雅天妮餐廳 (已結業)

見圖唔錯, 買左團購一試, 見位置係觀塘, 都有諗過唔去但女朋友鍾意食蠔, 佢又寫到有成八款, 咪去試下囉一去到, 始終工廠區, 無預好靚, 但真係非常一般入到去, D setting麻麻, 再望下食物枱, 咁少款.....唉, 算啦, 叫埋主菜, 夾野食一開始D刺身勁快無晒...算啦, 等下一輪, 但又唔知有咩好夾 (因為真係無款揀)食D豬皮...算啦求其夾左D蛋糕 (從未試過一黎就食蛋糕)跟手上主菜羊扒, 還可以另一個牛...無味, 又多根...心情直落谷底之後等生蠔, 哇, 真係超~~~~~~~細隻都無所謂啦, 問開蠔師父, 話係法國唔知咩蠔試下, 都ok, 唔係好好, 但諗住都係第一款, 之後可能有好D之後再等, 有第二款啦(唔知美國定邊度啦), 都係咁上下size, 味道幾好好啦, 咁就再等, 但成晚, 得兩款蠔...雖然寫到明睇情況, 可能會無, 但8款得返2款...算啦, 以後唔會再黎地點, 唔方便; 環境, 唔靚食物, 質素差又食唔飽...仲有送果個咩鮑魚仔, 勁難食...

我都忍唔住要彈下呢間野，從未如此咁難食......簡直不知所謂。睇到圖片好吸引，購買了四張團購票，每位$238加一，果晚入座率約5成食物種類少，水準如茶餐廳。主菜有牛排(咬時有根)、排骨(無味)、魚(一般) 及豬(可以入口，茶餐廳水準)，羊架無o左(團購介紹話必食)。自養生蠔即開，全晚只有兩款(團購介紹話有8款，食了3隻)，蠔超細隻、好咸。刺身只得三文魚、希靈魚和雕魚三款，刺身唔新鮮。冷海鮮:青口,蝦,蟹腳及八爪魚 (食左一隻蟹腳已停手)，其餘見到唔想食。熱盤有咖哩魚蛋豬皮 (全場最好食)、意粉、白飯、燒買、咖哩牛肉其他為普通沙律、忌廉湯，汽水(有腥味)。甜品: 大菜糕、啫哩，得兩款，雪糕都無。整體而言: 以上食物就係所謂Buffet 啦，咁既價錢食唔飽、唔抵，呼籲大家千其唔好去。環境: 工廠區茶餐廳收費: 團購價 $238 + 24(酒店價)

因弟看了圖片吸引,買了團購送我2張,我便和老婆Book左8點同去.地方在工廠區―酒樓樓上,前身應是酒廊,地方算大,環境舒適.當日入座率約5成食物種類太少,水準如西餐廳飲品可任叫不另收費,主菜點牛排(茶餐廳水準),羊架OK一人一份鮑魚仔花膠(任食我都只會一次)(招呼的侍應態度親切,一讚)生蠔即開,一款,新鮮有海水味,排隊快,刺身得三文魚,冷海鮮:青口,蝦,蟹腳(食2隻内好干,停手),八爪魚.熱盤有咖哩魚蛋,豬皮,意粉,炒飯,燒買,咖哩牛其他為普通野沙律,湯等甜品最失敗,雪糕都無,最好食為朱古力蛋糕,其他不提也罷整體而言,食唔飽，根本食物唔想睇,吃了17隻生蠔當安慰.此為本人吃自助餐,食物種類最少的一間,以此價錢真的不値,外間以此價錢或低於者多的是.唯一可取為生蠔,若不好生蠔者切勿光顧此餐廳服務態度良好,一讚收費: 團購價 $238 + 24(酒店價)

前排有朋友見倒A La Tiny出團購~二百幾蚊兩小時任食即開生蠔~ 仲有4個品種~我地成班FD都係生蠔愛好者~ 平時自助餐任食生蠔多數都唔係即開, 所以諗都唔諗就一齊買黎試下=]當日我地7個人~ book左8點鐘, 等都唔使等就有位。一入去侍應姐姐帶我地去坐長檯, 朋友見倒有大圓沙發位~問佢可唔可以轉去o個邊坐~ 侍應姐姐好有禮貎咁解釋沙發位o既檯比較矮~ 所以食野比較辛苦~所以最後我地都係決定坐返響長檯~ 不過仍然要比個讚侍應姐姐 態度一流~~老闆推介左一支價廉又易入口o既意大利白酒比我地~ 約$18x~飲落去甜甜地~~ 女仔較易接受~ 我地成晚飲左5支 主角~ 生蠔~~ size唔算好大~ 但超新鮮！有三個員工開生蠔~ 每人限取3隻, 但排隊唔算好耐~4款生蠔我都試過曬~ 我最愛o既係"法國 Fines De Claire"~ 入口鮮甜~ 有淡淡海水味~ 好新鮮~~ 冷盤之中我最愛三文魚~ 肥美新鮮~ 熱盤~ 款式唔算太多, 但勝在味道好~ 咖喱牛腩一流~ 見倒有個肥仔哥哥裝左勁大碟飯食咖喱牛腩飯 每人只限一份o既炆花膠+龍蝦汁鮑魚仔~ 好味 主菜有雞羊牛豬=0= 都係簡單煎o既

