阿來東南亞風味 (已結業)

雖然旺角沒有了我喜愛欣賞街頭歌藝的節目，但我仍然喜愛到旺角行街購物及晚飯。今晚選擇了食這間阿來東南亞風味泰菜，餐廳已經非常多人。餐廳裝修也帶著泰式的風格。menu非常多菜式。飛天通菜$58飛天通菜例牌食泰國菜都會㸃，因為喜愛飛天通菜夠惹味又爽口。香葉辣椒肉碎煎蛋拌白飯$54香葉辣椒肉碎煎蛋拌白飯，伴碟有件爽口的青瓜及蕃茄，除香葉辣椒肉碎外，配料還有豆角粒及洋蔥，炒得很入味，拌白飯食認真一流。泰式鐵板蠔仔蛋$78泰式鐵板蠔仔蛋，蠔仔雖然細細隻，但粒粒脹卜卜，份量也不少，雞蛋煎得底部焦脆香口，連蠔仔一齊食又香口又軟滑。泰式酸辣無骨鳳爪沙律$58泰式酸辣無骨鳳爪沙律，份量也是不少，配有洋蔥、芫茜、蔥、香芹菜及紅蘿蔔絲，醃得酸酸甜甜帶微辣，爽口惹味又入味。

油麻地都有街坊價東南亞美食，又不用加一，所以吸引到好多街坊幫襯小妹個人都幾鍾意東南亞美食，所以決定來trytry！我地好早就來到食晚餐，可以安排座卡位！晚一點就可以比較多人，要坐圓檯。餐廳員工都好風趣幽默，整體都好nice。今次我地order左阿來海南雞飯，加10蚊可以轉雞脾。 每次食東南亞都會比叫金邊粉（個人喜歡金邊粉）豬頸肉清堂幾唔錯！味道剛剛到，不會太鹹，豬頸肉好好味！泰式鐵板蠔蛋，好大份好足料！熱啦啦上菜，下面鋪上清新的芽菜，令整道菜不會有油膩的感覺，雞蛋和蠔仔配合得好好！阿來金磚豆腐，外脆內軟，口感一流，外皮不會死鹹，配上入面滑嫩的豆腐，高質！

早排朋友約我去泰國玩，但呢排實在太忙，真係冇時間冇心情出外走走～唯有喺香港食泰餐補番🤪——————————🔹金磚豆腐 $68朋友很喜歡食滑滑的豆腐，見到廚師推介有金磚豆腐，就試試～ 果然外脆內軟，外皮沾滿椒鹽粉，豆腐超滑☺️ 但略嫌價錢少貴，多番幾件豆腐會開心啲😍🔸鮮蝦炒金邊粉 $54金邊粉份量很多，外面有一個蛋網，賣相吸引☺️食到有茄汁味，但偏甜～裏面也有不少蝦仔，幾鮮味🥰🔹馬拉盞炒通菜 $58這裏的餸菜又平又大份，馬拉盞炒通菜有不少炸蒜和蝦仔，辣辣地，好惹味🥰🔸薄餅 $25這個薄餅很香牛油味，食落酥脆而不油，好食☺️🔹椰汁西米糕 $48這個椰汁西米糕很濃椰香味，裏面有西米和芋頭粒，但朋友覺得有點太甜😆小編就覺得啱啱好😋🔸椰青 $21每次食泰國菜，都會好想飲椰青😍但通常要30幾蚊，真是有點貴！見呢間只係廿幾蚊，一於叫黎飲下😋真係好抵飲，椰青水超滿，椰子水清甜解渴，果肉也有少少奶香，必叫👍🏼👍🏼👍🏼

