影片
今晚同屋企人食飯,老豆最中意幫襯陶陶家廚金桔金沙骨口感細膩,濃郁桔仔香味金桔醬+鮮嫩多汁豬小排骨結合,非常開胃瀨尿蝦夠哂鑊氣,瀨尿蝦D肉好彈牙,啖啖肉, 個個食都lam lam利啫啫芥蘭熱辣辣香噴噴, 芥蘭一D都唔苦, 有種甘香壹品蒜香雞蒜片炸到金黃色好香口, D雞仍然好滑好多汁,好惹味煎蠔餅炸粉唔厚,好香口,好多蠔,每隻蠔都係脹卜卜蟹蒸糯米飯個樣好吸晴,睇落都知好味道, D飯有好重既蟹味, 因為D蟹汁已經流哂入飯, D蟹糕好香好甜, 每一粒飯都好有蟹既鮮味
繼續閱讀
份量夠大, 環境和價都很街坊, 呀叔呀姐招呼親切。啫啫芥蘭煲熱騰騰又惹味; 北菇鹅掌煲(有7隻鵝掌); 豉汁蒸魚雲, 雲多骨少又入味; 欖角骨就過咗火, 唔可以話係精緻中菜, 但總結係抵食, 味道又唔錯, 值得去食
繼續閱讀
陶陶家廚係我想推介好耐好耐，因之前我食完幾次之後但又冇影相，所以不便推介，今次一於相機食先！我敢講，不論你是否住北角都好，呢間絕對不能錯過！我相信以暫時北角咁多商戶，一定係我三甲之選！首先，我分開兩日來食兩餐飯，一餐喺東涌某大型連鎖酒樓，一餐喺陶陶，兩餐都order 啫啫菜煲同蒜香脆皮雞，看看誰勝？！首先東涌聯邦，雞係有D雪味較乾身，雞脆相信係炸得乾身，唔似淋油，因雞肉一D都唔juice ，而蒜米就比較少，雞皮亦大部分都唔黏肉！菜煲幾好味，但其他配料亦比較少！環境一流，但待應就服務差少少，因為我坐低左差不多三，四分鐘，問佢先肯比餐牌，有點發呆！到今遍食評主角陶陶家廚，先講環境，枱布係有爛！服務員係一些看似上左年紀，但會係好有經驗嘅叔叔招呼，但你一定不會看到佢地發呆，三兩下就執拾好張大枱！蒜香脆皮雞，好好味，真係皮脆肉滑，肉juice 唔乾，加上塊塊都皮黏肉，呢點係好緊要，因為除考師父功架外，皮一定要脆，切開時先唔會咁易分體！菜煲，好好味，但呢度，除菜外，其他配料都好夠，肉碎，大蝦干等等兩間兩款相同餸菜：聯邦十分有五分陶陶十分有九分陶陶為何我咁推介，因為佢好味唔差之外，街坊價都其次，仲係分量足，不會因為小規模而偷工減料，反而更用心去製作！如果要我用一句說話總括兩間餐廳：聯邦係因為大型連鎖店，穩陣！陶陶係因為味道而吸引，相信會越做越有！
繼續閱讀
陶陶家廚係我家做節飯堂，食物款式又多，一篇食評唔夠，所以黎多個2部曲，如果想食新鮮海鮮同埋有鑊氣既小菜，呢度真係值得推介，價錢唔貴又夠大碟，今次又試左以下幾款：豉椒鵝腸- 鵝腸新鮮干淨,而且咬落很爽脆,配上大量芽菜香茜,味道香濃。黑淑牛柳，黑淑味香濃，加上洋葱香葱，香味撲鼻，牛柳大大塊的而且肉質很霖。煎𧐢餅－煎得夠哂脆，粉唔多唔厚身，𧐢仔集中在中間既部分，略嫌𧐢仔不夠多，食唔到𧐢既鮮味。蒜香鷄－阿媽食過一次，今次指定再點，鷄肉肉質鮮嫰，even胸肉，外皮係炸過既，食落脆卜卜，加上大量香蒜，好香好滋味！清蒸蟶子皇－叫得蟶子皇梗係夠大隻，啖啖肉呀，而且不太韌，粉絲索哂味，yummy！蟹蒸糯米飯－望到個様都想食！蟹既羔同肉汁漏哂落D飯度，啖啖飯都有鮮味架！芝士大蝦伊麵－蝦好大隻而且走過油，蝦肉彈牙，芝士好多好香濃，鍾意食芝士既話不要錯過。壽飽 - 可以早點預訂,又係大大個架!
繼續閱讀
話說奶油包爸爸有3個生日一個係新曆，一個係舊曆仲有一個係官方生日而今日就係奶油包爸爸既舊曆生日但因為奶油包近來有d忙所以就留返係屋企附近食而奶油包屋企附近雖然有好多酒家但係講到好食又抵食既一定係『陶陶家廚』可能因為係平日既關係唔算太多人所以一去到就有位唔好講咁多廢話睇下奶油包叫左d咩先首先嚟個晚飯孖寶今次既晚飯孖寶係 蒜香雞半隻 同 粉絲蝦煲 2樣加埋$168蒜香雞個皮好香好脆而雞肉好滑基本上奶油包次次嚟『陶陶家廚』都必叫粉絲蝦煲 既粉絲入晒味而蝦係勁大隻啖啖肉...仲要鮮味唔錯唔錯仲有叫左個柱侯蘿白牛腩煲份量絕對唔少食落好多牛筋同牛腩牛腩好入味而蘿白好清甜送飯一流有咁多肉就梗係要食下菜今次叫左個咸魚蓉白菜仔呢個菜好似冇咩咸魚而且有D油可能因為炒既關係要落多D油炒整體上呢餐係唔錯好一貫『陶陶家廚』既味道大件同抵食
繼續閱讀