本人笫一次寫，實在係依間餐廳超差，搞到成肚火！！之前係團購買左$238加一,星期五去左食,感相如下：1)有冇分時段係本人購買既考慮因素之一，因為買時冇寫限時段才買，但打電話訂位時先話有限時段，感覺被騙，如果佢寫明本人唔會買2)地方好難搵，係間茶樓上面，佢完全冇招牌／指示，本人係條街度搵左好耐3)裝修方面還可以，有幾個魚缸，不過本人發現有死魚=='''4)好少野食,成個場一眼睇哂5)D野食好差:-生蠔要排隊，每次俾3隻,，睇個樣心入面已經打個突，入口成淡海水，好似飲緊盬水，又多沙，食一隻已經唔想再食。團購話有幾隻唔同既蠔，不過本人見唔到有-沙律普通-熱盤有咖哩魚蛋＆豬皮、意粉、燒買（唔係茶樓個隻蝦肉燒買，係街邊個種魚肉燒買），開頭有咖哩牛，后來變左咖哩鴨（冇試，完全唔想試）-海鮮有三文魚（普通）、青口（普通）、蝦（普通）、蟹腳（好少肉）、八爪魚（冇味），總之就好普通-湯有羅宋湯（微辣）、忌廉（ok），但佢得一輪，好快冇哂，冇哂都唔refill，由得個空煲係度，事實上buffet得一輪湯本人都係第一次見-甜品食左tiramisu （雪糕咁，應該係冰箱攞出黎），雪糕泡芙（ok）-主菜嗌左牛排

見有團購，試下啦，好小團購二百幾蚊有生蠔食！呢日係白色情人節，一行四人去食，老實講，門面爭d,當時打咗節扣！入到去，貌似經理嘅男人招呼，幾好禮貌咁叫我地隨便攞嘢食，之後仲有幫手影相添！入正題，8點食到10點，生蠔有兩個人即開，一個男人用檸檬冰水用掃掃走d蠔殻，第一次見呢個做法，不過蠔新鮮，係細粒小小，仲任攞唔嬲，呢三個員工不停開都無黑面的。另外三文魚刺身都係自己任攞，d人一攞就差唔多無咗半碟，但係都源源不絕嘅！食物種類唔多，甜品選擇小之又小，不過樣樣味道都唔差的，咁嘅價錢我覺得超值的！攞嘢食果邊個地下有小小痴立立, 雖然我有腸胃炎，但係都無肚痛。總括嚟講咁嘅價錢有任食三文魚刺身同生蠔係抵嘅！

真係不得不花我既時間去彈下呢間野,因為簡直不知所謂, 佢做團購, 朋友說對這團購有興趣, 見賣點有4款生蠔, 有三文魚好似唔錯, 咁就話一齊去啦, 但食完之後很後悔……首先, 原來係6-10點內任何兩小時任食, 買左之後改為分6黠同8點時段,都OK啦, 我地簡左6點, 星期日去到, 嘩, 個環境非常之差, 好明顯本身係一間BAR,裝修唔得, 大約7成人入座左右啦,應該全部人都係團購食物方面, 佢D蠔超細隻, 又梅又咸, 未食過咁咸既蠔,好可能佢係浸左D盬水,癖走D腥味佢話有4款, 但果晚只有兩款, 排隊攞又要排好耐三文魚算係最值架喇, REFILL都算快, 但講真, 食三文魚, 去放題或韓燒都得啦,唔洗比成$291一位黎食囉熱葷 – 得幾款, 咖哩魚旦, 咖哩牛肉, 肉醬意粉, 白飯沙律- 佢話係有機沙律, 但係都係一般野, 都係冇乜簡湯- 得一個忌廉湯, 杰達達甜品 – 得大菜糕, 啫哩, 同得一轉既PUFF, 真係連酒樓送既紅豆沙都不如服務 – 唔得, 問待應主菜有咩簡, 佢答左句”豬牛羊雞”, 我問佢”咁點煮?”, 佢答”你落ORDER就會煎比你”, 我地全枱人都O左咀…收費:

