阿木台灣生活百貨

營業中

休息中

2022年11月19日 星期六今日同老婆加埋BB係旺角行街既時候經過白布街，一睇先發現有間阿木生活百貨原來開左係到之前一直係網上面見到有人講，但從來未黎過，見到門口貼出好多優惠，我哋已經急不及待直接入去裏面地方唔算太大，不過麻雀雖小，五臟俱全，有好多台灣食品同生活百貨，連凍櫃都放滿左食物，不過貨品擺得井井有條，行起上嚟都唔覺得逼店舖除咗售賣食物同生活百貨之外，仲有籌辦團購，用更加經濟嘅價錢買到正宗台灣食物，種類真係有好多款，花多眼亂，價錢仲要好相宜添，最後我哋要咗幾款台灣急凍小食，而且仲買咗幾個團購返到屋企我哋已經即刻想拆蚵仔煎黎食，因為太耐無食過正宗台灣食物啦，店鋪將蚵仔煎同醬汁分開左，咁就唔怕醬汁沾到蚵仔煎，而且完全係密封包裝，最長甚至可以保存一年煎起黎既時候十分簡單，只係溶左冰再煎熱返就食得，新手煮野食都做到，煮熟之後再淋上醬汁，賣相真係同台灣街邊食到既差不多，味道方面唔錯，蛋皮有少少焦，脆脆地，蠔仔幾多汁，同醬汁好配合，用黎送飯一流之後我哋就嘗試另一款食物，係台灣黑白切，裡面有豬內臟、米、醬油膏同辣椒醬等等，睇落都幾大包，買既時候店員提醒只需要淥返熟就食得，果然夠晒簡單可能我淥

小編之前去完旅行，要0+3，所以多咗時間係屋企煮下嘢食，好掛住台灣嘢食，所以就叫屋企人去買咗啲台灣嘢食返嚟煮，今次佢哋就買咗剝皮辣椒鮮肉餃，黑白切同蚵仔煎剝皮辣椒鮮肉餃，好似麻辣餃子咁，辣辣地幾特別，喺屋企仲可以加啲蔥花落去啲湯嗰度黑白切，好有台灣風味，食到內臟同埋啲香腸同埋米腸再配上辣醬，鍾意食內臟嘅朋友就一定要試啦蚵仔煎，估唔到喺屋企都可以煮到台灣必要嘅小食，別有一番風味💁🏻‍♀️，而且仲好容易煮添

朋友因為佢好鍾意台灣食物，之前試過「阿木」既台灣小食覺得吾錯。不過朋友家住天水圍，返工時間長，冇時間出旺角買野，知我成日周圍去，所以托我去幫佢入貨。去到啱啱12點，店員剛剛準時開鋪。其實成日聽聞呢間店，但一直未有機會嚟。原來呢間店有好多產品種類供應。而且所提供嘅產品更超乎我想像。有台灣亁貨產品，例如麵、茶葉等；亦有急凍產品、更有季節限定，例賀年糕點、賀年菜。亦有需要預訂、保鮮期限較短的，例如特色手工糕點、豆乳等。簡直好似將整個台灣搬到嚟香港一樣。今次朋友指定要買三樣急凍食品，佢話上次食完好懷念。《阿木蚵仔煎》（$55/300g)，急凍蚵仔煎包不含防腐劑，所以必須急凍，加熱便可以食用，可以氣炸或落鍋煎香，並配有醬汁，十分方便。《阿木黑白切》（$65/260g) ，原來呢個係台灣豬內臟、米，配有特製醬油膏及辣椒醬。係屋企都食到台灣風味街頭小食，真係一解思台灣之愁。《高麗菜韮黃鮮豬肉餃子》（$88/16粒/352g) ，無需解凍，直接放滾水煮約8分鐘便可以食用。店員見我第一次嚟，所以我提問都好用心講解，十分點心。最後，我自己再買了《純麥猴頭菇絲》，可以用來夾麵包、拌飯食。另外再買包《酥皮蚵仔

仲未有得去台灣, 前排去左呢間雜貨店回味台灣嘅味道. 阿木蚵仔煎 $55蚵仔煎都幾大份, 而且有唔少蚵仔肉, 粒粒都將飽滿🦪估唔到ship 到黎都keep 到, 鐘意隔離嘅sauce 幾好味阿木剝皮辣椒鮮肉餃 $88放入滾水煮8分鐘好方便, 中間豬肉餡都鮮嫩, 🌶️加左剝皮辣椒少少辣好開胃. 阿木黑白切 $65其實係台灣豬內臟. 其實我自己就唔食內臟, 幫人買做下酒菜. 隔離兩款醬汁辣辣哋唔錯佢仲有好多其他台灣野食, 可以留意下

