阿叔泰麵 (積信街) (已結業)

去旅行遙不可及，唯有繼續食咗當去咗。依間新店環境幾有心機，好似去咗泰國，連筷子都五顏六色，看着開心。 點了冬蔭公金邊粉，對得住60元左右嘅價位，蝦雖沒有頭，但比想像中新鮮，搭幾隻青口仔、蟹柳，幾豐富。另外豬頸肉飯，相信隻豬好肥，條頸嘅肥膏多咗少少，怕肥嘅人自己考慮。 小食係魚露雞翼，賣相似呀媽煮嗰碟豉油雞翼，啱晒我依啲無家庭溫暖嘅小朋友，即刻有幸福嘅錯覺。食落幾香口、熱辣辣，略嫌味道不夠層次，無乜泰式香料嘅風味，如果可以加一嚿仔青檸俾人提味會好啲。 最後見所有嘢都合格，叫多個甜品，經典芒果糯米飯，芒果新鮮少少酸，個椰漿可以大方啲，個飯好大嚿，又因為唔係好甜，似正餐多過甜品。大佬而家食緊粢飯咩？不過整體來講都推薦大家一試，街坊小店，最緊要都係抵食夾大件，加上新開張有嘢要改善都正常。我都會再去咖！

試業中招牌都未拆的阿叔泰麵平日Lunch都坐滿人，餐廳環境好有泰式風情，仲有個窗台位，舖外面睇好Chill好型格😎🔸牛肉船麵🍜湯底十分香濃，配料都幾多，豬肉丸、炸豬皮、牛肉，河粉係粗河粉，可以沾到多啲湯，零舍入味😋🔸冬陰功湯麵🍜Menu上有兩隻🌶🌶個人覺得算係小辣，配料有蝦、青口、豆卜、蟹柳，湯底唔夠濃郁，我鍾意椰香味重啲🤪船麵好食啲😬🔸香茅魚露雞翼都算大隻，見到面頭有絲絲香茅，唔係求其一隻炸雞翼👍🏻🔸芒果糯米飯🥭擺盤好靚📷芒果好甜唔酸，份量好多！不過略嫌椰漿唔夠多，食到一半已經覺得糯米飯好乾🙈會再黎食，好鐘意啲裝修佈置，好有去左旅行既感覺，同出面兩個世界咁☺️😆

大圍又有新開小店，今次係食泰國野。無論舖內舖外都有精心佈置。 先看看舖內天花。很喜歡這個望向外的位置。黑色底的壁畫是在店外，食完仲可以影返幅靚相睇返餐牌，選擇唔算十分多，船麪、飯類、沙律小食、街頭小食類，每種有幾款選擇。同男友叫咗牛肉船麪&豬頸肉飯。每碗船麪都有少量芽菜、通菜、少量花生碎和炸豬皮。炸豬皮十分脆，而且份量頗多牛腩炆得好腍。牛丸就一般般，唔知點解覺得似豬肉丸多d。湯底說是牛骨濃湯，但未覺牛味出眾。整體來說正正常常，不算非常突出。豬頸肉飯味道不俗，酸汁減少了豬頸肉的油膩感。 頸肉頗厚，唔會烘得太乾。最後加杯龍眼蜜，超大杯! 味道清清地，平穩之選。食物質素算中等，但裝修及杯杯碟碟都很漂亮! 價錢亦合理，打吓卡都唔錯~

味道不錯, 餸既份量太少, 得兩舊肉🤦🏻‍♂️, 飯有少於乾. 我見堂食量都不少, 但外賣境然咁少.... 希望店家可以改善下份量, ..不過員工都好有禮貌..可能新開可能慢慢改善

由試業時一直都日日睇下有無機會食到，到今日07/11/2020 下午3點鐘終於係入到去平時我大概12點行到都售罄所有食物😔😔一入到黎環境好好，音樂好輕快有個中年叔叔服務好好有介紹食物比我地餐牌都易睇易明我地食左兩碗麵+芒果柚子沙律+兩杯野飲都係100個人頭枱面有筷子座同調味料座比客人自己調味牛肉湯底好甜又無多餘油份友人食既粉紅湯麵就係腐乳味我就無試到，只夾走左幾粒魚蛋食🤣🤣🤣沙律好清爽，當飯後果剛剛好芒果好甜，蝦係明蝦，唔係玻璃蝦十分推介大家試下

食物等咗半小時都未上 催單話整緊 敷衍了事 根本無幫我跟單 繼續等都好耐未嚟 隔離枱遲我幾個字落單都嚟齊？服務差 落單又搞到立立亂 送錯餐🤬🤬食物味道一般 不值得試!!!!!