陳勤記鹵鵝飯店 (已結業)

You don’t need a silver fork to eat good food秋天一到 就好想下潮州打冷野今次去食米芝蓮推介食府 - 陳勤記鹵鵝飯店佢既食物種類多 同埋裝修都靚靚仔仔 唔似出面既打冷店咁重點推介:蠔仔肉碎泡粥: 好鮮甜 啲蠔仔隻隻都漲卜 每一啖都有蠔仔鹵水鵝: 鵝油出哂黎 咬落好唔會話去到好油 反而食完係個口有一陣陣既回甘香鵝味 同好肥美胡椒豬肚湯: 好重料 胡椒好香濃 飲完可以驅寒@chankankee Location: Sheung WanPrice (5 is max): 3.5/5Yummy (5 is max): 3.5/5…查看更多

喺中上環咁耐，成日都會經過陳勤記，但始終都冇機會去試，早幾日終於都比我試到啦！先講食物！我叫咗鹵水鵝同炸雙棗，唔。。。。何來米芝蓮呢？佢個鹵水鵝完全唔夠香，我完全食唔到嗰種鹵水嘅香味，而且肉質一般，我覺得西營盤某潮洲檔嘅鹵水嘢比佢更加出色(係直情冇得比) 至於個雙棗，ok囉，冇咩特別！再講服務！作為一間米芝蓮餐廳(仲要係連續咁多年) ，我覺得唔止係食物要達標，員工嘅態度都係一樣，嗰個女樓面同應該係老闆娘嘅女人，啲態度真係好到不得了，唔知以為我冇錢食飯，啲面口衰到好似我得罪佢咁！講真，呢間嘢我真係唔會再去幫襯！…查看更多

近期工作多出入上環，與相熟客戶閑聊問及有乜美食推介？諗都唔使諗就即答米芝蓮滷水鵝飯。有米芝蓮幾個字已經有一定保證，去到見門外菜牌午餐價錢較大眾午餐定價略高，但未至於令人卻步。自己叫咗份鹵水鵝飯，同事就叫左個精選鹵水三拼飯。鹵水鵝入口即知果然不負連續 9年米芝蓮推介，鵝肉嫩、冇腥味不在話下，鹵水味道入味但唔會太鹹太濃；與同事交換分享嘅滷水豆腐及豬頸肉同樣做到鹵水味及肉味平衡得剛剛好；花椒、八角等滷水必備的濃濃香料又唔會搶去醬油或其他食材味道。匆匆食完一個午餐 其實又怎能認真細嚐七十餘年老的字號混入桂皮、玫瑰露、高梁及魚露等等多種材料所泡劑 的滷水滋味，下次一於帶多啲朋友或者屋企人嚟呢度食個晚飯慢慢品嚐吓鹵水鵝及其他美味。…查看更多

突然好想食潮州菜，就去左朋友推介噶陳勤記鹵鵝飯店，陳勤記位於上環皇後大道西，距離上環地鐵站不遠，店舖環境好有潮州噶風味，哩度噶菜品都幾豐富，咩都有，不怕你選不到菜，推薦特色菜，鹵水鴨，肉質厚實，多汁，鹵水好入味，我最中意食鴨腿啦，多肉，又嫩滑，大家可以試試這家潮州店。…查看更多

媽媽好鍾意食鹵水鵝，作為孝順女既我當然要帶媽媽黎呢間連續8年拎米芝蓮既餐廳食呢度最有名既鹵水鵝啦！呢間餐廳位於上環，都算近港鐵站，並唔難搵。我地叫左一碟鹵水鵝片拼豆腐、椒鹽魷魚同金華四寶蔬。鹵水鵝片好入味，肥瘦適中，而且肉質好腍，一啲都唔會「鞋」口，食到媽媽豎起手指公👍🏼椒鹽魷魚炸到好脆，但又唔會太鹹，兩母女成碟清哂！呢個菜上碟既時候擺得好靚，個汁好香金華火腿味，入面仲有冬菇同草菇，好惹味😋…查看更多

