阿太車仔麵 (已結業)

我住係牛頭角附近既~星期五個晚老婆無煮飯 諗住出街飯 記得有鄰居講過附近最近開左間車仔面 終於可以去試下 我地一家三口帶牙仔 每人叫左碗面 仲另外叫左碟雞翼 我地三個每人叫左三到四個餸 睇啲相都知份量足料 我自己個碗有蘿白 豬腸 雞翼尖同魚蛋 特別要讚下啲蘿白 好甜又入味 魚蛋唔會粉 整體都唔錯 我老婆同牙仔都話佢地個碗幾好味 唯一略嫌另外叫既雞翼價錢有啲貴 不過我會期待其他小食 下次試下

好開心今日有男朋友送返屋企 因為屋企啱啱搬左去牛頭角附近 都未曾發掘到邊度有好野食。 因為今日返夜 係公司嗰邊放已經成11點幾 返到去牛頭角更加成12點。 附近有咩鋪頭都開始閂門 加上夜麻麻又唔敢食咁多野 就同男朋友一齊入咗間新新地嘅車仔麵舖。一入到去老闆即刻好熱情咁招呼我哋 店內嘅人流都唔算多 但係裝修都好新淨 燈火通明而且有啲日本風味。我同男朋友都唔大食 所以嗌咗兩個小食同一碗麵。我哋就帶咗一個油菜 一碟花枝丸 同一碗白蘿蔔牛腩面。 個人認為花枝丸都幾好食 啱啱炸起仲幾熱又唔會油淋淋 但係就略嫌細粒咗啲同少咗啲 油菜方面都係正常水準 而且個生菜都幾甜。講到碗麵喎 個人認為份量都幾好 白蘿蔔大大嚿而且冇渣 牛腩炆得都好淋 加上有腩汁喺面好正。 成餐都整體來講幾好食 有機會再幫襯！

行返屋企，見到間新開的車仔面鋪。行入去試下。食材都👌🏻雞翼有2隻（好大隻）牛肉份量都多辣汁係XO醬味道碗面我個人覺得係👌🏻特點係珍珠奶茶，好飲，茶味好出👍🏻⭐️⭐️老闆服務

新開小店落在觀塘食街，要衝出重圍，真是有些困難。附近粉麵店林立，有很濃日風的拉麵，有幾間辛麻辣米線店，也有傳統的潮州粉麵。這樣看來真係有把炮，有Gimmick先可以崛起。對於有選擇困難症的我，企係食街真係不知點算，最後去了街尾的看看新店如何。入去格局很日本麵食店，以木色為根本，裝飾陳設歸一，很有格調，走年青路線，很乾爽。坐下沒有這擠迫的感覺，拿住點菜紙，不是很多選擇，但想食的已在那。特別的是這些小食，有台式鹽酥雞，豆腐皮蛋，鹵水雞翼尖，魷魚，最正有日式醣心蛋。叫了米線，小辣，湯底很夠味，不是淨落辣椒油，有層次的辣，有些似X記車仔麵這麽好食，餸都入味，份量充足。最後我也會為了個湯汁再去食

好耐無食車仔麵，夜晚搵食咁啱見到就入去試下，餐廳細細，一行近門口，老闆即時開門，招待殷切有禮，坐低時留意到裝修好型格，同以前的車仔麵舖完全不同。兩餸車仔麵：$37三餸車仔麵：$42麵餐跟熱飲，凍飲加$2比人話我錯晒，車仔麵叫米線，但而家既人鍾意食米線，車仔麵都要跟啦～雖然見到碗麵既時候覺得佢完全唔吸引，清湯真係清到油都好小，果然好清！但都有味既。米線偏淋，但唔會入口即化；牛丸得兩粒，仲要細粒，失望⋯雞翼入味。男朋友呢碗吸引好多～三餸：豬紅、牛腩（要加$2）同魚皮餃粗麵中辣，佢話都幾辣。牛腩同豬紅份量多，牛腩入味，豬紅亦不錯，魚皮餃無特別。仲有其他小食，聽聞魷魚好受歡迎，有機會再試啦～

