阿元來了 (已搬遷) 新店位置

每次路經這裡都有很多人排隊，所以總沒機會試試這家店。有一天很來吃台灣菜，於是便相約友人，避開人潮洶湧的時間來到阿元。（終於來了！）大約六時多到達，等了一會兒就入座了。店鋪比較細小，座位有點狹窄。由於用餐時間只有30分鐘，所以我們就迅速點了幾道菜。先來的是魯肉飯，小小的一碗飯鋪滿魯肉，肉粒肥廋均勻，油脂滲到米飯之中，吃起來充滿油香，味道不錯。其後就來了塩酥雞球，炸粉份量適中，吃起來不會粉粉的。雞球炸得剛剛好，外皮香脆，雞肉仍保持嫩滑。然後就是炸花枝丸，味道較普通，而且有點太多胡椒粉，吃起來有點哽。最後是芝士蛋餅，不能跟台灣賣的比較，但還算能暫時滿足一下味蕾。蛋餅外皮不算香口，內裡的芝士味道不太突出，幸好淋在表面的甜醬添了一些味道。要留意的是這裡沒有水提供。大部分的飲料都是奶茶，我喝了兩口友人的茉香奶茶，味道偏甜，奶香一般。要是想念台灣菜，還是可以來止一止癮的。下次可以嚐嚐其他菜式。

作為新界人既我，去邊都要一個鐘。所以真係好少出港島，講到西營盤，真係甘大個女都未黎過。但作為一個專業食貨既我，當然邊度有好野食就去邊啦。所以今日無懼有長長陡坡同炎炎烈日，一於黎阿元來了朝下聖先。下午時間都唔算多人，店面都唔多位。台灣料理必食三寶，魯肉飯，蚵仔煎，甜不辣。甜不辣其實同關東煮差不多，但台灣就多左米血糕，無咩味，但贏左口感夠煙un。企鵝造型魚蛋都彈牙，係嘴入面跳下跳下。蘿蔔好lum好入味，個汁真係好好味。魯肉飯同台灣一樣，細細碗，滿滿的魯肉，有肥有瘦，肥滋滋既五花肉煮到入口鬆軟，唔會過咸。配上酸蘿蔔唔會食到膩。魯水汁滲透白飯，香軟 熱辣辣晚白飯一口接一口，完全停唔到。瞬間飯就見底了。蚵仔煎，見到好多雞蛋，好香蛋味。而且青菜都好足，口感又豐富左。蚵仔都幾多粒，唔腥。醬料份量岩岩好，可以食左原有既鮮味。價錢合理，味道有家既感覺。幾時會係新界開間分店呀？

鹵肉飯雖然邪惡，但真的太好味，食落個感覺一啲都唔肥膩，仲入口即溶，齒頰留香，令人回味，而且係香港吃到最有台灣的味道，暫時係香港未食到一間比它更有台灣味，值得走到咁遠同值得等咁耐。

幾個月前去完台灣，實在好懷念當地既魯肉飯同魚丸，之前已經聽過呢間阿元來了，今日決定黎試下。黎到餐廳門口已經見到好多人等位，拎飛後侍應會順便俾埋點菜紙你，咁就唔駛等坐低先慢慢諗食乜啦。等左大約20分鐘，終於有位了，餐廳非常細，內部裝潢好有台灣小店風味。侍應多數都係台灣人，但普遍都識聽廣東話既。魯肉飯 :坐低無耐魯肉飯就到了，細細碗既魯肉飯非常有風味，豬肉唔會太肥，配埋醬汁熱辣辣話咁快就食晒。冬菇肉羮麵 :冬菇好香口，肉丸唔會好鬆散亦唔會太實，肉羮味夠濃但唔太咸，配埋彈牙既麵條，食完感覺好暖和。淡水魚丸湯 :去台灣必食菜式之一，魚丸湯一碗有兩粒，魚丸爽口彈牙，肉餡夠多汁夠熱，食既時候要小心，配埋落左莞茜既湯，兩粒真係唔多夠咁。紅豆珍珠奶茶 :點菜時有得自己揀甜度同冰度，非常貼心。奶茶茶味香濃，珍珠夠煙韌彈牙，配埋甜甜既紅豆，令人透心涼。總括黎講，呢度既食物非常好味，無得成日去台灣，間中黎呢度食下野感受下台灣風味都唔錯呀。

