陶源酒家 (已結業)

今日嚟飲早茶，十二時前落單有早茶優惠。早茶優惠點心紙得一張，其實應該同其他點心紙放埋一齊先至啱，不過要問侍應攞先至有，有少少欺騙成分。點心紙有十樣特價點心，價錢由七個八至九個八不等。一向嚟開陶源飲茶，點心質素其實都唔差，不過始終都係覺得比以前退步咗，希望下次嚟會有改善啦。點都要扣d分，今次俾個OK你啦。

爸爸生日，同佢去黃埔花園船頂既陶源酒家食晚飯，4個人叫每位$4xx既鮑魚餐，個餐有:每人一隻鮑魚，一碗翅，有斑，有雞(因無油雞改鹽焗雞)，有個小炒，仲有個生果盤，隻鮑魚同翅都唔錯，其他食物既質素就係普普通通酒席菜水準。當晚可能係平日，成間餐廳只有三份一檯有人，坐得幾舒服，服務都幾周到。是次消費我地只叫了個4個$4xx既鮑魚餐同埋茶，不過個茶只沖了一次便開餐，到餐後，個待應話那壺茶凍了，再開過壺茶俾我地，真不明白為何不加水沖而要開多壺茶，賺多我地一壺茶既錢，不過見間野裝修都算中高檔路線，與爸媽吃飯算是不會失禮。埋單約$2000元鬆d。

晚飯都係第一次食，食左＄１６ｘｘ（８個人）都係飲茶好味ｄ．．．

上星期5,看見飲食男女及蘋果日報.一周刊,都介紹陶源酒家既天下第一飽,及鮑魚點心系列,看到我同亞妹都心郁郁,一於星期日拉大隊成家人,去陶源勁食,當在寫點心紙時,發現鄰台留下一本東方新地的飲食雜誌,順手拿來看看,hahaha點知又見到本雜誌又係介紹陶源天下第一飽,仲將成隻大飽既size放在書內..令讀者很清楚知道個大飽有幾大..(原來好多人都好似我咁,跟住d書去搵食)咁夕雜誌都介紹,即點2個啦,原隻鮑魚呀..半條遼參..原粒元貝,花膠..原隻冬菇..雞件..我地逐樣數.$128都真係幾抵wor!!!!仲有鮑汁調味..味道..緊係正啦,個大包熱辣辣..又鬆軟..唔,今個禮拜又去陶源整多個先!!

0個日年三十晚, 同家人去0左呢間黑店到食0野, 我0地好晏先去, 所以唔須要等就直入, 一坐下, d阿姐黑口黑面, 尤其係0個d著黑色suite0個d, 操d普通廣東話, 尤其是塊面成面雀班0個個! 其實呢間0野d0野食係幾好味, 但係最唔點就係d服務態度, 叫0野食時, 個阿姐已經好串唔想做咁問你要乜0野, 問佢碟0野有乜材料, 係乜0野肉, 其實我知道0個碟0野應該係海洋來的, 第一次問佢呢d係乜, 佢將視線向上望, 唔答, 第二次再問, 佢就用一個好專有0既名詞來等我, 我諗0個個terms做開酒樓先知佢up乜, 呢d乜0野服務態度來的! 真係嬲到我死, 食完0野即刻走! 大家如果去呢間0野食, 就唔好期望呢間0野有乜serivice provided, 最好唔好阻住佢0地賭馬, 淨係食0野唔好問佢0地咁多0野, 呢間0野真係! 物無所值! terrible! no horrible!

20070811這間陶源與其他最大的不同可能就是位置吧，黃埔花園的船頂，從那少量的視窗位置望出去還是蠻特別的。即使除此之外，裝修也都是走的中高檔路線，桌子之間不算很擠，與遠道而來的親友吃飯算是不會失禮。一共八個人，聽從部長的建議，點了一個四人套餐再加數樣點心，剛剛好。海底椰雪梨煲豬展：非常清新而鮮甜，連湯渣都被大家吃得乾乾淨淨；至尊龍鳳配：既有叉燒、海蜇、油雞三樣，不過不失吧；古法蒸頭腩：很冶味的一道菜，一致好評；XO醬碧綠炒美人蚌：普普通通酒席菜；跟餐還有三樣點心（鮑魚幹蒸燒賣、布拉滑腸粉與流沙包）以及生果盤：最喜歡的還是布拉腸粉，很滑。另外，筍尖原汁鮮蝦餃、南翔小籠包、香煎辣味蘿蔔糕、奶皇千層糕、珍珠咸水角：這些都沒有親試，從聽回來的意見看，似乎小籠包非常的不濟，皮厚還要穿孔，餘者皆佳；天津滑餃子：有點像紅油炒手，不是很膩，還可以；翡翠鮮蝦腸：同樣，腸粉皮很滑，贊：）總的來說是令人滿意的一餐，環境、服務俱佳，價錢略貴，也是應該的。

今天到來飲茶…鮑魚專門店，價錢並不太便宜，但也差不多坐滿（股市旺=好景？），而味道也不錯。試了以下的點心：1.春卷—皮十分鬆脆，芋頭餡頗膩2.牛肉腸粉—腸粉很滑，牛肉附馬碲好爽3.花生炆雞腳—好好味，雞腳好膠，汁濃而不鹹4.鮑魚雞粒酥—皮好鬆但稍甜，餡稍鹹，蓋過鮑味5.奶皇千層糕—好有蛋糕feel，甜味剛剛好6.芒果雪米滋—好多椰絲，唔夠芒果，亦唔夠"雪"（凍），最不討好忘了還吃了甚麼，該也不太突出。總括而言，食物、環境及服務尚算不錯，可以再來。兩人埋單剛剛兩百，又可換一份雪糕（黃埔商場暑假推廣）…昨天吃了菲律賓芋頭…開了的椰皇，倒走汁液後（如果給食客飲用就更好）放上雪糕，好香好味。今天試皇室龍蝦雪糕，無寫錯，的確是龍蝦雪糕，老公好欣賞，話似吃龍蝦沙律，但一向勇作新嘗試的我卻吃不消！

