阿佳拌麵

營業中

休息中

每次去葵涌廣場第一時間都會先上三樓既美食天堂，掃平貨之餘當然要醫飽個肚先啦，咁先有氣力shopping。平時我都會食碗酸辣粉，但今次試下新野，係三樓吉野家隔離就有間台灣小食店「阿佳拌麵」，佢地有七款拌麵，四款夜市小食可選擇，今次我選擇左鹽水雞拌麵，沙茶醬汁。鹽水雞本身有少少咸味，撈埋醬汁一齊食好惹味，油麵質地煮到剛剛好軟硬適中，鹵豆腐口感好驚喜，唔似一般豆腐咁軟淋淋喎，好彈牙似食緊魚蛋咁，全部撈埋一齊食，口感好豐富，配菜仲有酸蘿蔔好爽脆。

估唔到星期一夜晚周圍都咁多人。行過見到個招牌好台，就俾佢吸引到去試下啦。買咗個原味鹽水雞拌麵。首先呢間唔算多人，但又等得幾耐下。哇，一試難忘。啲雞肉質地好奇怪，無味之餘又好「林」，係太「林」...！🤷‍♂️個麵又係啲橡筋麵，好唔夾。又無汁，好乾好無味。仲要$30，一啲都唔值。葵涌廣場大把好嘢食，我朋友分咗一半撈烏冬俾我先心理平衡番咋。紅雨嘅星期一夜晚，興致全消，好失望。可能麻辣個啲會好啲嘅。 but 唔會再幫襯了👋🏼

叫左肉燥+ 蛋拌麵, 沙茶醬, 沙茶醬係惹味ge, 但咸左d.... 肉燥甜d 會好味d, 隻「老」蛋估唔到係糖心蛋! 咬開好有驚喜! 拍得住日本拉麵店果d。麵好似係油麵? 如果係扁麵/ 幼麵就好la (純粹個人喜好), 以為一客好少, 食食下發現好大兜, 都抵食呀。但總結來講就普通左d。

夏天又熱又焗，兼夾近排不時落埋啲失魂雨，但又想到街邊掃街吃小食，於是想起到葵涌廣場去，那裏不下數十間小食店，重點是不用日曬雨淋，還有冷氣歎！在云云的小食店中，真的很難選擇，於是行了一圈，看到小食店門外放了一架單車造型的食物車，便試試這間阿佳拌麵，這是一間台式小吃，有拌麵亦有夜市小吃。古早現燙魷魚（$25）魚蛋（$5）現燙魷魚是即叫即燙，然後會放入一個膠袋，再放入醬汁搖勻再例入碗內，醬汁有麻辣、沙茶和醬油可供選擇，我今次選了麻辣汁另外追加魚蛋$5。魷魚很爽脆，麻辣味也很足，但有D鹹，可能拌麵會中和的鹹味，但淨食，則比較重口味。魚蛋$5有三粒，很爽彈！

今次第二次再光顧，都係食芋頭糖心鹵蛋-原味汁（因我係半素者）等候時間唔耐，麵質爽口唔會太淋，醬汁均勻，糖心蛋保持水準，芋頭就依個人口感鍾意粉定實，我呢次就一舊粉一舊實，豆腐好似海綿咁，整體唔錯～今次去多咗一口煎菜肉包，都幾特別。

/小兔葵芳覓食記👫<阿佳拌麵>🍜招牌肉燥拌麵($30)▪️🐣配溏心蛋，肉燥，油豆腐🌸麵底好似港式油麵，我麻麻地依隻麵，幼麵無乜嚼勁咁。👉🏾揀左芝麻汁，嗅落有d似腸粉陣麻醬味，但食落無乜味🤔濕濕地食落無咁乾身，但醬汁不惹味。👉🏾期待嘅肉燥好乾身，乾嘅肉粒😓口感好差，食落係有肉味嘅，拌勻之後d肉燥會伴隨醬汁掛係麵條上面，味道會好d。👉🏾油豆腐口感幾好，彈牙軟韌，但味道不討好，豆干味。👉🏾伴麵嘅黃蘿蔔絲酸酸地幾好味，爽口解膩。👉🏾🐣最好食嘅溏心蛋一開始就秒左，都幾流心，仲流晒落d麵到😛不過醃得未夠入味🙈我覺得我醃得好味d😙哈🤣🤦🏾‍♀️不過不會再翻食😂