熱辣辣 熱辣辣 好熱好熱⋯是日氣溫據說37度，體感好似平時上高溫瑜珈咁，行又熱，坐又熱，一定要有冷氣先可以生存⋯黎到西營盤站由第一街行上第三街已經汗流浹背，見到阿元來了有5-6個人等緊位，我地又攞左飛等下。店內座位好少同好逼，我地等左20分鐘左右入座第2張枱，但近門口所以無乜冷氣！最怕熱既我一邊食一邊抹汗，心諗快d食完快d走去嘆冷氣我地2個人叫左5樣野食：魯肉飯、擔仔麵、魷魚鬚、甜不辣同鹽酥雞。魯肉飯係好味既！肉燥係油而不膩，香而不咸，就算係望落肥肉既位食落都唔會覺得肥，d飯粒都好飽滿，唔會太乾身或太濕，同肉燥撈埋食好正～擔仔麵：蒜頭味較重既湯底，望落好油，食落都真係油；麵係用左蛋麵，有d似上海粗炒用既油麵咁，可能要細細碗所以d麵都剪短左（？）放左少少肉燥係面，但會散落湯度，又會好油⋯鹽酥雞：唔錯！細細粒炸得好香口既雞粒，份量其實好少，同街邊檔d鹽酥雞比係會性價比低dd既。炸魷魚：同鹽酥雞同一炸法，但可能魷魚比較細條，炸出黎既魷魚鬚好似炸粉分離咁⋯調味係ok 既。甜不辣：本身唔知係乜，以為係魚片之類既，原來同想像中差不多，係條狀既粉製類魚蛋，甜甜地係因為d丸既調味，辣辣地係因為撈左d胡

阿元來了係西營盤開左成兩年，最近仲係觀塘開埋分店，但係一直都無幫襯過，今日難得準時放工，就一於同朋友黎試下。傍晚七點幾黎到西營盤第三街，離遠望到某餐廳門外企左好多人，了解過後原來就係我地要黎既地方，「阿元來了」。雖然要等成10幾張檯，但係因為每位用餐限時30分鐘，所以Turnover rate高，唔係等左好耐就可以入去啦。食物選擇方面都算多，飯麵小食前菜湯甜品飲品咩都齊，足足有成幾十款咁多。魯肉飯:呢到既魯肉飯真係非常正宗，魯肉滿滿地鋪係碗飯上面，肥膏唔算多，入口稔之餘仲好入味，令人越食越開胃，不過分量比想像中少，男仕未必夠食。香菇肉羹麵: 肉羹既質地非常杰身，口感有點兒似碗仔翅，入口有一陣冬菇同芫茜既香味，味道濃得黎又唔會好鹹。羹裡面既肉團大大粒，亦都好彈牙，配埋沾滿湯羹既味道同滑身既麵條，真係好好味。淡水魚丸湯:帶有麻油味既湯底，入口有點兒油同鹹，但係魚丸都相當大粒而且彈牙，都算唔錯。飲品方面，甜度都冰度都可以自己揀，珍珠奶茶既珍珠非常彈牙，而且分量十足，入口非常清涼，簡直係夏天消暑解熱既涼品。呢到既無論食物同埋餐廳既佈置都好有台式風味，唯一美中不足既就係座位非常窄同埋無開飯網其他