好細個既時候住牛頭角下邨 大個左搬出九龍區就好少再入過呢啲舊區。話說今日同母親大人一齊行過 除咗諗起童年回憶之外仲見到呢間車仔麵 膽粗粗入咗去試 正值中午時分 店內嘅人流都非常多 鋪內嘅擺設亦都比較特別 除咗一貫嘅卡位之外 仲有啲好似吧枱咁嘅位 咁我呢 就嗌左碗 豬紅 魚皮餃 豬腸 米缐 仲 加左個秘製醬汁添 我俾佢醬汁十分之好食 小小辣辣地 香香地 真係好開胃 而母親大人就叫左碗清清地既豆卜生菜 白蘿蔔 幼麵 啲麵好彈牙 而且白蘿蔔一啲渣都冇 好新鮮好好食 雖然係平平淡淡嘅一餐 但係同母親大人食 真係好溫馨 有機會一定會再幫襯！

今日係附近接完呀女放學 今晚又得我同佢兩個撐枱腳 所以決定係附近食埋先返屋企拉 我同呀女每人一碗粗面 個人認為面底就一般 不過啲配餸還可以 豬頸肉夠淋 糖心蛋都幾糖心😂最好味係個雞翼 好入味 價錢都合宜 份量足 我地兩個都食到飽飽返屋企 呀女話下次放學要帶埋爸爸一齊去食喎😌

方便快捷又好食嘅車仔麵鋪 我本身呢就一直都係喺牛頭角附近返工嘅 打工仔呢啲嘢 餐餐都食無定時仲要成日開OT 話說今日開會開到唔知時間 轉眼已經兩點幾三點 呢啲時候叫下午茶又唔係係午飯又唔係 唯有落去食個快餐 本來諗住求其去麥當勞買個包頂住檔 點知行過左呢間記得別嘅車仔麵舖 就打算入去食個麵 我就叩左個 豬扒蛋米粉 再加杯凍咖啡 好開心塊豬扒大大塊 終於有啲蛋白質落肚 而且隻蛋亦都十分之暖唔係嗰啲茶餐廳煮熟左攤左好耐嘅蛋。 加上上菜嘅速度真係幾快 侍應亦都好醒目 特別係呢啲把枱咁嘅位 又可以望住出面食飯 都算一種廉價嘅享受 可以唞啖氣

聽同事講番工附近開左間車仔麵店 所以今日放lunch嘅時候決定要試試新野 試試究竟 入到去間舖 覺得環境幾靚 可以話係一間幾時尚既車仔麵店😂雖然我單人匹馬去 但自己食都唔覺尷尬 可能因為佢座位佈局係一排一排 唔會有種搭枱既感覺？！😂至於啲車仔麵就不過不失 我比較欣賞佢配餸種類多 有啲係普遍傳統啲既車仔麵檔唔會有 好似醬汁魷魚拉 溏心蛋拉 個醬汁魷魚真心唔錯！由於自己太鍾意魷魚 我另外叫多左碟魷魚小食 下次要拉埋其他同事 咁就可以叫多幾碟小食試試 仲有！佢上菜速度都幾有效率 岩晒我地尼啲打工仔放lunch去食

話說今個星期日喺牛頭角嗰邊同朋友打完波 人到中年好耐冇同班朋友一齊打波 我打到夜左少少 仲要正值假期 周圍啲商舖都人山人海 但係打完波真係好肚餓所以都大家都等唔切 去咗求其食間車仔麵就算。 你間名叫亞太車仔麵  原來啱啱新開 裝修真係好新淨 而且唔同以前嘅車仔麵店 以前啲裏面嘅感覺係環境好'喇渣' 呢間就啱啱相反 仲有少少日本風味。自己就嗌左 朱紅 魚皮餃 魚蛋同豆卜 每款餸8蚊 都幾合理 仲加杯凍嘢飲最啱打完波熱辣辣。個人認為 價錢好合理因為都幾大碗 幾抵食。其實同班朋友食 食咩都咁開心何況仲有碗幾好食嘅車仔麵 真係好!