以前嘅葵廣雖然都多嘢食，但真係未至於已家咁誇張！行兩步就一間，行兩步就一間，真係唔怕會肚餓呢間阿佳拌麵裝修都幾有台灣feel, 想試好耐，今次終於有機會。食物選擇以拌麵為主，細細盒都要成$30，其實唔算抵食。我叫咗個一號仔-招牌肉醬伴麵。醬汁㨂咗沙茶醬，㨂佢係因為店員話沙茶最多人食，味道都唔錯，所以就試吓啦！總括而言，麵嚟講味道普通，唔覺得超好味。唯一加分位應該係佢隻溏心蛋，為呢個普通拌麵加咗唔少分。但你問我會唔會食二次，我諗就未必啦！

招牌肉燥拌麵（$30）👅好耐無去葵廣掃街啦😆的左男朋友陪我掃下先😎😎呢個阿佳拌麵係最吸引我黎葵廣掃街嫁😝呢個拌麵見人食好似好正咁🙈但食落比想像中普通🤔啲麵有咬口但肉燥同醬汁唔算濃味😀啲滷水豆腐就幾入味👍🏻👍🏻係溏心蛋黎😍😍都大兜既，不過無乜驚喜同埋唔算抵食，可以留肚食其他野啦🙈🙈

見得返少少時間食野，決定試下呢間新開既阿佳拌麵。小店位於 3 樓吉野家既格離，好易搵門面十分簡約，最搶眼既就係個Ｍｅｎｕ，Ｍｅｎｕ只有 10 款食物。其中最平既係地道夜市魚蛋 $10有8粒，等拌麵既時候就見到好幾個學生買。收銀既嬸嬸唔太熟練，同一張單要落３次先成功。而且差ｄ就收多左錢，真係睇清楚張單先比錢好。食台灣野緊係非肉燥不可啦，所以我簡左招牌肉燥拌麵($30)。招牌肉燥拌麵裹面有肉燥、千頁豆腐、酸蘿蔔及溏心蛋一隻。肉燥味濃，分量岩岩好夠撈。千頁豆腐，有驚喜，竟然係彈牙既，第一次食到，好特別。溏心蛋夠味，而且真係蛋黃真係液態架，撈埋Ｄ面一流。每款拌麵都可以揀味道，原味、沙茶、芝麻及麻辣醬汁。我揀左沙茶味，味道唔突出，但係反而會好似去左師大食滷水咁。另外，食拌面係可以比＄１０追加配料既，識揀一定係揀手絲雞，又白又滑。

之前見到呢間店嘅食評同招牌拌麵嘅相片，已經有啲心思思，估唔到細妹今日竟然買咗兜外賣俾我！望落個盒扁扁矮矮，點知原來份量唔少，啲麵塞到好實，全盒麵賣相好靚亦豐富！百頁豆腐煙靭彈牙、酸蘿蔔酸甜爽脆、肉燥全屬瘦肉、溏心蛋篤開有蛋白蛋黃一齊流出，加埋粗油麵，我加咗甜醬，連埋本身啲汁同蛋白蛋黃撈埋一堆，超入味，超美味！啲麵質感好好，軟硬適中，沾滿汁好入味，只係放凍咗有啲黐埋一舊！一啖餸一啖麵一啖茶，好快就將成盒麵消滅咗！好飽！好味！好滿足！