阿元來了在西營盤開了超過兩年，人氣一直高企！難得今天我們港島一天遊，才有機會到這間店舖。大約七點到達店舖已經很多人在排隊！大約等了30分鐘安排我們入座，店舖少少位置不算太闊落但人氣的店舖也要試一試 ^_^招牌滷肉飯不可不點，秘製醬汁豬肉厚度都控制得好好，拌勻來食非常滋味，雖然有肥肉但沒有肥膩的感覺。鹽酥雞炸得香脆，但不見得油膩雞肉亦唔會太乾身。炸花枝丸勝在粒粒都很大。但食落有D粉，椒鹽粉夠味。 滷水拼盤，相比之下就較為普通，一般滷水味。沒有特別！整體嚟講都十分滿意食物全部都細細碟。多人來嘅話可以試唔同嘅食品！

因為今日落雨 所以排隊都唔算話好多人同平時一樣 都係叫咗兩個滷肉飯同炸雞同炸魷魚鬚 再加珍珠奶茶同蜂蜜茶先講滷肉飯 足料 滷肉溝飯好入味 有啲肥膏嗰啲仲正炸雞同炸魷魚鬚都係啱啱出爐 熱辣辣 不過個人鍾意食魷魚鬚多啲食咗好幾次依然都係會特登入西營盤去食😉

阿元來了在西營盤開了超過兩年，還剛在觀塘開了分店，窩夫與蝦子餅才第一次光顧。某週五約6時左右到達，不用等位，吃完離開時門外已站了等位和等外賣的人。冬瓜檸檬($23)的味道很特別，沒有想過冬瓜和檸檬可以走在一起，是夏天解渴消暑的好選擇。招牌魯肉飯($29)不可不點，秘製醬汁的厚度和份量都控制得很好，拌勻來吃非常滋味，雖然有肥肉但卻沒有肥膩的感覺。鹽酥雞($35)炸得很香脆，但完全不覺得油膩，雞肉亦不會太乾身。香菇肉羹米粉($45)有意外驚喜，肉羹爽口彈牙而且份量不少，水準之作。芝士蛋餅($25)做得不錯，但始終比不上台灣當地的出品。

阿元來了🍴帶老公試食完會幸福感同罪惡感狂升既魯肉飯🍚肥瘦平均既魯肉。明知肥都要食唒佢。重點推介。入口既溶口感好有層次既刈包🍔，咸既焢肉🐽加上脆口又甜甜地既🥜花生碎，完全係另一驚喜既🥇罪惡之選✨✨✨其他食品一般，不難吃但沒有上面介紹的特別，尤其蛋餅真係麻麻🍳滷味拼盤，滷汁不錯，建議可加入其他選擇。炸小食一般般，不過價錢相儀，飲品微糖也偏甜，建議改善整體不錯，店員有禮貌貼心，特意安排比較大吧枱。

聽過這間店的評價，我始終抱著中立意見。因為香港的台灣菜令我失望了太多次了，但既然身邊都有朋友向我大力推薦，就姑且一試。首先，我必須說，我一個月都不會過一次海，西營盤對我來說簡直陌生到非常。還好有男友香萬能google map,很快便找到位置了很喜歡他的裝修，小店風，裡面還有很多70,80年代的台灣商品廣告海報和標語一來，看到價錢，唉，只能概嘆香港真的物價太貴，他標價我還以為是台幣呢但一場來到，就狂叫想吃的吧冬菇肉羹，超好吃，有筍子和九層塔，羹不會太稠像鼻涕，拿來吃冬粉簡直絕配滷肉飯，半肥半瘦的豬肉，甜甜的滷汁，簡直跟台灣一樣蚵仔煎，用料足，粉的比例也剛剛好，吃起朳軟q軟q小店是值得支持，可價格真的有點高，我還是去一趟台灣好了

