阿瑪港澳門餐廳 (已結業)

醒咁早起身再翩睇行李驚執漏野, 人都未訓醒就坐車中入去機場, 搞得掂野都已經12點, 見有張四人檯就即刻坐底, 趕得切避過人龍潮紅燒牛肉麵- 牛肉帶少筋連膜位, 炆得幾腍同入味, 湯底較得好濃, 喝一啖幾重牛味, 落埋另上既咸菜粒, 酸酸辣辣咁幾醒胃

今日兩個人去左呢間食晚飯, 叫左個自選煲仔飯(臘肉+ 馬拉盞鮮雞), 同埋一碗牛肉麵(唔係清湯果隻)。我地揀左出面坐, 幾好, 可以望到商場其他地方。牛肉麵係牛展黎, 不過不失啦。d 湯都幾夠味。煲仔飯送既例湯好好飲! 好濃! 又無乜味精! 係啡色架! 個煲仔飯d 雞有d 味幾好食! d 飯岩岩好, 有少少焦, d 飯索到d 臘肉油, 好香, 但係又睇到係一粒粒架! 我第一次食煲仔飯覺得唔落豉油都夠味! 比起宜家響廟街食到果d 好好多!兩個人都係食左一百蚊多d 咋! 響機場食, 又唔係太多人, 服務質素都ok, 呢個價錢算幾抵架啦!^^

27號與朋友一齊到機場影飛機相.......lunch果時就揀左呢間黎試下囉,見到好多人係度排隊,心諗一定好好味吧?但當到我地果時,入位坐~有d逼逼地~舉手叫野都無人黎=0=" 我地點左三樣野食,雞翼係送既!最ok好味都係呢d雞翼......其他果三樣係葡汁焗意,担担麵,同辣牛丸麵都係一般般不過不失咁囉~~

某日去機場送朋友仔機之後﹐同男朋友仔行o左去SkyPlaza見識見識。雖然完全講唔上就腳﹐不過好就好在SkyPlaza有好多食肆俾我補充o下o的腳骨力。(嘻嘻)見到塊水牌寫住o甘多國際化o既食肆﹐我同男朋友仔就打o左個圈﹐想尋找間好坐o的o既餐廳。途徑阿瑪港澳門餐廳﹐見o的經理好賣命o甘sell客﹐而且又坐滿晒人﹐心言念應該都唔會差得去邊﹐於是最後就放棄o左黃枝記﹐走o左入呢間餐廳。坐低唔夠半分鐘﹐個經理已經不停o甘sell個二人套餐。因為我有好多o野都唔食得﹐所以起初只係想叫個沙律食﹐而男朋友仔就想叫葡國菜。不過因為個經理實在太多o野講(仲要講得勁快)﹐我o地結果屈服o左﹐儘量o係個二人套餐度揀o的o岩食o既o野。叫完主菜之後﹐又俾個經理催促我o地點餐茶。我繼續叫我o既齋啡,男朋友仔原本想叫凍奶茶﹐不過就俾個經理半逼o甘游說叫o左個果汁特飲。(後來先知仲要加14大元)另外﹐入坐前有位夥計俾o左兩張coupon我o地﹐上面寫明話可以要牛肉湯麵一碗(細)/雞翼一隻。原本想叫每樣一客﹐點知個經理以客牛肉麵得一啖仔為理由﹐逼我o地要雞翼...一個二人套餐﹐有餐湯﹐餐飽﹐一客前菜﹐兩客主菜﹐兩

過來食個午餐後就飛走出差，T2裡只幫襯過黃枝記，今趟就選這裡的海南雞飯。標明去骨海南雞，真的啖啖肉，可惜雞味不夠濃，要點這裡的醋醬油才有點味道；另外是趟是雞胸肉，頗鞋口，可証明師傅掌握不了烹煮熟雞的技巧。另外的台式肉躁生菜沒舍肉躁香味，是醬油下得不夠，另外煮的不夠酥軟，像吃肉末似的。這裡的油飯好好多，不油膩之餘飯亦爽口，有飯味及雞油香味。另外那盅不可多得的雞湯亦是非常不錯，嚐出是灼雞用的湯水，然後再添加冬瓜來平衡油膩的味道，亦增加湯頭的甜度。若不是油飯及雞湯的不俗，這個食評分數危危乎，況且埋單差不多九十大元，其實都頗為不值。

