣辣 食落都有啲辣勁 幾開胃✨粉葛蓮藕花生赤小豆煲雞骨跟餐嘅是日靚湯 大大碗湯好鮮甜 飲得出落足料去煲食物可以 但未去到好出色 有啲名過於實 但性價比係幾高 收貨環境服務正常 價錢合理 冇收加一呢間都幾多人推介 加上有名人介紹過唔知係咪有期望 冇我想像中咁好食 定係分店出品有分別🤔