好耐無食過潮州野，今晚難得約左朋友食飯，就諗住揾間好啲嘅試😋其實上環都好似好多潮州野食，但見陳勤記係咁多年米芝連，就忍唔住去試下😆舖頭唔算大，係好乾淨嘅傳統中餐廳擺設！店員超有禮貌安排我地坐低，雖然係一個星期三晚，但都幾full！一見到個餐牌都覺得正！超多選擇，可惜得兩個人😫下次多啲人一齊食可以試多啲唔同野～喺門口等見到個涼瓜排骨湯就已經好想試，叫左一碗「每位」用嘅，都唔少，好彩share飲，如果咪會飽都食唔到野，好！好！飲！呀！完全無味精味嘅老火湯👍🏾再叫左個鴨腸拼盤，一啲都唔油，點埋個酸汁，好出色！其實鹵水鵝好吸引，但好大碟，兩個人應該食唔哂！再叫左檸檬烏頭，正！…查看更多

今日忽然去西環食飯，仲要食潮州野，之前食開都係Kowloon City gei 潮州野，但估吾到西環都有隱世高手。入到去，相對少位，應該淨係坐到4-5 set 人，打開menu先知原來由2012 到2018定19都係米芝連推介餐廳。女朋友鍾意飲湯，叫左個苦瓜瘦肉湯，好好好正，之後叫左個鵝腸鵝腎豆腐嘅鹵味拼盤，好好食，送飯一流，食左一碗半飯，再叫多個檸檬蒸烏魚，食到好餅是。本身想叫反沙芋，不過，實在太飽，下次一定要食！！！…查看更多

今晚放工突然好想好想食蠔仔粥，老公見我咁想食，就帶我去連續多年獲得米芝蓮推介的陳勤記鹵鵝飯店食潮州菜。陳勤記位於上環皇后大道西，距離上環地鐵站不遠，店舖設計時尚得來帶點古典味，好有食潮州菜的風味。這裏餐點選擇好多元化，滷水、湯、海產、家禽、特式小菜、粥粉麵飯，甚至鮑蔘翅肚都一應俱全。鹵水鵝1/4下莊打冷當然唔少得鹵水鵝，這裏可以選擇要上莊（胸部位置起鵝片）或者下莊（鵝脾位置起骨），我鐘意脾，所以要了下莊。唔好以為1/4隻得好少，原來這裏的鵝好大隻，我們只叫了1/4隻就有非常大碟。這裹的鹵水非常甘香香醇帶有鵝鮮，不死鹹，是日月精華，不愧是米芝蓮推介餐廳。鹵水鵝好肥美，鵝油好豐富，肉質爽口，但皮下脂肪不算多，啱晒鐘意食鵝但又驚食到滿口脂肪的人。鹵水鵝腸鹵水鵝腸清洗得好乾淨，入口爽脆帶點脂香，掛上甘香香醇的滷水汁，也是一道打冷不可或缺的菜式。蠔仔肉碎泡粥（小鍋）打冷當然也不少得蠔仔肉碎泡粥，即叫即做，熱辣辣，蠔仔份量好多，每一口食到好多蠔仔，而且蠔仔隻隻都脹卜卜，無沙無殼，鮮甜美味，配上方魚肉碎，美味可口，必食之選。貴為多年米芝連推介餐廳，這裏價錢好親民，人均消費港幣250就可以食到捧著肚子，實在是性價比高。…查看更多