早幾日喺觀塘做完野，諗住喺附近搵啲嘢食，於是行去有好多小店嘅牛頭角道睇下。行到過去發現原來開咗一間新嘅車仔麵店，由出面嘅玻璃望入去見到裝修都幾特別，好似日本嘅拉麵店，由於本人都幾鍾意食車仔麵，因為餸既多選擇，最適合多心嘅我 ～所以就決定試一下入到去選擇對住馬路嘅玻璃卡位坐低，因為可以對住街景食嘢，一個人舒舒服服諗下野，之後嗌咗一個牛腩、墨丸、豆卜幼麵，個人認為車仔麵湯底好緊要，呢間車仔麵嘅腩汁好好味，食得出係用新鮮嘅牛腩牛熬製，唔係味精湯餸菜方便，墨丸同豆卜冇乜特別，但係牛腩就好入味，絕對值得一試！加埋杯凍檸茶，簡簡單單就一餐，價錢亦合理最後想講呢度同一般車仔麵店唔同，坐得舒服，唔會感覺好侷促，餐牌上見到仲有台灣小食鹽酥雞，不過今次因為一個人食試唔到，下次會同朋友試埋

近日發現左間新開的車仔面檔，同老公和朋友們走入去試試。食車仔面的我，除左車仔面，最鐘意食小食。伙記的招呼唔錯，吹吹下水發現原來其中一個廚師係台灣人，所以一定要個鹽酥雞和花枝丸食。可能今日係假期，而且11:30就去食所以人唔係好多，但去到12:30就開始多人啦總括多講雖然價錢唔係平的類別，但d 餸和小食唔錯，特別係蘿白和豬大腸係必食！ 米線就不過不失，但黎比較鐘意有咬口，朋友加錢叫了個辛辣面，係真辛辣面，唔係假貨小食必叫花枝丸和鹽酥雞！

話說今日去牛頭角附近探完親戚 發現開左間新既車仔面 又見有啲餓 就入左去試下 自己本身勁中意食米線 於是叫左碗雞翼 溏心蛋 魚蛋米線 唔錯唔錯😋魚蛋彈牙 雞翼好濃郁既滷水味  啲米線都幾爽口 唔會一餅餅😂我仲叫左碟炸花枝丸好好味 唔會好似食面粉咁同埋尼間車仔面店入面既氣氛都好好擺設呀佈局呀都別具心思配餸小食種類尚算多款點菜方式由客人自己填寫方便精準 下次探親戚時推薦埋佢地一齊食先

其實平時都好少落牛頭角嗰邊 但係 因為男朋友喺牛頭角嗰邊做嘢 前幾日就咁岩去咗嗰邊接佢放工。點知男朋友放夜左 行到出街都已經成十點幾十一點。只好求其附近搵間茶餐廳填飽個肚。行行吓就係牛頭角道揾到間裝修得幾特別嘅車仔麵店 男朋友話好似係新開嘅 所以都把心一橫入咗去試，應該都唔會太伏。入到去10點幾都仲有唔少嘅上班族喺度食緊 座位都算幾闊落。 我就只係清清地嗌左個清湯嘅雞翼魚蛋米線。即使係清湯個人認為個湯底都好濃郁 而且雞翼都大大隻，滷水味亦都適中，除此之外魚蛋亦都不過不失，但係數量就比多，有成8粒，而且亦都唔粉，幾好食。 男朋友就嗌左牛柏葉，魷魚，豬紅，魚皮餃 款款菜啲量都幾多，夠晒男士填飽個肚，而且個秘製醬汁都幾香下，值得推介。相信下次有機會都會幫襯。

我有朋友住係牛頭角個頭 佢話附近有間岩岩新開既車仔麵檔 番學時期lunch最中意食車仔麵既我地 梗係要去試下拉 舖頭裝修得好靚 乾淨企理 設計簡約 店舖環境絕對唔會馬虎 啲野食方面都相當不錯 多款麵底俾你揀 中意食辣既朋友有好消息 尼間車仔麵係有辛辣麵供你選擇😏可惜本人唔太食得辣 揀左清湯米 不過都好香濃 絕對唔會遜色 車仔麵既重頭戲梗係唔少得啲配餸拉 我今次就叫左豬頸肉 午餐肉 牛柏葉等 配餸份量絕對唔係得個一舊兩舊 係多到連麵底都睇唔到😂尼間車仔麵服務都好好 上菜快又準 價錢都合宜 食完 熱辣辣既車仔麵 加2蚊就有杯凍飲 完美組合 下次同朋友聚會又多個選擇拉 等我下次試埋啲推介小食先