朋友出國讀書..去送機上機前黎左呢度食早餐,,嗌左個"炸"菜米粉+雞扒煎蛋朋友要沙嗲牛肉米粉+火腿煎蛋&餐包米粉好硬未熟咁?!雞扒個味好怪..唔知點形容= =朋友個餐包硬到...連叉到吉唔到入去下次去機場都係食返大家樂麥記穩陣= =

1)瑞士雞翼(新將期內，免費贈送，每人一隻) 冇咩特別！2) 五福臨門拼盤($48)嘩！有我最鍾意食豬耳仔，好味！但唔知解，係一大塊，冇切開一條條。仲有，茄子勁好味。 3) 葡式闊大少燴炒飯($68)好大碟，抵食，因為係燴飯，汁太多，我始終都係鍾意食炒飯多。4) 馬介休炒西蘭花($48)又係勁大碟，炒得幾香口，唔錯！5) 非洲雞($88)有椰絲，我嘛嘛，雞雪味好重，一般喇！去到翔天廊，都唔知食咩好，最終揀喱間餐廳。個名感覺係食葡國菜，但有台灣食，又有得剧扒，好多元化。食物夠晒大碟，但侍應服務一般，唔叫佢都唔俾杯水我，食完，又唔幫我收碟，搞到堆埋一堆，唔咪咁好。

同太太一心到機場2號客運大樓搵食，但心水唔多，只有上海菜館、薄餅店或者呢間澳門茶餐廳考慮下。結果因為兩張小食贈卷，有著數(貪心)之下，就決定入去。入到去先知，原來機場職員係有員工價o既...因此點倆個餐：牛筋腩河連小食榨菜鴨腎、雜扒飯、餐飲一凍一熱奶茶；另加小食卷送o既瑞士雞翼x2隻。牛筋腩河份量幾多，而且味道唔錯，牛筋淋牛腩亦入味。榨菜鴨腎，鴨腎味道ok而且都幾爽口，反而榨菜有驚喜，充滿麻香。雜扒飯錯意粉，反而錯有錯著，意粉竟然好好味！軟硬適中，煙韌有口感，正！雜扒味道都ok，但最特別係款式比平時多，有腸仔煙肉、牛豬雞三扒，超值！瑞士雞翼我一向唔好，不過都覺得呢道o既瑞士雞翼幾入味，仲好滑添！近來都無乜飲過好味o既奶茶，一係唔夠茶味，一係唔夠奶，更甚兩者都冇！？呢道果然係茶餐廳，奶茶掂！整體係令人滿意o既一餐！p.s. 如果唔係員工的話，價錢都唔平。但對比附近其他食肆，又差唔多啦...

星期六夜晚,到機場周圍揾嘢食,因老公大人係機場員工,所以周圍都有優惠,行吓睇吓,經過呢度,望望餐牌時,門口有個男侍應,佢好有禮貌咁介紹D嘢食俾我地,我心唸如果我話我係STAFF有優惠,唔知會唔會變面口,點知佢冇黑面不特止,仲介紹D優惠餐俾我地食TIM,晚餐仲有午餐買,仲話唔口岩唔緊要,叫我地座入面慢慢睇,依D先係做生意架嘛^___^同老公叫咗2個SET,有餐包,夠熱,包底仲脆脆地,好味,羅宋湯,夠味夠熱,幾好,主菜有馬拉炒飯,味道麻麻,冇乜獲氣同味道淡咗D,葡汁焗海鮮飯,D海鮮差唔多仲多過D飯,味道唔錯,抵食,仲包埋餐飲,依家幫襯仲有瑞士汁雞翼或牛肉麵送,超抵食餐廳入面有D位仲有獨立電視,又有雜誌睇,價錢又平(員工價),正價就無咁平.抵....唸返起上次去博覽館睇RAIN演唱會時個度同東涌都冇乜嘢食選擇,又鬼死咁貴,下次有機會都會嚟依度再食過.TOTOAL食咗HK$76.00

　　我每星期都會去４－５次，每次都會見到個男侍應，３０左右啦，頭髮好整潔好有禮貌既，幾有型，我每次有問題都會叫佢，而佢都會好有水準咁處理我們的需要，我認為佢是餐廳最好的一個，其他的就認真和大排檔的火記無分別LA