陳勤記坐落在上環街市附近，作為地道香港人搵食，每次在街市附近都必定有美食。今次選擇的潮州菜，便是隱藏在上環街道小巷的潮州風味。入座，就坐。好似去左民國時期的臺臺凳凳，可以講真有潮州特色。當然點招牌鹵水鵝，餐牌有好多選擇，都係鹵水鵝主打。再另外拼呢個拼果個為主。因為友人中意鵝腸，最後選擇278元左右三拼鵝腸，豆腐。兩個人完全食唔完，鵝腸爽口，豆腐爽口，鹵水鵝髀肥嫩夠多汁。白飯奉上才是真正晚餐。食到一半，我地其實食唔完，但又無法忍口不得不叫潮州小食必點的蠔餅。這個一定要趁熱食，熱辣辣的雞蛋皮包住蠔肉，卷埋一起加些少雨露。軟度適中，味道都可以。用餐期間，服務員多次幫我地更換骨碟，搞到我地唔好意思呀。陸續夜晚7點左右，已經座無虛席。這個用餐時段是剛剛寫字樓收工，其實應該都不需要等好耐才能就坐。不過收工後的時間用餐應該是最好。…查看更多

連續五年米芝蓮推介的餐廳，終於嚟試下。一入餐廳，店面整潔，中式餐館嘅裝修，座位舒適。呢到嘅店員有禮貌， 會主動加茶。鹹菜涼瓜排骨湯 (2人) $78雖然話系涼瓜湯，但唔會好苦，呢個鹹菜配涼瓜好夾，解暑得嚟好好飲。苦瓜煲到好淋，我全部食哂，啱我口味。清蒸大肉蟹 $288清蒸系最能夠食到蟹肉的鮮味，今日只蟹好大只啖啖肉，肉質食落結實，鮮甜，食得岀幾新鮮。亦都好多蟹膏。一隻兩個人分絕對有多，配埋個薑醋醬汁，一流瑤柱蛋白海鮮炒飯 $92本身想簡個飯配只大肉蟹，清清地瑤柱蛋白海鮮炒飯，點知好有驚喜，有蝦仁魚柳，好足料，送蟹膏一流。一個人$270，咁嘅質素，又有蟹食，絕對收貨…查看更多

陳勤記鹵鵝飯店（2012-2019年米芝蓮車胎人優質餐廳）位於上環皇后大道西，水坑口街旁。餐牌有介紹餐廳歷史、十二大名菜，讓我略知餐廳的「架勢」。鵝片拼鵝肝鵝片肉質實在，有香濃的鵝味；鵝片帶骨位置較嫩滑，鵝味也濃郁；鵝肝有𡁻勁，肉質厚實，鵝肝味重，甘香回味；鹵水豆腐，豆干味濃，肉質結實豐富但不老。豉油王炒鱔球鱔片嫩滑，配上薄薄的粉漿油泡，輕輕撈上豉油和蜂蜜，入口香脆鮮甜。韮菜花炒鮮魷韮菜花鮮甜多汁，鮮魷魚幼嫩爽口，鮮甜。好味道！…查看更多

年前曾經來過一次吃午餐，念念不忘這裡的鹵水鵝，今天安排了時間，便可以再嘗我心愛的鹵水鵝。原來這食肆已連續六年被米芝蓮推介，怪不得我都被這裡的鹵水鵝吸引。鹹菜胡椒燉豬肚湯$49用燉的方法煮的豬肚湯，味道和煲的有很大分別，燉湯的濃度比較高，而湯的醎度剛好，豬肚湯和胡椒的味道，充分發揮。滷水鵝1/4下裝(鵝髀位置起骨)$218鵝肉嫩滑而帶著鵝味，滷水鵝皮的顏色，看來很深，不過吃鵝肉時，感覺鹵水味道香醇，一點都不會過醎，可以吃得出滷水膽是經年積累而成，就連伴碟的豆腐也一樣好味，是必吃之選。午餐：蠔仔肉碎泡粥$55，包冷熱飲品。蠔仔肉碎泡粥的湯頭清甜，沒有一點腥味，可以不用加胡椒粉，便可吃出蠔和方魚的鮮味。凍咖啡比想像中出色，一點不差。福果芋泥$49福果就是白果，口感煙靭，芋泥味道不會過甜，是我在潮州食物中，其中一款喜愛的甜品。滷水鵝做得出色，難怪可以歷久不衰，下次定必再來。…查看更多

