影片
電話號碼
23368030
營業時間
今日營業
07:30 - 21:30
星期一至日
07:30 - 21:30
公眾假期
07:30 - 21:30
公眾假期前夕
07:30 - 21:30
以上資料只供參考, 請與餐廳確認詳情
優惠
星期日同朋友本身食隔離間永年，因為太多人就轉咗去錦麗，結果嬲到朋友爆炸。開頭大家都滿心歡喜諗住食個下午茶，點知。。。佢下茶選擇係多，但係價錢完全唔係路，係平時正餐價錢咁濟，但份量又係下午茶份量，朋友直頭唔夠飽到要叫佢正常價錢嘅牛舌飯食點知仲失望😩 70幾蚊一碗飯先唔講味道咁主觀嘅嘢，但份量一樣係同下午茶咁少，大佬呀你收呢個價錢，但係份量你又係比下午茶嘅份量，呢間嘢真係可一不可再，味道又唔係特別出眾，份量又極少，下次真係寧願去隔離排隊好過
繼續閱讀
黎到大埔行完街之後搵地方食dinner, 行雨行下見到呢間排左陣就有得入去食了. 睇完個menu 之後決定食雞脾煎蛋飯.有部分野飲要加錢, 罐裝汽水就唔駛所以點罐裝汽水.雞脾煎蛋飯, 份量比較少之餘雞脾係細隻... 有D失望... 雞脾味道同口感正常, 沒特別之處...煎蛋就係普通質素亦都係沒特別之處... 飯都叫熱熱地唔算凍呢個餐要76蚊... 普通晚餐價錢 不過呢個份量真係唔會值... 雞脾同快餐店質素一樣而且太細隻了...總結...入到黎大埔行完搵野食都唔會再選擇呢間了...感覺唔值...
繼續閱讀
平時好少會去到大埔這麼遠的地方，所以都沒什麼心水餐廳。不過在大埔超級城都有不少餐廳可以選擇，在下午茶時段都有些價錢不太貴的選擇。錦麗 是一間吃越南菜的餐廳。下午茶的話大約HKD 40 起就有，包了飲品和小食。魚丸扎肉雞湯金邊粉 (HKD 48) 明顯份量會比較少一點。湯底都夠香濃，魚丸彈牙但味道比較淡。扎肉相對較惹味，但薄身。錦麗生熟牛肉粉 (HKD 56) 生牛肉夠滑嫩，熟牛肉其實就是牛腩吧，吃落普通一點。套餐包了小食，紫薯春卷 & 家鄉魚餅。說是春卷，其實就是炸了的紫薯吧。魚餅的話頗辣。飲品方面，清甜的甘蔗汁和香濃美祿都不需要另外加錢。
繼續閱讀
天氣太熱，唔想食飯，突然諗起好耐冇食越南嘢，就去錦麗🏃🏿♂️越南生牛肉湯河是越南最著名的一道美食，幾乎每次去親都食生牛肉湯河🙆🏼♀，平時食親河粉，我都一定唔會飲湯因為基本上都好多味精，而且飲完好口渴，但錦麗個湯底最正，對味精好敏感嘅我，佢絕對冇味精👍🏻👍🏻👍🏻叫咗個set，另外追加左春卷及牛油雞鎚，牛油雞鎚，如果有雞翼揀就更好😅，春卷不過不失，明顯係即刻整，熱辣辣同卜卜脆，抵讚👍🏻👍🏻另外見到有新嘢試咗個扎肉法包😉雖然要等20分鐘，但真係即刻整，幾特別，又幾好味👍🏻👍🏻還有自家製薏米水，佢唔太甜，又足料，因為唔係到到都有得飲，所以次次都叫😜😜另外仲有鹹檸七梳打，檸檬新鮮，透心涼😎😎
繼續閱讀
2月頭嘅星期日，當日去咗大埔超級城搵餐廳食晚飯，食飯時間，間間都係要等位，見呢度少啲人等就排呢間，等咗15分鐘內就有位。呢度主要食越南粉麵，咖哩飯，比較小主食，小菜散叫。我哋叫了一個2人餐，再叫多了兩個菜，保持身體健康。咖啡好惹味，唔辣，飯分量好大，小食拼盤係2人餐包埋嘅，多炸物，有啲熱氣，餐仲跟兩杯餐菜。牛肉河，都正路嘢，菜係菜心，都夠綠同埋嫰。呢間係連鎖餐廳，食物水準可以，想食越南菜時，可以幫襯。
繼續閱讀
您可能會有興趣的...