隱 (已結業)

見佢個名好似好高級咁價錢都幾貴諗住實冇死好似好正宗日本野咁點知係超難食 我叫咗鰻魚炒飯、和牛炒飯、明太子雞翼 3樣嘢真係冇諗過可以難食到咁嘅地步個飯90幾蚊個雞翼接近＄70 得三隻1. 鰻魚炒飯佢個飯係超重味精 䶢到爆炸 成碟飯係深啡色之後完全食唔到鰻魚 佢得好少鰻魚粒 魚嘅口感好似爛飯 好細粒個飯完全唔知點形容佢好飯粒完全冇光澤 勁乾 食落有啲似泥嘅口感個感覺就好似係一開頭濕滴滴咁炒 夾硬炒到佢乾身 仲要一嚿嚿黐埋晒基本上你係食到少少鰻魚汁味其餘嘅嘢都係垃圾負評95% 大伏2. 和牛炒飯個飯炒出嚟口感係同鰻魚炒飯一樣垃圾牛肉粒正常個飯冇鰻魚嗰個咁鹹好重胡椒味我覺得味道都尚算係一個正常嘅飯衰係衰在個飯炒得好衰 但係唔係好味 而且一啲都唔香 個和牛你笑吓算啦負評70% 普通小伏3. 明太子雞翼好細隻 完全表面係冇光澤好乾 好似萎縮左咁個餡都算係正常明太子 辣辣地 有啲過鹹個肉完全唔juicy 唔似雞肉好似係一塊乾嘅皮 包住咗啲餡負評 80% 伏總結：點解依間餐廳可以開得成，個廚師係咪味覺失調 我出去食個＄30嘅鰻魚飯都好食過佢 佢收咁貴 吸血鬼😡

呢度食店啲食物不錯 地點也算方便 有不少咪錶位 一行八人 大家都幾鍾意呢度啲食物同環境 呢度啲食物溫度唔錯 食物也非常新鮮 至於廚師手藝亦都非常不錯 而佢哋用嘅餐具亦都有特色 成晚食咗咁多道菜 個人就最喜歡係蟹 非常新鮮味道也非常濃郁

本身係Facebook見到介紹..諗住都係串燒唔會點伏啩點知巨伏嚟！食食下已經想走呢到價錢中上，當然會期望有返咁上下質素但食咗咁多款嘢冇乜邊款真係好食呢款明太子雞翼，完全唔香又淨係死鹹燒蝦味道普通，冇鮮味唔講唔知係焗蠔，好似冇焗過咁，味道平平清酒煮蜆超多沙，而且啲蜆好細隻呢道牛油炒菇係可接受嘅，要求好低唔難食就ok和牛炒飯加埋唔知有冇十粒牛肉都唔緊要預咗唔會好足料，但味道真係....有幾可食炒飯係甜㗎？？？其實成晚啲食物都嚟得勁慢，又唔好食，坐到都頹頹地想走，見佢咁耐都未嚟本身想cancel塊肉眼，但侍應聽完唔理我地，走咗去同隔離枱落單......最後都係食埋先，塊肉都算係全晚最好食㗎喇

第一次來食嘢，一去到門口已經覺得好有神秘感同隔離左右嘅環境完全唔同，入到去成個感覺更加同外面嘅環境形成一個對比，店內檯凳唔算多，唔會檯貼檯咁同隔離檯痴埋一齊，而且個吧檯設計加埋又播下啲音樂，又有居酒屋嘅feel真係人都放鬆啲。我本身係一個愛蠔之人，於是朋友就貼心咁叫左"是日推介"嘅南非活蠔，一上檯見到啲蠔脹卟卟咁已經喺心入面大叫Omg!!入到口嗰下嗰種滿足感真係唔是開玩笑，海水味唔重但完全可以食到種鮮同creamy 真係味力沒法擋！跟手試埋個燒生蠔，無加其他花巧嘢燒 已經可以食到種香甜，真係簡單就是美🤤刺身新鮮呢啲例牌嘢就唔講啦，主食選擇唔算多，但係串燒就令我幾驚喜，尤其是雞皮同燒海蝦定唔知海鹽燒蝦，雞皮好香口又唔油膩，而隻蝦就先驚後喜，meet蝦嗰陣見到有啲肉痴殼已經唔抱咩期望 點知咬左一啖之後真係條眉都高埋，心諗咁搞笑嘅通常痴殼都係老或者唔新鮮，但係佢就彈牙得來又不失鮮甜！真係喜出望外，我以後都唔會以貌取蝦。仲有！我覺得幾好嘅就係員工會幫你換碟，等你隻碟唔駛有太多骨同殼，好貼心下次來會再試下其他嘢食睇下會唔會又有驚喜先

隱呢間日本餐廳既價錢合理，啲生蠔好新鮮，燒蠔仲另有一番風味，識食既你，一定要去試下！地方可能對某啲人有啲遠，但去過就知有幾值！啲串燒都好正！味道岩岩好！唔食雞皮既我都忍唔住話而且環境靜中帶舒適，都幾適合情侶或同朋友一齊去食 生日慶祝都係一個唔錯幾選擇。最特別的地方係日本餐廳但餐具係中式，幾有意思，而且仲襯托到，唔會覺得格格不入。另外，有個烏冬都好好味，啲豚肉好入味好有好感，同平時出面食既有啲啲唔同！

今日同屋企人去左坑口新開(隐)Yin屋酒屋，試吓新野吖嘛！其實我去過坑口N次食飯，諗住無乜驚喜，點知又ok喎，D魚生好新鮮，我食左生蠔、魚生拼盤、燒牛仔骨、燒牛舌、燒雞亦、燒雞軟骨、墨魚咀、燒雞皮先至正呀！老板話佢地魚生每日係日本築地市埸直接空運到港，唔怪之得咁正啦！最緊要佢新開張，價錢大眾化、半打牡丹蝦都係$98,生蠔二十零蚊隻、好肥吓、好食過出面果D好多！下次會同D 朋友再黎、要keep 住水準呀！

去咗N次坑口村食飯，好少有日本菜食，近日開咗間叫「隱」嘅居酒屋，俾次機會佢！嚴格來說，未夠全面，不過，有時在香港食日本菜，無可能用日本標準來衡量。公道啲，前菜、串燒、刺身都不錯，拖羅夠水準，刀功合格！坐得幾舒服，同朋友飲吓清酒，傾吓偈，價錢合理，算係好地方！要改善吓嘅係，飲清酒啲杯太太太細隻，唔講究，叫得做居酒屋，真係要關心吓我呢啲酒鬼，食嘢其次，飲酒第一！下次去一定要搵啲好酒，省靚個招牌至得！如果下决再去坑口，大家都值得一試！

見到佢裝修幾靚就入去試吓啦！點知入到叫咗牛舌、牛仔骨、羊架冇樣食得落口。👉🏼羊架太鹹👉🏼燒牛舌😠燒左等於冇燒過👉🏼牛仔骨又未熟又un到死👉🏼牛油雜菌菇唔覺有牛油味囉就算請我都唔會再嚟😤米芝蓮👤