雅苑餐廳 (豐利中心)

營業中

休息中

今晚喺觀塘搵食，開源道行過海旁嗰邊，途經一間茶餐廳，裝修新淨內籠夠闊落，牆壁掛滿大電視。以為茶餐廳格局，估唔到仲有火鍋、雞煲，見天氣轉涼都係唔錯嘅選擇。😍先送上火鍋醬油，竟然仲有脆炸花生😃相當認真。唔收茶芥但晚市有+1服務費奇味雞煲（半隻）$180雞煲香噴噴，放滿洋蔥、芫荽，撈勻炒到勁香嘅秘製香料，仲加入豬皮，超惹味！雞件同樣沾滿醬汁，啖啖肉半隻份量都足夠二人享用！麻度和辣度都可以揀。另外點了幾款配料，感覺整體每碟都份量十足！美國桶蠔$145超肥美大隻，夠鮮甜，淥完都冇乜縮水。👍🏻👍🏻支竹$38份量十足，炸過嘅支竹，唔容淥到散開，吸滿湯汁。皇帝菜$38份量足，也是火鍋頗受歡迎嘅蔬菜類🥬！魚皮餃$48超大隻，餃皮夠煙靭！雲吞$48超大粒嘅雲吞，原隻鮮蝦，餡料紮實。估唔到份量好大，仲可以自製雲吞麵。全蛋生麵$24雖有少少鹼水味，但麵質好爽!鹹檸七味道唔錯，咸檸檬好夠味又夠大杯👍🏻😋小店火鍋配料平實不花巧，放工約齊三五知己快閃雞煲火鍋都唔錯。

是日小雪，註觀塘扮工友人係呢間食過午餐，相約我係呢間一齊烚下烚下。晚市變身火鍋店，牆身貼上羊腩煲應市，仲有各式鷄煲先食鷄煲，幾款之中想食奇味鷄煲 ($180/半隻)，除了辣度可以選之外，連配料(芫茜洋蔥)都可以選擇份量，身為芫茜黨黨員嘅我表示開心煮返熱就食得，未食已聞到香味。半隻鷄份量相當對眼，鷄件加埋惹味醬汁，走辣都好好味; 仲有其他配料如豬皮及爆炒過嘅薑片，正呀喂.........嘆完個鷄煲，加湯就變火鍋時間，一煲兩食。食材選擇雖然無貴價海鮮，但其他食開嘅種類都有。脆肉鯇魚骨腩 ($98) - 性價比相當高，脆肉鯇自己買都唔係平價，呢客份量幾咁多腩位無細骨，咬落爽脆彈牙，有魚味。鮮滑牛肉 ($58) - 火鍋唔一定要雪花肥牛，食呢碟較為健康D....哈哈烚完都係咁滑溜，入口無負擔，無脂肪位，我鍾意。加點綠.........萵荀 ($38)同皇帝菜 ($38)，前者軟硬度自己話事; 秋冬天就係要食皇帝菜，甜美嫩葉。自選雙拼丸 ($68)，潮汕牛丸同貢丸，唔駛煩惱。粒牛丸咬落結實又有肉汁流出，牛味相當出喎，真心好味。茶餐廳環境有卡位坐，烚住睇電視，食得舒適。晚市設有加一服務費。

今晚同朋友去了觀塘開源道這邊搵食，本身都係去返常去嘅地方食，但有朋友推介了這裡，原因係個雞煲好正！喜歡食雞煲嘅我們當然要試試啦！餐廳位置都方便，如果係搭巴士係開源道個車站落車就已經到門口，座港鐵就在向碼頭方向行就見到，餐廳座位闊落，中間位置有大圓枱，旁邊位置主要是卡位，座位都十分舒適！今晚就先點了鮑魚雞煲，因為大家都好食得，份量就要了一隻雞，還包了六隻鮮鮑魚，等了一陣上枱，大大煲，雞煲上面放滿了香蔥，當然一滾就攪勻啲蔥同雞件，雞件十分入味，口感嫩滑軟熟，最緊要都係啖啖肉！加埋隻彈牙又爽口入味嘅鮮鮑魚，朋友推介真係唔錯，雞煲完了再加火鍋配料進行火鍋！而朋友點多了一個咖喱斑腩飯，作為火鍋外嘅選擇，香濃咖喱汁配上汶得好淋嘅薯仔，同埋炸得好香脆嘅班腩，加埋個汁，邊食邊打邊爐又係另一番感覺！這裡還有川菜口味嘅涼拌土豆絲，土豆絲入口爽口帶點麻辣十分刺激味蕾！當然還有點了份美國雪花肥牛，在火鍋湯底上拖兩拖入口，入口十分肥美嫩滑！還有大大隻雲吞，入面有十分彈牙嘅大蝦！加埋樽滋潤解渴竹蔗茅根水！今晚真係十分滿足！

