隨您鍾意

營業中

休息中

食了這舖多年，由之前有舖可坐低有人招呼慢慢食，到在外賣舖只有幾個位的立食，到外賣，真的可以用平靚正來形容，平時都係食魚生壽司手卷多但今日好想食炸蝦，所以lunch 外賣自取了吉列蝦飯配芥末沙律醬及麵豉湯 （$38）先打電話落單，15分鐘後去取電話中落單姐姐好仔細落單，連麵豉湯要唔要蔥都有得揀落單15分鐘到舖已經有得攞入到公司一看，原來吉列蝦飯係有兩隻蝦，及一些蔬菜，包括紅蘿蔔、大蔥、青椒及茄子，雖然覺得蝦少了一點，但也好爽口鮮甜，蔬菜也好好味，不得不提個芥末沙律醬，夠濃味，估唔到食個沙律醬都會嗆到，咳死左我覺得算是'清清地'的一餐，呢個價錢算不錯而個麵豉湯也很有水準，果然有好點題的蔥，好夠味同事話鰻魚飯都好食㗎，下次要試下

呢間食店已經幫襯咗成起碼十年以上，初時喺銅鑼灣堅拿道天橋下面係分開兩間店舖，一間只做外賣，而另一間就有埋堂食，之後就減少一間留返一間店舖，裏面就有少少位可以堂食嘅。呢到嘅壽司、手卷及丼…等等，都係即叫即做，而手卷中軟殼蟹手卷就非常之好味。食物非常新鮮，有好多人專程揸車過嚟買外賣返屋企㗎~ 每次嚟都會叫嘅，而價錢亦好抵18元就有2個，其他手卷都不時有特價15元2個㗎~而刺身飯喺11:00-15:00呢個時段，嚟呢到買會平好多㗎~ 係咪好正呢…👍😉超值推介！叫咗軟殼蟹手卷、炸蝦手卷、海膽手卷、長腳蟹肉手卷、三文魚大卷、中華沙律及飛魚子，水準及味道真係一直以來都keep得好好，非常值得一讚👍。我就自創咗個新配搭食法，中華沙律加入飛魚子，😄其實仲可以加入辣味螺肉、帶子裙邊及八 爪魚仔…等，非常美味，大家可以一試🤗。

自從blacklist了呢間魚生鋪，熱愛三文魚刺身的我便在灣仔、銅鑼灣努力物色replacement ⋯⋯可惜食來食去都食唔返個種鮮甜味⋯⋯實在忍無可忍喇！今日強烈地想補充omega 3！不過我都有底線的：1如果小強係櫃面，打死唔入！2如果再比人窒，絕對反撃！然後拂袖而去！結果，戴口罩個四眼姐姐竟然同我講多謝！omg!講番個主角：三文魚⋯⋯仍然係又爽又甜！希望以後呢句多謝可以維持落去，等我同老公可以繼續補充omega3啦！

由小一開始幫襯到而家大二，間中突然好想食手卷，隨您鍾意係我嘅首選，就算唔順路都會特登過去，因為實在太抵食，而質素都唔錯！特別推介三文魚手卷，紫菜好脆（不過要盡快食，紫菜腍得好快），而且三文魚食到底都仲有，唔似得大部分手卷店，啲魚生放喺面，下面淨係得飯，好寡！另外，軟殼蟹手卷都好好味！見到有人批評隨您鍾意職員態度惡劣，我都曾經有一兩次唔好嘅經歷，但大部分時間嘅服務都尚算不過不失嘅，都希望店家可以喺呢方面作出檢討，繼續提供優質又實惠嘅食物。

中學時代跟朋友補習後必食小店，手卷，太卷，加洲卷，自選壽司套餐，樣樣出色！今天跟老公來吃手卷，三文魚食到底都仲有三文魚，厚切啖啖肉！軟殼蟹手卷即炸軟殼蟹，熱辣辣脆卜卜，誠意滿分！

他們壽司款眾多，新鮮度還可以，但是年輕店員的態度讓我不會再去這家店！我又不是點很少或不點餐霸佔位子，我坐在位置上點餐還要被嫌，點單時態度也是差的要命，只是吃一餐就快被氣死，客人態度比店員還好，我看到評論裡有人點了特價套餐也被嫌⋯那我看這位店員你是不想要有客人了吧呵呵，光是用那兇狠的眼神應該就趕走了很多客人。老闆，收銀員是收錢的人，它的態度那麼可怕怎麼還會有客人願意到你這花錢呢！我寧願開開心心花錢吃飯，也不願意花了錢還受氣。心裡耐受度好的隨意，它的海膽腥味略重，不推薦。別人再推薦我也絕不會再來！