同男朋友遊車河去到機場，夜夜哋見板前排長龍，行吓行吓見呢間有海南雞飯食(我實在太鍾意海南雞飯)而且又有唔少機場職員幫趁，心諗唔會太差，就行入去坐低。點知order時話海南雞飯賣哂(吓!七點幾八點就賣哂...唔通真係好正?)，我就唯有叫另一至愛- pasta。我叫咗葡汁蜆肉焗意粉，蜆肉係急凍好細細隻嗰種，個葡汁就係好平價茶餐廳嗰種葡汁，意粉就煮(or焗)得過熟，"林"哂，葡汁好似唔使錢咁，蜆肉唔多，不過有好多小紅蘿蔔(真係健康...)，整體嚟講我會俾唔合格。男友要咗個牛扒飯，我望落就似荼餐廳嗰啲超級鬆肉粉牛扒飯，不過男友話ok喎，佢仲話個汁唔錯。另叫多一客焗青口share，呢味都ok，算係最好味喇(茄汁加啲椰絲焗)，不過份量少咗啲。我諗我唔會再去呢間食，就算再去都一定唔會食意粉。其實一日都係自己唔好，明知人哋係台灣牛肉麵嘅chain，當然食牛肉麵有保證啲啦。

無獨有偶,此店其實是台灣牛肉麵另一分店,但主店在禁區內近64號登機閘口,一般人並不會幫趁,而此店在定價,菜色或口味都跟主店差不多.早餐至晚餐,此店都保持七成左右入坐率,與潮樓人氣算是新翼最高.由於人太多,有時更要坐出店外.早餐order鮑魚火腿絲螺絲粉,螺絲粉軟硬週中,更有粟米青豆等配菜,鮑魚絲其實是螺片絲,整整一大碗,當作早餐是足夠有餘,煎雙蛋無甚驚喜,加上凍檸茶,在機場來說,算是首選,可惜不知是人手不足或是出單混亂,很多時要三催四請,甚至發火亦可以不理會你,只是'哦'一聲,應了便算,服務在機場來說,是我踫到最差的一間.

大家好!顧名思議本人是從事飲食業,於3月31日約下午3時本人dayoff,故與家人到2號客運大樓消遣,其間曾光顧此餐廳,滿座,要等位,入座後,先睇MENU,ORDER食物後便開始東張西望(職業病),嘩!發覺呢間餐廳嚴重缺乏人手,連掃地阿姐都要幫手落單,有無搞錯?話須如此,見各人仍盡力保持笑容,男主管更見專業,下屬出錯仍可保持風度解決客人所需,而不是追究責任,然後繼續寬容地面對其他客人,此舉絕對值得表楊,(本人絕無此忍耐力),但見有其他人客過份要求,又要多飯,又要送乜送物,大佬,打工炸,但各人仍盡量滿足客人需要,唔怪得呢間餐廳咁旺,(本人就未見過一間西餐廳下午茶時間會咁旺),自己都唔好意思,食完快D走,不過一定會再幫襯囉

三個星期轉眼就過, 大哥大嫂又要啟程返美. 他們每次來港都會做大豪客, 行李又多又重, 我當然自動請纓做搬運工人, 其實說穿了只想跟他們再吃一餐. 登機手續辦好, 見還有不少時間, 又知道機場最近開的第二客運大樓中的"翔天廊" 有更多食店選擇, 便走過去看看, 只要步行數分鐘, 還算方便.食店主要在五及六樓, 選擇真的不少, 但有些是熟口熟面, 不想幫趁, 結果在優惠券的吸引下選擇了阿瑪港澳門茶餐廳. (驟眼看還以為是"阿媽過澳門"......)環境及裝修以茶記來說是頗高格調, 應該會幾對外國遊客的口味, 但坐位編排得卻較擠迫, 我們結果選擇了餐廳外面的座位, 坐得較舒服. 食物選擇頗多, 中港台澳甚至西式都有, 與其說是港澳或葡式, 倒不如說是國際美食可能會更貼切.紅燒牛肉麵賣相還可以, 先喝一口湯, 味道不俗而濃淡適中, 微辣中帶點八角香. 這個湯底算是合格的. 牛肉用的是金錢展, 厚薄剛好, 煮得夠入味, 入口酥軟而不韌, 不錯. 可惜麵條則一般, 口感太軟亦易斷, 不行. 總結這碗麵最好的是牛肉, 湯底次之, 麵條則有改善空間. 但三十多元的價錢, 都算是吃得過的. 炸醬麵我