今晚約咗家姐姐夫去食飯，呢間喺廣華街嘅阿來嘅食物都算啱食同抵食。燒豬頸肉係我指定想食嘅，咖哩軟殻蟹係家姐推介嘅，拼盤除咗春卷我麻麻地鍾意食之外其他嘢都幾好食😋

今日約了閨蜜吃飯，她說要帶我去感受馬拉風情，於是就帶我到這間餐廳。時間尚早，職員安排我們坐卡座。這裏地方不大不小，環境光猛，坐得舒服。 餐牌的選擇不少，我們點了馬拉盞炒通菜，香茅豬扒黑豉油乾撈粗麵，咖哩軟殼蟹火山包及兩杯飲品。閨蜜點了凍泰式奶茶，她說奶味比較重，茶味很香，沒有港式奶茶的澀，好飲。 而我就點了咸檸七，我很喜歡甜味中帶點鹹，味道特別，很好。馬拉盞炒通菜先送上，通菜炒得非常翠綠，很有鑊氣，入口不是太多油，有薑蔥辣椒的味道，不太鹹不太辣卻有夠味道，好味。第二款菜式是香茅豬扒黑豉油乾撈粗麵，原本以為黑豉油是很鹹，賣相黑黑的，但完全不是這回事。豬扒有很多，很有份量。豬扒入口軟熟，一點也不韌，調味料得很好。而粗麵亦處理得不錯，完全沒有鹼水味，每一口都吃到有很香的豉油味道，配著芽菜一起吃，爽口好食。最後就是咖哩軟殼蟹火山包，賣相非常吸引，很有份量。咖喱味濃，有椰香的味道，甜甜的，不是辣的。軟殼蟹炸得非常香脆，配著咖喱一起吃，入味香口。麵包裡面是洋蔥，青椒及洋蔥等配菜，入口甜甜的。麵包軟熟，配咖喱更是一個完美的配搭，啖啖椰香咖喱味，我跟閨蜜都非常喜歡，吃完覺得非常飽。走的時候差不多全場爆

旺角收工，等埋另一半至食晚飯，同事話呢間東南亞餐廳無加一，似茶餐廳格局，但企理，今晚入坐等齊人至落單。D菜上得幾快，侍應應得都快。椰汁三色冰好香濃椰汁，越飲越想飲。鹹檸七個檸檬好正，夠鹹夠酸，混埋七喜飲，多了甜味中和。生菜包喜歡就是喜歡，近來差不多吃泰菜都會點來吃，縱然有肥肉，在我來說是甘香，又夠味的豬肉包。海南雞喇沙是另一半喜歡吃的食物，濃稠度一般，但幾香少少辣，雞肉夠腍，只係米線欠咗少少煙韌度。黃咖哩牛腩跟薄餅牛腩腍得黎有咬口，唔散開，咖哩汁杰身d的話，薄餅蘸點食更易掛到汁。馬拉盞炒菜好多時夠味嘅馬拉盞會過鹹，但呢碟唔會，四種菜裡邊，最好味係芥蘭，d 味最夾，其實其他菜都幾嫩，加埋炒香嘅蒜粒，食落有d脆添。

旺角多嘢食就個個人都知啦但係有陣時想食啲平啲嘅嘢就有啲難選擇咁今次就是咗啲一間阿萊阿東南菜式嘅餐廳咁肥雞呢就嗌咗個海鮮濕炒河佢啲嘢食好有鑊氣熱辣辣雖然啲海鮮唔係話啲咩貴價貨但係食得出嘅有心思份量都好大咁肥雞老友呢就嗌咗個海南雞飯佢啲雞呢都幾骨仲要轉畀呢係唔使加錢要加分再嗌多個蝦膠釀豆卜幾特別肥雞未試過再整多個馬拉盞通菜簡直為呢一餐話上咗一個完美嘅句號 方面呢就嗌咗個梳打水你知啦食呢啲嘢唔飲嘢會好頸渴㗎嘛

