阿一豬扒酸辣米綫

營業中

休息中

10/5 放工比較晚，獨自一人往試豬扒米線。點了海藻手撕鷄撈米線、淨豬扒（熱點之選）及凍柚子蜜。想不到手撕雞撈米線食物品質良好，令人想再來一試! 豬扒鬆軟口感不俗是日食物相片

西環啊一幫趁了好多次，小店米線一邊流汗一邊吃得過㽼！豬扒更是佳品，薄但酥、鬆化、入味！有時會買樽麻辣醬回家煑食(經常缺貨)。西營盤店開張大約在2個月，店比西環大、裝修亦企理、人手比西環多數倍！可惜水準比不上面環，昨夜買了個大珍味豬扒回家拌麵，$45大約2塊豬扒切成6小件。可惜內身硬且乾，無味道之餘嚼落似柴皮，估計是油炸過久所至！其實初開業時已帶家人去光顧過一次(因他們未幫趁過啊一)，可惜反應一般而我亦覺得它的出品比不上西環店！經此一役，我食啊一米線都喺響佢門口搭多幾個站巴士落西環了！

今日工作比較忙碌，心情又比較鬱悶，放飯要走去阿一食碗酸辣米缐刺激下神經，我就揀左個皇牌套餐。什菌肥牛肉酸辣米缐。肥牛正正常常啦，仲有花生丶鹹酸菜丶雜菌同木耳。料比想像多，米缐好有口感粗粗地，但略嫌湯底晤夠濃，麻辣味再刺激啲就好啦！個餐我揀左紅豆冰。呢杯飲品真係要比個讚👍🏻。啲紅豆煮得啱啱好，唔會太腍但又起沙，可以中和麻辣味道，唔錯唔錯。呢餐盛惠$38，價錢合理，午飯又多一個選擇。下次我會試下主打豬扒米缐。

同事話聽聞好好食，所以新開張一定要試！外賣速度快。叫一碗米線有一款小食跟。叫左個雞絲酸辣米線同炸雲吞。雞絲一D都唔UN，好多酸菜，湯亦係分開上。但係如果個炸雲吞多D醬就仲好。

小弟每次去西環尾都一定會經過嘅阿一酸辣豬扒米線但每次都因為時間太緊迫而仲未有機會食過今日喺屋企附近搵食 治下我個五臟廟行到去後街竟然比我見到有間阿一喺度我第一時間喺諗 喺唔喺咁啱同名渣就諗都唔諗入左去一探究竟點知一入去見到個餐牌 有寫埋卑路乍嘅分店尼間竟然喺真嘅分店叫得阿一酸辣豬扒米線 尼個一定喺佢招牌啦我就叫左個酸辣中辣嘅豬扒米線套餐配埋木耳小食 加錢叫多杯凍柚子蜜落左單唔夠5分鐘 啲野食就尼齊曬碗米線個湯底個酸辣幾盞鬼 辣度尼講唔算辣但令我驚喜嘅竟然仲有麻喺入面中正我果味 酸辣加麻辣喺我最愛豬扒我略嫌骨太大 雖然都多肉但食起上尼有啲麻煩 唔會炸得太老米線爽加滑 配料又足整體尼講碗米線冇得頂單單尼碗米線就值尼個價小食木耳夠辣夠麻 正凍袖子蜜唔會太甜 唔錯尼間開左喺我附近 我絕對會返食強烈大推尼間比鍾意食麻食辣嘅朋友

西營盤站B1出口行3分鐘就到，地點非常方便，其實我本來不喜歡吃太重口味的麻辣，店員介紹可以微辣😍👏🏼👏🏼👏🏼味道很適中，完全符合初次品嚐😋青瓜非常脆，最估唔到麻辣豬肚絲嘅配料咁多，又好好食😍已經立即分享去朋友圈💪🏼我決定過幾日帶埋屋企人來呢度食😋

23/10/2017, 今日第一次食呢間阿一豬扒酸辣米線，聽人講好好食，所以試一試佢。食晏時間，去到門口都已經有人等位了，好彩我一個人，就容易有位搭枱，唔駛等入到去，見到地方都好細，有幾張圓大枱(坐到5 個倒) ，幾張2 人枱，都好迫夾架，要快食快走果隻叫了招牌阿一豬扒酸辣米線 $38 單叫* 黎到好大碗，我食唔晒。豬扒係炸嘅，好簿好好食有成3 槐架，雖然係簿，但又覺得佢簿得黎好正囉，另外加有榨菜粒，好野味，碗米線唔覺有酸味但麻辣一流，叫了少辣都好辣，係好麻果隻，鐘意食麻辣嘅你就一定要試

最多人叫豬扒，不過我怕熱氣，叫左排骨，排骨分量唔少。米線粗身，吸湯。酸菜好食！👍🏻👍🏻👍🏻.而加$8嘅紅豆冰真係好唔掂，用煉奶溝，極度稀但極度甜。紅豆係就係粒粒飽滿，但煮得唔夠熟 ☹️.呢頭譚仔都無間，南記又唔好食，想食辣米線不失為一個選擇

一個人午餐的時候，路過呢一間叫阿一豬扒酸辣米線既食店，姑且入去一試。叫得阿一豬扒，佢地嘅豬扒應該有返咁上下水準，叫咗碗酸辣米線少辣，嚟到見到啲湯多到浸晒啲豬扒，豬扒本身應該ok既可惜浸到“淋晒”，如果少啲湯或者豬扒另上會更好。反而湯底比較普通，唔知喺少辣既關係定湯太外影響咗酸菜味道。另加一杯柚子蜜,又可惜枝飲筒太幼塞住完全吸唔到😞。總括嚟講，如果只係為咗食豬扒都值得一試，或者另外剩叫一份豬扒小食會係更好選擇。