天氣開始涼，又係雞煲火鍋圍爐取暖嘅時間，觀塘返工嘅朋友仔帶我去食雅苑餐廳，放咗工行完波鞋outlet都仲好多人，咁應該口碑質素都有返咁上下。雞煲火鍋底鮑魚雞煲出咗糧，梗係食好啲，普通雞煲已經滿足唔到我哋啦！一於食新鮮鮑魚雞煲，麻辣同唔辣都一樣咁好味，睇賣相就知道惹味！原隻靚雞，雞件大大件，肉質鮮嫩又多汁，配料十足，洋蔥芫荽特別香。另一位主角就係鮑魚，都幾大隻，新鮮彈牙，味道鮮甜，有咬口。涼拌皮蛋川菜特色小食，涼拌辣辣地好惹味，皮蛋入口Creamy。涼拌士豆絲涼拌醬汁酸辣好開胃，士豆絲爽脆可口，食到停唔到口。美國雪花肥牛美國雪花肥牛都好正，油花均勻，肉質嫩滑，輕輕滾兩下，逼出油脂已經牛味好濃厚，沒有任何調味汁都已經好味，送飯一流。黑豚豬肉雖然我好鍾意食牛，不過都要照顧下唔食牛嘅朋友，黑豚豬肉有雪花紋路， 油脂頗豐富嘅，味道濃郁軟滑。墨魚滑滑彈有墨魚鮮味十足的。雙拼餃有我鍾意食嘅雲吞同埋魚皮餃，魚皮餃正常發揮，雲吞有大大隻蝦，食得好滋味。日式海鮮炒烏冬火鍋食到差唔多，就叫咗碟鑊氣炒烏冬，好多日式海鮮配料，非常抵食！竹蔗茅根食完火鍋雞煲，咁有火氣，飲杯竹蔗茅根下火，冰凍好爽！

今晚在「雅苑餐廳」嘗味一煱兩吃，先嘗雞煲再吃火煱。雞煲有四款，我們楝奇味雞煲，好奇一嘗奇味如何？！ 雞煲可以選擇：不辣、BB辣、小辣、中辣、大辣，不麻、BB麻、小麻、中麻、大麻，芫茜與洋蔥可去、正常與更多份量。的確很迎合顧客口味與需求。奇味雞煲原來是好味雞煲，我們選擇不辣、不麻的原味雞煲，除了雞件還有豬皮唐芹，雞件和豬皮吸收奇味醬汁十分冶味，半隻奇味雞煲份量也剛好。吃畢雞煲添加上湯即成火煱湯，點選幾款材料已經很足夠，手切肥牛、鮮滑牛肉、黑豚豬肉、水魷魚、響鈴 、生菜 、水晶粉。三款鮮肉夠鮮嫩，吸取雞煲的醬汁和上湯吃，不用蘸醬料已經合味道，滲滿湯汁的響鈴是必吃選材，水魷魚處理得宜沒有鹼水味，口感爽脆，掛滿湯汁的滑捋捋水晶粉十分美味味可口。飲料是一壺冰凍竹蔗茅根 。人均消費$230，價錢合理。

今晚收工經過呢間餐廳原來發覺入邊有正宗嘅麻辣雞煲火鍋食超正超好食價錢合理最特別嘅係大大杯嘅特大凍檸茶個杯好精緻，發覺原來仲有冷泡花茶特別好飲架，下次一定會再嚟。

這幾天有少許轉涼，就是吃雞煲的好時機。雅苑餐廳在開源道地舖，免卻在工廠區搵食捐窿捐罅的不便。內裏光猛企理，座位寬敞。雞煲火鍋底共有四款口味，每款均可選擇一隻或者半隻，而且還可以自選辣度和麻度，芫荽和洋蔥也可按個人喜好選擇。今晚只得兩口子，於是選擇了半隻雞份量的鮑魚雞煲。雞煲上菜了，一會兒，即可享用。內裏共有四隻鮑魚，尺寸不小，肉質彈牙，食過返尋味。雞煲味道調得香濃，香氣四溢，配合嫩滑的雞肉，十分滋味。食完雞煲之後，侍應幫忙倒入上湯，就是火鍋的部份。已經半飽，已經沒法再點太多火鍋配料，只點了自選三併丸和手切肥牛。三款丸分別有墨魚丸、貢丸和海膽丸，也很有質素，而且彈牙。手切肥牛牛味濃郁，口感實在，肉質上乘。等待雞煲的時候，點了一客椒鹽豆腐過過口癮，味道調得恰到好處，而且外脆內軟，實在惹味。飲品是凍鹹檸七和凍奶茶。冰凍飲品和火鍋可謂絕配。鹹檸七甜中帶咸，非常醒神。凍奶茶茶味比奶味更為突出，入口順滑，值得一試。

這間位於觀塘的雅苑餐廳，晚市主打雞煲火鍋，有多款不同味道的雞煲以供選擇，有辣有唔辣，全部都有得揀，另外還有多款的海鮮、肉等火鍋配料，價錢合理。我們就揀了奇味雞煲，半隻雞的份量十足，雞件啖啖肉，雞皮油脂不算太多，雞肉入味又嫩滑，辣度適中，還有些豬皮吸收了醬汁味道，十分惹味。跟雞煲還送上生菜一份。雲吞似乒乓波般大小，裏面包著大大粒的蝦仁，新鮮彈牙，雲吞結實。潮汕牛丸咬開爆汁，十分彈牙，中間咬到筋肉的質感，必食之一。特大鮮竹笙吸收了湯汁的香味，爽口好味。本地手切牛肉色澤鮮艷，牛肉新鮮有肉味，鮮嫩又有咬口。薯粉吸收了整個湯的精華，有雞、牛的鮮肉味，爽滑又飽肚。最後飲返杯檸茶消滯。

本身喺呢度番工，基本一星期食四日服務員好多阿姐都好好，舉手即到環境冇得頂，個牛腩飯一流，觀塘贏哂杯凍檸茶好鬼正，甜度剛好值得一試，試過番尋腩可式晚市冇開，收工冇得食

係附近返工，平時見到覺得伏伏地都冇入架啦，咁今日太肚餓求其都照入試下啦，點知中大伏，我好耐冇食過咁伏既野，炸脾腸仔飯，佢個炸脾係唔知咩事，似叮返熱咁出餐，個皮係硬既又痴牙，完全唔脆，好恐怖！唔知係咪紅日冇打工仔食就咁處理啦，杯阿華田淡到媽都唔認得，呢間一定冇下次，食到人勁嬲！！