阿貓地攤 (已結業)

5-4-07 本人喺第一次去有主題嘅樓上cafe shop 食tea,侍應一見到我就立刻拉開度門比我入去,之後比我選擇想坐嘅位置, 我坐咗有窗角位(注:唔好坐角位, 因為未必見到你, 因為條柱剛好摭住咗),我叫咗一杯熱朱古力同埋一件朱古力蛋糕, 杯熱朱古力ok, 件蛋糕是叫貨嘅, 服務真喺只屬一般,因為有兩個此喺老闆(本人覺得)嘅人,企咗喺門附近傾偈,景觀ok,冇人會理你, 貓貓都多,但時常都行開面或跳上梳化.整體比我喺ok,最好喺唔嘈,this is mine point.

第一次去新店, 到門口見到98set dinner想掉頭先,入去拿個menu看見個價ok, 於是試下. 食物ok, 叫了2碟意粉及薯容田螺, 好味道, d 貓好搞鬼, 會逐張soso一番, 有成7,8隻, 其他服務就好一般, 及無棋玩

今日同幾個朋友上左黎呢間cafe度hea,上到去,原來有貓架,d貓仲好得意tim!!!我自己食左個白汁蝦天使麵,d白汁都幾好味,原來呢度仲有我最鐘意ge甜品---------心太軟!!!我梗係食返個先啦!!!嘩!!個賣相好靚架~~!一拮入去,好多朱古力漿流出黎,朱古力味好香濃!!超好味呀!!最衰今日無帶相機........影低唔到比大家睇...下次會再去架!!仲要試埋其他蛋糕!!仲有,呢間cafe d服務好好,hea幾耐都得,d待應唔會催你走,又唔會比壓力你要你再叫野,總括黎講,好!好!好!

之前睇過有人讚呢度既朱古力心太軟好食..所以就即管上去試下....1) $58 既心太軟係我食過咁多間以黎最貴....佢既selling point 係haggan daz 雪糕, 食落去都唔知有咩分別......呢個價錢係絕對唔抵食2) 所謂既心太軟同普通朱古力蛋糕根本無分別, 冇朱古力漿流出黎不止, 仲要完全唔好食....3) menu 同真係serve 既size 有好大分別一定唔會再去......好失望!

25嗰日上左呢問cafe,之前係雜誌見過報導,所以就上嚟試吓,聖誕晚餐$148,唔算好抵…不過係尖沙咀又係節日嚟講都ok,有湯,頭盤係火雞沙律…兩片火雞雖不算多,但味道唔錯,主菜羊膝,甜品係朱古力mosses加左baileys,不過甜左d,餐飲得一款士多啤利特飲,原先有d唔高興但飲過覺得杯野好得...仲有我最愛既貓貓

之前(10月到)我同d fd都上過去,果時我地一行十幾人,招呼我地d waitness非常有禮貌,我地食左set dinner,(一般)叫左d special drink,d special drink仲有朱古力送,d朱古力係師傅handmade,有好多種,我食果粒有nuts,提子乾..我d fd果d有原粒榛子,有綿花糖....正ar!!最後我地仲叫左好幾款甜品,心太軟,玫瑰園...有個.."咩~"都市(唔記得左),仲有個係薑味gei.... 心太軟,一個字,"絕",無論賣相,味道,都一絕,表面gei蛋糕焗得夠脆而唔"火農",包住"破殼而出"已熔gei朱古力,再跟一球vanilla雪糕,仲有d好似麥提莎gei粒粒,亦係師傅handmade...正,有好靚gei貓樣同貓腳印做裝飾, 玫瑰園,賣相超得,三角椎體上有金粉,碟上有真gei玫瑰乾花瓣,貓腳印同朱古力做裝飾,三角椎體包住原來係玫瑰味gei mousse,我fd話超滑又夠玫瑰花味,唔會好甜, "咩~"都市,細細碟but都好正,個cake好軟好滑,外面係有d苦苦地味gei朱古力漿,夾住帶甜gei cake,味道岩岩好,仲有金

