阿四車仔麵 (已結業)

長文慎入❕🚁旺角做完facial 心血來潮想食碗車仔麵🍜 比我搵到呢間新車仔麵店 行到去見到晚飯時間全條間大部分食肆都不乏食客喺門外等候👫👬👭 唯獨佢冇人等 不禁心諗會唔會上左直升機🚁 不過抱住咩都試下嘅精神 當然照入去試一試一坐低就見到有支美極喺枱面 不期然再一次加重我心入面嘅疑慮💭點解一間餐廳會擺支美極喺度？係咪即係想話自己啲野唔好味或者唔夠味呢？💭果然 食完就明點解 呢支美極我真係用得著🥲車仔麵賣相雖然吸引 色澤何其濃郁 但成碗麵居然係冇黎味道 令人嘖嘖稱奇持平啲講 佢嘅炸豆腐 豬大腸 同滷水腩肉 係ok嘅 ▫️炸豆腐好實正 浸左好耐湯 個邊都仲脆▫️豬大腸夠軟綿鬆化▫️滷水腩肉甜甜地 入味嘅 但其他真係唔多掂 先講湯底: ▪️沙爹湯底清如水 味道偏似淡咖喱 唔香 冇味▪️辣湯底一啲辣味都冇 熱浪都不如結果嗰麵餅都係冇黎味道再黎配料:▪️辣魷魚 冇味 同辣大纜都扯唔埋▪️瑞士雞翼 冇味 留意唔係唔入味 而係表面都冇瑞士汁味▪️素干貝丸 鬆拋拋 拋過我啲拜拜肉唯獨一讚老闆態度好好 對食客好殷勤 希望佢繼續努力 加把勁💪🏻

見到咁多好評去試，結果係我從來冇食過咁難食既車仔麵兩個人叫左兩碗3餸麵，係 冇 樣 野 好 食雞翼又乾又硬豬腸冇味又煲到太淋牛腩又係勁乾勁硬墨魚春卷，正常囉蛋，正常冇咩味湯底淡而冇味麵太淋最犀利係 連杯檸檬茶都可以難飲😵一d茶味都冇真心懷疑之前既食評既真確性

行街前要醫飽肚，係豉油街搵到間環境幾寬敞幾舒服的車仔麵店，於是即刻入去食個麵再去行街買買買🤗——————我地叫左2個自選車仔麵，一個叫粗麵，一個叫油麵，而車仔麵的湯底係比較清澈的，唔會多油又渾濁🥢 炸墨魚卷👍🏻外層為腐皮，裡面為手打墨魚，幾好味🥢 冬菇 大大粒，又多汁🥢 生菜係吸湯汁之選🥢 辣魷魚彈牙😆有多幾舊就好🥢 牛筋丸 夠彈牙👍🏻帶黑椒味💫 熱辣辣飲返枝冰凍既樽仔維他奶就最正💫 枱面嘅辣菜甫又幾好味💫 朋友話個辣醬係幾辣

我一向都鐘意食車仔麵 夠地道之餘 真係好多配料揀啊！我同朋友去旺角食阿四車仔麵😼第一次去呢間 環境唔錯 坐得又舒服😌價錢都好抵啊！呢間除左有地道車仔麵之外仲有飯餐、小食等 真係好多選擇啊選擇種類配料有好多魷魚、豬皮、豬紅、炸豆腐、雞翼尖、腩肉等等我揀咗咖喱魚蛋、芝士腸、糖心蛋配米粉加腩汁！鍾意食車仔麵其中一個原因係湯底😼朋友揀咗蘿蔔、魚腐、鮑片 蘿蔔清甜無渣 非常爽口！ 腩汁香濃惹味😻再加菜甫 真係好好味呀小食方面我哋叫咗咖喱魷魚🦑分量都好足夠魷魚非常入味 口感爽口 配咖喱汁一流瑞士雞翼有5隻可以同朋友打開心share😹雞翼用滷水汁醃到好入味！👍🏻👍🏻阿四車仔麵

今日行行吓街見到間門面乾淨企理嘅車仔面檔，見價錢又唔貴，就進入開餐啦。這裏座位闊落，坐得舒服。店舖是用食物紙揀野食，餸嘅選擇很多，麵底都有好多款。除了常見的米粉、粗麵、幼麵、油麵、米線、河粉，仲有讚岐烏冬😍。咁我就選了烏冬加魚蛋、鹵蛋、 魚腐、冬菇、腩肉、生菜共六個餸，滿足晒我咩都想食嘅心態。醬汁有腩汁、咖哩、辣醬、麻辣等可選擇。上枱時賣相不錯，麻辣湯底味道討好，腩肉好腍，鹵蛋、冬菇一樣都好入味，魚蛋、魚腐彈牙, 生菜新鮮。飲品叫咗樽仔奶茶；味道濃，好有茶香又滑。真不錯。食飽飽大滿足的車仔面。