由店子新開已幫趁到依家，三文魚由五十蚊有交易，到依家要七八十蚊⋯⋯不過冇所謂，只要魚生質素好⋯⋯不過，每次遇到嗰個貌似「樂壇小強」嘅店員（定老細？所以咁寸），就一定會比佢頂一兩句，無論你同佢講乜，我師奶仔唔會同佢嘈，但係唔該佢日日心情都咁差，就去隔離飲杯野葛菜水、睇下中醫啦，點解我地顧客比左錢仲要受氣呢？！頭先幫趁左九十蚊又比佢窒，我仲繼續幫趁，係咪自己攞黎衰呢？！

在銅鑼灣, 吃壽司剌身的地方太多, 但要數價錢親民, 就一定是隨您鐘意了.這間位於鵝頸橋底的小店, 主打外賣, 當然堂食也可, 但只有5個座位, 而且坐的也相對不太舒適, 建議還是外賣更佳.這裡有各式剌身, 也兼售壽司, 手卷還有魚生飯和小量日式炸物飯.剌身方面, 選擇非常的多, 可以整份買走, 也可以要求師傅代切.壽司方面, 除了少量預先製作外, 基本都是即落單即製, 非常新鮮.以這次為例, 要了比目魚壽司, 櫻花魷魚壽司, 黃金魷魚壽司, 蟹籽壽司, 榮螺壽司, 甘蝦壽司, 鰻魚壽司, 吞拿魚壽司等, 價錢也不用100, 實在是超級抵!如果時間許可, 外賣回家也是一個非常不錯的選擇!

銅鑼灣食日本野有好多選擇，平時想食壽司又想平就會去爭鮮迥轉，吹吹冷氣飲杯茶。今日經開鵝頸橋醒起另一個平價之選「隨你鍾意」，順路買個魚生飯返公司當lunch。雜錦魚生飯未食睇下都覺得開心，有甜蛋、三文魚、蟹籽、青瓜、立魚、油甘魚、八爪魚（活埋左係蟹籽下面），仲有我最愛！！劍魚腩！！坊間魚生飯經常切到細細粒，食左都唔知食緊咩，一睇就覺得係頭頭尾尾，呢到角切魚生全部大大件，肥美鮮甜，醋飯酸度適中，絕無欺場。$55包汽水，物超所值！

喺灣仔、銅鑼灣想食日本菜當然好多選擇。🍼但係想外賣，又想平平地，隨你鍾意都可以一試！🍼先講餐廳環境，都比較逼迫，有坐位，一字排開，收銀位置完全無隊形可言，絕對係鬥快，看看邊個可得到收銀姐姐的理會xD🍼職員態度方面，一般。🍼趴B今次叫咗三文魚海膽飯（$75），等咗5-10分鐘就有得拎，真係快！🍼海膽絕對係驚喜！先係甘甘哋，可帶點鮮味的甜！有3至4瓣～75元絕對值回飯價！👏🏻👍🏻👏🏻👍🏻 🍼但三文魚刺身就好一般，師傅將刺生切粒，質素好參差，只有1至2粒係腩位，其他都係有點筋，更感覺有點膠質⋯⋯ 刺身丼的飯都有點膠⋯⋯🍼餐廳環境：🍼🍼 （滿分為🍼🍼🍼🍼🍼）😊員工態度：🍼🍼 （滿分為🍼🍼🍼🍼🍼）😊食物品質：🍼🍼🍼 （滿分為🍼🍼🍼🍼🍼） 完全係比面啲海膽xD😊價錢評分：🍼🍼 （滿分為🍼🍼🍼🍼🍼） 銅鑼灣、灣仔來說，ok!😊 趴B總評分：🍼🍼 （滿分為🍼🍼🍼🍼🍼）😊翻撻度：🍼🍼 （滿分為🍼🍼🍼🍼🍼） 想試一試刺身是否好食！因為有趴B最愛劍魚腩！🍼隨您鍾意地址: 灣仔堅拿道西15號電話: 28332876營業時間：星期一至日：上午11時至凌晨1時

