影片
週末朋友帶咗我哋幾個嚟呢間樓上嘅新疆菜餐廳食午餐，估計呢度應該係香港極少有嘅新疆菜餐館🤣老闆係嚟自新疆嘅漢人，招呼非常之好🤣醬牛肉：醬牛肉乾身，薄切，好牛味，係好好嘅餐前開胃菜🤣大盤雞 小份：雞肉切成小件，肉質軟熟，加埋薯仔同埋一啲我估係新疆香料去煮，惹味好食，個薯仔雞汁味道亦都好濃郁🤣炒時蔬：時蔬係萵筍絲，萵筍夠新鮮，蒜蓉炒簡單好味道🤣烤羊排半斤：羊排烤到外皮脆脆哋，羊肉肉質軟熟得嚟有少少咬頭，非常好羊味，仲有新疆辣椒粉同埋孜然粉可以要嚟沾羊肉食，咁就更加惹味啲🤣羊肉串：都係烤得好香口，都係好好羊味，仲啖啖肉，而且羊肉串上邊廚師已經加咗辣椒粉同孜然粉🤣羊肉手抓飯：手抓飯加咗紅椒絲同埋黃椒絲去炒，應該做落咗啲羊肉汁，香口又好食，仲有兩條羊排黐住好多肉可以食🤣烤包子：烤包子上枱嘅時候超級熱辣辣，外皮鬆化，配埋裏邊加咗洋蔥粒、香蔥、香料等嘅羊肉碎，好味道🤣食完之後老闆仲送咗新疆乳酪俾我哋食，喺新疆係叫酸奶，好滑好濃郁，出奇地好味道🤣我哋幾個都食得飽飽兼非常滿足嘅一餐🤣
繼續閱讀