雅仕餐廳 (已搬遷) 新店位置

set lunch $35芝士吞拿魚長通粉餐湯+蒜蓉包- 蒜蓉包好味,包脆,蒜蓉好唔會過多.長通粉- 好大碟. 雖然食落有一絲絲芝士, 但食唔到芝士味. 吞拿魚好稀略咸.餐飲+甜品- 奶茶唔錯. 甜品可以揀布甸/喱, 我要喱, 幾實, 幾夠味.呢個價錢包咁多, 唔收加一, 服務都ok, 算係咁啦.

原來琉璃街有好多野食,日本野多, 好多都裝修得幾靚,不過因為知道夜晚去食和民,所以揀左間較平的西餐廳有ABCD 四個午餐, 但C同D賣晒,得番A同B, 咁就一於要A同B啦!餐湯我地要左羅宋湯, 少少辣,不錯!最正係D"萛"蓉包, 好熱好香好脆唔硬!A餐係豬扒飯, 個汁好杰, 好似PAT 糊咁,但塊豬扒好味, 係薄的豬扒, 好腍又入味, 有兩塊咁多!B餐係忌拈萍果汁銀鱈魚配意粉,男友話個汁好淡, 冇味,但我試過係淡D但都有D酸酸地既萍果汁味,魚亦唔差。最抵係仲有餐飲同甜品, 甜品係啫喱或布甸,我同男友都要左布甸, 仲要求多D花奶,果然真係俾左好多花奶的芒果布甸我地, 好好味!不過我要果杯檸茶好苦!唔好飲!呢度的SERVICE亦唔錯架, 三十幾蚊有餐咁既LUNCH,我覺得幾抵囉!!

好耐未同過朋友仔出街食飯喇，偶然o既機會下今日黎左天后食飯。路過見到呢間餐廳都幾抵，膽粗粗走入去試下，嗯，都幾滿意。羅宋湯：味濃，湯底好杰，蠻不錯！蒜蓉包：略賺有ｄ乾，蒜味不足～（朋友仔）香芒汁焗龍脷柳薯菜：香芒汁幾好味，龍脷柳細左ｄ。薯條勁多，有食極都食唔完o既感覺！（薯菜：只有薯<條>，冇菜！）（我）芝士蒜蓉焗什菜意粉：比想像中好味，什菜亦比想像中多款式。個汁好香濃，好好味！甜品：o者o厘都係咁o既味啦，布甸就太o者o厘味囉！餐飲：熱檸水＆凍檸茶都唔會有得好特別架啦！整體感覺滿意，不過如果碟頭大少少會更理想！值得一試！

去維園參觀日本祭之前, 響附近食個lunch先. 我都知附近九更好既選擇, 但友人肚餓費事搵, 於是揀左呢度.一人一個set lunch, 紅湯足料夠味, 材料都煲都溶溶爛爛咁, 幾得手. 我點既燒春雞好嫩滑, 以高級茶記黎講係超額完成, 個汁就麻麻. 友人既燒豬柳飯賣相幾好, 據報味道亦唔錯.甜品係jelly或布甸, 我要後者, 今次符合期望, 非常一般. 朋友食杯jelly就食得好興奮, 話勾起童年回憶, 覺得自己後生左好多喎...... @@以三十幾蚊個餐黎講, 我覺得幾抵食呀.

我o係銅鑼灣番學既~經常去雅仕食lunch嫁...因為佢都真係幾抵食呀...日日都有幾個唔同既餐俾你choose既...一個餐通常都係西湯+飯/意粉+野飲+甜品...都係$30~$40咁上下(學生可以再平D添~)佢D野食一般都OK嫁...不過地方好似窄左少少...不過總體黎講我都係俾個good佢~^^

叫咗蒜汁三文魚飯同吉列雞扒飯，都係$33個嘅lunch sets，包餐湯、蒜茸包、甜品和餐茶，冇加一，價錢都算OK，不過質素唔多掂。餐湯幾稀，蒜汁三文魚其實係怪味汁+幾舊乾硬魚塊(真係睇唔出亦食唔出係三文魚)，係得吉列雞扒同熱咖啡/奶茶幾好。附近有咁多選擇，冇乜可能會再嚟幫襯。

