閔大人 (啟岸) (已結業)

放工chill一chill‼️屋企附近開左間韓國炸雞啤酒，拿拿聲拉埋老公嘆下先～香港食韓雞，閒閒地都過百，呢間平民價係抵嘅，仲推埋一人套餐，平時想自己單拖Chill下亦可😍一拎起餐牌就睇中啤酒套餐，有雞又有啤酒，人生何求！炸雞可揀有骨或無骨，我就緊係要啖啖肉無骨啦，跟餐就冇其他口味醬嘅選擇，只有原味，炸雞唔錯外脆內軟，一啖雞一啖酒，爽～老公就點左紫菜飯卷配無骨雞，飯卷清清地韓感不足，仲送埋泡菜，跟餐炸雞份量會小D，但都夠食嘅，套餐只配原味雞，如果是散叫就會有不同醬揀：有香辣/酸甜/蒜香/蜂蜜芥末/蜂蜜醬油等，下次再試！仲有燒酒餐，會有其他炸物選擇，留待下次再試！呢個價錢性價比算高，值得一試！

自從紅磡煥然懿居和啟岸入伙後，工業區那邊已經變了美食街， 除了有裝修文青的Coffee shop外，還有各式各樣不同國籍的餐廳。😁😁今日挑選了韓國菜。 啟岸那裏新開了一間叫“閔大人”的韓國炸鷄店，名字大易記，因為大長今太深入民說😂😂 這間炸鷄店雖然不大，但裝修別緻， 整間舖頭牆壁上貼著 BTS的海報,並且電視機播著動聽韓文歌，好有韓Feel，打咭一流！👍👍一看餐牌，價錢優惠，啤酒炸鷄餐都係HK$98（炸鷄有無骨和有骨選擇）, 另外燒酒+小食餐都係HK$78。 還有炸醬面，紫菜卷，年糕……等等，每款都係30幾蚊，超抵。👍👍啤酒炸鷄餐：order了蜂蜜無骨炸鷄，鷄件炸漿並不多，但脆口，鷄件咬落非常juicy，一點也不乾。蜂蜜醬味道調教得很好，加在鷄件上啖啖蜜糖甜，好好食。 而且廚師仲好有心思在蜂蜜汁上加上葵花子和南瓜子，令到食入口也有果仁的香味。啤酒有也有很多選擇，我攞了1664😁燒酒小食餐： 可揀2款小食，我揀選了炸魷魚鬚和蕃薯， 酥脆可口。燒酒也有3款可選擇👍炸醬面： 做得真心不錯，麵底有 咬勁，炸醬味道不錯， 甜甜的，一點都不鹹， 內有洋蔥和肉片（碎肉片），材料豐富，啲汁係可以撈

📍閔大人 (紅磡)👩🏻一向超鐘意食韓式炸雞🍗。啟岸呢間餐廳嘅炸雞餐超抵食，仲有健康好飲嘅沙冰💜❤️。✨紫菜飯卷配無骨雞（原味）$58套餐超抵食！飯卷份量好多，炸雞比起單叫半份嘅細少少。分卷比起平時有更多酸甜嘅蘿蔔，所以特別開胃。無骨雞香脆又多汁，表面仲有啲蔥絲。✨酸甜無骨雞（半份）$48原味無骨有加少少酸甜，對比下鐘意有汁嘅多啲。酸甜汁有啲似中式嘅糖醋汁，不過會稀少少。✨炸杏鮑菇 $28杏鮑菇好多汁，用咗日式天婦羅製法，同台式鹽酥菇完全唔同。✨炸番薯 $28用咗紫色皮嘅日本番薯，所以味道特別甜。✨火龍果沙冰$38口感比起沙冰更似果汁。肯定冇加水，清甜超好飲。

💕閔大人紅磡嘅啟岸越嚟越多餐廳進駐，其中呢間閔大人主打韓式炸雞，親民價$78就食到全份炸雞🍗仲有一人套餐，性價比唔錯炸雞可以揀有骨或無骨，口味都有不少選擇，基本嘅原味、甜辣味之外，蒜香、蜂蜜芥末、蜂蜜醬油都好吸引🔸蜂蜜醬油無骨雞&蒜香炸雞炸雞可以點半份，方便試多啲唔同口味而且幾有水準，外皮薄脆，食落好香口，內裡雞肉嫩滑juicy，加上甜甜哋嘅蜂蜜醬汁好惹味另外蒜香炸雞唔會太重口味，食到淡淡嘅蒜香，灑上松子仁又多一重香味🔸炸醬麵配炸雞翼套餐炸醬嘅味道恰到好處，豬肉煮得入味有口感，食到大醬嘅香味而又唔會過咸，配上青瓜絲感覺更清新☘️雞翼大大隻夠飽滿，炸得酥脆，無須額外醬料都已經好夠味🔸紫菜飯卷配無骨雞套餐性價比頗高，飯卷有濃郁麻油味，飯粒煙煙韌韌，包住青瓜絲、蘿蔔絲同鰻魚，食得出製作用心套餐仲附送泡菜、醃蘿蔔，配上原味無骨雞感覺完滿 🥰值得一讚係店員好親切，一坐低已為我哋送上暖水，非常細心

