阿一豬扒酸辣米綫

營業中

休息中

由於我地早到餐廳嘅關係，一入去就有得坐，我地揀左店內較入嘅位置，對住部大電視，播緊舊年代嘅香港電影，成件事好似返左60年代！侍應哥哥服務好周到，一坐低就同我介紹店內名物，又會講下其他分店嘅特色，非常健談且好客~食物方面，我嗌左一份至尊套餐：阿一豬扒韭菜餃酸辣米線，配紅豆冰，味道同份量都一流，碗米線勁大碗，相信就算係大食嘅人士都會覺得飽，細食嘅女士們一定食唔曬添.....成碗米線最出色嘅地方係豬扒，新鮮熱辣啱啱炸起，金黃色嘅外脆皮，同酸辣米線超夾！至於杯紅豆冰就正常發揮，似一般連鎖式快餐店嘅水準。價錢方面，$55唔使加一，整體嚟講性價比真係無得輸！

2022年8月11日到呢間米線店第二次光顧，之前試過佢哋嘅主打豬扒雞翼豬肚豬潤都ok正常今次叫兩碗試下其他餸～湯底ok但唔夠熱～魚腩正常ok!～魚崧有少少唔新鮮，咬落去有梅梅哋！～豬潤有五塊，首先食咗最細塊覺得有柴柴哋，五塊入面只有我夾上嚟影相嗰塊大塊小小，其他四塊都係“邊位”及“下難位”豬潤，$50蚊一碗魚腩豬潤米線）我唔介意有下難位，就算岀名嘅漢發豬潤面，有3塊大厚切，2塊下難位都唔介意，今次係1塊大少少，其餘4塊都係薄切下難邊位，講真嗰句如果想要做好豬潤，店主要長期望下或嘗試下品質，如果無質素可改良製作或選擇取消其他餸的岀品！另外當時我已即場同員工講咗以上情況，叫個員工立刻同店主反映情況（當時負責人在水吧中），但樓面點頭後，無立刻去反映，只係繼續呆企等嘢做！當然可能有機會佢係負責人，或收工前先同負責人講咗我唔知，但我d嘢收哂，負責人又點睇到d岀品情況呢？

睇到食評話d豬扒好好食。咁就決定一試！豬扒雞翼餃子薯粉，湯既味道一般，雞翼豬扒炸得唔太乾，餃子味道尚可，d薯粉多到可以兩個人食！酸菜好開胃薯粉彈牙，比起外間食到既粗身，口感好好。魚腩上海麵，魚湯偏淡，份量可以，無特別，普普通通。同上…d麵多到可以分兩碗。炸韭菜餃，皮薄，餡料足，夠熱脆口餡有少少汁，味道合理，不大驚喜。麻香雞絲海蜇，偏甜唔辣少麻香，雞絲鞋口，海蜇算爽，有少少咸菜，花生粒，好特別。以價錢而論，真係抵食夾大件，味道就普通，一試無妨，睇下岩唔岩自己口味。眼見枱枱碗麵/飯都有食淨，如果唔係太大食，可以叫減量，我自問大食，都食淨3份1，真係唔想浪費。

新開張嗰陣見到好多人，冇去試食，今日經過見到 唔多人 ，就入去試下啦。我地兩個人叫咗一碗米線，一個飯。米線係韭菜餃酸辣米線，碗米線好大碗，重有幾件蘿蔔， 韭菜餃好鮮甜，餃子皮亦好滑， 略嫌鹹咗啲，但係好食的。飯係台式肉燥豬扒煎蛋飯， 塊豬扒係好得 👍，好好味，煎蛋個樣就麻麻，肉燥份量都好足夠，唔錯，可以再食。 完

呢間阿一豬扒酸辣米線連鎖店終於進駐入新界了，仲要係粉嶺聯和墟，對我嚟講非常方便就腳，因為之前店子只局限於港島區，而家終於有得食喇酸辣豬扒米線一黎到就梗係要叫吓佢嘅招牌豬扒，配上酸辣米線，一上枱真係俾佢嚇親，大大碗米線，豬扒雖然浸在米線上面，但完全沒有違和感，而且咬落去肉汁鬆化，相當入味酸辣羊肉米線羊肉片好食，唔靭而且我鍾意佢嘅羊臊肉佢哋嘅酸辣米線湯底不屬於濃味嗰種，米線比較粗身，都算爽滑彈牙，好怕食到啲米線煮到過哂火。酸辣腩仔米線相比之下佢嘅腩肉就失色左啲，係譚仔嗰款嘅白灼腩肉鮮蠔仔魚鬆泡飯蠔仔幾鮮加埋魚鬆配上魚湯跟飯，好滿足呀⋯⋯還點了小食麻辣雞絲海蜇酥炸韭菜餃呢個炸物有驚喜，好食整體黎講食物水準唔錯，尤其是豬扒值得再幫襯。

阿一米線終於跳出港島，登陸粉嶺❤️🍜後生老闆好好人，會主動推介酸辣米線同新鮮炸雲吞🥟。我最中意阿一既醃製豬扒🐷，口感鬆軟，未食過一間米線鋪既配菜大件夾抵食，好多都係新鮮，人手整造，好食過連鎖米線鋪。同埋最驚喜係阿一米線粗身得黎又彈牙爽口，湯底既辣油唔係得死辣，食落去帶有麻香！！仲有鮮炸雲吞非常脆口，即口即整，鯪魚肉好足料，皮薄餡靚，又唔覺得油膩，真係食得出每粒雲吞都係逐粒逐粒用人手包出黎🥄最後不得不讚係飲品質素，尤其係阿一既茶底香濃，我隨便叫左一杯檸檬🍋茶都唔馬虎，每一片檸檬都切到好均勻，唔會太厚，同茶味配得岩岩好，所以必叫檸檬茶或者奶茶🥤