影片
今日行開呢頭，唔想又食嘉寶。明明記得之前呢度有間齊柏林，行過嚟先發現執左，開左間串燒係度喎。作為一個烤肉老饕，點都要試下先得既。 行到身水身汗，落完單即刻嚟罐可樂先。羊肉串，雞肉串，豬頸肉，黑椒腸陸續送到。「起筷！」香味夠，新鮮燒起，表面焦脆內𥚃嫰滑多汁，可以。 好似唔多夠喉，再嚟一round先得。今次叫左罐蘋果醋，酸酸地配串燒都幾消濟。多數人會喜愛金菇配牛，但我最喜愛既配角卻係韮菜。先嚟串一口牛，香口軟腍又Juicy，襯著滿口既油香再咬一啖串燒韮菜，獨特既香氣充斥滿整個口腔。每啖既咀嚼都在衝擊著味蕾，實在係個人最愛配撘，百試不厭。 呢個時候，見到隔離枱竟然出現了海鮮。「唔通呢間串燒小店都有omakase ?!」點知反轉張餐牌先發現原來仲有得揀既。見到錫紙烤金針菇，烤大蝦同烤生蠔，作為海洋生物愛護者既我，嘴角已經𣎴自覺地流下了淚水。為了捍衛老饕既聲譽，麻煩再加單唔該🙏🏻。 離遠聞住陣烤海鮮味已經令我垂涎欲滴。唔係等左好耐就有得食。真係不愧為(我以為)隱藏menu菜式，鮮甜味美更勝預期。蠔係用左蒜香牛油焗，恰到好處既蒜味沒有蓋過蠔既鮮味，反而帶出更濃厚既海鮮味，調味同火喉都可見一功。真係好彩有叫嚟試，讚讚讚讚讚👍 不經意既偶遇，驚喜既美食體驗。其實有時忙碌過後既享受，就不過是串燒配上快樂水。
繼續閱讀