陪著你走甜品 (已結業)

友人知我係天后區食客，就派我去呢間新開甜品舖試下。起初我就買外賣，點知又有朋友約去消夜，所以我一晚食左兩次。店舖裝潢雖然簡簡單單，但好有家庭feel.而我幾喜歡啲主打甜品嘅相掛左享當眼地方，一目瞭然。你睇下幾有心思，有張圖片卡仔釘住享份外賣，咁就可以確定我冇拎錯。仙草八寶。唔好以為啲料得咁少，全部都喺個底處。有芋圓啦丶紅豆丶蓮子丶薏米等等。仙草質感唔錯，最重要就係份糖水唔會好甜，絕對無添加。原味焦糖燉蛋.又香又滑, 如果有熱食就更加好。夠薑蕃薯加芋圓。薑味好濃但飲落又唔會好辣，蕃薯夠腍，芋圓好有口感。我覺得如果舖頭有多啲熱嘅甜品就更加好啦！

九點幾黎到呢度！之前食過佢地既窩夫。今日同朋友去，朋友第一眼就睇上左仙草八寶。黎到又真係好豐害喎！我好想要薑汁既野！於是叫左湯丸芋丸。芋丸夠煙。湯丸都好多粒，但反而湯丸就唔煙！薑汁入口唔辣，慢慢既薑味先至滲出黎。感覺細碗左小小。雖然今日有毛毛雨天氣涼左d 但係掛住上次食過既窩夫。忍唔住就再叫左個。陪著你走窩夫，無乜花巧野！有既係忌廉、香蕉、士多啤梨、藍莓、百力滋同兩球雪糕（我地㨂左雲尼拿同朱古力味）。加埋士多啤梨醬。一d 都唔會覺得太飽！