阿鴻小館 (已結業)

一次很差的體驗。早前訂了13:00枱並支付了 $500訂金。當天提早了10分鐘到，結果到最後 13:43 才有位。廳餐根本無預留枱做準備，而係到達後要等有人離開先會有枱，請問訂枱意義何在？同 walk-in 等位有咩分別？開頭知客同我講有一枱就走，張枱就即刻可以俾我地，結果大半小時後，嗰張上左一道菜，即係人地根本都未開始食，知客亂咁講，然後我即刻同知客理論要求即退訂，當然餐廳不願意退想我地再等…. Black list …. 無下次…查看更多

因怕食團年飯多人book，已經預早好多book枱，我book嘅時候應該無乜客book，問我想book幾點，咁我就book 咗6:30pm。過多一星期後，突然打嚟話有限時段，要分兩輪，6-8，8-到尾，咁我揀6-8:00啦，我話我會照6:30先到，佢話無問題。再過多幾日，突然收到SMS，話我book左5:30-7:30呢個時段，之後我打去問，我話我book 6-8:00，個服務員話「無問題嘅，個電腦改唔到，係寫5:30-7:30，你照6:30嚟啦！」到今日6:20，家人到了拎位，個服務員同我家人講(可能見佢細個)話我哋張枱至到7:30要還枱！家人打嚟問我點，嗰刻火都嚟！即係我之前同佢哋兩次嘅對話都係廢話！咩服務？當我到場時，我呆左！啲枱加到迫到好似去咗大排檔咁，我哋坐到最走廊位，條走廊剛剛一個人身位，全餐飯都不停隔離啲服務員貼住行！落左6個餸，等左好耐都未嚟，原來幫我落左3個餸！漏單嘅唔止我哋一枱，隔離枱都火滾，等左成個鐘都無野食，應該係漏咗單。我叫兩碗白飯，叫左佢哋7次，先嚟到兩碗白飯，好彩個姐姐入去幫我莊，先有飯食，啲餸都凍晒。原來之前嗰6次都係服務員/經理就咁叫廚房莊飯，我不停咁追個飯，佢都可以唔入去莊比我，好野👍🏼呢間野真係無得頂！我明想做多啲生意，我都想你哋可以做多啲生意，但唔係咁做囉！都可以有服務嘅！如果搞唔掂就唔好更硬嚟啦！以後一定唔會再去！…查看更多

生日同屋企人食飯，菜式特別享受美滿嘅一餐。雞湯花膠扒最為難忘，花膠非常厚肉，雞湯濃郁，店長介紹先用母雞熬湯，雞殼丟棄，用另一隻新鮮雞熬20分鐘上枱，雞肉滑到不得了。冰鎮咕嚕肉中間有麥芽糖擺設，小朋友博爛佢盡興，大人亦食盡懷舊味道。韭菜鵝紅煲，第一次食鵝紅，非常美味，口感比豬紅好，應該唔係好多地方有得食，非常難得。鮑魚扣鵝掌非常入味，軟硬適中。蟠龍老虎斑拆骨起肉，配上絲瓜又滑又爽口美味。 最唔顯眼嘅豆苗竟然有驚喜，雞油炒豆苗，非常香口嫩滑。竹炭豆腐、荔枝蝦丸都係阿鴻小館特色菜，已經第二次食，小朋友最鍾意這兩味菜。…查看更多

厚切鵝片，刀功破壞了食物美味，不要一時大意,令到出品恍如一般食館水準，真的要自我檢討喎，一個小時車程，換來非一般的感覺。希望下次到來的時候，回復以往一貫阿鴻的水準。由北角吃到官塘的食客！…查看更多

她, 曾在北角工作數年, 對阿鴻小吃有份情意結, 所以今天在官塘處理完私事, 她說想回味下鴻哥的鹵水, 苦榮肯定全力支持.由阿鴻小吃變身阿鴻小館, 地方大了, 還增添了點心. 都是蝦餃燒賣叉燒包咸水角之類 並不會找到粿等潮式點心, 但味道是好的. 沒關係, 苦榮與她的目標著眼於鹵水, 鵝片和腩肉雙拼, 鹵水依舊香, 鵝片嫩滑, 腩肉甘香. 再叫一碗蠔仔粥, 好大碗, 好多蠔, 漲卜卜很鮮美.苦榮愛甜, 她批准苦榮放肆地吃反沙芋, 鬆脆, 綿滑, 好味道. 與她分享甜蜜, 苦榮幸福感滿滿.…查看更多