台灣野一年四季都岩食，阿木台灣生活百貨就有各式各樣既台灣美食，好似有蛋捲、鳳凰酥、零食、水果、送禮嘅禮盒，仲時不時會有團購。係冇得去旅行嘅時候都幾方便可以食到台灣美食。更加估唔到嘅係有唔少嘅冷藏食物，可以保存得耐，而且好方便。一諗起蚵仔煎就諗起台灣，所以就試吓佢嘅阿木蚵仔煎。佢既蚵仔煎係比較惹味，唔係好似香港嗰啲蠔餅咁，蚵仔煎再配埋甜辣醬好香口。另一款叫咗阿木黑白切，其實係滷水豬內臟，豬內臟嘅款式都多，而且配埋佢個醬汁真係好有台灣風味，喜歡食內臟嘅可以一試。最後一定唔少得水餃，試左高麗菜韭黃豬肉水餃，一盒大大盒有成16粒，都好多餡，韭黃水餃都幾特別，個韭黃味幾出，仲有豬肉，菜同肉嘅比例好啱，好食。

最近行過旺角見到阿木台灣麵開咗間賣生活百貨同急凍食品嘅分店，於是就入咗去掃貨٩(˃̶͈̀௰˂̶͈́)و 入面有好多台灣冷凍食品，仲會定期開團代購台灣嘅蛋糕同包點，幾方便。 🦪阿木蚵仔煎 $55估唔到喺屋企都整到蚵仔煎，蚵仔煎解凍之後放入平底鑊煎熱就食得😆😆懶人必備🤭蚵仔煎入面有唔少蚵仔，每隻都幾大粒，仲有蔥花令味道更香。 🥟阿木剝皮辣椒鮮肉餃 $88呢款水餃係阿木喺台灣嘅工場生產，一包有16粒餃子，每隻一口 size。好煙韌，餃子皮厚度適中。剝皮辣椒唔會好辣，幾惹味，皮薄多肉汁，唔錯。🐷阿木黑白切 $65平時好少係香港食到黑白切，黑白切即係豬內臟，有大腸、豬心、豬膶，仲有台灣香腸同糯米腸。加埋醬油膏同辣椒醬一齊食好有台灣風味。😋

📍 阿木台灣生活百貨 旺角白布街8號地舖🍒點評時間阿木台灣麵相信大家都聽過甚至食過阿木台灣生活百貨原來有好多台灣代購食物可以𝗈𝗋𝖽𝖾𝗋今次我就跟阿木代購左角之館嘅四葉奶霜蛋糕🍰蛋糕鬆軟唔乾👍🏻唔會太多奶霜咁就唔怕肥啦😆佢地每期都會預購唔同牌子蛋糕大家可以上佢地𝗂g睇上去攞蛋糕嘅時候順便逛一逛就買左柯仔煎同剝皮辣椒鮮肉水餃剝皮辣椒鮮肉水餃聽個名好似好辣食落只有小小辣，完全唔怕食唔到少許的辣味令味道更加豐富🤤柯仔煎台灣夜市必食之一，估唔到屋企都可以食到當然自己煎冇夜市咁正😂但食到柯仔煎都已經填滿到對於台灣嘅思念🥰黎緊佢地有新春賀年食品預購🧧大家有興趣就快啲訂啦💛好味指數😋：⭐️⭐️⭐️⭐抵食指數😛：⭐️⭐️⭐️⭐服務指數⚜️：⭐️⭐️⭐️⭐環境指數🧽：/

原來阿木台灣麵係白布街開埋生活百貨店，專賣台灣直送嘅食品～阿木蚵仔煎 ＄55蚵仔煎平身已經煎好～解凍之後煎後熱就ok，都幾方便，蚵仔都有幾粒飽滿唔腥，幾香～阿木高麗菜韭黃豬肉水餃＄88一包有16粒吃 餃子皮厚薄適中，餃子餡料唔會好咸，加埋高麗菜韭黃幾有口感～阿木黑白切 ＄65黑白切嘅意思姐係豬內臟，入面都幾幾多種類下，有豬雜、大腸、豬心、豬膶等等，另外仲加埋一台灣嘅香腸同糯米腸，都幾特別幾有台灣嘅特色～