今晚放工同朋友去旺角睇模型，諗緊食乜之制，佢話有同事推介過廣華街有間泰國野幾得，咁我地就問叫咩名？原來叫”阿來東南亞風味”，行到去好易搵到咁就好快入左去食，因為都行到好餓！打開餐牌睇都幾多野食，我地諗住share食，所以就叫左一個飯同一碗粉，另外叫多左個蠔仔炒蛋同炒菜勁豐富~最先黎個海南雞飯，因為佢餐廳比左雞脾我地勁正！賣相真係好吸引！海南雞係去骨既，食落好嫩滑！但個醬汁都係重要一環，唔太咸同辣，味道適中非常搭！再配上雞油飯簡直絕配！真係有驚喜！另外再黎碗豬手金邊粉，湯底入口甜甜地唔錯！豬手份量夠多，肉質好淋好入味！我朋友最愛食豬手，仲要嫌唔夠肥，哈哈！食食下粉，泰式鐵板蠔仔蛋就送到，起初以為會有滋滋聲既鐵板上，但原來係無既！哈哈！炒蛋外觀望落以為有d乾，但裡面原來係好嫩既，而且蠔仔又大粒同份量夠！美中不足係味道偏淡，但整體都合格丫！最後黎埋個馬拉盞炒四大天王，好明顯我地好貪心，見到四種菜都勁想食晒，有秋葵、椰菜苗、四季豆同豆角，馬拉盞基本上炒咩都無得輸，好香好濃味，只要夠鑊氣就已經好好味！

放咗工去到油麻地，諗緊食咩好之際見到間東南亞風味的餐廳即管入去試試佢好多泰式美食係餐牌度見到個泰式鐵板蠔仔蛋雙眼閃閃發光勁耐無食過泰式鐵板蠔仔蛋一上菜果刻係超香噴噴😍簡直係流哂口水蠔仔肉好大粒好新鮮個辣醬絕對係呢個餸嘅精粹每一啖都充滿咗蠔仔肉同蛋，爽呀！ 沙嗲串燒半打串燒可選雞肉同豬肉，沒有牛肉可供選擇豬肉串更嫩，沙嗲醬很濃食泰式菜必食的是咖哩同薄餅馬沙文咖哩配薄餅，可選豬/牛/雞/雜菜/海鮮今次選了咖哩牛肉馬沙文咖哩不辣的，比黃咖哩更易入口配以薯仔洋蔥的配菜咖哩汁沾上薄餅一流！蒜茸炒椰菜苗這個菜亦是泰菜必食之選炒得不會太咸美食配椰青，泰風味！

抵食泰國餐廳（餐牌可以睇圖先）炸蝦餅$68 新鮮炸起 彈牙 推介炒椰菜苗$58 上枱時熱辣辣 可睇圖 狂出煙 加馬拉盞炒好香 好味椒鹽軟殻蟹$98 是日無揀咖喱 試下特別啲嘅椒鹽 份量都幾多 椒鹽炒用黎送飯相當唔錯天氣咁熱 最後梗係叫個椰青 勁清甜二個人食埋 芒果糯米飯 幾大份好食已經勁飽 大滿足味道 好味 有獲氣環境 正常茶餐廳價錢 性價比唔錯服務 主動過黎問我落單未 心大心細揀咗好耐都未落到 店員黎咗幾次都無催落單呢間會番轉頭再食 下次再寫食評啦

經過旺角廣華醫院附近,見到呢間平民式泰國餐廳有好多人食,所以入去試下。入到去好似香港茶餐廳格局,叫左海南雞飯,泰式滷豬手,泰式生蝦,炒雜菜同泰式燒鱸魚。天氣熱,當然叫埋泰國啤酒。各樣餸菜味道都唔錯,而且豬手入味,生蝦新鮮大隻同泰式鱸魚係即叫即燒,個味道吾差過其他高級嘅泰國餐廳,下次要食平平哋嘅泰國餐廳可以再來。