今日,我因為之前團購買左張優惠劵,見佢平平地所以買左兩張同朋友食去到好多人係到,招呼我地個個人好忙,淨係叫我地等下等左10分鐘,終於可以坐低排隊拎野食,由於個場full晒,所以買咩都琅排隊,生蠔唔例如,開生蠔的時候,見到佢將生蠔成隻浸生蠔,無晒海水味之後排隊排三文魚,想拎個陣,由於佢無人幫手夾俾我地,所以要自己夾,人總係自私,所以三兩個人已經夾晒,到後期佢先肯有人幫手夾先可以有份食之後問佢地先知原來有牛排,羊排,雞排食,我叫左份黎食,又幾好味,結果叫左兩份羊排就有少少,咬晒無再叫佢送鮑魚伴花膠,鮑魚唔夠入味,花膠太d蝦ok好食,由於平時買d蝦好貴,所以買左好多次長腳蟹好野飲方面真係好劣,叫杯凍檸水以為好穩陣,點知真係加冰加水算,結果叫可樂同檸茶算食食下有人求婚,好sweet,開頭音樂無啦啦播到音樂勁大聲,打算投拆,原來有人求婚,無怪餐廳結果,依間餐廳好似沖大頭鬼甘,放生蠔同三文魚吸引顧客,我覺得依間係高級既茶餐廳

團購$239加一，半自助餐包一份主菜,前菜,生蠔即開任食,一人一份鮑魚花膠,簡介及相片都相當吸引,所有同朋友決定一試,位置雖然吾太就腳,但為覓美食亦可接受,一早book定8點兩位,上到去無需等候即時入座老實說,食物種類不算多，冇所謂,,但食物質素真的難以接受,冷盤都是一般的青口,凍蝦,蟹腳,小8爪魚,,沙律熱食就面,飯,包果類,首先拎完一輪冷盤未食就立即排隊拎生蠔每次一人三隻，睇佢開生蠔我就眼都凸埋,三個人係蠔吧,兩個開生蠔,之後果個竟然係將開好既生蠔逐隻放入一盤檸檬冰水洗刷,我同朋友都好驚訝做咩洗走晒d海水,食蠔就係要食陣海水味,當然冇人答我地啦,果時都吾知點解,如果係生蠔污糟要洗洗佢,咁佢同一盤水洗咁多隻都好吾衛生喎好啦,返位開始食,食個生蠔,三隻都吾同既,但係三隻都一樣味,仲有海水味tim,就係冇蠔味,所以我就懷疑果盤水係味加左海鹽,因為d蠔太吾新鮮,要洗番d味入去？之後試個鮑魚花膠，個汁不知所謂,酸架,我真係不能夠用任何言語去形容,總之吾中吾西,食不出咩原料制作,之後個蟹腳先終極可怕，冇味都算,個肉鞋到…我以為自己食緊百潔布,我未食過咁既蟹,點解會咁架!!!食都我咀都歪…唯獨青

係團購見到有生蠔，長腳蟹，鮑魚以為都算抵，點知平野真係無好野，兩個人去食，兩個都出事！真係不得不講唔關這餐廳事囉生蠔〉食三隻，三隻都食到成口沙長腳蟹〉雪到冰指，好重雪味鮑魚〉雖然無奇怪味但味道都一般

早前有朋友試食過呢間餐廳，提議我們聖誕找不到地方，就去食預計都會有位，因為比出面尖沙咀等等旺區少人，同唔駛咁貴！當然我地有BOOK定位喇！因為我地一行10人，而且有朋友正日生日。初初入到場見到都唔少人，大約6-7成入座率，好在有訂位，場內都佈置幾有氣氛，一入去比個大金魚缸吸引住。昨晚得一個餐牌，但因為我們預留了豬手和心太軟(是朋友嘗試後給我們推介的)我們班人起初先吃晚餐的自助部份，有三文魚刺身、青口、即開生蠔、海蝦，全部都超鮮味！而且還有不斷的供應~~讚！可能是應節關係，今晚大廚準備了火雞，給所有人品嘗(哪當然是自助形式喇！)~~~ 火雞好嫩口，好快就無晒了！整個自助部份，因為本人太肚餓關係，食晒先記得要影相，所以前半段沒有相片，HAHAHA....後半段的主菜，我們全都叫了羊、牛、雞，另外當然是朋友推介的脆皮豬手喇！羊架，唔蘇，好食！牛排 6成熟，異常地入口軟滑，正！春雞，有少少紅，但都可以(朋友怕翻整會太"木")還有我們朋友的推介脆皮豬手，嘩！這個真的要試，本人平時都喜歡食呢道菜，佢同我係MEGABOX果間西餐一樣好食，皮好脆！好像食薯片！肉好嫩口，正！但一個人真的吃不下成隻。另一