平安夜去左呢間CAFE食下野吹下水咁睇食評話SET DINNER九十幾好似食得過...上到去就148....可能係聖誕佳節吧... 呢間CAFE就以貓為主題上到去真真正正既小貓3-4隻最大個隻貓就唔理人其餘個三隻貓就比一張枱 4個女人捉左去玩由我上去玩到走....應該係熟客,,,不過咁樣做好影響形象好似比人上去無貓玩既感覺我覺得可以加多兩隻貓真係好D另外食野啦一湯一沙律一主菜一甜品一飲品先講湯-周打貝類紀廉湯--正!最好飲好有味不過美中不足就係....得洋蔥碎無料可言火雞沙律-睇得出三樣料火雞肉兩小塊沙律汁蘋果無錯個沙律底真係只用蘋果...用兩小塊薯仔都好丫...主菜---本來兩選一不過一個賣哂...即係被迫選一個...呢個唔係幾好...個個食雞主菜上燒BB雞食---不錯又熱又有汁除胸之外都叫可以接受點知我後面黎個兩個FD遲左叫竟然有薯蓉底==我地唔介意不過好大細超既感覺甜品--最後黎既唔吹都唔黎係CAKE黎既太甜算...野飲--不過不失不過又係料唔夠服務---好!有求必應8個人又肯幫我地轉大枱 有SOFATL好正無味無左貓個個主題....真係....唔多得除左服務同衛生之外真係無咩

因為有愛貓的朋友生日，特別揀選左有貓的食肆同佢慶祝，仲先去一次視察環境tim！地方比想像中大，環境亦好舒適，檯燈、水晶吊燈、四周擺設都俾人一種好relax既感覺，坐近窗口位由高處望落街境，感覺都幾特別！開放式廚房冇其他樓上舖既油煙味，所以坐得安心又放心！當然主角係個幾隻貓貓啦！有2隻巨躉肥貓(一黑一啡)、2隻小家貓(好活潑)、1隻好漂亮既小貓(唔記得品種)、仲有隻開始發福既摺耳貓。set dinner就頗貴($98)，不過還有其他套餐可以選擇($60-$68)，仲有一杯飲品tim！order左一個筒飯&焗天使麵，味道都比想像中理想&好味道！不過熱柚子茶就偏甜啦！但個隻杯就好靚啦！食完飯仲可以玩貓貓消化下tim！hehe最後決定係到同朋友開birthday party！

環境唔錯,食物質素超出我們的預期好多好多!!不過, 就等得耐D, 中午去食lunch就唔好啦...

飲特色飲品有朱古力送, 雖然只是一粒"贈品", 但亦感覺到當中o既誠意! 而主角貓貓, 一共有四隻, 一大三細, 大貓好cool, 細貓好"難"玩, 就因為"主人家"的熱情招待, 所以我會相信再去多次架! 同時, 下一次我一定要試下"心太軟"

今日上左係尖沙啞間阿貓地攤，環境ok，唔太多人，有3隻貓貓，d食物都幾好，2個人食左2個tea set，分別係朱古力cake同吉烈豬扒沙津，飲左朱古力，並$68(不用加一)。但招呼欠奉，店內只有一隻行黎行去，都幾熱情，唔驚人兼任人摸，其餘2隻唔知行左去邊，整體氣氛唔夠銅鑼灣正店熱鬧，但不失為Hea下既地方。

有晚個friend生日,食完飯諗住飲杯0野,咁0岩0向樓下見佢地d水晶燈好靚咁就上左去喇雖然係上樓cafe,但地方好大,一d都唔迫,仲有幾隻貓玩,好得意嫁!!飲品好多,我就試左杯楚原細b,味道都幾特別!!唔錯唔錯!!我仲試左個心太軟,佢其實暖心朱古力cake,個賣相好靚仲好好味,朱古力甜味適中,蛋糕鬆軟好味,必試!!

地方都幾大,坐位唔密, 坐得舒服! 雖然有幾隻貓, 但都好乾淨, 完全唔會有養寵物隻味.心太軟$58, 好似好貴, 但製作好精美!個碟邊同cake面都有個貓樣,幾靚呀!完全係一d 都唔馬虎呀!!!朱古力cake外層焗得好好, 個cake好鬆軟;裡面朱古力漿,唔太甜又唔太膩, 真係好好味!仲有Haagen Dazs雪糕球伴碟tim!特飲$42,幾好啦, 可能係上樓cafe, 對比起上, 杯飲就無咁抵!不過, 特飲有粒homemade朱古力送, 雖然唔知係咩朱古力, 但食落覺得好好食, 有nuts又有朱古力味而又唔太甜, 食完想再食呀!跟個店名好貼切,的確係一間專食朱古力cafe!p.s. 唔加一服務費, 但服務都好好!

無意發現同男朋友去飲左2杯野,食左個心太軟飲品無特別不過都ok 個心太軟好正仲要用Haagen Dazs雪糕,下次要再食用左飲品1送1 coupon, 70幾埋單都ok低

環境好舒服，有一種寧靜感覺。而且，有好四隻貓貓，好可愛。野食又好好味，而且，D野食出面coffee shop係沒有。