茶記黎講都好夠火候🔥🔥🤤🤤🤤樣樣都抵食大件🤩🤩仲免加一 抵到爛啦係旺角行完街過廣華街就搵到了東南亞小食拼盤蛋黃雞翼(大推 雖然蛋黃醬有點邪惡 但食完先算啦🤪)炸豆卜釀蝦膠炸蝦餅炸素春卷樣樣都勁大份 小食黎講已經食到好飽🤰🏻海南雞飯雞脾已拆骨 勁貼心☺️鮮嫩肥美 仲好juicy 添油飯勁香飛天通菜通菜勁有鑊氣 仲好香辣椒味 難怪叫飛天🤣椰青食泰菜我必點！況且只係22蚊 實要嗌啦唔飲都對唔住自己啦😆

外表以為佢係一間茶記❓其實佢係一間雲集星馬泰東南亞風味既餐廳嚟架😋😋店鋪坐落於小店百花齊放既廣華街東南亞小食拼盤（$148）小食拼盤一次過有齊店家名物蛋黃雞翼、炸豆卜釀蝦膠、炸蝦餅、炸素春卷🍤而且份量十足‼️真係4個人都夠食😲最愛蛋黃雞翼❤炸過既單骨雞翼沾滿蛋黃醬🍳鹹鹹香香好滋味海南雞飯🐔🍚（$56➕$10轉雞脾🍗）已拆骨既海南雞脾鮮嫩多汁啖啖肉🤤配埋薑蔥蓉及秘製泰式辣醬令嫩滑既雞肉更加惹味😍而且油飯香而不膩👍🏻好想添飯喔🤗飛天通菜🥬 （$58）唔知飛天通菜呢個名既意思係咪辣到你飛天咁解😂店家貼心問我地駛唔駛要小辣🤭通菜炒得好有鑊氣，而且小辣剛剛好🌶唔會太嗆椰青🥥 （$22）食左咁多煎炸熱氣野當然要點返個冰凍椰青清下熱喇😆清甜既椰青水簡直透心涼❄一下子悶氣全消😉總括黎講呢間餐廳菜式多款而且大碟夾抵食❗仲全日免收加一👍🏻岩曬一班朋友黎gathering 先可以試多幾款～食多幾碟～

朋友成日話有間餐廳嘅鹹蛋黃醬整得好好食，講左好耐，終於有幸等到佢帶我去食😋😋星馬蛋黃雞翼 $68佢推介嘅必點之選🤗一黎到見到顏色真係幾靚😍一咬落去好香脆，而且咸蛋黃醬香濃、味道鹹香，確實好好味👍🏻👍🏻果然無介紹錯😉泰式鮮蝦炒金邊粉 $54碟金邊粉好靚，由蛋做嘅網包住。金邊粉炒得乾身又好味，而且配料好足，蝦好大隻又彈牙😋泰式炸蝦餅 $68熱辣辣，朋友心急，一咬就辣親咀😂蝦餅炸得香脆，蝦肉彈牙👍🏻yummy馬拉盞炒芥蘭 $58味道不錯，唔會太咸，而且芥蘭爽嫩

今日同表姐去廣華醫院探公公，二老表好耐冇見， 探病後就一齊去咗附近食飯吹水， 入咗一間好似茶餐廳格調嘅舖頭， 望完餐牌先知係食東南亞美食，啱哂我哋口味。價錢好經濟實惠，而且入到嚟餐廳已經聞到好有鑊氣嘅炒餸味， 兩個人樣樣都想食， 就叫一個東南亞小食拼盤， 有彈牙爽口脆蝦餅, 再有邪惡十足嘅蛋黃雞翼， 仲有釀咗蝦肉嘅豆卜同春卷， 樣樣都好好味， 煎炸食物都唔會有好多油溢味 再嚟一個咖哩軟殼蟹火山包， 啲汁爆滿整個麵包， 軟殼蟹都幾大隻， 麵包外脆內軟 ，唔使再送飯已經好飽， 食咁多煎炸嘢梗係要叫返一個飛天炒通菜， 平衡一下腸胃， 呢個菜辣到十足， 好夠鑊氣。 加埋新鮮 冰凍椰青同荔枝梳打， 十分滿足嘅一餐， 呢度最正係唔使加一， 都算經濟實惠。