經過旺角想簡簡單單食碗麵，入咗去呢一間望落乾淨企理嘅車仔麵店🍜。好少見到食車仔麵都可以坐得咁舒服😌。.自選車仔麵揀咗4款餸-溏心蛋($11): 非常流心，外面又阿入味，好抵讚😍。牛腩($12): 牛腩比較碎，口感比較粗嚡，麻麻哋炸墨魚卷($12): 腐皮包住墨魚肉，卷得比較薄，特色唔算大芝士腸($10): 發揮正常麵底叫咗讚岐烏冬，烏冬食落好煙韌，質素都唔錯。.另外叫咗碗淨餸，當中最特別嘅莫過於係滷水腩肉（$12），雖然望落油脂比例多，不過腩肉出過水，所以食落冇乜油膩感，入口就融，少食多滋味‼️另外仲叫咗牛筋丸（$12）同墨魚丸（$11)，水準正常發揮。而滷水蛋（$10）就明顯冇溏心蛋咁出色😝。.📍豉油雞髀（$26）雞髀好大隻，可以話係啖啖肉，滷水醃得好入味，又上色。味道甜甜地似瑞士汁，食落仲有少少酒香，$26真係超值。.📍炸唐揚雞塊（$26）新鮮炸出，雞肉嫰滑juicy，外皮唔係好脆身嗰啲，不過食落味道都唔錯，附上甜酸醬更加開胃，啱啱熱辣辣整起喺幾正♨️。.📍樽裝維他奶（$10）樽裝維他奶感覺好懷舊，唔知又有冇勾起你哋嘅兒時回憶呢？.📍樽仔奶茶（$20）呢款奶茶係呢度嘅特色，幾乎每台客人

去到旺角有啲行完街 有啲餓。本身想食阿木不過人太多 反正都係麵姐咁就過左黎食呢間阿四車仔麵。可能食既時間有啲尷尬先六點唔算好多人，個場好闊落，唔算好多人，走既時候就差唔多全滿啦。叫啲野食好快到呀，填完紙唔使十分鐘就上哂野。我地兩個都係極悶的人，一個就永遠都係叫同一堆野，芋絲午餐肉。一個就都係經典車仔麵類食物啦，豬紅大腸咁（個炸魚皮就口痕姐）但咁先做到比較呀嘛。說實話成個唔特別既，係普通中上既口味，食飯都係想舒舒服服又要餐姐都唔係下下九大簋既。個大腸係有驚喜既，其他真係正正常常，唯一要小心就係隻更上面既醬。我都唔記得叫左咩醬 不過發覺唔係好鐘意食所以就無掂啦。整體不過不失啦，價錢都合理

部電話又開始壞🥲舊電跌得勁快，好在有朋友借出電話☺️但佢竟然用蠟筆小新case🤨咁唯有去旺角買過😂一丁友行行吓見到呢間車仔麵就入咗去。舖頭地方闊落，感覺乾淨企理。睇一睇Menu🤨餸都有成幾十款，仲有小食😌連特餐同飯都有，心多多點揀好😆🍜炸豆腐、雞翼尖、豬大腸、溏心蛋、滷水腩肉🍜出前一丁滷物（雞翼尖、豬大腸、滷水腩肉）都非常入味，腩肉算厚，一層肥一層肉，爽口唔油膩但勁邪惡，大腸無豬臊味👍🏻翼尖都炆得好淋。溏心蛋似日式造法，而入邊嘅蛋黃係煮得岩岩好炸豆腐係硬豆腐嚟，外邊炸得脆卜卜。湯底唔算多，唔會浸到啲餸濕晒。出前一丁調味粉同麻油係獨立比，咁就可以按自己嘅口味落粉。🍗豉油雞髀豉油汁帶甜唔會過咸，聞落勁香。雞皮滑得嚟肉質又嫩滑，都係煮得夠入味👍🏻

周一過來吃車仔麵，為了安排好每一餐的美食，也是用盡心機了。人都是喜新厭舊，換換口味，生活彷彿又有了動力。 喜歡阿四，因為它夠簡單且足料。車仔麵來說，絕對是值得一提的。享受香港的特色美食，也可以有高於茶餐廳的服務質素，可遇不可求。 麻辣湯底配烏東，絕對是最愛❤ 昏素搭配，營養均衡，菜心冬菇都是我的最愛，加到麵裡面，剛剛好，還有麻辣魚蛋和雞腎，可以補充肉類帶來的營養。烏東也是嫰滑，入味。這樣一個工作了一天的晚上，要吃一頓暖暖的湯麵，補充能量。阿四車仔麵旺角豉油街108號地下

阿四車仔麵 - 必食招牌麵今日介紹一間位於旺角的港式美食店，就係車仔麵喇，相信好多番工番學的朋友仔每星期都會有一餐車仔麵，快靚正，這間車仔麵更加有提供大碗飯和港式小食添！阿四招牌麵 $60如果心大心細唔知揀咩餸的話就要食招牌麵啦，足足有九樣餸，放滿晒成個車仔麵碗，有辣魚蛋、辣魷魚、豬皮、蘿蔔、豬大腸、豬紅、滷水蛋、瑞士雞翼和雞翼尖，超級滿足，再加上惹味沙嗲醬。豉油雞髀 $26經典的港式美食，大大隻入味豉油雞髀，下午茶必食。