今年好忙，遲遲都未book平安夜晩餐，點知到book嘅時候竟然全部都full唒，咁之後突然睇下團購見到平安夜semi buffet 二百幾，又有生蠔，海蝦，甜品，沙律任食都超抵啦，即book ,平安夜晚一行5個人上去，環境相當唔錯，都幾典雅同浪漫，一坐低待應就話有餐酒送，可惜我們酒不沾唇，無緣品嚐，跟住見到台面有個盒是用黎換生蠔，咁就唔駛同人逼啦，跟住出去攞三文魚同海蝦食，雖然細細件，但超甜超爽，三文魚都ok ,略嫌切薄了點，跟住生蠔黎啦，應該係澳洲塔斯曼尼亞蠔，因細細隻，但蠔頭飽滿，食落有D海水咸味，新鮮唔腥，我地連蠔汁，檸檬都冇落添.......主角黎啦，羊架，調味適中，最緊要係羊脂真係幾平均，所以食落去唔會鞋同咬唔開，食完主菜，就去攞甜品，點知好似為左我整咁，有齊嗰幾樣我最愛嘅甜品（木槺布甸，奶涷，焦糖燉蛋同芝士蛋糕

昨晚再來食呢個半自助餐，水準依舊 平靚正！呢個生蠔海鮮半自助晚餐$268一位。有生蠔 新鮮海水味濃澳洲蠔，藍青口，黑松露意粉 現場即炒龍蝦湯 香氣誘人，入口啖啖鮮味味道一流，新鮮水果及蛋糕甜品任食，主菜叫左牛扒 叫左五成熟 牛扒肉質爽嫩，春雞 皮脆有肉汁 正！連飲品另外仲送左個心太軟仲加個朱古力雪糕添。呢個朱古力心太軟甜品焗得啱啱好！外層鬆軟切開中間流出香濃暖暖的朱古力漿，濃郁朱古力香味細滑嘅口感，真係好好食！呢餐真係滿足！今次仲食左佢二十幾隻添 哈哈。回哂本！佢地仲話聖誕節都係收呢個價，抵食！即時訂位，決定平安夜再黎食過。

相信依家就算平日去旺區的話，都難免有等位既情況，適逢朋友介紹依間餐廳就黎試下。當晚一行四人到此，餐廳環境ok，比較優靜，待應招呼就座，客人唔多，因為地區問題喇，坐落都好舒適，又唔會有待應經常在台邊經過，免得騷擾…當晚我地除點晚餐外，更額外點些海鮮…正呀哈哈哈，因為大家傾得太興高彩烈最後連甜品都唔記得影相，甜品味道好好，我地食左心太軟同奶凍，下次再黎幫襯。

上星期看到這團購那麼吸引,便立即購買了,終在幾天前到店享用此【自助生蠔海鮮晚餐】食足4小時,但以後不會再惠顧,,各位小心!!!我去到此餐廳時連埋我地只有3枱客人,加埋唔夠10個客人,由於生蠔係即叫即開,所以每次都要等起碼20分鐘,頭一兩ROUND我地兩人會出共12隻,但之後每次愈黎愈少,8隻,6隻,到了21:00再叫一ROUND又係等左20分鐘,我兩便不禁同餐廳經理反映等左好耐,但餐廳經理竟同我地講我地冇ORDER過,得三枱客你都漏單,咪玩啦,佢話"如你地真係要嘅,咪開比你囉,但你地食咁多唔怕肚痛咩!我都係擔心你地咋!",之後出埋嗰6隻比我之後我們便走了.寫明"瘋狂任食",但要食多幾隻D職員就比說話我地聽,個個職員都黑口黑面,最離普係個經理,佢擺明串我地,這麼差嘅餐廳都係第一次見,簡直不知所謂!!!咁多位朋友食家已見有三百幾人購買了,如果到時佢FULL埸,我怕你地一ROUND都食唔到呀,仲有21:00後唔會再出,如你一定要要比個經理串完一輪先有ga,真係小心小心!!!!!!之後我上左group buyer留言講返呢件事, 有個疑似此餐廳職員仲喺group buyer屈我食左100隻生蠔