睇完戲唸住食小小野，好耐冇食諗住幫襯下啦，我們兩個人叫左大約90蚊， 長頭髮男店員 問我係度食定外賣， 我話喺度食 佢畀咗一對筷子同一個豉油碟連wasabi, 我話我有兩個人唔該比多一份。 佢黑晒面副氣咁講比多一份收2 蚊。我覺得打開門口做生意咁小氣都得！ 若果佢客氣d 我覺得都可以接受。 咁樣真係好cheap! 呢間野真係愈做愈衰，裡面有個阿叔店員態度就ok, 唔知長髮店員係咪老闆，我朋友話以前見過佢態度都係咁差。

中午買了2盒$32/4件卷物在店內吃，店員只給了一包芥末及一對筷子。我們2人各吃一盒的，於是便問店員取多一雙筷子，竟然拒絕比多對筷子，聲稱是特價貨品不能給2對筷子😵我說我們是2個人吃的，請給多對吧，若我只買一盒都會有一對筷子吧！但店員堅持不給我，令我覺得很奇怪，從來未試過完全理解唔到😓態度是很惡劣而且黑面的😪

同老公行街行到夜晚, 諗住係附近快食個晚餐就返屋企, 所以黎左呢間壽司店。佢自稱係外賣店, ,所以鋪仔細細, 得5個BAR枱位。有張壽司紙比你剔, 如果單叫手卷, 記得唔好用佢D壽司紙喇, 行埋佢話佢知就得, 唔係個職員會鬧你, 我同老公上次就係因為咁比收銀姐姐話。第一輪叫左9件壽司, 佢比左一對筷子, 問佢拎多對, 佢話一張單只會比一對, 加一對要收$1。咁早知我分兩張單啦, $1都咁計較。不過都算數, 照比。D壽司其實係幾好食既, 因為食材都幾新鮮。即叫即整, 又鋪仔細細, 基本上整完直至到你手, 都唔駛1分鐘, 所以紫菜真係特別脆, 正! 我最鐘意帶子壽司, 好鮮甜, 又厚肉。蟹籽軍艦都好正, 蟹籽爽脆, 紫菜又爽脆。老公最鐘意海膽軍艦, D海膽好重料, 入口即溶, 又好香甜, 味道濃郁, 好強after taste, 哈哈! 好好味所以再加單, 叫多兩個手卷同第二輪壽司。老實講坐就坐得唔係咁舒服架喇, 服務又麻麻, 但野食真係幾得, 價錢又抵, 如果係想食物唔係食環境既, 其實都推介既!

由失落變喜樂直得讚揚投先去試下平民小店「隨您鍾意」本來只想食個手卷，但交張點餐紙後點兩盤野食🤤原本有一個位可坐著食，點知比個No.23單的死仔遲來先上岸坐左（我22！）咁只好企住食，拿住兩盤美食點知空間有限我個華麗轉身都未轉完，D刺身壽司又太生猛唔想入我口，一下了跳晒上我身上及地上😭成個男體盛咁😭灰到爆炸1.四眼職員出來幫我清理案法現場，加句溫馨問候「咁唔小心呀！」👏🏻2.金毛收銀一句霸氣問我，你幾多號NO.弄過比你👏🏻外賣慢慢食3.我已經搞到你地店成地司骸，又麻煩你同事清理，你重從新做過比我，感動😭感動😭好感動🤧平民小店就係咁先咁多人幫襯值得支持，之後D刺身手卷壽司特別好味多左份人情味

一向覺得隨您鍾意食物質一般，還去光顧純粹貪圖食物價格相宜和方便，可是一次又一次忍受黑色眼鏡女職員的惡劣態度確實令我覺得無奈！因為替朋友們買壽司，也買了一堆所以向該職員索取五對筷子，她態度差劣說最多只可給一對，我也禮貌地說好沒關係那就一對吧，誰知道我去取外賣時她極度無禮地把我的外賣推開說：「拎埋你啲嘢走」請問作為客人我是沒付錢還是哪兒得罪她？自問我是有付錢而且態度一直很好，又不是只買三四件壽司，即使有客人沒買得多作為服務性行業你也不該以此態度待客吧？已經不是第一次了，憑什麼需要受你氣？貼錢買難受，食物又不是比別家好吃，以後真的寧願付貴一點光顧其他壽司店也不會再來這家！佩戴黑色眼鏡的中女職員，希望你以後可以好好注意自己的服務態度！否則好端端一家店將會被你毀了招牌！