心血來潮想食車仔麵，見到呢間乾淨企理，價錢平民化，所以就揀呢間。我自己揀左墨魚丸、白蘿蔔和瑞士雞翼。湯底腩汁清清地，不會好鹹，食完不會好口渴。墨魚丸都幾彈牙，如果有多啲墨魚粒會更好~蘿蔔好清甜~經瑞士汁醃製的雞翼，更添滋味！朋友都係揀左3餸:西生菜、牛腩、辣豬皮🌶其中牛腩最出色，炆到好冧身～中意食辣嘅朋友可以試下叫辣豬皮，辣度適中而且非常惹味。飲品當然要試充滿香港特色的樽仔奶茶，細細枝好懷舊🤪！茶色金黃、茶奶比例平均👍🏻👍🏻

去到旺角想食個快餐，黎左呢間車仔麵試下。叫左碗牛腩，麻辣魚蛋配油麵。牛腩味道都幾濃味，只係老左少少。魚蛋幾彈口而且辣味唔算太重，怕辣嘅人都食得。麵質偏向林，要視乎自己鍾意食咩麵嘅質地。見佢小食幾吸引就叫咗炸墨魚卷，炸燒賣同菜心。炸墨魚卷就睇落比較油，但係食落去外皮脆口內裏彈牙，同埋估唔到都幾大塊，整體算唔錯，幾好食。而家唔係好多地方有炸燒賣，睇落粒粒都金黃色，幾好吸引。食落去幾脆，配埋甜酸醬好夾。健康啲可以叫返個菜心有腩汁同蠔油揀，我地擇左配蠔油，菜心都幾爽口，煮嘅時間應該正常。但野飲叫咗奶茶同菠蘿冰偏甜，覺得加得比較多水，反而麻麻地。舖頭地方都坐得幾舒服，嚟到旺角食個快餐，食車仔麵係一個好選擇，簡單又快手。

-阿四 • 車仔麵 🍜而家車仔麵好似買少見少 近日心思思想食下車仔面 係旺角搵到呢個好乾淨企理又寬落既車仔面🍜 粗面 （$12）- 配腩汁同咖喱汁🍖滷水腩肉（+12）/ 🐮牛栢葉 （+11）/ 🐟魚皮餃 （+12）/ 🦑辣魷魚 （$9）呢個車仔面冇鹼水味👍 魚皮餃係好味 唔係一堆散肉相信有食開魚皮餃既人會明咩意思🤣辣魷魚唔算好辣 而且咖喱汁都好香 少少甜而滷水腩肉好入味但如果多啲肉就正啦！🍜幼面 （$12）- 配腩汁同沙嗲醬🦞龍蝦丸（$ 11）/ 🐣瑞士雞翼（$10）/🦑 辣魷魚 （$9）沙嗲醬好味！ 幼面同樣係冇鹼水味👍同行朋友話瑞士雞翼係大大隻同整得好入味龍蝦丸都彈牙的！整體黎講 份量都好足 如果唔係好似林芝蓮咁咩都想試下既話其實都係個不錯既平實之選☺️

真係耐冇食車仔麵因為次次都會覺得好頭痛好多餸想食唔知食咩好，阿四就有個招牌麵就至啱多心嘅我又唔使頭痛唔使諗一次可以食九款餸👍😋辣魚蛋,辣魷魚,豬皮,豬大腸,雞翼尖,蘿蔔,滷水蛋,瑞士雞翼,豬紅，醬汁都有好多款可以選擇~腩汁,咖哩汁,沙嗲醬,辣醬同麻辣醬，唔好以為車仔麵只得車仔麵仲有大碗飯,特餐同特色小食架，每張枱都有一樽辣椒菜脯可以任意加落麵度食，另外試咗豉油雞脾,腩汁菜心同南瓜薯餅，南瓜薯餅出面係吉列咁入面有一粒粒南瓜真係好好食😋👍，南瓜薯餅做得咁好相信佢啲吉列小食應該都會好食下次要試下

之前食過一次阿四車仔麵，太掛住佢啲美食，今日同朋友行過，決定黎食多次。再一次黎呢度，環境依舊企理乾淨。我同朋友叫左個牛腩&牛根丸油麵同埋魚皮餃&牛柏葉油麵。佢地鋪頭既沙嗲醬+腩汁湯底+油麵真係好夾，每一啖麵都吸收到啲醬汁嘅精華。個牛腩都幾入味，牛根丸亦彈牙可口。牛柏葉口感唔錯。魚皮餃亦有驚喜，啲餡料超級好味😋除左兩個麵，我地仲叫左個炸墨魚卷&炸唐揚雞。啲墨魚有咬口，加上外皮炸到微脆，食落層次豐富。唐揚雞塊配酸辣醬，啖啖肉，好惹味