33蚊.. 比普通茶餐廳貴...有餐湯, 蒜茸包, 甜品, 凍飲唔駛加2蚊.. 計落都唔太貴..最差係個蒜茸包, 雖然小小暖,但完全唔脆.湯都ok濃, 個磨菇三文魚意粉,竟然係焗o既.. 有驚喜.. 但個粉有d淡.. 甜品芒果布甸, 中上好味.. 整體都ok喇．．　

一家四口食聖誕餐, 今年好彩醒目有定位, 所以不似上年咁等半個小時... 今年又是有二個選擇, 一個是澳洲日本和牛, 另一個是焗龍蝦+帶子, 兩者都配法國鵝肝, 嘩~~! 每位$128, 比上年貴, 但食落又覺得超值, 我們每人一個餐, 二個和牛二個龍蝦, 那個龍蝦湯, 真的十分濃味,又有幾粒蝦肉, 加脆的蒜茸飽... 正! 鵝肝很香,很滑, 但煎得不太'火農', 美中不足, 和牛.... 嘩! 無渣, 又香口, 又無根, 餐牌寫明5oz, 有d唔夠, 不過$128, 你想點呀? 龍蝦半隻加幾粒帶子, 伴芝士汁焗, 十分香口, 爹爹話龍蝦都幾彈牙, ok 啦.最好是無加一, 位位$128, 聖誕甜品是自製chocolate mousse, 都好好食,又有即磨咖啡, 下年希望又有surprise 啦!p.s. 這裡裝修過, 掛了數個壁燈, 沒有了以前農場餐廳的影子。

我係到食過都好多次,我覺得食物唔差,特別係個香腸磨菇意粉,炒得好香,羅宋湯就辣左d,平時午餐都好平,33-36蚊,仲有蒜茸飽同埋甜品,真係好抵食呢,雖然唔係話好高級既食物,不過質數同價格都合乎原則,我諗都好小地方食西餐有咁平又咁多野食,服務方面都ok,幾有禮貌,我諗衛生都唔錯平時下午茶都見有人打掃抹樽仔,大至上都唔差啦,付近既朋友都可以去試下!

一個人晌天后，見好多間餐廳都好多人，見呢度剛剛有幾個食客食完，就入左黎。白湯幾好味，但旁邊一對情侶就話雜菜湯難飲；叫左個鴨胸，真係唔多得，十成十熟，硬到好難切；甜品要芒果布甸，我覺得係用好稀既材料加魚膠粉整成o既，口感都係唔布甸o黎o既，似o者o里多o的，味道好淡；最後，連奶茶都難飲，好失望。此外，服務都係一般，我叫左埋單，待應應左我，但過左好耐都未埋到，可能佢見我拎住個銀包先記起，問我係咪叫左埋單....

之前我在這間餐廳做過幾天,d 食物好dirty , d 布又唔clean ,d 汁and soup 放在室隔晚。d 熟食在室放左幾個鐘, 賣唔曬先入雪櫃, 生熟食物又放在一齊, 真係會食物中毒ga~

我都幾鍾意去呢度食晏，貪佢又平又好食。午餐有脆卜卜的蒜蓉飽、餐湯、主菜、甜品（啫哩或布甸）同即磨咖啡，都係$33至$36（冇加一），勁抵！環境方面都算ok，食物一般來講都唔錯，一點都唔馬虎。唯一美中不足係成日都咁多人！

消費唔貴，質素可以接受，當然成為我和一眾學生常到之處！午餐約$32-35間，免收加一(學生還有優惠！)，無論甚麼方面都和其前身農場餐廳差不多。食物質素在這個價錢來講算是不錯。不過，衛生程度有待改善。

農場摺左好耐啦<br />而家呢間叫雅仕餐廳 形式差不多一樣<br />套餐$40 幾<br />lunch 好以$33 <br />tea 好平, $15 <br />dinner $30 幾<br />上次去食dinner, 居然有Prime Grade Rib-eye<br />哈! 出邊食要過$100, 而家$50 幾有交易,<br />我個friend order 左個牛尾，<br />佢話好有牛味，十分好味<br />不過，佢裝修就舊左d，似以前農場餐廳．．．．<br />但係而家無加一西餐廳好難搵架啦。<br />仲有, 不得不讚地杯咖啡, 即磨係唔同d<br />非常好飲<br /><br />天后區而家最好生意　．．．<br />〔平．靚．正〕<br />