尋晚唸住去吉之島買野，又唔想次次都係食Pokka，所以上咗呢個賊竇。點解咁講？一坐低開咗茶，個阿姐用近乎普通話嘅廣東話，不停咁係身邊買佢到個$268嘅例水，咁嘅價錢就梗係唔要例水啦！想食冬瓜盅，點知都係$268，咁貴，有冇攪錯！好啦，最後叫咗：1. 金銀菜豬肺湯- 味道幾好，份量足，$1xx都算係咁。2. 千葉豆腐- 味道幾好，份量足，$6x都算係咁。不過白果、雜碎瓜粒、叉燒粒蒸豆腐又有乜可能唔好味呢？3. 蛋包素菜- 素菜係一般羅漢齋，用蠔油煮，最特別都只係用蛋皮包住。$7x都算okay啦。4. 水晶雞- 呢個最出事！最後先出，仲要唔知點解原隻雞白賴洒，淨係斬開咗個頭拎出來俾人睇吓，再入廚房斬。斬咗十幾分鐘都未再見佢，問阿姐先知原來未熟，要再煮！跟住隔離枱都有咁嘅問題！好勒，最後隻雞再煮好、斬好拎出來，一食，唉！點解可以煮到雞脾肉都咁鞋架！d肉又無味，一定要點汁！但係個汁又一大陣血腥味，好明顯個汁係無處理過！個廚攪唔掂隻雞，失敗！阿姐唔通知個客，仲失敗！幾枱嘅雞煮唔熟，失敗中嘅失敗！我相信隻雞係創作嘅時候係以方便廚師為主，唸住放高湯就係水晶雞，落油炸就係炸子雞，但係之前又唔好好咁醃。

今日大年初一, BF已經一早到達, 好彩不用等位.小籠包- 一籠三粒, 好多肉汁但個皮唔夠薄.山竹牛肉- 味道OK啦! 但用生菜墊底就有D怪怪地...發財豬手- 炆得唔淋.鮑片腸粉- 食落唔似鮑片似響螺多D, 味道一般.鮑汁荷葉飯- 味道唔錯! D飯好香軟, 入面有瑤柱絲, 蝦米等等...可能年初一的關係, 所以服務等態度特別好!

點心唔錯有創意與別的茶樓不同燉湯仲正唔貴一煲有四碗後來仲外賣左d 甜品"白兔仔" ($4/each) 和"芋頭雪米糍" ($5/each) ~ 正~ 不過貴左d !環境食中午飯還可但如果係晚飯就差d 因為去洗手間路過佢地d 洗碗及廚房地方有煙味(要o黎食個d煙仔)

上餐都未落膈，未夠三個鐘又坐o係茶樓裏面。以點心紙o黎講，其實佢都幾「陰濕」：特價紙俾得少之餘，條code 仲要同正價點心紙都唔同；如果唔係食客醒醒目目，或者侍仔醒醒目目，分分鐘俾多個triple。只可以用「怒叫」來形容是日order：豉汁蒸肉排、黃橋燒餅、珍珠鹹水角、鮑汁鮮竹卷（原來係炸既）、小欖靚粉果、鮑魚瑤柱珍珠雞、香煎腊味蘿蔔糕、脆皮龍肉奶、奶皇千層糕、香茜牛肉腸、上湯灼菜心、冰燒脆腩仔...在長輩跟前，不得不吃，被質也要吃。但一行六人，每人$50，仲要怒叫怒食，邊度搵。多謝您。

又係請家人飲早茶時間。點心名靚同有意境，環境都可以，但...都係舉例罷：（一）蘿蔔酥有D 「溢」味；（二）蝦餃皮同隻蝦玩分體；（三）燒肉細碟唔在講，但塊塊脆皮成張咭紙咁薄仲玩到全部分體都係第一次見；（四）擂沙湯丸迷你、皮厚、餡...算，還可以；（五）杞子桂花糕唔甜原本幾好，但無杞子甜同桂花香又點計？貴還貴，但早茶都要成$200 / 4 = $50@，仲...唔該哂。

十三個人黎飲茶....叫左好多點心....款款都好好味...用料足....蝦餃燒賣入邊D蝦鬼死咁大隻...仲有好多精緻點心....素鵝..馬拉卷....好出色...腸粉尤其好味....荷葉飯都唔錯....最鐘意帶子泡米線....清清地咁好岩我口味....埋單一千有找....咁既質素我覺得好OK....不過果日成間都好多人....坐得有D逼....而且好嘈....

星期六同屋企人黎飲茶，第一次黎呢間d裝修都幾靚，呢間係鮑魚專門店連d點心燒賣、叉燒飽都要加d鮑汁鮑片上去，腸粉好滑，油菜菜心好好味又大碟唔駛點豉油蠔油都夠晒味，奶皇飽又係好好食d奶皇一咬就流出黎，呢間野都唔平架，好似叫左8樣點心就3佰蚊啦!

周不時會黎呢度飲茶,貪佢就腳同d點心好食~蝦餃大大粒,好多料~帶子腸好鮮甜,唔會淨係得兩三粒咁少~上湯菜心清甜,唔似其他差d既酒樓求其烚~呢間既荷葉飯真係好正~~好鬼香,不過都好大下,如果少人去飲叫呢個之後都唔駛叫其他野~~~d伙計週不時會同客傾下計,好nice~~*