雄泰

營業中

休息中

香港難得有誠意好好味既泰菜炸蝦餅勁足料，新鮮熱辣，岩岩炸起，飽滿有口感泰式炸脆豬勁好食，個皮超香脆，豬肉肥瘦有層次，肥既位置香而不膩，瘦既位置又唔會乾，個酸汁都好夾，出色牛肉船河足料，湯底香濃又唔咸，有牛腩牛丸牛栢葉，河粉索晒個湯，好味豬肉碎飯好好送飯，個豬肉碎調味幾好，帶少少甜味，正常發揮，再加隻太陽蛋，好食泰茶同龍眼冰正常發揮，有泰國既味道同感覺價錢平民，呢個價錢難得食到咁正宗新鮮既泰國菜，味道正宗有誠意，值得食完再食！有驚喜最受歡迎既海南雞好早就賣晒，希望下次食到！

佢哋嘅泰式脆豬飯同冬陰公湯飯真係令我印象深刻。首先講講脆豬飯，呢碗飯上面放咗一片金黃脆口嘅豬肉，外脆內嫩，咬落去嘅時候，口感非常好。豬肉上面有一層香脆嘅皮，咬開之後，肉質鮮嫩，味道濃郁。佢哋用嘅醬汁非常特別，帶有一點點甜味同微辣，完美襯托咗豬肉嘅風味。再講冬陰公湯飯，呢碗飯入面有好多隻蝦，真係唔少！湯底係經典嘅冬陰公味道，酸酸辣辣，令我一飲就停唔到。蝦肉鮮甜，搭配湯底嘅香料，整體味道非常豐富。飯粒吸咗湯汁之後，味道更加突出，每一口都令人感到滿足。總括而言，呢兩道菜真係值得一試。無論係脆豬嘅口感定係冬陰公湯嘅酸辣，都令我回味無窮。如果你鍾意泰國菜，呢間餐廳一定唔可以錯過！下次再去嘅時候，我會再試下其他菜式，期待有更多驚喜！

預咗1:45 PM先去到好多嘢都無。最後叫了炸蝦餅和燒雞飯。夠熱，份量滿意。不過所有店員服務就…….. 店員與店員自己都有爭拗。 餐廳出餐有問題，眼見有店員有持部落單機，質問顧客落單份量。好似食客一定錯，店員係唔會聽錯嘢，落錯單。建議下次去雄泰最好攞部camera 出嚟扮foodie KOL. 因爲我見MM 同佢地拍嘢，服務+態度好好。 不過可能以宜家香港呢班新一代，服務態度已經攞優質服務大獎。只是本人太old school，過時了。

職員態度好差，未食已經一肚氣，海南雞附送「曱甴」今日見無咩人等位， 就去左食雄泰， 一入到去，職員已經黑口黑面，好似差佢錢咁我地叫左脆豬飯同海南雞飯，脆豬飯不過不失，皮脆但肉「鞋」 ， 海南雞飯等左半個鍾先到，海南雞飯份量係好多， 但食到中途竟然有「曱甴」 ， 隨即馬上同職員講， 職員一開始仲黑口黑面講「咩事啊」， 但我比佢睇完呢張「曱甴圖後」，職員態度180 度轉變， 雖然職員最後免單， 但呢次真係一個唔愉快嘅經歷。希望你哋會改善。

中午時要搵野食，見門口唔係太多人排隊，等吓啦海南雞飯- 外貌吸引但未算好滑雄泰炒粉（金邊粉）-普普通通泰式淨脆豬-係呀泰式蝦餅- 普通我會推薦脆豬，其它就個人喜好啦

一行五人係星期日專登揸車入去食，等咗45分鐘左右，等等吓到點零鐘已經話冇晒海南雞。叫咗香葉肉碎飯，香葉肉碎炒河，豬頸肉飯同埋脆豬飯。香葉肉碎飯一般，唔太香。香葉肉碎炒河炒得好濕同埋唔惹味。燒豬頸肉亦都完全唔香又韌。又有豬臊味。最後脆豬飯等到我哋其他人全部食晒要問多次先至再上，係熱辣辣嘅，但係同普通燒腩仔冇乜分別。😓最後俾錢嘅時候侍應態度亦都係好差，講嘢冇尾音，因為我哋人多坐左兩張枱，就係咁質問我哋究竟係A定B張枱？但係其實A B兩張枱都係我哋，但最後想問佢拎返張單都要受佢氣。落單個時個侍應都係冇表情，嗰時覺得可能係忙得滯，但係連埋單嘅時候都係咁西，啲野又唔係好食，完全覺得負分。完全唔明點解要排隊，只係好正常一間泰國菜餐廳都做到嘅質素。店員態度仲要差，區外人不建議專登去食，最多係做下街坊生意就得。