知道平時阿元來了會好多人排隊，尤其是係星期日啦。但真係等左好耐想試一試佢所以就算佢星期日落晒大雨🙈🙈我哋特登揀個晏啲嘅時間去試一試😋😋😋可能我哋四點幾先去到啦所以今次竟然冇人排隊😀不過一入到去先發現原來一邊係咁窄嘅🙈🙈🙈我諗座位都應該得20個到去到個位嘅時候一張四方形台坐四個人非常之迫😅😅😅不過後尾佢哋走咗我哋先坐得鬆動啲內在環境就係咁啦之後我哋再叫嘢食其實都冇乜選擇本身想試一試佢出名嘅滷肉飯但係見到隔離枱$29咁細碗所以決定轉面🙈🙈順帶一提啲waiter 服務態度好一般因為地方咁細佢企喺隔離叫咗好多次都唔應😂-所以分別叫咗香菇肉羹米粉同香菇肉羹麵都價值＄45一碗架😅😅😅不過佢嚟到嘅時候我就好失望囉因為碗肉羹非常之稀😰😰😰而且面同米粉都唔多😒😒😒 仲要重要峴汁係多個肉羹仲要係一嚿嚿另外我哋帶咗個鹽酥雞食落去都唔係好香脆而且都好少😰😰😰😰😰😰另外佢個套餐可以加＄10加杯野飲我哋就叫咗一杯蜂蜜綠茶 但都係非常一般綠茶冇綠茶味蜂蜜我飲唔到😂😂😂 唔係特登寫到咁差但係真係唔值得排隊🙈🙈🙈所以今次個經驗都係好痳痳🤦🏼‍♀️🤦🏼‍♀️🤦🏼‍♀️

每次掛住台灣既時候都會諗一諗起阿元來了，佢唔係話好好味但係有一種風味，鋪頭細細人來人住有d身處係夜市既感覺。佢個魯肉飯的確不錯，d肉雖然肥但係撈埋d飯一d都唔肥膩，味道岩岩好。而個蚵仔煎我覺得的確有台灣風味，都唔錯，我仲有試過佢既鹽酥雞，不過不失啦。整體黎講，佢唔係話十級正，但佢的確係有種風味，而唔係其他香港既台灣食店有既，經過附近既話都係一個唔錯既選擇。

男朋友話自己1個黎過1次食得個魯肉飯好食，好味但係自己1個試唔到咩款所以帶我黎食餐勁。 綜合湯原來係咩都有不過少左我想食個款丸。 d丸1般。炸雞好熱好脆， 不過我覺得太油啦。 味道都ok. 我鐘意個炸春卷，熱熱脆脆的。 li到做炸野幾好。 不過地方細，好逼人。 li d係咪叫風味？ haha芋圓好味， ee un un, 5太甜， 熱既我鐘意。 點少得我最愛既蚵仔麵線呀 我5食炸大腸不過會食蚵仔麵線入面既大腸。 正正正，食左大半碗。 佢男朋友話我突然食到甘多野？係呀， 好食咪食多d囉 haha. 記得帶我食多d好野， 5係我會5食野架。 errrrrr.....個夾餅我覺得ok la. 有d 5知榨菜之類既野， 加埋個甜包皮。。。。。5係好識欣賞。炸墨魚丸1般。 冇我想像中好食， 5係新鮮打既味道。 魯肉飯好食。 味道正珍珠奶茶。。。。街邊好味d. 好欣賞入面裝修，好有氣氛。 好似返到台灣甘。 份量5多不過5貴， 可以試多d款

放工諗住去做GYM或者係跑步，搭咗地鐵好尊心咁玩電話，知道嘅時候已經係西營盤，3長水遠嚟到唔食“阿元來了“就好對唔住自己個肚啦...前幾星期諗住約朋友去觀塘新店度食，或者係因為星期日嘅關係爆多人，結果當然冇等啦～今日只等咗10分鐘咋，食咗我喜愛芝士蛋餅，鹽酥雞，蝦捲同飲蛋黃蜜汁。大概15分鐘左右已經全部野嚟齊，算好快🖒最喜歡嘅係芝士蛋捲，食落去好彈牙，點埋甜辣醬更加帶出芝士嘅香味。鹽酥雞同蝦捲都好好味。應該係全部都係炸物未食完個嘴裏面已經起咗層皮~痛😭😭 蛋黃蜜汁都幾好呀…如果夜晚有埋蚵仔煎就好囉😋😋每個服務員都好認真工作同有禮貌，真係好值得1讚🖒🖒