🧡🤍💛帶台灣嘢返屋企回味🇹🇼黑白切係咩？之後都喺依度shopping過😝近排見到佢哋有新產品，仲係香港比較少接觸到嘅嘢食🤤即刻try try先！🤍阿木黑白切🤍 $65齋睇文字應該唔知係咩？依個黑白切其實就係台灣豬內臟🤭入面仲有香腸同埋糯米腸呀！唔知你哋鍾意食咩呢？食咩都好啦！🐽記得點埋旁邊嘅兩款醬汁呀！辣醬又香又辣，味道仲好上癮添！🌶️💛阿木蚵仔煎💛 $55實在太掛住太掛住台灣嘅蚵仔煎啦！仲記得去到台灣，每個夜市都有蚵仔煎！依個蚵仔煎份量十足，蚵仔肉粒粒飽滿🦪蛋香加上蚵仔鮮甜，令人一啖接一啖呀！旁邊嘅醬汁仲可以增加風味添！🤫❤️阿木剝皮辣椒鮮肉餃❤️ $88之前試過佢哋其他餃子，今次試吓依個有辣椒嘅鮮肉餃！🌶️呢個餃子放入滾水煮8分鐘就食得，真係好方便！🥟豬肉鮮嫩，辣椒香口，剝皮辣椒仲好開胃添！呢度除咗有以上嘅嘢食之外，😚佢仲有甜品飲品同埋一啲日常生活嘅貨品，全部都好有台灣風味！🇹🇼行過嘅時候不妨留意一下😏話唔定有意外收穫呀！📍阿木台灣生活百貨📍旺角白布街8號地舖

尋日收工同家姐去左行旺角，見到有間專賣台灣野既小店，聽講佢地仲有間店係堂食，下次再同家姐去先得。入到小店見到款式都幾多，搜羅台灣各款冷凍食品、零食、蛋糕甜品、手信、台式小食、生活用品等。我同家姐揀左兩款台灣小食同一款水餃，仲要係懶人料理，翻熱就食得。😬 ⦁高麗菜韭黃豬肉水餃一包有16隻，粒粒都皮薄之餘仲脹卜卜。包裝袋上有教係烚，而我同家姐決定一半拎黎烚，另一半就用黎煎，一餃兩食。烚既配湯粉麵會夾d，而煎既都唔輸蝕，非常香脆，而且啖啖肉。 ⦁蚵仔煎想有台灣既味道一定要試尼個蚵仔煎，口感煙韌，蠔仔🦪每粒好飽滿。加埋微甜既醬汁，淨食都好味。 ⦁黑白切黑白切即係用豬內臟、米腸、醬油膏同埋辣醬整成既一個小食。米腸入面滿滿糯米，就連姨甥都話最鍾意食米腸。而醬油醬偏稠，完全係台灣味道。 下次同家姐再入手一堆台灣芋頭酥、蛋糕甜點先得！😋

時食完阿木台灣麵，都見鋪頭外有少量台灣食品賣，而行多一個街口到，仲有間專賣台灣食品直送既小超市。鋪頭麻雀雖小，五臟俱全，零食、乾貨、急凍食品...連生果都有。見今晚唔煮飯，買左啲餸，翻熱就食得，係懶人褔音。🔸阿木黑白切 $65即豬肉臟，有約6款，如大腸、腰尺、黑血腸...食材本身已經煮到好淋，個人中意加埋醬油膏煮，加熱幾分鐘就食得。特別推薦糯米腸同黑血腸，索晒醬油汁，特別入口，拌飯食一流。另會配辣椒醬，偏甜，配內臟味濃既黑白切都幾岩。🔸高麗菜韭黃豬肉水餃 $88一包16粒，唔使解凍煮8分鐘。就咁睇以為好細粒，點知煮完會漲大少少，皮有厚度，食落有口感。高麗菜同韭黃清甜，豬肉比例上，肥肉較瘦肉多。🔸蚵仔煎 $55台灣經典小食，底下仲有塊生菜，配埋甜辣醬，十足台灣街頭味道。成份表雖寫新鮮蚵仔，但可能經過急凍後，食落反而似乾貨蠔豉，蠔味濃縮啲。定期有唔同代購活動，之前都試過係到訂蛋糕，感覺有埋地鋪，質素有一定保證。歡迎 follow IG : fatsnow02，睇更多分享😆