成日經過阿佳拌麵 今日終於去買左嚟試12點幾去到 唔多人 等左5分鐘左右就有得食第一次食所以揀左原味試下先另外再追加左夜市魚蛋第一眼望落個麵以為唔多 但食食下就覺得好飽溏心蛋非常吸引！一咬落去d蛋黃流晒出嚟平時買一隻都要$10 依加成個麵都係$30 感覺唔貴魚蛋第一眼以為係四海魚蛋 食落唔係好彈牙但有魚味 都算唔錯個人覺得個麵有少少鹹 所以有d酸蘿蔔中和番個味道 豆腐都鹵得幾入味 唔會話好鹹總體嚟講成個麵嘅味道都唔錯 如果無咁鹹就會更好價錢都唔係好貴 值得一試！

之前已經食過招牌肉燥拌面，第一次揀左芝麻醬，印象中好好食。今次再黎葵廣，立即黎阿佳食多次今次我同女朋友揀左麻辣小辣，但完來都幾辣下，但我地ＨＡＮＤＬＥ到～～今次啲面質有少少林，但都好好味。肉燥照舊都好香，塘心蛋雖然凍但好ＪＵＩＣＹ！豆腐好彈牙，但我麻麻地。總括黎講三十蚊依個價錢係食得過！

尼間鋪頭好似開左冇幾耐，見佢裝修同台灣既鋪頭差唔多，太耐冇去台灣，所以就叫左招牌拌麵去回味下台灣既味道。個麵係即叫即煮，大約等左5分鐘就有得食啦！先講下d料，有百頁豆腐，一個溏心蛋，一堆肉燥，仲有d酸蘿蔔。個百頁豆腐好彈牙，唔講以為自己食緊魚蛋。個溏心蛋真係好流心，不過有d凍，應該係即係係雪櫃拎出黎既。肉躁用瘦肉，可以放心大啖食！而酸蘿蔔好爽口，個麵d汁其實有d咸，所以配酸蘿蔔可以中和下！個麵煮得岩岩好，又唔會煮到爛晒，正！不過d汁太稀，所以掛唔到d麵，食到最後得返d汁就好咸。整體黎講都幾好食，以30蚊有咁多料，性價比都幾高，值得一試！

早前見到好多報章都介紹這個廣場有好多美食, 自己都有多年無來行街啦..難得早收工就約埋友人來行街順便係度搵食當晚餐..其實這個廣場真係變左好多, 以前就間間都係買衫多只有一, 二間小食店啦..宜家就變左好似每層都必有熟食, 買晚美食都五花八門都幾吸引.當晚我同友人既食力都唔弱, 不過當中以這個拌麵我覺得值得推介(可能我喜歡台灣野)$30點左個招牌拌麵(有鹵蛋, 肉躁, 豆腐)我選擇沙茶醬, 麵份量十足最喜歡佢個豆腐帶少少甜鹵得入味非常美味, 另外一提係隻溏心鹵蛋雖然凍左但入味入面亦好滑, 平時係拉麵店加一隻溏心蛋都要$10左右, 這碗麵先買$30即時覺得好抵食. 唯一係醬汁偏咸, 食完都幾口渴,地址:葵芳葵富路7-11號葵涌廣場3樓303F號舖

葵涌廣場開咗愈黎愈多唔同既鋪頭😮 哩間係吉野家隔離既台灣小吃鋪 上次我經過已經心思思想食😚 今次忍唔佳 想嘗鮮又見咁多人排隊 應該會幾好食既🤠主要有八至九款選擇💁🏻 有配拌麵 有唔同配料既 我覺得種類算豐富🤔 價錢由$20-$40左右都有交易 算係平民化既台式小食👍🏻今次簡咗我前排去完台北 好懷念既古早魷魚($25) 有三款口味: 沙茶 古早原味 麻辣🌶🌶 而我就簡咗沙茶味 因為我覺得會特別惹味🤤買完我就係側邊等 等大既十個號碼 8分鐘左右就可以拎😬人流都幾多 好多人排隊買🏃🏻份量算大份 有大概十件左右 有一片片有一條條既魷魚腳😂😂 幾夠入味 沙茶味小辣 幾濃郁 入面有埋少量既香菜🥗 汁既份量係足夠既 可以撈夠先食👍🏻 今次食完 我覺得唔錯 值得一試再試🦑🦑