我嘅朋友一定同我係志同道合， 所以今日我哋兩個一齊去食炸雞飲啤酒，喺紅磡啟岸有一間叫閔大人專食韓式炸雞。無骨雞$78無骨雞有原味、蒜香、香辣、酸甜呢幾款味道選擇，而且唔需要加錢。而選擇蜂蜜芥末或蜂蜜醬油呢兩款口味係需要加十蚊,職員同我哋講蜂蜜芥末無骨雞喺度個鎮店之寶，我哋梗係要試下啦！果然冇介紹錯呀！ 炸醬夠脆，包裏住嫩滑嘅雞肉。 既有芥辣嘅香味又有蜂蜜嘅甜味簡直係停唔到口啊！套餐：啤酒+半份無骨雞啤酒套餐有兩個價錢,選擇飲1664或朝日啤+半份無骨雞$98，飲嘉士伯+半份無骨雞$88我哋選擇咁Asashi加蒜香無骨雞$98,嫩滑雞肉加上啖啖嘅蒜香,令人欲罷不能。啤酒配炸雞係100分嘅組合 。 紫菜飯卷$38 脆脆嘅紫菜入面包住醃蘿蔔、青瓜 、蟹柳、紅蘿蔔,好清新。 食完啲咁重口味嘅炸雞，再食返一個清新嘅飯卷，簡直無敵。 韓式年糕$38年糕軟糯配上辣汁，煙煙韌韌咁真係好好食呀 ！一邊飲住清涼嘅啤酒配搭脆卜卜嘅炸雞， 一邊同朋友吹水，真係人生一大樂事呀！

今晚黎左係紅磡啟岸新開業的韓式小店，「閔大人」呢個名真係好易記😝就連老公無睇過大長今都識🫣無骨炸雞炸雞有得揀有骨無骨，口味都有不少選擇，今次食原味，個人幾鐘意，每件炸雞都唔算太大件，一口食哂夠方便。蒜香雞翼半份都有5大隻，雞翼幾入味，灑上芝麻更吸引紫菜包飯一向鐘意食Kimbap，仲附送泡菜炸醬麵都唔錯芒果沙冰必點，勁好飲，用台灣芒果🥭飲落係水果甜完全無假甜味，仲有果香，真材實料西瓜沙冰8424西瓜🍉清甜涼快餐枱有齊手套，搓手液同紙巾，企理方便

閔大人👻啟岸附近既步行街愈黎愈多鋪帶旺咗依一帶人流都多咗依間新開既韓式炸雞店堂食座位都幾寬敞外賣一樣都好方便仲有啲麵類同小食添下次可以再試試佢🥰.🔅原味有骨雞(半份) HKD 78有骨雞揀咗最傳統既原味可以食到純粹炸雞既味道啲雞肉都幾嫩滑夠Juicy唔會炸到乾哂咁😆🔅蜂蜜醬油無骨雞(全份) HKD 78無骨雞就貪佢夠方便啖啖肉又唔使去骨蜂蜜醬油甜甜地同炸雞都算幾夾🔅蒜香雞翼(全份) HKD 88雞翼又幾有驚喜大大隻夠飽滿炸得酥脆無得彈蒜香係比較濃味既配搭炸完熱辣辣新鮮食very good😋🔅紅肉火龍果沙冰🔅韓國網紋瓜沙冰佢地仲有鮮果沙冰用新鮮水果去整夠哂健康又消暑飲到生果既甜味就好滿足.整體黎講:韓式炸雞 新鮮出爐😚.🎈 閔大人 (紅磡)紅磡馬頭圍道63號啟岸地下24-25號舖

#炸雞 #韓國闊別N年，好耐無感受過係韓國食炸雞🍗飲啤酒既感覺🥹住開附近見到新開張餐廳，心郁郁就入左去試吓🫣咁啱係第一日開業，我哋真lucky試到頭啖雞😂#半份有骨炸雞 $78 揀左蜂蜜醬油味，好有誠意係每舊雞都平均食到個醬，唔係就咁淋上去或者俾兜醬自己點🫢啲雞好滑熱辣辣，仲送左碟酸蘿蔔，好有feel🤣仲嗌左5隻 #原味雞翼 其實有幾隻唔同味道揀，雞翼都好嫩滑，不過原味有啲dry，早知就嗌個不同口味啦🤣 #唔減肥時都食得好重口味 最正係配埋杯沙冰，#火龍果 + #韓國柿 特別限定，2杯都係真材實料，飲得出係原隻生果榨出嚟，甜度都啱啱好，十分推😝可惜新開第一日，靜係得炸雞🍗遲啲試埋其他炸物同主食，而家價錢唔貴，期待😚