其實我好鍾意食潮州打冷，不過，A姐成日都話打冷好麻甩，又要坐街邊，又要隊啤酒，佢話佢係淑女，有形象喎。其實，嘆住啤酒，同班friend吹吓水，真係男人的浪漫。但講真，邊個話打冷就一定係大排檔？嚟到上環陳勤記鹵鵝飯店，有米芝蓮嘅推介，坐得夠舒服，連A姐都好鍾意。鹵水鵝1/4上莊唔知你哋鍾意上莊定下莊呢？我就鍾意夠入味又滑嘅下莊脾位，但A姐就鍾意啖啖肉嘅上莊胸位，所以我都係就佢食下莊啦。滷水鵝肉每塊都索晒滷水汁，每片嘅厚薄適中，皮香肉嫩，而且佢唔會好肥膩，啱晒A姐。而滷水鵝肉之下仲有滷水豆腐，好好味。韭菜鵝紅碗鵝紅嫩滑， 絕無腥味， 充滿滷水香。菜脯肉碎煎蛋菜脯脆卜卜，令到呢個煎蛋食落更有口感。潮州蠔仔泡粥一人份量都唔少，而且粒粒蠔仔都脹卜卜，好飽滿！仲有唔少方魚調味，加多少少胡椒粉就更惹味。…查看更多

今晚專程到訪這𥚃食潮洲美食，它是2019其中一間米芝蓮車胎人推薦美食餐廳，非常期待。兩人一共點了4款美食，以為剛好，卻出乎意料的多，正式大件夾扺食，而美味。滷水鵝1/4下莊相比其他餐廳，這碟菜式可能等於兩碟，看上去是一隻脾，下面還有另一層，鵝肉盡收滷水汁，肉質嫩滑，非常美味。滷水蛋拼豆腐點了例牌，這個滷水汁做得很好，滷水蛋及豆腐片同樣盡收滷水汁，蛋黃粉粉，甘香，豆腐嫩滑。家鄉煎蠔烙同樣是點了例牌，大大份，蛋內面包著粒粒飽滿蠔，蠔仔超多，啖啖蠔，而且很鮮甜，蛋跟蠔煎得很香，外脆內軟，個人十喜歡。潮州蠔仔泡粥我們點了2人份量，但絕對夠4人分享，蠔仔很鮮甜，粥被蠔帶出很甜、很香的味道，粥𥚃除蠔仔，也放了肉碎、芹菜、脆脆，吃來飽肚而且很享受。食物的優質味道加上出乎預料多的份量，非常超值，成為米芝蓮絕對名乎其實。…查看更多

My friend and I went to a restaurant called “Chan Kan Kee Chiu Chow Restaurant” (.上環陳勤記） located in G/F, 11 Queen's Road West, Sheung Wan上環皇后大道西11號地鋪.The restaurant won Michelin guide reward (連續6年贏得米芝蓮車胎人美食推介餐廳） for 6 consecutive years!!!The restaurant is decorated in simple and neat style with a touch of Chinese flair! i.e. Chinese lanterns and furniture.We came there in lunch time. So affordable lunch sets are available!! Price range from HKD$55-82 with a free drink!“Soyed goose meat rice”滷水鵝飯HKD$72How can you not try the signature soyed goose when you come here!!..This lunch set is way cheaper than the a la carte soyed goose which costs over HKD$200 for 1/4 bird!!“Satay beef in fried rice noodle”沙嗲牛肉炒河粉HKD$78..The beef is juicy, tender and soft...Although it seems a lot of sauce. But the noodle is not too salty!!..Rich in flavours!!!Yummmmm..Highly recommended!!“Fried scallops with broccoli”西蘭花炒帶子HKD$188..The broccoli is lushly green, crunchy! Not oily at all! Gives brightness and freshness to the dish!..The scallop is soft and tender.“Deep friend cuttlefish with salt and pepper”椒鹽鮮魷HKD$98..The batter is golden crispy and crunchy. ..The staff is polite, friendly and helpful. Great service!!…查看更多