一講到阿木台灣麵 相信大家都識佢🍜 原來佢係隔離白布街開咗一間生活百貨店 專門賣台灣真送嘅食物同雜貨 有好多冷凍食品揀 有時仲有開團預訂蛋糕添🤓 可以訂完再嚟拎 幾方便😗阿木蚵仔煎 $55平時食蚵仔煎一定係餐廳 估唔到可以屋企都煮到😚 呢個蚵仔煎平身已經煎好 解凍後放入平底鑊煎香 好快又方便🥹 蚵仔煎邊位煎到金黃色 帶點香脆 入面都有唔少蚵仔 飽滿嘅口感好正🦪 加埋蚵仔煎有蔥 令整體味道更香😋阿木剝皮辣椒鮮肉餃 $88一包16粒🥟 餃子皮帶點煙韌 厚度適中 就算我浸耐咗都冇變粉/穿😆 至於餃子餡料係剝皮辣椒配鮮肉 雖然有辣椒 但食落其實唔會好辣 反而係有椒香味多啲 肉餡有彈性 不錯😛阿木黑白切 $65我哋平時都好少係香港食到黑白切 黑白切即係唔同類型嘅豬內臟-豬雜 有大腸、豬心、豬膶等🐷另外就有台灣特色嘅香腸同糯米腸😉 加上有醬油同辣椒醬 好似真係係台灣食咁🥰

#旺角 @ mu_taiwan_store有日經過本想買阿木買台灣直送蛋糕, 點知原來每次團購都唔同…上次除咗蛋糕都仲買咗水餃同火鍋肉片, 今次決定試試其他! 🦪阿木蚵仔煎 $55 ~ 台灣經典小食! 同香港潮州店所食的蠔餅不同, 台灣用地瓜粉, 配專屬醬汁! 買一包試試超方便, 煎鍋翻熱, 蛋味濃厚, 地瓜粉帶煙靭口感, QQ 的! 蚵仔數量不少, 滿足! 🐖阿木黑白切 $65 ~ 黑白切呢, 其實係以滷汁炆煮的豬肉臟 , 包括大腸、豬心、豬肺、香腸、糯米腸等等! 翻熱後沾附送的辣椒醬, 完美複製台灣的味道! 🥟剝皮辣椒鮮肉餃 $88 ~ 由豬肉、剝皮辣椒、青辣椒等等, 餡料豐富, 滿滿肉汁!🥬店內仲有: 空運台灣蔬菜、水果、冷凍食物、手信、零食、生活用品、台式醃菜等! 

最近全家都要係屋企隔離🙈好彩有阿木台灣生活百貨嘅冷凍餸包打救下。之前去過旺角嘅自取點，台灣直送嘅美食、甜品、零食應有盡有，而家台灣未完全通關，就可以係呢度預習吓台灣嘅味道先😆😆高麗菜豬肉水餃平時屋企總會有啲急凍水餃🥟囤下貨，呢款水餃味道都唔錯，水餃皮屬於厚身少少比較有咬口，餡料嘅高麗菜好爽口😗😗呢日就拎嚟做湯餃又一餐。蚵仔煎簡單解凍煎熟就食得，煙靭嘅餅皮加上大粒唔腥嘅蠔仔，連埋甜甜地嘅醬汁，好滿足😚😚黑白切有豬內臟、米腸、醬油膏同辣醬，米腸有唔少糯米係入面，食落幾滑，醬油膏同辣醬嘅味完全還原台灣嘅味道😛人均消費：$200推介指數（10分為滿分）：7.5分

依家冇得去旅行😫，好彩有代購幫手。依間叫(阿木台灣生活百貨）有好多台灣產品，又有台灣代購，貨期又快，最重要係有實體店🏫。唔怕俾人呃。唔講咁多，今日去表姐度打便爐，當然唔可以2手空空去，所以去左阿木度揀大幾樣野食試去。剝皮辣椒🌶️鮮肉餃🥟：依款餃子🥟全香港只有（阿木）做代理，完全係台灣風味，入面好香剝皮辣椒味，豬肉🐖好新鮮，打便爐必備。阿木黑香切：入面主要係豬雜，糯米腸/粉腸/豬潤/豬肝，全部都好新鮮，入面仲要包埋醬料，食落去唔會太dry。阿木阿仔煎🦪：真係估唔到100%還原到台灣阿仔煎🦪既味道，仲要已經係製成品，加熱就食得，味道仲好有驚喜。總結：佢地仲有好多可以提前訂既台灣產品，每個星期都會更新，本來想買甜品，但一到貨就賣晒，下次要訂定先得。#台灣#旺角#foodie#hkfoodie#