雞仔去骨海南雞專門店

營業中

休息中

[]必試！A1. 招牌海南雞飯$54午市包杯熱飲 或轉 無味精雞湯鋪頭名都有得你叫 海南雞專門店，梗係要試翻款招牌先😚雞肉件數一啲都唔鬆手，件件都嫩滑到好似BB仔咁。。配埋三款正宗醬汁、送埋開胃青瓜粒。。濃濃雞湯：有南北杏，少量雞絲，飲得出係落足料同心機去煲。。自私評分：🟡🟡🟡🟡🟡自私評論：平靚正！！服務態度一流，雖然一入去冇位，但等左陣，好快就安排入座🙂埋單果陣，收銀都好nice😚會再回訪👍👍

好耐冇返嚟大角咀，再返嚟相隔六年見到新開舖頭有海南雞有肉骨茶相當吸引肉骨茶套餐， 只係$55就試吓佢平時隔離街出名海南雞飯嗰間一個套餐差唔多$100套餐一到超級有驚喜，超級大碗😍😍😍入邊超多排骨，同埋其他配料超多藥材配料充足，湯頭夠味唔會太咸唔會好似其他舖頭咁，飲到豉油味完全可以滿足到我平時鍾意飲湯嘅慾望淨係飲碗湯都已經飽咗，強烈推薦💪🏿不得不讚服務員姐姐好好，環境乾淨舒適，希望新店可以維持質素，下次再試其他嘢

5個人嚟到新開嘅雞仔食晚飯嗌咗個四人套餐:::#招牌海南雞 (一隻)🐓話明冇骨，唔洗𦧲骨啱晒我呢啲懶人雞肉夠嫩滑，重點係佢有連埋雞皮㗎！仲要唔算肥！(之前響新加坡食海南雞佢竟然係冇皮😭)#招牌香油飯 (四碗)🍚老實講，油飯係幾香嘅，但係我覺得佢偏腍#生煎瑤柱鹹魚肉餅 🐖瑤柱我就唔係好食到，不過真係好有鹹魚味同埋佢啱啱炸(?)起就拎出嚟，個皮好香脆#泰國特色豬頸肉 🐖豬頸肉肥瘦適中啖啖肉，蘸埋嗰醬汁食落一啲都唔滯佢仲有 油菜一碟 🥬，同埋 #無味精老母雞住家靚湯 🍲成個餐份量都好足，我哋五個人一齊食都食剩一碗飯另外嗌咗兩個小食:::#泰式香茅炸魚餅 🐟 & #越式粉絲皮春卷 🫔魚餅就冇乜特別；個春卷皮真係好脆(記得店長仲糾正我個春卷唔係泰式係越式😂)