其實嚟過雄泰幾次因為我好鍾意食佢嘅牛河粉媽咪就好鍾意食佢嘅海南雞飯但係每次晏晝好快就已經賣哂佢都冇預特別多嘅份量我問過佢地夜晚係一定冇得食今日我中午12:30嚟到排咗一陣隊就好快入座想準備落單冇耐就已經聽到廚房嗌出嚟：雞飯淨一個下都心知不妙，諗住即刻叫個侍應幫我落單點知原來前面都仲有幾個人落咗單，所以我一定冇唯有叫個海南雞翼飯而我就叫個牛河粉海南雞翼飯份量都多只不過對於老人家嚟講冇食雞肉咁舒服而我個牛河粉水準依然一樣湯底濃郁配料有兩粒牛丸、牛肚，同埋牛腩另外每次都會叫多份小食話就話四舊蝦餅，其實都係兩件開左4$38兩舊蝦餅其實有啲貴不過好食嘅依然會再訪👍👍👍

之前喺粉嶺返工💼，同事們帶咗我食呢間海南雞飯🐓，佢地話呢個海南雞飯係粉嶺聯和墟嘅名物✨。其實之前我哋都嚟過一次，但係嗰次食唔到，因為咁啱舖頭嗰日冇開🤣想講lunch Time呢個海南雞飯真係好搶手，我哋落咗單之後聽到廚房嗰邊嗌話剩返最後一碟😆 碟海南雞飯一上到枱，我俾佢嘅份量嚇親，佢碟飯嘅份量兩個人食都夠食😂。佢啲海南雞係好嫩滑唔嚡，而啲飯都好香雞油味😋特別想講個泰式辣醬好好味，我平時唔係好食得辣，而且平時食海南雞飯都唔會點辣醬🤣，但係點咗呢個泰式辣醬之後我覺得個海南雞變得再好食啲🤪

早幾日老公揸車帶我去大埔遊山玩水，睇完日落時間尚早就去咗粉嶺一試呢間名物😗我哋6點45左右去到已經要排隊，但係隔咗一陣咁啱有兩台食客走咗又唔使等位嚕，都幾睇彩數😅我哋想試海南雞飯，但係店員話已經賣晒😪諗住差唔多食完之前先點斑斕千層糕做飯後甜品，但係食食吓嘅途中已經賣晒😭餐廳超級多外賣單，我個飯足足等左半粒鐘🫣❤️泰式船牛肉金邊粉湯底濃郁，金邊粉口感幾好唔會好橡筋，亦都掛湯有齊牛柏葉，牛丸同牛腩，量都唔少，非常豐富👍牛柏葉爽口，牛丸彈牙，牛腩亦都好腍，整體唔錯😋❤️泰式酸辣鳳爪老公最愛，佢話個汁幾好食，鳳爪爽口👍⭐️脆豬飯因為叫唔到海南雞所以先叫呢個，但係等咗半個鐘，雖然塊皮係好脆，但係見到塊皮本身好厚油，而且啲肉既部位係超級多肥膏🤦🏻‍♀️🤦🏻‍♀️ 好後悔，早知叫燒雞飯算🤦🏻‍♀️🤦🏻‍♀️下次一定要早啲去試吓佢嘅海南雞同班蘭千層糕！😤😤😤

職員態度極之惡劣😡未食飯已經受左一肚氣！廚房質素好又如何，未食飯已經比店面職員請你食一肚氣，已經飽曬🤬請大家吾好再幫襯呢間野，員工們好辛苦架，想做死人咩！強烈建議你哋舖頭自己嘅營運改善下啦，效率低，員工做餐死，最後黑我哋客人面，客人幫襯你好似欠左你咁，咁辛苦咪吾好做囉！再吾係你加個QR code 比客人落單啦，咁咪可以做少一樣，效率咪提高啲囉，反正位都係客人自己拎架啦！再吾係客人自己攞埋餐，好似food court 咁，咪可以吾洗咁辛苦啲員工囉！專注做好個廚房就可以啦，我寧願所有野自助，吾洗受你哋氣

