阿太車仔麵 (已結業)

講起車仔麵，對車仔麵麵有特別情感。平時我通常麵只會食三餸，不過呢到個餐係幾十蚊叫五餸再送野飲，又好似幾抵食順便可以食多啲料麵幾happy🤪五寶麵加飲品麵係幾十蚊，其實個價錢都幾善良🍀麵既種類麵多野揀，不過我食親麵係叫返粗麵，食車係麵唔食粗麵唔開心😂今次加左豬皮豬紅蘿蔔，仲有大腸加埋魚餃，配埋個忌廉。蘿蔔都幾淋，大腸冇臭味幾乾淨，大家鐘意食大腸可以試下。豬紅啦食車仔麵必點呀，呢到都唔差，魚餃就冇咩特別。環境都算幾乾淨👍🏻

一入到去以為睇錯係食日式拉麵，我明明諗住食車仔麵。環境幾好，以食車仔麵尼講，算乾淨企理。叫咗個三餸油麵腩汁加辣汁少辣，個汁都幾好味，辣椒度適中,最憎叫少辣但我辣到死，油麻地麵包爽滑，唔會太林，唔會陣匡味。近排尼一兩年, 習慣食車仔麵一定叫魷魚，因為發覺去街市買水魷好鬼貴，一 細抽都係要4、5十蚊，所以食車仔面時叫覺得比較抵, 個魷魚又幾好咪喎，分量唔算少，下次一定會再叫魷魚。第二樣餸係豬紅，有豬紅味，唔好笑，真係好多豬紅係無味㗎,肯定溝晒水，又唔知加d乜嘢凝固劑啦，車仔麵有豬紅特別有風味，第三樣餸係瑞士雞翼，尼樣餸就爭啲啦，我對雞翼要求兒高，佢係入味，但過咗龍，d肉唔夠脹卜卜，唔夠滑，希望之後有改善。

我真係好鍾意車仔麵之前食開文記車仔麵 真係好好味今日一於試新野好少車仔麵 做到咁多元化 有台式 懷舊小食 話說我係黎食車仔麵 當然要食車仔麵啦我一向食車仔麵 都會必落醋同腩辣汁加左之後幾難食都會好好味兩送$30起 三送$35起 賺套餐(飲品)加$7我叫左豬紅蘿蔔冬菇米粉加中辣$35韭菜餃瑞士雞亦河粉 $30另加炸長州大魚蛋2粒$15 炸花枝丸4粒$20兩杯凍檸茶+$4+$14油菜菜心一碟$10total $35+$30+$15+$20+4+$14+10=$128食飽飽，味道還可以佢哋仲有早餐，$30左右

因工作關係經常要去不同地方做嘢，今次來到牛頭角，突然發現這間阿太車仔麵。這餐廳位於觀塘舆牛頭角之間。其實牛頭角一向給我的感覺是冇啖好食， 但今次之行感覺有點改觀，原來現在已多了很多食肆，而且選擇也頗多。這裏裝修簡單，食物方面不只有車仔麵，仲有台式飯。由於我今日比較肚餓，所以點了套餐，跟餐有飲品剛好$51。 這個台式肉燥飯，感覺非常新鮮，肉汁很多，又不會太濃味。有點像台灣嘅味道，加埋凍飲，在炎熱嘅夏天非常滿意👍

牛頭角 阿太車仔麵-我本身都好鍾意食車仔麵嘅，又經濟又豐富又好味。今日行過牛頭角呢間「阿太車仔麵」就入咗去試嗱。-🍢 五寶麵 （$36）選擇困難嘅我揀咗個五寶麵，有五樣餸都只係$36，超級抵食😍五寶麵嘅五寶包括：-🐥 滷水雞翼雞翼大大隻又啖啖肉，係我最愛嘅一樣餸🤤-🍳 滷水蛋滷水蛋唔會煮到縮曬水，依然大大隻，滷水又入味，正～-🥕 蘿蔔蘿蔔係白蘿蔔，煮到好腍身，好甜😚-🐽 豬皮豬皮份量好多，咬落好煙韌，推介！-🥬 生菜生菜煮到夠曬腍～

下午茶時間遊走附近，見之前有朋友推介過呢間既辣魷魚好食，鼓起勇氣即管試試！出奇地店舖乾淨，防疫工作都做得好足，見一眾既食客樣子都好安心 Order 左豬皮，辣魷魚，瑞士汁雞翼再叮囑老闆想要爽米線 ~ 來到完全冇失望！主打辣魷魚唔會太辣，十分入味，辣汁唔止係包圍住外層，真心係覺得佢個汁係已深深入左魷魚既裡面，讚讚豬皮平時怕肥我好少嗌，今日心血來潮想試下，又覺得呢度既爽脆唔油疑似食左都零負擔。瑞士汁雞翼中規中矩都 ok！走之前再叫多個辣魷魚小食外帶返去俾男朋友做手信，配個凍啤，真心推

自問好愛食車仔面,每次見到新既車仔面餐廳/自己未試過既車仔面店都一定會試今次到阿太車仔麵喇!上次行過因為已經食飽飽所以冇得試, 上次特登再行過黎食我要左辛辣面 (+$5)要左蘿白啦,紅腸同老水雞翼再加左佢地自家製既辣汁,小試牛刀,所以選了了小辣 蘿白好多淋, 正呀! 我成日覺得食車仔面一定唔會小得蘿白的,之後到老水雞翼, 幾入味!! 紅腸都OK~大大塊 真係唔可以唔讚佢個辣汁!係好惹味個種! 令到成碗面再加分