入到去喺門口嗰邊坐低，三個男侍應有兩個都黑口黑面。諗住叫嘢食，知佢哋忙，見其中一位侍應喺收銀處嗰邊應咗我話等陣過嚟，我都話冇問題，等咗5分鐘再回頭望，見佢哋喺收銀/整飲品嗰度吹緊水。。咁我再入手，之後我見收銀嗰邊有另一台都入手（遲過我），之前話等陣嗰位侍應明明兩邊都見到，竟然即刻去幫佢哋落單先。仲離譜嘅係落完佢哋單之後，又冇咗件事繼續喺嗰邊吹水。我最後忍唔住（由一開始想落單已經過咗10分鐘）就直接行過去話唔該落單，佢仲黑晒口面話你等等啦。。🙄出去埋單嘅時候，着黑色衫嘅另一位男侍應問我哋坐邊度，咁我指住出面門口張四人方形枱。點知佢皺晒眉頭喺度質問我，係咪圓嗰張枱啊定係邊張？ 老實講，自己唔溝通，反而態度咁差咁樣問返個客係坐邊度食咗乜嘢，真係好奇怪囉。⁉️嗌咗嘅炒金邊粉亦都好鹹，好多味精嘅感覺。。🤢冇晒之前嘅水準。總括嚟講真係唔會再去。

放假無所事事，朋友約入粉嶺食晚飯。都好耐冇食過呢一間餐廳，朋友話好想食呢一間。不過夜晚就預咗冇海南雞食，朋友話食咁就好少去啦。叫咗客翠豬一個牛肉船河，另外一個豬頸肉飯。徐豬每一次都冇失望，塊皮脆卜卜咬落去咯咯聲，一層肥一層瘦真係好邪惡，雖然望落去有啲肥，但係食落去又唔會有種好油膩嘅感覺。另外豬頸肉個份量都幾足，亦都燒得好香同埋個厚度亦都適中食落都好有質感，配埋佢個甜甜地嘅醬送飯係唔錯嘅。另外重點推介個牛肉船河個湯底真係好好味，牛肉相當濃郁，湯底亦都好清甜，真係好食到連個湯都清埋。兩個人食都係百零蚊，真係抵到爆。事次用餐為自費。

雄泰一向是聯和墟的星級餐廳⭐️不僅是本區街坊的日常飯堂，亦是區外遊客來粉嶺覓食的必到景點🍚其海南雞飯更是熱門中的熱門，經常在營業兩小時後便售罄🔥受歡迎程度可見一班。———————————————————————雞肉有兩層🐔份量非常之多，是多到令人震驚的程度🤯🤯而且全部雞肉都已去骨，讓人吃得非常開心😆上層的雞腿肉肉質非常嫩滑，雞皮的油脂亦令雞味更加香濃😊即使不沾醬汁也非常鮮味👍🏻而下層的雞胸肉同樣十分高質，肉質結實得來同時非常嫩滑😋絕不比雞腿肉遜色😚而油飯方面，香料味恰到好處，而且毫不油膩，與海南雞相輔相成🫡脆豬飯亦是雄泰的招牌菜之一。脆豬肥瘦相間🐷肉質鬆軟，豬皮部分非常香脆，整體口感令人相當滿足🤤脆豬本身調味偏鹹，與酸甜的醬汁非常配合，醬汁亦令脆豬的膩感大大降低😇不過與海南雞相比，脆豬本身就是偏油的菜式🤔帶來的負擔感難免亦會比較重，健康人士可能淺嚐就好🤏🏻🤏🏻———————————————————————雄泰雖然沒有豪華的裝潢，但每道菜式都花盡心思製作💕而且份量十足，絕對是以實力說話的小店🫡

今天晚上做完運動到訪聯和墟覓食，來到一間叫雄泰的泰國餐廳。坐下沒多久，外邊已經排長龍等位，還好早了一步入座！點了冬陰湯粉配雞肉，酥炸泰式炒金邊粉，羅勒葉肉碎蛋飯，小食叫了一款泰式蝦餅。本來想叫海南雞飯，可惜已經售罄。泰式炒金邊粉腸粉炒粉不會一pat pat，有口感，比一般的炒金邊粉偏甜。羅勒葉肉碎蛋飯，惹味可口，羅勒味很香，肉碎多過飯，抵食！冬陰功湯也是香口，椰奶香味濃郁，也是偏甜，但很好入口，喜歡喜歡！

雄泰嘅海南雞飯好多時喺中午就會買晒，遲咗去或者夜晚先至去嘅話好大機會食唔到，不過海南雞翼飯就冇咁快買晒，如果唔介意有骨嘅話都可以一試。海南雞翼飯同海南雞飯一樣都係配油飯，其實入面唔止得雞翼，仲有雞鎚，加加埋埋大概有8件雞，雞嘅份量唔少，雞肉食落都一樣係咁嫩滑，而且有雞油香，即使唔係平時嘅海南雞咁食落啖啖肉，但係其實都幾滿足，價錢上仲平少少添！除咗海南雞飯，雄泰嘅脆豬飯同埋酥炸豬腩肉飯都好唔錯！！！