作為一個土生土長嘅香港人，相信冇人未食過車仔面，看似毫無技巧，實質充滿學問既一道小食，盛載住滿滿的集體回憶。今日係阿太車仔面食左個快lunch,經典配搭：油面底加豬紅豬皮豬大腸（豬...全部都係豬.....）所有食材都炆得好入味，口感彈牙，湯底夠濃又冇咩味精味道，上枱熱辣辣，聞到陣香味已經好療癒。車仔面必食腩汁是常識吧！再加個阿太自家製辣醬（中辣）吊下味，已經係一個極滿足既晏晝。最後想提下，要埋野飲都只係加$2！良心小店真係好抵食丫！

今朝早咗返工，見有時間就去咗呀太車仔麵就個早餐先食完野先有氣有力有精神返工入到去仲俾我撞到個同事添，同事就叫咗個沙嗲牛肉湯麵跟厚牛油多士，再配腸仔和炒蛋($29），睇佢個賣相就正正常常啦，係一般茶餐廳水準。我就叫咗個呀太All Day Breakfast （$53），黑松露蘑菇炒滑蛋+法蘭克福腸+煙肉+火腿+茄汁豆+蕃茄+厚牛油多士，然後再加咗$6要個炸薯餅，加$2要埋杯凍咖啡提下神真係勁豐富， 哩個All day breakfast有俾到驚喜我

叫個2餸車仔麵要$47🙄貴都算，仲要難食又小餸，得兩粒韭菜餃，兩條小春卷，條春卷仲要食落酸到爆！攞明係魚肉壞咗，仲要話新鮮炸嘅😱之後幫我換咗個蘿蔔，啖啖食落都係渣。杯美祿一嚟到好似飲緊水咁，樓面姐姐好心話幫我哋換過杯，點知再嚟都係無分別😤唔會再嚟一定唔會！貴夾難食無試過留差評，但真係忍唔住！

本來入去係食車仔麵，之前已經幫襯過尼間店，覺得店內環境唔錯，坐得幾舒服，燈光都幾柔和舒服，車仔麵幾好食。入到去忽然見到個牌有肉燥飯吃，見好耐未吃過，就轉咗呔，叫咗個雞扒肉燥蛋飯（$51）（凍飲加兩蚊）尼吃吓，唔洗等好耐，好快就有得食，碟頭份量正常，男人都應該食得飽，肉燥舖滿飯面，味道都同台灣當地吃的有九成似（係香港真係未食過同台灣一模一樣味的）、算係唔錯㗎啦，食過有啲真係令人慨嘆嘅，雞扒唔算細件，都有肉汁，幾香口，個蛋無滷過龍，最憎d蛋乾蚊蚊，碟飯正體表現唔錯啦！

突然好想食車仔麵,lunch捉埋同事陪我行遠小小去試下阿太！記得中學讀書時成日去走鬼檔買外賣.呢度有好多不同種類的餸選擇！大大話話都30幾種，平時見到咁多一定有選擇困難症出現😂不過我食車仔麵自己就必點蘿白、豬腸、滷水雞翼尖、今日加叫埋豆卜配油麵🥰佢啲蘿蔔真係大舊夠甜同夠林.非常好食，豬腸夠淋又唔會有怪味👍滷水雞翼尖好入味又唔太咸！最後豆卜索哂啲湯真係好正👍食油麵一定會加埋甜醬放入口，呢個食法都係啲食家朋友介紹俾我，自此之後每次都會加埋甜醬，好配架，大家都可以試吓😬一碗麵加兩蚊就有埋杯凍飲.係依家啲車仔麵餐廳黎講真係算抵食！

以前响牛頭角返工，成日都會黎阿太度食車仔麵，貪佢大大碗飽肚，出餐又快。而家轉左新公司好耐冇食過，今日行開呢區專程過番黎食，不過今次唔食車仔麵。坐低店員居然認得我，問我點解甘耐冇黎。同佢傾左陣，我叫左豬扒肉燥飯，入面有半隻滷水蛋兩條生菜，蛋好入味，豬扒煎得微燶好香口，肉燥多到見唔到d飯，唔咸好好食。加$12飲珍珠奶茶，同出面名牌奶茶店有得揮。再叫埋炸雞翼尖，醃得入味炸得脆。今日終於可以慢慢嘆，感受一下這裡的人情味。

今日心血來潮想食車仔麵，去呢間試吓，原來佢都幾多嘢揀，有好多出邊冇嘅，佢都有，車仔麵首選一定係油麵，佢比到驚喜我喎，佢啲油麵冇出邊食落咁肥膩，個湯底仲好多選擇我試咗佢最普通嘅清湯底OK喎，另外梗係唔少得豬皮魚蛋啦基本嘢食，最令我覺得值得一食嘅就係佢個皮蛋小食好特別出邊食唔到，魚蛋、豬皮好彈牙，同我平時食開嘅車仔麵好唔同，食落就知道呢個老闆用心製造，佢仲有好多小食種類配搭埋車仔麵一齊食簡直係絕配對食開車仔麵嘅我來講呢間評價好高

前排中午12點半同老公落黎食車仔麵，lunch時間唔洗等位我同老公各自嗌唔同樣既餸，之後會大家交換餸食🤣🤣咁樣會食到好多款我嗌左冬菇，魚肉春卷，豬大腸河粉（小辣）冬菇大大粒都好入味，魚肉春卷正常，豬大腸我食親車仔麵都會必食，豬大腸好入味，豬大腸份量都比其他車仔麵店多老公嗌左蘿蔔，瑞士汁雞翼，醬汁魷魚幼麵（小辣）蘿蔔好鮮甜，瑞士汁雞翼入味，我幾中意醬汁魷魚個汁，d汁加左落湯底碗麵濃味d環境食物整體不錯，支持小店